|
للعقلاء فقط .. لن يحقق الهلال الدوري مع دونيس لن استغل مشاعر الجماهير بعد الخساره وحاله الغضب المتوقعة بعد المباراة لامكانية عودة الفريق وضعه الطبيعي في اي لحظة .. لكن لنكن واضحين مع انفسنا نخسر من الاهلي في الرياض ومن الاتحاد المتخبط بالاربعة قبل قدوم بايتوركا وتنتصر على النصر المتهالك بصعوبة مع الداهية كانافارو والانتصار على القادسيه والرائد والفيصلي بصعوبة بالغة واخيرا التعادل مع الفتح والخساره من التعاون !! بذمتكم هذا فريق سيحقق الدوري ! رغم الاستقرار الفني الذي يعيشه المدرب مع النادي لن نغفل بمجرد تحقيق بطولتين سوبر وملك امام صغير الرياض عن الاخطاء فقناعة دونيس آثبتت فشلها امام الاندية الكبيرة وتطورت حتى الصغيرة وشكرا لادواردو .. بعد الله لجعل الهلال ينافس على الدوري باهدافه الحاسمة.. ويجب ان تكون هناك وقفة من الاداره في وجه العاجز دونيس والبحث عن مدرب واجانب من الان للموسم القادم .. |
هذا الكلام الصح بس نحتاج لقرار شجاع لعودة الفريق لوضعه ولا اتوقع ان تتخذه الاداره |
شخصياً .. مارجيت من هالسباك بطولة عليها القيمة إلا كان من نوعية الجحفلة وبالحظ |
أتوقع والعلم عند الله فيه شيء بيصير بتسويه الإدارة .. |
مع هالمدرب موسم للنسيان ، مع أن الفريق يملك أقوى مجموعة كرويه في دوري جميل ، ولكن التخبط والإرتجاليه لن تجذب بطوله ! |
لسا مع دونيس ماشفتم شي المباريات القادمه اذا استمر على هذي التشكيله بننجلط |
قلنا لهم ما ينفع قالو انه جاب بطولتين من قدام فريق متهالك تخلى عنه الدفع الرفاعي لكن ما نقول الاالله يفرجها ويتعثر الاهلي والاتحاد في مبارياته الجايه بالتوفيق للهلال ان شاء الله |
لا تنسون ناصر الشمراني يلعب وكانة مجبور على اللعب كذلك كرير شايب اي دزة يختل توازنة كذلك الشلهوب كان لاعب كبير ولكن في مثل هذه المباريات لا يستطيع يعمل شئ فرق تلعب بقوة وبفارق جسماني كبير لا ينفع معها الشلهوب . |
ما راح يضيعنا الا انتم .. هجوم عنيف على دونيس مع انه و اداوردو هم اللي شايلين الهلال . وتطبيل لاشخاص اخرين ما قدموا شيء .. ناسين كيف مستوى الهلال قبل دونيس ؟ عبدالرحمن بن مساعد نكب الهلال وراح ، لولا الله ثم دونيس و اداوردو كان الان نعاني .. معقوله فريقنا ما فيه قلوب دفاع مميزين محليين ع عكس الانديه الاخرى ومظطرين للاستعانه باجنبيين في هالخانه بدل ما نستفيد من الاجانب في مراكز اخرى ! معقوله ما فيه محور دفاعي مميز محلي مع ان الانديه الثانيه عندها غالب و الجبرين و باخشوين الخ .. معقوله جناح مميز واحد ما عندك محلي .. في عهد ابن مساعد الانديه تخطف اللاعبين السعوديين المميزين حتى من الهلال والان وصلنا مرحلة اذا الاجنبي مو في يومه محد يعمل الفارق لا نواف و لا سالم و لا غيره واخرتها يلام دونيس ، ترى حالكدبيكون مثل حال النصر بدون دونيس .. |
المدرب والكوري والميدا وديقاو وفهد المفرج لازم يتغيرو اذا تبغون اسيا اما الدوري وولي العهد اغسلو ايديكم منها مع هذا المدرب الجبان تشوفون يوم الجمعه يلعب بسته مدافعين |
من يقدر يصدر القرار الصح انتم مقبلين على مباريات كسر عظام الهلال لم يعد يخوف احد ضعيف في الدفاع والوسط والتكتيك الفني.والدليل مبارة الفتح والتعاون. |
دونيس خبص بالفريق بعدماكان اداءه ممتع كل مباراه لها تشكيله تختلف رفع ضغطنا اخر فرصه للمدرب امام الاهلي على النهائي نواف بن سعد لازم تشوفون المدرب يلعب على كيفه بالفريق ويخبص كل شوي بتشكيله يكفي عبث ااااااااااااااااااه ياسااااااااااااااااااااامي |
السلام عليكم ورحمة الله وبركاته تخبطات المدرب واضحه للعيان ، ولكل من يعرف للكوره اصراره على خطة واحد في بدايه كل مباراه ،، ويفشل ، ويعيد تغيرها في الشوط الثاني بعد ان يسجل فينا اهداف ويتم تعديل النتيجه في اكثر المباريات ،، لكن مو كل مره تسلم الجره وهذا ما حدث امام الاتحاد والاهلي والفتح والتعاون لكن ،، اصرار المدرب على خطه واحده اصبحت مكشوفه ،، للمشجع العادي فمابالك بمدربي الفرق المنافسه التي وضعت تكتيكاتها المانسبه ، وتغلبت على خطة دونس والكل ، كشف نقاط ضعف هذه الخطه ،،،، ماعدى دونس نفسه لم يكتشفها لذلك ،، تراه يعيد ويلعب بنفس الخطه العقيمه في كل مياراة دونس ،،، مدرب اقل من عادي واللاعبين هم من وصل بالهلال للصدارة ،، وبالتحديد ،، ادواردو باهدافه الحاسمه هي من ابقت الهلال في الصداره ،، بالاضافه الى ،، تعادلات الاهلي ،، الفريق العادي جداً فريقنا ،، يحتاج الى مدرب يعرف قرائة الخصم ،،، ووضع الخطة المناسبه ، والتشكيله المناسبه امس في مباراة التعاون ،، لعب الشوط الاول ،، بوسط ضعيف جداً ، يفتقر الى صناعة اللعب سالم الدوسري ،، وسلمان الفرج ،، كانوا سيئين جداً والمدرب ابقاهم ، لنهاية المباراة حتى تغييره ، للزوري ،، الافضل ،، وتحويل سلمان الى ضهير ،، لهو دليل على هبالة المدرب كان بالامكان ،، اخراج سلمان الفرج ،، والابقاء على الزوري لكن ،،، مدرب ،، اقل ما يقال عنه ،،، انه ،، بليد جداً وعندي احساس ،، اذا خسرنا نهائي ولي العهد ،، لاقدر الله سوف ترون ،، انهيار للفريق بعد المباراة ،، لكن ،، اتمنى الفوز ، ولو بدون مسنوى ،، لكي تخفف من الضغط النفسي على اللاعبين وتعطيهم شيء من الحماس والثقه ، لتقديم افضل ما لديهم في ما تبقى من مباريات الدوري مع خالص تحياتي ،، وامنياتي للزعيم بالتوفيق |
.. الهلال سيحقق الدوري مع دونيس أو بدون دونيس , شرط أن يستشعر اللاعبين الشعار اللي لابسينه , غير ذلك لو تجيب غواديولا ماراح يجيب الدوري .. .. استعشار اللاعبين للشعار و تحمل المسوؤلية هو طريقنا للفوز بالدوري وكأس ولي العهد .. .. بالتوفيق للهلال في قادم المناسبات .. .. دمتم بعافية .. |
| الوقت المعتمد في المنتدى بتوقيت جرينتش +3.
الوقت الان » 12:33 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd