|
إقتباس:
عشان كذا طلب ادواردو ووظفه بالشكل السليم اللي يخدم خطته والنقص اللي بالفريق ياحبيبي مهما اللاعب كان فنان ومهاري اذا ما اتوظف بالشكل السليم ينحرق كرته مثال قريب جداً منك تياقو نيفيز كان مبدع بالهلال وبدع اكثر في فلامينجو وفلومنيزي بالدوري البرازيلي واصبح مطلب ملح من البرازليين لضمه للمنتخب وضم للمنتخب النتيجه انحرق كرته ليش عشان ما وظفه المدرب كويس لعب بنيفيز لاعب طرف !!! الخلاصه المدرب المحنك يعرف نقاط ضعف الفريق يحسن اختيار اللاعب يعرف يوظف اللاعب ويستفيد منه ياحبكم بس لاجحاف عمل الناس |
إقتباس:
اللي فاهمينها غلط هذا اولا ثانيا لما تجي تنتقد انتقد بشي عقلاني مو مجرد اني ابغا اتكلم ويدي تحكني لازم اتكلم ترا الصمت احياناً تعبير عن الراي اذا كان الكلام من فضه فالسكوت من ذهب . بعلق ع جزئيات من كلامك انت اشرت ان الهلال اتحسن كثيرر مع دونيس من السنوات اللي راحت طيب هذا مايدل انه فيه عمل فني كبير قاعد يقوم فيه دونيس ويجب ان ياخذ فرصته ليستمر التحسن من افضل لافضل ؟ طيب ... انت استشهدت بمباراة الفتح والرائد انت اولا شفت المباراتين ؟ اذا شفتهم شفت كيف لعب الهلال ضاغط من بدايه المباراه الى نهايتها ؟ شفت احصائية عدد الهجمات والتمريرات والفرص الحقيقيه للتسجيل في مباراة الفتح ؟ شفت اهداف الفتح كيف جات ؟ شفت الضغط الرهيب والمتواصل واللياقه العاليه من بدايه اول ثانيه الى اخر ثانيه بمباراة الرائد ؟ شفت ركلات الجزاء اللي مانحسبت للهلال ؟ شفت احصائيات اكثر فريق صناعه للفرص واهدار الفرص ؟ شفت احصائيات مدافعين الهلال اللي هم الان اجنحه كم صنعو وكم سجلو بجميع المسابقات ؟ شفت ترتيب الهلال فين وكم عدد اهدافه والاهداف اللي استقبلها شباكه ؟ اخر سؤال فين الكوارث الفنيه اللي يقوم فيها دونيس ؟ بس ياريت ياغالي لما تجاوبني تحضر لي ارقام واحصائيات وشكرا لك |
لاتنسو ان منتدى الهلال ملئ بالمدسوسين يعني مو كل من انتقد او رد يكون هلالي الفقراويه مسجلين في منتدى الزعيم ويدخلونه اكثر من دخولهم منتدى النصر .....اي واحد ينتقد ويشتم ويكيل في الشتائم للمدرب او اى لاعب هلالي انا اجزم انه مو هلالي ..نعم المدرب ممتاز ورائع واخلاقه وتعامله وهدوئه مره رائع لكن عنده اخطاءوالاخطاء لها حلول.......... وما اعتقد يخفى عليكم حقد جماهير الانديه الاخرى وخصوصا جيراننا وكرههم للزعيم واستقرار الزعيم اللهم يارب العالمين وفق الزعيم الملكي ووفق رئسه ومدربه ولاعبيه وجماهيره |
إقتباس:
درب اندية عالمية او عشانه حقق بطولتين معنا صار محنك وخبير ؟ تقول وظف ادواردو هل وظف الميدا بما انك تقول ان دونيس محنك وخبير وش وضعه مع الميدا كم مباراة لعب الميدا وكم هدف وضربة جزاء ضاعت منه ياخي انت مايجي عندك احساس انه انه يجامل الميدا على الارقام اللي عندك الزوري الظاهر اكثر منه اهدااف التطبيل الزايد مامنه فائده سلمان الفرج ياخي دمره دمر بمركزه وغلطاته كثيره وين المدرب سعود كريري قلب دفاع الحركات هذي مايسويها مدرب خبير والمحنك تقدر مدرب جيد افضل من سابقه ارقامه جيده ولكن عنده اخطاء لازم يعدلها ويترك بعض القناعات وعشان يثبت لنا انه داهيه يحقق بطولات كثيره والمشكلة حتى الان ماحقق بطولات كثيره شغل الترفيع ماينفع مالم يحقق بطولاات عليها القيمه خله يحقق لنا الدوري وكاس ولي العهد راح اطبل لدونيس بالليل والنهار |
إقتباس:
ولكن كلامك غريب حتى الان ماحقق بطولة كبيره وقوية مثل الدوري او اسيا ياخي ليش اسكت من حقي اعبر عن وجهة نظري سواء كانت صح او خطا انت مخطئ بكلامك بخصوص المدرب وانه خبير ومحنك وذكرت لك الاخطاء الغريبه اللي يسويها مع الميدا والفرج وسلمان نسيت عزوز واصراره عليه كلامك فيه مغالطات بالرد هذا واللي قبله بخصوص المدرب ايضا يا اخي ما اعتقد فيه احد له الحق يقول لك او لي او لاي مشجع هلالي اسكت نعم كنا مسيطرين ع الرائد والفتح ولكن للمدرب اخطاء وقناعات خاطئه راح تكرر مستقبلا امام الفرق القوية ياخوي لو نكون اقوى دفاع وافضل هجوم وبدون هزيمه اذا ما اخذنا الدوري الارقام لاتقدم ولا تأخر النقطه الاخيره اللي ابي اتكلمها انت تنتقدني ياخوي والحقيقه اتقبلها برحابة صدر لانه نقاش رياضي ومستحيل احد منا يكون 100 صحيح الكمال لله سبحانه وتعالى ولكن ياليت ياخوي فهمت صاحب الموضوع ما يستهتر ولا يقلل من جماهير الهلال من حقهم يتكلمون ولا احد يقدر لهم اسكتو انتم ماتعرفون كوره وحدكم بلاستشين ومن الكلام هذا ياخي انا متاكد انك تجلس مع هلاليين كثار لهم نفس توجهات الاعضاء هل تستطيع ان تشكك بميولهم او تقول لهم انتم ماتفهمون بالكوره وحدكم بلاستشين ؟ المعذره اخوي ع الاطاله |
إقتباس:
نعم وظف ادواردو بشكل ممتاز ووظف الميدا بشكل ممتاز هذا مو كلامي انا بس كلام كل المحللين الفنيين مثل الشنيف ونشات اكرم ووووو ، ان الميدا جالس يقوم بـ ادوار جالس تخدم الفريق يفتحلك دفاعات الفرق الثانيه ماحد قادر يمكسه بتحركاته ويفتح مجال لـ ادواردو والقادمين من الخلف وبعدين يعني لازم نطلع المدرب مايفهم عشان ما حط التشكيله اللي نبغاها مصيبه ذي تقول دونيس ماحقق بطولات !!!! حقق اغلى كاس بنهاية موسمه وبداها ببطوله والحين متصدر الدوري وواصل نهائي ولي العهد وواصل دور الثمانيه بالكاس ماخسر غير بطولة وحده هي ابطال اسيا نعم كان اخطاء فيها لكن بعد اللاعبين اخطأو فيها كان الى اخر دقيقه متاهلين وخططا دفاعي حرمنا التاهل تقولي مشكلته انه ماحقق بطولات كثيره ، مشكلتك انك ماتدري انه منافس ع كل شي للان والموسم ما انتهى الفرج بالعكس مبدع المركز اللي فيه بشهاده الفنيين لكن سلمان هو اللي جابه لنفسه بكثرة فلسفته بالكوره تقولي دمره ! كيف دمره دونيس قال لسلمان سحب عند الباب !!! وغير كذا سلمان بنفسه قال انا احب هالمركز كثير كل الفنيين يقولون انه ممتاز وانتو عشان عندكم قناعات لازم تجبرونه انه يمشي عليها ولا مايفهم |
إقتباس:
ياخي الدوري لسه مانتهى وهو متصدر الدوري للان كل هالارقام كلها تدل ان المدرب ممتاز فنياً لكن انت ماجاوبتني بالارقام ، عشان نشوف مين اللي يبالغ فينا اني اقول دونيس فنياً ممتاز ولا انت انه ماوصل لدرجة ممتاز فنياً تمسكلي ع عزوز مع اني لي وجة نظر فيها ( دونييس شايف شي باللاعب بالتمارين ويبغا يحاول يرجعلنا عزوز وهذا مكسب للفريق انتو ليش زعلانين ) الميدا جالس يقوم بادوار رهيبه بالملعب بس حظه اهدافه قليله بس جاب اهداف حاسمه للفريق انا اللي بقوله من زمان وحنا ننتقد مانقدر نصبر لنهاية الموسم وبعدين نتكلم يكون كل الاطراف اخذو فرصتهم ونحكم لكن لسه الدوري مانتها والفريق متصدر ونقول عنه فاشل بقناعاته هذي مصيبه انت قلت مستوى الهلال اتحسن كثير مع دونيس وهو دوبه كمل سنه مع الفريق هذا يدل ع ايش انه سيء مايفهم وقناعاته ماتنفع ولا نعطية حقه دام الفريق سار احسن معاه |
إقتباس:
يارجل اتقي الله وشلون الميدا يقوم بعمل مميز انا جايبه مهاجم هل صحيح الزوري اكثر من اهداف بالدوري ؟ كم سجل وكم صنع متـأكد انك راح تستحي من ذكر الارقام ؟ بالنسبه للفرج تقول مبدع وتقول هو اللي جايبه لنفسه معناه ببساطه اللاعب يجب لك مشاكل ولايستفيد من غلطاته ياحبيبي العود من اول ركزه اذا سلمان يحتفظ بالكوره كثير وتنقطع منه اكثر من مره ومرتين وثلاث واربع واغلبها اهدااف معناه المركز غير مناسب للاعب |
إقتباس:
انت دائما ياخوي تعطيني لايك باكثر من رد وبنفس الوقت هنا تختلف طبعا الاختلاف لايفسد للود قضيه ولكن هل تتوقع اني اقول لازم المدرب يقال بالله عليك هذا كلااام واحد صاحي يطالب بهالشي حتى الغير صاحي ماراح يفكر بابعاد دونيس وان فكر فهو تعدى مرحلة الجنون ولكـــــــــن مالمانع يستفيد من غلطاااته مع كل اسف نفس الغلطات تكرر دائما معناه ان المدرب باي لحظه سواء كانت مباره مصيريه او عادية احتمال كبير يجيب العيد المطلوب من المدرب فقط تعديل بعض الغلطات وان يكون جاد وحازم مع الميدا مثل حزمه مع ناااصروباقي اللاعبيين |
دونيس افضل مدرب يرفع الضغط ولايقدر الفريق الذي امامه. |
موضوع رائع بعض تفكير الجمهور اعمى دعوا دونيس يلعب بمن لاتعرفه عن قرب كلنا دونيس والهلال اتمنى يارب التوفيق للزعيم |
ماعندك سالفة بس تكتب لزيادة عدد المشاركات |
| الوقت المعتمد في المنتدى بتوقيت جرينتش +3.
الوقت الان » 03:51 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd