صدارة ياهلال صداره

هذا الهلال وهذه روحه اللي كنا نتمنى ان نراها امام الفتح هلال امس كان مختلفا للامانه فالفرج لم يعد يخطي اخطاءه البدائيه ..
فريق لعب كرة قدم ممتعه لولا مشيئة الله ثم العارضه والا كانت تاريخيه ياشمري تاريخيه ..
مباراة لعبها دونيس صح ومن البدايه ليس كالمباريات السابقه بالبدايه خطا ثم التصحيح الشوط الثاني ..
لاعبوا الهلال امتعونا والحمدلله ان لدينا هؤلاء النجوم والحمدلله على نعمة الهلال ....
فريق يلعب 90 دقيقه على باب واحد ومباراة مثيره من جانب الهلال ... لقد ادخل الرعب بنفوس منافسيه ..

اعلام معادي كره الهلال وتكلم عنه حتى ان جمهور بعض الانديه من لعبوا عليهم كان يردد بداية الموسم
ان دونيس لن يكمل 4 جولات وكنت اراهن الغالبيه ان مدربهم لن يستمر وفعلا تم اقالة اثنين من مدربيهم في 16 جولة والسبب .......... جحفلي ..........


جحفلي
جحفلي
جحفلي
انه اسم لماركة تم اعتمادها رسميا مع انطلاقة صافرة النهاية لمباراة نهائي كاس الملك الذي توج به الزعيم .. ماركة اشتهرت عربيا وربما عالميا ... كثرت بشكل ملفت للانتباه الجحفله هذا الموسم ...
جحفلي
سبب ازمة كبيره في انديه كثيره وتسبب بمشاكل بينهم والسبب هدف غير مجرى بطوله انه جحفلي ياساده ..

شكرا من اعماق كل هلالي لجحفلي الذي اعاد البعض لوضعهم الطبيعي ...

// تصويبات //
1/ الهلال متصدر وباذن الله سيستمر بالصدارة للنهاية فهو متمرس على البطولات .
2/ التحرش بالزعيم ولو بالاشاره يعرضك للمشاكل فكلنا نتذكر التصريح ( اتمنى مقابلة الهلال بالنهائي ) والنهاية جحفلي ...
3/ احب واعشق اللون الازرق منذ الصغر ولن اتنازل عنه لو باسواء مستوياته .....
الهلال زعيما وملكيا رغما عن انوف الكل وليتذكر الجميع بان هذا هو الهلال من لم يعرفه عليه ان يرجع للتاريخ ...

سالوا التاريخ قالوا له : هل تعرف الهلال ؟
قال : وهل يخفى القمر ..

دمتم بود ايها الزعماء شكرا من الاعماق لكم

فعلا الهلال يسير إلى الآن بشكل جيد ويقدم مستويات مقنعه قد نتفق أو نختلف على مشاركة لاعب أو تغييره ولكن المدرب أقرب والإدارة اعرف بما يفعله المدرب .
نحتاج الوقوف مع الفريق ودعم الإدارة والمدرب واللاعبين وطرح وجهات نظرنا بشكل جيد

الله يعطيك العافية وبالتوفيق للهلال

الحين بيطلع لك كم زبالة وبيكتبون ضدك

وبيجيبون كم واحد ومنهم بنت تعززلهم ضدك

لانك بكل بساطه تدعم ناديك بقول "الحق"

وحنا دائما نقول لهم "جحفلي مربي الفقر يسلم عليكم"

اللي ينتقد الهلال الحالي ودونيس هذا لا يفقه في كرة القدم سوا (الطقطقة والنرفزة)

كل همهم بعد المباراة نبي نطقطق على فلان وفريق فلان

دونيس من افضل المدربين اللي شاهدتهم بعد قيريتس وكوزمين

عدد الخسائر التي في سجله مقارنة بعدد الانتصارات استحي اقولها

مدرب كبير بحق

يجيب لك المباراة بأي طريقة..ولولا هدف ابو سبعان ودلاخة السديري في ذيك المباراة كان الهلال لحق الإتحاد واحرجه على ارضه وبين جمهوره

ولولا خطأ عبدالعزيز الدوسري اللي صلح الهدف للمقهوي كان الهلال على اقل تقدير تعادل


كيف تبي تقنعني ان المدرب مو كفو وهو الحظ الوحيد فقط اللي قدر يوقف أمام هجومه..الدليل مباراة الفتح كم فرصة ضاعت بسبب سوء الحظ

مباراة الرائد كم فرصة ضاعت في العارضة والقائم

ماودنا نطول

لكن أجزم ان اللي ينتقد المدرب في الوضع الحالي هو مع احترامي الشديد ما يدري عن نعريف كلمة ( مشجع )

اهم شي نعدي التعاون تصدقون انها عندي اهم مباراه في مسيره الدوري
بعد مباراتنا مع الاهلي بالدوري التعاون قوي جدا واقوى من النصر والاتحاد حاليا

كتبت ف اصبت اخي كاتب الموضوع
الفريق يحتاج الى الدعم الكبير وخلي قناعاتكم اللي لا تودي ولا تجيب وادعم الفريق
جرب مره وحده تدعم الفريق لموسم واحد بدون تجريح او اساءه او انتقاد غير عقلاني


الكل يحتاج الى دعم من اصغر لاعب الى اكبرهم ومن دونيس الى اخر رجل بالجهاز الفني
من وجه السعد الى اخر رجل بالنادي

والله ماهي صعبه انك تدعم شي بسيط يا تحضر بالمدرجات وتساند ياتقول احنا معاكم ع المره قبل الحلوه

شكرًا لك يازعيم ع موضوعك

نعم ندعم الهلال فلوقت وقت حصاد وليس وقت حلطمه وضغط وتصيد اخطاء
لن نشتت تركيز فريقنا والضغوط موجوده في المنافسه ولن نزيدها ونكون
سلبيين نحن عشاق الهلال الان نعلم جيدا انه وقت دعم اكثر وليس وقت ثرثره
غير مجديه وهبال فقط فلموسم لم ينتهي وفترات التسجيل اغلقت وراح نشيل
مباريات وان شاءالله نخلي الاعب يلعب من قلب بهدير امواج الأزرق حتى اخر
دقيقه لن نكتفي بجحفلي واحد بل سنزرع تلك الروح والحماس في الجميع
نحن عشاق الهلال فريق واحد تجدنا بين الاعبين والاداره والمدرب لا ننضر
من بعيد نحن جزء من هذه الصوره الهلال الجميله رسمناها وان شاءالله
يزداد جماله هكذا نحن مع الهلال( هلاليين وشربو من ماء البحر ان استطعتم)
(اذا لم ترونا في المنتدى فعلمو اننا مشغولون بلهلال هناك فلوقت وقت مدرج الموج الأزرق )