|
الدوري يبغى الهلال .. ودونيس مايبغى الدوري للهلال ..كيف ؟ الدوري يبغى الهلال .. ودونيس مايبغى الدوري للهلال ..كيف ؟ في كل مرة الظروف تسنح و تأتي في صالح الهلال ودونيس لتوسيع الفارق مع الاهلي وكأن الدوري يبغى الهلال . ولكن يأبى دونيس بتخبطاته في بدايه كل مباراة بتشكيلته الخاطئه في أن يبعد الهلال عن الدوري . تعادل الاهلي مع التعاون فحضرت فرصه تاريخيه للهلال لتوسيع الفارق ل5 نقاط قبل مباراة الاهلي والخليج لتشكيل ضغط رهيب على لاعبي الاهلي قبل مباراتهم مع الخليج. لكن يأبى دونيس إلا أن يتفلسف قبل أي مباراة بتشكيله دفاعيه خاطئه في كل شوط أول . وفي الشوط الثاني يصحى دونيس لعقله ويعود للمباراة بعد خراب مالطا لطريقه لعب الهلال الهجوميه لكن ليس في كل مرة تسلم الجرة يادونيس . هالمرة تعادل المرة الجايه الله أعلم . دونيس اخطاؤه في الشوط الاول من كل مباراة كثيرة . دونيس اخطأ في الشوط الاول أمام أهلي دبي في دبي عندما بالغ بتشكيلته الدفاعيه و عاد للشوط الثاني بسحبه لمدافع ودخوله للشلهوب ، وعاد الهلال للتأهل من جديد لكن في المباراة عاد دونيس لتوجيه لاعبيه للدفاع فمني مرمى الهلال بهدف ثالث وكان من المفروض ان يستمر الهلال بنفس الضغط والسيستم بعد هدفي الهلال حتى لايتقدم دفاع الاهلي لبناء هجمه من الخلف . وخرج دونيس بعد المباراة يعترف بأنه اخطأ في تشكيلته الدفاعيه في الشوط الاول وحذره المبالغ فيه. وقلنا جميل دونيس انه اعترف وحمل نفسه المسؤوليه سيتعلم من اخطائه . حضرت مباراة الاتحاد وكلنا يعلم ان الهلال يلعب بغياب لاعبين مهمين هم الحارس خالد شراحيلي وديقاو . كان من المفروض على دونيس عدم الزج بلاعب قليل الخبرة مثل احمد شراحيلي ومن ثم تحويل طريقه اللعب من3/5/2 وتحويل الطريقه ل4/5/1 لغياب ديقاو . لكن دونيس اسر على طريقته ب3 قلوب دفاع وتشكيلته الدفاعيه فمني الهلال بثلاثيه الشوط الاول امام الاتحاد في جده والسبب كوارث شراحيلي والحارس . الشوط الثاني عاد دونيس واخرج قلب الدفاع شراحيلي واحرز الهلال هدفين وكاد ان يحرز التعادل ولكن ادواردو اضاع فرصه محققه ليحرز الاتحاد الهدف الرابع . وهذي ثاني مباراة يخطأ دونيس بتشكيلته في الشوط الاول . عاد دونيس و لعب بطريقه هجوميه وسحق الشباب برباعيه. قلنا كويس سيستمر دونيس في تشكيلته التي فاز بها على الشباب. عاد دونيس لفلسفته من جديد لايستقر على تشكيله واحده ويتخبط امام الفتح . الان هل تريدون سبب تدهور الهلال امام الفتح . دونيس لعب في المباراة ب3قلوب دفاع وهم الزوري وكواك وجحفلي . المفروض هنا خلاص بما انه امن الساتر الدفاعي بلاعب ليبرو ثالث يجب ان يلعب بوسط هجومي بحت . واذا به يلعب بعطيف كمحور دفاعي وهنا اصبح الفريق ذو نزعه دفاعيه صرفه . تعالو نحسبها : 3 قلوب دفاع + ظهيرين + محور دفاعي + حارس بقي كم لاعب في الفريق 4 لاعبين موزعين مابين مهاجم و3 في الوسط هل لاحظتم الطريقه الدفاعيه المبالغ فيها امام فريق مثل الفتح لا أحد يقول لي ان الاظهرة تساند الهجوم من الاطراف ياعزيزي انت فرغت الوسط بخوفك المبالغ فيه 3 قلوب دفاع + محور دفاعي سلامات الهلال يلعب ضد مين والله لو يلعب الهلال ضد برشلونه مايلعب بهالمبالغه الدفاعيه . متى تلعب بعطيف كمحور دفاعي اذا لعبت بطريقه 4/5/1 اي ب2 قلبي دفاع لكن تلعب ب3 قلوب دفاع خلاص مايحتاج تلعب بعطيف محور دفاعي فانت عملت تأمين شامل للدفاع ب3 قلوب دفاع . رئيس الهلال صرح بتصريح غريب بعد مباراة الفتح عندما سأله المراسل عندما سأله الهلال يلعب ب3 قلوب دفاع ومحور دفاعي فقال رئيس الهلال هناك ناس عجيبين يقولون ليش تلعب مع الفرق الكبيرة بلعب هجومي ومع الفرق الصغيرة بلعب دفاعي ياسلام يارئيس الهلال طبيعي الجمهور ينتقد دونيس ليه تلعب بطريقه دفاعيه امام الفرق الصغيرة فمعروف ان الفتح سيلعب بطريقه متكتله قبل مباراة الهلال فالمدرب الذكي هو من يضع في مخيلته سيناريو المباراة قبل واثناء المباراة وبعد تقدم الخصم بهدف . وليس في الشوط الثاني كما يفعل دونيس دائماً عندما يصحى من نومه عندما يتخبط في تشكيلته في كل شوط من كل مباراة ثم يعد بالتصحيح في المؤتمر الصحفي ويعترف بخطئه ثم يعود للتخبط من جديد . يعني بذمتكم ألا يعلم دونيس ان مدرب الفتح سيلعب في الشوط الاول بتكتيك دفاعي كون الهلال أقوى من الفتح اذن لماذا لم يكون هذا السيناريو في ذهن المدرب اين مساعدي دونيس اين فهد المفرج في الاجتماع مع المدرب وتوضيح له ان الهلال سيلعب مع فريق متوسط و سيلعب بطريقه دفاعيه فالهلال لايجب ان يلعب بطريقه دفاعيه لانه يحتاج ل3 نقاط لذا يجب على مدرب الهلال فرض شخصيه الهلال الهجوميه من بدايه المباراة وليس الانتظار حتى الشوط الثاني وعمل تغييرات بعد أن تلج في الهلال اهداف . الهلال اقوى من الفتح فلماذا اللعب ب3 قلوب دفاع هم الزوري واكواك وجحفلي + محور دفاعي هل الهلال سيلعب مع برشلونه او الفتح دونيس يكتشف مهارات لاعبي الهلال بالذات الشوط الثاني عندما يسحب مدافع وينزل لاعب وسط هجومي يشكل الهلال خطورة بالغه ويثبت انه فريق قوي ويقلب النتيجه. اذن لماذا يادونيس تربك فريقك بتشكيلتك الدفاعيه في كل شوط اول . لماذا يادونيس تجعل الضغط على اللاعبين في الشوط الثاني . اين رئيس الهلال مما نشاهده! لماذا لم يحضر لجنه فنيه من لاعبين قدامى ومدربين مثل عبدالعزيز الخالد ونواف التمياط يناقشون المدرب ماذا سيفعل قبل اي مباراة ! ماهي تشكيلته هل هي دفاعيه ام هجوميه على حسب الفريق الخصم؟ الطريقه الدفاعيه لاتصلح امام فريق متوسط لان الخصم هو من سيدافع انت تحتاج لخلخه الدفاع خصم وليس العكس ويجب من بدايه المباراة خطف النقاط الثلاث . كيف ستكون تغييرات المدرب اثناء تقدم الخصم من سيخرج ومن سيدخل الهلال به مشكله حقيقيه وهي التأخر في الشوط الاول والسبب البدايه الخاطئه من المدرب دونيس بالتشكيله . ليس في كل مرة تسلم الجرة . الفريق في منعطف حاسم لايحتمل الخطأ ولو 1% يادونيس. فهد المفرج رجل حق حضور وغياب. يجب احضار عبدالعزيز الخالد كمساعد ثاني فني لدونيس يستنير دونيس بآرائه في التشكيله والتغيرات. دونيس مدرب جيد لكن مشكلته لايعرف ان يضع تشكيله في البدايه. من جانبي . افضل تشكيله هي الشهراني اكواك جحفلي البريك كريري الفرج ادواردو الشلهوب العابد ناصر الشمراني تشكيله هجوميه ناريه فيها 2 فقط قلوب دفاع وبجانبهم كريري كمحور والفرج في مكانه . بهذه التشكيله الهلال سيجعل الخصم تحت الضغط 90 دقيقه ولن يتجرأ دفاع الخصم للهجوم وترك مكانه كون الهلال سيجعله ينهار من كثر الضغط وفرض شخصيه الهلال الهجوميه على لاعبي الخصم . |
يا اخى اتقوا الله اولا ما قلت قدر الله وما شاء فعل يعنى المباراة ما الله قاسمها للهلال ثانيا باعتراف الكل هدفين من غير وجه حق للفتح وبلنتى للهلال ما انحسب يعنى جزاه الله خير المدرب انه قدر يغير الشوط الثانى ويعدل النتيجه ثالثا والاهم الكل عارف ان كل الانديه بلا استثناء عندهم الفوز او التعادل مع الهلال تعتبر بطولة موسم بالنسبه لهم هذا يعنى ان كل الفرق همها الاولى بالدورى تعطيل الهلال واى حد غيره يفوز باى بطوله عسل على قلبهم مرة اخرى اقول اتقوا الله بالزعيم وفكروا فيما تكتبون لانكم محاسبون عليه |
المدرب هذا مدرب إعداد وليس مدرب تكتيك ، وفوق هذا ليس عنده مساعد يوضح له الأمور لأن مساعده هو من أحضره ولا يمكن يخالف رأيه لكي يحفظ وظيفته ، ماذكرته في موضوعك هو ماينقص الزعيم !! فلو كان مدرب غيره يدرب الهلال لكان الزعيم ينتظر من هم أصحاب المراكز بعده ،، الزعيم يملك مجموعة كرويه لا تظاهى في الدوري ، فهو الأفضل على الإطلاق ،، فوق كل ماذكر الجميع حفظ خطته وتكيتكه وطريقته !! |
إقتباس:
معروف انه الفتح بيدافع قبل المباراة يروح المدرب يلعب ب3 قلوب دفاع ومحور دفاعي سلامات لا وتقولي جزاه الله خير ان عدل الشوط الثاني وليش ننتظر لين يعدل الشوط الثاني ليش مايفرض الهلال هجومه من بدايه المباراة والفتح يلحقنا مو نلحقه المدرب اثبت فشله الذريع في قراء المباراة من الشوط الاول ومو اول مرة نحن لانطالب بإقالته بالعكس نطالب بتعيين مدرب وطني مثل عبدالعزيز الخالد يناقش المدرب في تخبطاته في كل شوط اول |
إقتباس:
مو اخونا الي فوق الي يقول المدرب جزاه الله خير انه عدل في الشوط الثاني سلامات |
بعد ليته يلعب برأس حربه يعرف طريق المرمى والظاهر أنه يحط الميدا أول لاعب بالتشكيلة , بعدين يصف وراه اللاعبين والله العالم أنه بآخر الدوري بيسجل كل لاعبي الهلال أهداف أكثر من مهاجم الغفلة |
طيب وش الحل اذا هاجمت فريق مقفل وماتدري الا المرتدات اسرع من الشلهوب والفرج والعابد |
والله انك صادق لكن ياخوي محد راضي يحس .. ترا كثير مع احترامي لهم .. يبحثون عن " جمال الشكل " في اللاعب ويسوون له تصاميم ويتغزلون فيه . ما يدرون ان الكورة مرجلة في الملعب وقتال دخلنا في وضع خطير ومستوانا يخوف والله يخوف |
نعم لازال الدوري يبتسم مع الزعيم ،،، ولكن هل يكون لاعبي الزعيم قدر المسؤلية بالتوفيق للملكي الزعيم |
ياعزيزي الامير نواف قال المدرب شرح الطريقه الي يلعب فيها خمسين مره ولن يشرحها افضل من المدرب بختصار انت باني كل موضوعك ع ان المدرب يلعب بخطه دفاعيه وهذا كافي ان يسقط كل تحليلك ولن يقنع اي احد يفهم فنيا لو كثرة الامثله وهي بتعميم وليست تفصيل لن نتوقف عند كل مباراه ونحللها لكي نقنعك. الفريق يلعب بخطه هجوميه بحته والفاهمين اكثر مغامره هجوميه وجراءه بلعكس ان اتمنى انه يقفل ويثبت محور ع الأقل او محورين بادوار متوازنه لعلمك قلوب الدفاع اثناء بناء الهجمه هم الاضهره واذا كنت تحضر الملعب ستشاهد جحفلي وديقاو او من يحل مكانه في الطرف والبريك والشهراني في منتصف الملعب ورجع لكل مباريات الهلال عمرك شفت ضهير مدافع ع كلامك يطلب الكره دائما خلف دفاع الخصم في المساحه الخاليه يعني الكره ماهي معاه وين واجباته الدفاعية اذا سلمنا بلخطه الدفاعية ماشفت البريك يواجه المرمى دائما ومن يمرر له الشهراني والعكس صحيح الشهراني يودي نفس الأدوار خلاصة الكلام قبل مانحلل ما ناخذ الأسماء وايش صفتهم علينا نشوف الأدوار الزوري أليس مدافع وقلب دفاع ايسر بعد طيب وين تشوفه يلعب ويتمركز ويسجل ايش رايك المهام الي ينفذها تشوف السناتر في الفرق الاخرى تسوي نفس الأدوار والاضهره كذلك في حالة الهجمه تعتقد انهم مثل باقي الاضهره في الفرق المنافسه ؟!! دونيس من وجهة نضري وبشهادة الكثير من الاعبين الاحتياط قبل الاساسيين والفنيين مدرب متمكن وصنع فريق خلال فتره وجيزه صعب ومرعب للخصوم ويحسب له المنافسين الف مره فلايمكن ان تتوقع من أين يأتيك الخطر ومن سيسجل وزرع روح قويه ومنافسه بين الاعبين واحترام كبير تجد الجميع يساندون بعض ولو لم يكن المدرب متمكن وفارض احترامه بعمله كان شفنا تفلت النجوم والمشاكل في الفريق . |
يا أخي هل دونيس من حسب ضدنا 3 أهداف كلها خاطئة !! هل دونيس قال للفرج تسحب وتسبب علينا بأهداف !! هل دونيس قال لشوشو تفرج في فاولات التون الين تدخل مرماك !! هل دونيس هو الي ماحسب لنا بلنتيين صريحه وواضحه !! انا إختلافي مع دونيس هو في إشراك مهاجمنا الكبير الميدا والمفترض إعطاء ناصر فرصة فقط رغم أني لا أميل لأي نجم فالهلال عندي أولاً ويأتي بقية النجوم بعد الهلال لكن المنطق والارقام تقول أن ناصر أفضل من الميدا لكن تبقى وجهة نظر المدرب |
ياخي استغرب من البعض لما يقول دونيس ماله ذنب أو حتى يتحمل جزء بسيط ! الحين من اللي يختار تشكبلة كل مباراة ؟ ومن اللي يختار طريقة اللعب على حسب الفرق اللي يواجهها ؟ ومن اللي يلعب الميدا العقيم بكل دقائق المباريات ؟ ومن اللي يهمش ياسر وناصر ؟ ومن اللي يلعب الفرج محور دفاعي ؟ ومن اللي اللي يرجع كريري قشاش ؟ ومن ومن .. لايصير بس سواق النادي :) |
الدوري يبغى الهلال .. ودونيس مايبغى الدوري للهلال ..كيف ؟ للأسف هذا هوالواقع الذي نراه في دوري هذ العام مع مدرب الهلال دونيس لايريد تحقيق الإنتصارات وحصد البطولات من الطريق الأسهل بل يريدها من الطريق الاصعب طريق التشكيلة الخاطئة والخطة العجيبة وتغييرمراكز اللاعبين والإصرار على أبقاء لاعب والتعنت بإبعاد لاعب آخر أصبحت عادة معروفة لدونيس أن يبدأ المباراة بغرابة ومزاجية وبعد أن يضع اللاعبين والجمهورتحت الضغط يحاول تعديل فلسفته في الشوط الثاني والمفترض أن لاتجلب الضغط والتسرع للاعبي فريقك بإضاعة شوط كامل بقناعاتك يجب أن يلعب الهلال براحة وثقة ومحاولة تسجيل هدف مبكريلغي التكتل الدفاعي للخصوم ولكن طالما التشكيلة وخطة اللعب في الشوط الأول تخدم المنافس أكثرمن الهلال فالحال سيبقى على ماهوعليه مالم يفيق دونيس من الخيلاء والعبث التدريبي |
والله الجمهور مافيه امل يتطور على نفس العقلية دونيس دونيس ! حكم حكم ! ياخوي الهلال غايب عن الدوري 5 سنوات مع اكثر من مدرب وكل ما جاء مدرب حطيتوا اللوم عليه ونسيتوا اللاعبين .. المشكلة ان المدرب يتغير واللاعبين هم انفسهم ! لو كان الهلال محقق الدوري او اسيا مع نفس هالجيل من اللاعبين وجاء دونيس وخبط هنا ممكن اقول ان دونيس هو السبب لكن الحال هو نفسه .. اللاعبين بداية كل موسم تشوف منهم تركيز ومستويات جباره ثم بنص الموسم يدحدر المستوى لين نخسر الصدارة ثم في اخر الموسم يشدون حيلهم ويخطفون التأهل الاسيوي و حنا نطبل ! انا عندي قناعة ان اللاعبين هم 70% .. وهم من يتحكمون بالرتم داخل ارضية الملعب الحقيقة المُره ان لاعبيننا المحليين سيئين للاسف لكن الاعلام يخفي ذلك .. والدليل ان هالموسم لاعب واحد اجنبي هو اللي شايل الفريق .. واذا ماسجل الهلال ما يفوز ( زلاتكو - سامي - ريجيكامب ) كلهم مدربين لم يعملوا ذاك الفارق ولحد يزعجني الحين ويعيد الاسطوانه الشهيرة سامي صنع فريق ! طيب انا اقدر اصنع لك فريق باسامي لاعبين واقولك يلا جيب لي الدوري ! دونيس يتفوق عليهم بشيء بسيط وهو انه طوّر جانب العرضيات اللي كان نقطة ضعف عند الهلال في السنوات الاخيرة زبدة الكلام بالمنطق كل موسم مدرب وتبون الفريق يتجانس ويحقق بطولات بمستوى ممتع ؟ وش خليتوا للفرق الصغيرة دونيس عنده اخطاء اكيد مافيه مدرب مايخطي , لكن وش تبيه يسوي اذا مهاجمه يضيّع واللاعب متخاذل وتمريراته اغلبها غلط وبالاخير الجمهور يصايح دونيس هو السبب ! المدرب اعرف مني ومنك وما فيه مدرب يبي لفريقه الخساره او يتعمد انه يخبط فيه اللاعب السعودي محظوظ لانه اذا اخفق الجمهور مايقوم عليه يقوم على المدرب ! |
دونيس مثله مثل اي مدرب ابو عيون زرق ، همه يملي جيوبه فلوس و يمشي ، و مع احترامي ل ادونيس بس وش اللي بيخاف عليه لو طلع من الهلال مثلا ، سمعته التدريبية بتهتز ؟ ولا هو جانا مدرب مانشستر يونايتد على غفلة. مدرب ابو طقة ، جاته فرصة العمر لتدريب فريق بيترس جيوبه فلوس. و هو حاليا شبه انترست جيوبه بس يبي سالفة تنهي عقده لاجل الشرط الجزائي. اخطاء المدرب كوارثية و مشيناها له كثير لكن شكله يبي الجزائي باي طريقة و يمشي ، خصوصا ان الصيف قادم و مثل هالنوعية ما تستحمل الحر عندنا . العنيد |
| الوقت المعتمد في المنتدى بتوقيت جرينتش +3.
الوقت الان » 05:45 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd