|
إقتباس:
خلاصة الكلام بالدوري مافي صغير وكبير ولك مثل نادي التعاون والفيصلي بالنهاية ثلاث نقاط تاخذهم وتمشي |
الكل بيصير مدرب الكل فاهم من ينتقدون الان هم من كانوا يطبلون له الفرق الصغيره كما تسمونها هي من عطلت الفرق الكبيره تخيل نفسك مدرب وتبغى تاخذ برأي الجمهور هل تستطيع ترضيهم هل المدرب هو من يضيع الفرص هل المدرب هو من جعل العارضه والقائم تحرمك من أهداف محققه |
ناصر نحتاجة مع الاهلي ومن غير المنطق تبديله ابدا واخاصة انه صنع لادواردو اهداف محققه فضلا انه سدد للمرمى ولكن براعه الحارس انقذتهم |
شوفو اقسم بالله لو الاداره جابت مورينهو ولا قوارديولا وتعادل ولا خسر برضه راح تقولون عنه سباكين ليش لانكم جمهور حلطمه ليش لانكم ماتعرفون يدكم تاكلكم لازم تطلعون اي خطا ع المدرب حتى لو ما اثر ع الفريق ، مايسير لازم اتحلطم الهلال مع دونيس جالس يلعب لحاله بالدوري اغلب مبارياته يلعب ع باب واحد باب الخصم مقدم احلى وامتع واقوى مستويات الهلال اني أًقُوَلُ واجزم انه افضل فنياً من موسم جيرتس مره مدرب دفاعي ومره مدرب جبان ومره مدرب مايعرف يقرا المباراه ومدرب مايعرف ووو ومع كل هذا ، الارقام والاحصائيات والفنيين يقولون عكس كلامكم لكن علامات تعجب منكم |
افصل اسيا عن الدوري ، هذا شي وهذا شي ، المدرب لم يخطيء ، عندما اشرك الميدا بدل ناصر ، لان الفريق بحاجه هدف واحد وليس ثلاثه اهداف مثل ما حصل امام الفتح ، فهدف ينهي المباراه ، الهلال كان مسيطر والرائد مقفل ، فعلم انه لا يحتاج الا للاعب يجيد ضربات الرأس ، التي تحول داخل الصندوق ، وهذه متوفره في الميدا ، وادواردو ، لذلك يحب ناصر ، لان من بداية المباراه كل كره عرضيه عاليه الكل يمسك ادوارو وتلقى معه ثلاث لاعبين على الاقل مما يمنعه من الاستفاده من الكور العاليه وحتى ان وصلت له مع مضايقة الدفاع تكون سهله، وناصر لايحيد الارتقاء العالي وضربات الراس مثل الميدا، وبالفعل عندما نزل الميدا اضطر مدافع يفرغ نفسه لمراقبه الميدا حال استلام الظهير للكره وقبل رفعها داخل منطقة الجزاء، مما مكن ادواردو من الارتقاء على راحته ، لانه لم يعد مراقب قبل نزول الميدا بثلاثه لاعبين، لان مصدر خطورة الكور الرأسيه فقط كانت تاتي من ادوارو قبل نزول الميدا ، طبعا انا رجعت شفت المباراة من اولها ، ورأيت ان ادواردو مكتف من قبل لاعبي التعاون بوجود ثلاثه لاعبين مراقبين له ، لكن عندما نزل الشلهوب والميدا ، اصبح هناك مدافع مع الميدا طول المباراه ، ووشوف لقطه ركله الجزاء اللي لم تحتسب لادواردو وكم لاعب كان ماسكه ذاك الوقت اكر من ثلاثه لاعبين ، فالكل يرف ان كل عرضيه ستكون الى ادواردو ، اما ناصر فلن يستطيع الارتقاء مثل ادواردو ، لذلك الكل يركز على ادواردو ، وتكون العرضيه مصيرها الفشل ، لكن مع نزول الميدا بالذات تحرر ادواردو وسجل هدف، ارجع شف المباراه وانت مروق ستجد ان المدرب حل المشكله ، . |
اللي معارضين على تبديل ناصر لما كان ناصر يلعب مافيه مساحات لا لناصر ولا ادواردو لانه الدفاع ضاغط عليهم واللاعب الوحيد اللي يقدر يخلق مساحات للاعببين الاخرين هو الميدا وشفنا كيف خف الضغط عن ادواردو بالنهائيه النتايج والارقام تقول مافيه احسن من دونيس لاكن بعض الناس مايعجبهم العجب |
يا جماعة الخير حنا نتكلم عن الهلال يعني طبيعي جداً يكون الأكثر استحواذ على الكره والأكثر تسجيلا وصاحب الخطوره بالمباريات والمتصدر أيضاً لذا لا ننسب هذه الأمور لدونيس.. نقطة أخرى مهمة عتبنا نحن الجماهير على دونيس لأنه بإمكانه أن يجعل من الفريق أكثر خطوره وأن يسهل المباريات من البداية وألا يحبس الأنفاس في كل مباراة سواء كانت مع متذيل ترتيب الدرجة الثالثة أو الرابعة ولكنه يرفض ذلك وبشده !!! ويضغط الجماهير واللاعبين بطريقته وأسلوبه الجبان .. أخطاء دونيس تتكرر باستمرار والإدارة لم تفكر أن تناقشه بل تركته يعبث كيف شاء ... بكل أمانه هذا الموسم جميع الأندية الكبيرة تعيش حالة من الضياع التام ما عدا الأهلي وهي فرصة كبيرة للهلال للتصدر بفارق كبير ولكن دونيس يرفض بطريقته التي لم تتغير ولن تتغير فالطريقة التي لعب بها في نصف نهائي آسيا هي نفسها التي لعب بها أمام متذيل ترتيب الدرجه الثانية النهضه !!!! دونيس عطل أقوى سلاح يمتلكه الهلال في الهجوم وهو ناصر وجميع الفرق يرعبها هذا الزلزال ولكن دونيس يضعف الفريق بطريقته العجيبه !! ولا استغرب بأن يتم إبعاد ناصر عن نهائي كأس ولي العهد والزج بالسالم حتى يفرض قناعاته ورأيه على الفريق ضارباً بآراء الجماهير عرض الحائط ... ذكرت ذلك وأكرره كثيراً الهلال الأفضل له مدرب برازيلي عاشق للهجوم والابتعاد كل البعد عن المدربين الأوروبيين لأن لديهم قناعات لا يتنازلون عنها وإن كانت خطأ بل ويصرون عليها وكأنهم بذلك يعاندون ويكابرون ويريدون فرض رأيهم بالقوه حتى لو كانت في غير مصلحة الفريق .. المدرب البرازيلي هو الأنسب للهلال والمدرب البرازيلي لا يكابر ولا يعاند بل يتعلم من أخطاءه كثيرا ويلعب بأكثر من طريقه حسب الفريق المقابل .. بيسيرو المدرب البرتغالي تمت إقالته والهلال متصدر ولكن هل شفع له التصدر لاستمراره ؟!!! الهلال طابعه هجومي بحت ولا يقدر هذه الميزه إلا المدرب البرازيلي لأنهم يعشقون الهجوم بشكل جنوني ومتى ما تم تغيير هذا الطابع بأسلوب لا يتناسب مع الهلال ولاعبيه سنجد تأثير ذلك واضحاً وجلياً على الفريق وهذا ما نلاحظه من صعوبة التسجيل حتى مع أضعف الفرق قد يكون الفريق يفتقد لمهاجم هداف وهذا ملاحظ ولكن مع وجود ناصر تطمئن الجماهير نوعا ما لأنه هداف بالفطره وحماسي ويقاتل من أجل التسجيل ويملك من الروح ما لا يملكه غيره ومع كل هذه الصفات دونيس لا يرى سوى ما يريد هو أن يراه ويريد أن يقنع الجميع بذلك وكأن الجماهير لا تفهم الكره ولا تعرف من هو ناصر !!!! دونيس مدرب مرحله وانتهت ويفترض بالإدارة التعاقد مع مدرب برازيلي وسنرى العجب أكثر وأكثر في البطولة الآسيوية وأتمنى أن يحقق الهلال البطولة الآسيوية والدوري والكأسين مع دونيس ولكن طريقته وأسلوبه تقتل اللاعبين والجماهير والهلال وتضعهم جميعا تحت الضغط المتوااااااااااااصل .. |
دونيس ابخص... و اول مدرب يوصلنا للمرحلة الي احنا فيها منذ ايام جيريتس.. ارجو من جميع جماهير الهلال الدعم ثم الدعم ثم الدعم... الي حاب يصير مدرب يروح ياخذ شهادة و يدرب اما حاليا نحن جماهير.. مسموح ننتقد بس بالعقل!! الفريق كان مسيطر على المباراة بالتكتيك و هجمات و عارضات بالجملة... مباراة الاتحاد ليست مقياس.. شوف عدد هجمات الرائد و الاتحاد نفس الشي كانو 12 هجمة لكلا الفريقين ولكن الاتحاد استغل الهجمات و عذا الفرق.. ارجوكم يا جماهير... هذا وقتنا لدعم الفريق و الوقوف مع جميع اللاعبين و الاداريين.. يكفي الاعداء يتربصو لاي خطا و يحاولو الحاق الضرر فينا .. الدوري بايدنا و ولي العهد كذلك و الملك و اسيا عالطريق... الدعم ثم الدعم ثم الدعم يا جماهير الزعيييييييييييييم |
إقتباس:
لا ياشيخ بالله عليك يعني قبل دونيس الهلال اقوى هجوم ووو وبالشكل الفني الحالي ذا يارجل الهلال بعد قيرتس وهو محتاس مع المدربين وعبث فني كبير والهلال احتاس حتى مع سامي كان فيه عك كروي ببدايه وحتى بعد ما تحسن وحتى لما استلم ريجي التدريب مع دونيس الهلال اول مره يوصل يتعدى حاجز الثلاثين نقطه مع دونيس كل الفرق بلا استثناء حتى الكبار تلعب امام الهلال بطريقة دفاعيه هذا ليش لقوه الهجوم الهلالي بس الله لو يفكنا من اهدار الفرص قسم بالله انكم تشوفو نتايج خورافيه كل مباراه تنتهي تلقى الفريق اقل شي جايب 20 فرصه محققه للتسجيل هذي ماعهدناه قبل كذا من زمان ماسفنا هلالنا كذا فحرام انك تسحب وماتنصف عمل المدرب ولا تقول هذا الهلال والخرابيط ذي ترا كل شي مايجي كذا من فراغ ولا صدف ، كل ذا جا نتيجة عمل قوي فني من دونيس واداري من ادارة وجه السعد فلا تقعد تخربط وتنسف عمل شخص اجتهد وقدم لنا هلال قوي فنياً |
ما له داعي كلامك اذا بنيته على هذا أساس تغيير ! ي شيخ هذا شيء عادي وبعدين ناصر صح افضل من الميدا بس اخذ فرصة كبيرة من المباراة وضيع أهداف .. المدرب ما حب يجازف كثير لان كان باقي متسع من الوقت وقرر تبديل مهاجم بمهاجم لان الهلال كان يوصل لمرمى الرائد وكان فيه كثافة هجومية ما كانت المشكلة المشكلة كانت بالتوفيق أمام الباب لا ناصر ولا ادواردو توفقوا بينما الميدا مميز بضربات الرأسية فكانت محاولة جيدة لما تاخر الوقت دخل ياسر مكان كريري وياسر ما يقل عن ناصر ولا الميدا عموماً مع عودة سالم الدوسري وخالد كعبي و ديقاو بيتحسن الفريق .. وسعوا صدوركم المدرب جيد على الرغم من الأخطاء الي ارتكبها بسبب الانضباطية وإشراك السديري واحمد شراحيلي الي كانوا سبب هزيمة الاتحاد ولا الهلال كان ممتاز جداً بالشق الهجومي و كان يحتاج محور مع الفرج وهذه النقطة المدرب شغال عليها ويستفيد من عبد الله عطيف بالوقت الحالي .. قوة الهلال مع دونيس من الأطراف عشان كذا خانة المحور والعمق الدفاعي تحتاج شغل كبير وطبيعي تكون هناك أخطاء لكن عن نفسي أرى أن الهلال يتحسن ويتطور ومع اعطاء دونيس الفرصة إلى نهاية الموسم ومن ثم التقييم وتبديل الميدا والاهتمام بجلب محور و صانع العاب ومهاجم إذا ممكن .. صح أنا معاك ودك أن الزين يكمل حلاه وما يكرر أخطائه المدرب .. لكن المدرب مصر على تشكيلة 3 قلوب دفاع وفلسفته ذي مثل ما قلت لك قوة هجومية في المقابل ضعف بالعمق الدفاعي والمحور .. ونظام المدرب الهلال اما يستغل قوته الهجومية او يتلقى الأهداف ومن ثم البحث عن التعويض قدر الامكان وان كان بمخاطرة هجومية أكبر على حساب الدفاع .. الأفضل أن المدرب يلعب ب خطة متوازنة 4-2-3-1 من الناحية الهجومية والدفاعية خاصة أن جحفلي وجوده غير مؤثر كثير مجرد تكملة عدد في وجود ديقاو و كواك .. لكن وجودة على المدى البعيد نقول ان شاء الله يكسبه خبرة ويكون قائد في خط الدفاع لان في الهلال وفي الاندية السعودية بشكل عام ما عندك دفاع ولا محاور ينشد بهم الظهر ! ختاماً دعوة للتفاؤل وللصبر .. اصبروا على المدرب نشوف النهائي و الدوري و اسيا و كاس الملك ثم نقيم بشكل عام .. الاهلي المميز فيه التنظيم الدفاعي وعندهم السومة مهاجم متمكن وهوخط هجوم بلحاله ~ ومثل ما الهلال يشتغل الأندية الأخرى تشتغل .. بالتوفيق |
دونيس متصدر الدوري وعلى المندسين الي ماكلين تراب خلف الهلال ان يستمتعو بمكانهم الطبيعي نعلم ان تقدم الهلال في الدوري حارق قلوبكم لكن نتمنى انكم تسترجلون ولو شوي وتوضحون نواياكم وفي الاول والاخير "جحفلي مربي الفقر يسلم عليكم" انت والمندسين الزبل الي معززين لك |
يابعد قلبي أنت .. ياراعي كندا .. أنا أشهد إنك مخلص للكيان الملكي .. ربي يوفقك إن شاء الله .. |
يعطيك العافيهـ اخوي الغالي .. وكلي شكـر على مجهـودك وتعبــكـ .. تعليـقي للبعض الموجودين هنآآإ .. ولبعض الي يطرح المواضيع الي يحبون زياده .. مشاركات ع الفااضـي .. انا اتفــق في جزئيـه بسيطه جداً بأن دونيس عليه اخطاء .. وذكره الاميـر .. نواف بن سعـد في المقابله الأخيره بأن الكل يخطأ .. وسبق وذكرت بأن تشكيله 3-6-1 تحتاج محورين ارتكاز لتخفيف الضغط في المرتدات .. ولكن لم توفـر الإدارة في الفترة الانتقالات الشتويه الاخيـره للمدرب .. .. المدرب دونيس مميـز .. سوء رضى الجميع أو لم يرضى .. انا اتكلم عن ارقام ونتائـج صحيحه وليست ارقام وهميـه وسراب زي الجـار .. الي حول كنافروا من مدرب عادي إلى عالمي بمجرد التعاقد معــه وقلب الطاوله عليه .. بتقولـي مطبل او ماسك مرواس او طـار .. هاذي مشكلة عقليت الي بيرد .. .. الأهلـي [ فريق متحسن ويملك مجموعه مميزه ] تجي تقلل منـه هذا غـرور فيناا نحن سببت الخساره للهلال .. اذا هـزم الهلال من الاهلي لا يعني التقليل من الفريق او المدرب .. وكذلك الاتحـاد .. بتشطــح .. وتقولي سباك وما جاب اسيــا .. الهلال مـر عليه اكثر من رئيـس وعشـرات المدربييـن والمحترفين ولم يحقق هذه البطولــه .. بتشطح بالدوري .. مر عليه اكثر من اربع مدربين ولم يحقق البطولــه .. بتشطح بكأس ولي العهد .. خسـر الفريق مع ريجي وسامـي الجابـر .. بتشطح بكأس الملك .. جريتس وسامي وكالدرون وشلتهـم افضل المدربين لم تحققهـا .. بتقولي وصل نهائي اسيا وخسر بالتحكيـم .. هذا اول نهائي من عام 2002 وحصل الي حصل .. ................................... الفريق ماشي صـح والسياسـه بالنادي تطبق صــح .. مسئله التعادل مع الفتح .. اهداف غير صحيحه وحكم مضروب .. وكل فريق يلعب مع الهلال وكأنه نهايه العالم ومباراة الهلال مع الفتح كانت قبل مباراه الأهلي مع الخليـج .. يعني الأهلي هو الي فرط بالفرصه وليس بالعكس .. الرائــد .. خمس كرات بالعوارض والقوائم غير تصدي الحارس لهجمات خطره وماهي مكتوبــه تسجل بتشطح مره ثانيه بتقول المدرب ما فاز ع الفرق القويه .. الا فاز على النصر والشباب والعام الماضي لـزخ الاتحاد لين داخـو .. هذه كرة القدم الي مو راضين تفهموهااا .. مره لك ومره عليــك .. .. الدوري اهم شي النقااااط .. والهلال عندما حقق الدوري اخر مـره ارجوا للمباريات 60% انتهت بفارق هـدف وفي الدقائق الاخيـــره وكنا مضغوطين ضغط من اللاعبيين .. .. مسئله الفلسفه ليش يطلع فلان وليش يدخل فلان المهـم لنا كجماهير المحصله النهائيه هي الثلاث نقاط .. مسئله اذا ضاع الدوري لا سمح الله او غ ـيره فهذا مكتوب من الله ولا اعتراض عليه .. إلا اذا عند احد رأي ثانـي .. الله لا يهينــه يفرش السجاده ويتجه للقبله ويتعرض ع القدر وما كتبه الله لنا وللهلال .. |
الي يقول المدرب سباك مايفهم كوره ماعنده سالفه واذا يحسب جماهير الهلال بنفس عقليته فاالاكيد يحتاج يشوف دكتور سباك وفاشل والاسلوبي السوقي دليل ع سطحيه الفكر فلا يمكن ان نهتم بآرائهم مجرد نشاز مزعج لا يستفاد منه. |
الهـــــــــــــــــــــــــــــدوء يا جماعة الخير هناك ادارة فاهمه |
| الوقت المعتمد في المنتدى بتوقيت جرينتش +3.
الوقت الان » 05:58 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd