|
التعاون اهم من الاهلي بكثيرررر السلام عليكم يا اخوان للاسف اشوف في منتدى وتويتر والاستقرام الجميع يتكلم على النهائي ولي العهد ونسى هناك مباراه مع فريق صعب جدا واحرج اغلب الانديه الكبيره وهو التعاون امل احترام الخصم وتحفيز اللاعبين ارجوكم الدوري اهم ياليت نعطي الموضوع حقه ونحترم التعاون ونستعد له وشكرا |
والله يوفق زعيمنا انا خايف من تشكيله دونيس دايم الشوط الاول يخبص |
للامانه نحن بمنعطف صعب اما نفوز ع التعاون والاهلي ترتاح اعصابنا او يحدث العكس وتتدهور الاحوال نقول يارب تسهل المباراتين وتكون نصيبنا للاسف نحن صعبناها علينا مباراة الاتحاد والفتح اخاف نعض اصابع الندم اسهل 6 نقاط ضاعت |
وعليكم السلام انا واثق في الهلال بأذن الله راح يتجاوز التعاون وان شاءالله جماهير الزعيم في القصيم كما عودتنا بدعمها القوي وتعلم مدى أهمية المباراه وبتشوف ان شاءالله كيف مدرج الأزرق والابيض يهز الملعب . للأسف الحمل كله الان ع الاداره والمدرب والاعبين وهم قدها بأذن الله الهلال وعشاقه(ليس فقط من يكتب بلمنتدى او وسائل التواصل الجماعي ) لا تقس عليهم هؤلاء قليل نسبه الى جمهور الزعيم وهم بين عاشق هلالي عقلاني وفاهم ومتابع صوته مقنع ومسموع ويعلم أهمية كل مرحله ويطرح مايفيد مصلحة الهلال واحد عن عشره تأكد طرحه يصل ونحس فيه والحمدالله كثر وكثير يتابعونهم وهم لا يكتبون، هؤلاء مع الاداره والمدرب والاعبين (الكيان الهلالي ) هم الي عليهم الرهان. وهم دائماً طوال تاريخ الهلال من اهم أسباب فرح البقيه القليله الي مابين خواف ومشكك ومتحلطم ومابين غير متابع يسمعهم يقولون ويعرف النتيجه من او خاياه ومن سجل وباالله كيف المستوى فمابالك يتابع بقية المنافسين ويطرح راي فني ومابين عاشق في طريقه لنضوج ومابين ضايع بين وجهات النضر فرأي يوديه ورأي يجيبه ومابين متشنج عاطفي يكتب مشاعره مباراه مباراه او متعصب لنفسه ورايه او لاعب اكثر من الهلال فعند الإبداع يخفت صوته ويكون مستوى الحلطمه ع خفيف وقد يستشهد بربع لعبه او تغيير ياخذ جزء من الصوره والا هو صح مافيها نقاش لا تناقشه بيرجع ينتقد المدرب والاداره وبعض الاعبين هؤلاء موجودين هم من جمهور الهلال وع العين والراس ولن يختفو طبيعي (الرهان ع الي قبل النقطه) و من اهم أسباب احباط المندسين والكآبه باستمرار افراح الهلاليين وبطولات الهلال يختلفون فيما بينهم ويتفقون ع الهلال ومن اجل الهلال فلأسماء بالنسبه لهم (س) من الناس. طمن قلبك وانضر الي نصف الكوب الممتلىء . وبتوفيق ان شاءالله لعملاق اسيا الزعيم الملكي. |
الله يخارجنا منها ،، والله انها شايلة همي مباراة التعاون |
طبعا مافي مندس بيدخل للموضوع ويأيدك جميعهم يريدون تخدير الهلال |
اذا سيطر الهلال على النص راح نفوز على التعاون بالراحه اهم شئ صانع لعبهم السوري تحركاته ذكيه عندما يستحوذ ع الكره يجب مضايقته والانتباه سوف يرسل الكره للاعب الغير مراقب لاعب مفتح زين ....والدخول برجوله مع الرويلي لانه لايستطبع الالتحام بنيته ضعيفه |
التفكير في المباراة التي امامك فقط... |
مباراة الاهلي ماراح نفكر فيها الآن ، لأن التعاون فريق لا يستهان به والفوز عليه وتوسيع الفارق من النقاط مع المنافس الأهلي أمر هام وإن شاء الله يفوز النصر على الأهلي أو يتعادلون على الأقل ونتقدم أكثر يكفي ضياع لنقاط سهله مثل مباراة الفتح رغم صعوبة الفتح الهمة الهمة ياهلالنا ومن الشوط الأول ، يكفينا استعراض ومهارات وفي النهاية تعادل وضياع فرص |
كل المباراتين مهمه وبإذن الله الفريق قادر على تجاوزها كلها |
من متى نخاف من التعاون مهما كان مستواه ؟ الهلال لن يهزمه التعاون او الاهلي الا بمساعدة بعض الجمهور المخذل والمتحطم والذي يريد تغيير المدرب او استبعاد اللاعب الفلاني او غيره. عزيزي الهلالي ... فريقك الافضل والاكمل والاقوى وان كان عندك خلل في لاعب او تشكيلة فالاخرين لديهم ايضا مشاكلهم الاكبر مما عندك لكنهم يقومون باخفاءها واظهار ماعندك انت من عيوب والتركيز عليها لجعلك تفقد الثقه بفريقك او اقل شي لاتشجعه بقوه ولاتتحمس له وتظل تنتظر هزيمته لكي تقول ... ما قلت لكم المدرب غلطان واللاعب غلطان. |
ان شاء الله بكره يفوز الزعيم و الفقر مثل ما تعرفون الفوز على الطحالب بطولة للفقر |
الله يوفق هلالنا يارب جهاد جهاد ياجماعه مو سهل |
تذكيرك في محله وتحذيرك عين العقل يجب أن يأخذ الهلال الأمورخطوة خطوة التعاون مكثف إستعداده لهذه المباراة بشكل كبير فتحقيق نتيجة إيجابية أمام الهلال مكاسبها كبيرة جدا ولاننس أن الفتح حقق بطولة الدوري وتأكد من ضمانها بعد أن فازعلى الهلال ذهابا وإيابا في ذلك الموسم تعثرالهلال أمام التعاون يجعله يعيش تحت الضغوط فالأهلي قد يأخذ منه الصدارة والإتحاد قد يقلص الفارق لنقطتين فقط لقد حذرت في هذا الملتقى من الفتح وقلت أنه سوف يستميت أمام الهلال وللأسف لاحس ولاخبرلدى دونيس الذي لايزال يكرس فلسفته ويستمرفي قناعاته وها أنا أحذرمن مباراة التعاون في مساء الغد فحافزفوزهم على الهلال كبيرومهم وبعد هذه المباراة يكون قد مضى قرابة ثلثي الدوري وتبقى الثلث الأخيروالتعويض صعب |
بلا شك التعاون فريق قوي جدا ولكن أيضا الهلال أقوى الفرق السعودية أما الفوز والخسارة فهذا في علم الغيب وقد تكون هناك حيثيات صغيرة تتسبب بالفوز أو الخسارة لا قدر الله ومع هذا كله اتمنى ان نفوز بكأس ولي العهد والدوري أيضا |
| الوقت المعتمد في المنتدى بتوقيت جرينتش +3.
الوقت الان » 02:53 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd