سلمان الفرج
رائع ، مبدع ، فنان ، متفاني ، محب ، ذو لياقة
كل تلك معاني متواجدة فيه.
ولا نزايد على اخلاصه وتضحياته التي يبذلها.
ولكن ؟
أحياناً يكون خطر كبير على الفريق !
متى ؟
اذا تفلسف في بعض الكورات أمام الليبرو مباشرة.
وياما صارت وصارت !
طيب ليه يتفلسف في هذا المكان الخطر ؟
لان السيد دونيس - وله الفضل بعد الله ، في إنتشال الفريق من اسوء مستوياته- ارجع
واقول لأن دونيس وضعه في خانه لا تناسبه أبداً.
الفرج لاعب فنان. تفوق كثيرا على شبيهه في الاداء خالد مسعد، الفرج اسلوب
لعبه يميل لتلك الطريقة ، التي لاتتفق مع لعبه في خانة المحور المتأخر.
اتمنى من دونيس عدم المغامرة به في تلك الخانة.
والله يوفق الهلال.

عزيزي الانضباط خارج الملعب لايقل عن الانضباط داخله ، اذهب للحي الدبلوماسي (السفارات )وسترى سلمان الفرج بصحبة يحي الشهري ، ماخذين شقه هناك ، ولن ازيد حرف على هذا الكلام ، انظر لمستوى الشهري والفرج الان ، الفرج ان لم يلتفت لكره القدم وينضبط داخل وخارج الملعب فانت امام خالد عزيز اخر ، اسال الله ان يهدي الجميع .

سلمان الفرج من اللاعبين الكبار الكبار جدا
كل لاعب يمر بانخفاض في المستوى وانشاءالله ترون سلمان وهو يسعدكم
بالتوفيق للملكي الزعيم

مع اني احب سلمان كلاعب ويطربني داخل الملعب
الا ان مقارنته بخالد مسعد ظلم لاسطورة مثل مسعد
والمشكلة كاتب تفوق كثيراً .. ليته يصير مثله مابيه يتفوق
خالد قدمه ماشاء الله كانت دقيقة بالحيل.. وشوتاته صاروخية..
يلعب بروح وقتالية عن عشر لاعبين.. لاعب سريع وانيق ومرن ..
لا الفرج ولا غيره من هالجيل يجي مثله
اسطورة سعودية حتى لو في نادي ثاني عطه حقه

سلمان لاعب موهبة لكن مشكلته مستهتر في مناطق ماينفع اللعب به
ينكّت بنص الملعب وتنقطع وتجي هدف عليك يضغطك لنهاية المباراة
وتكررت اكثر من مرة

السلام عليكم!!!
دونيس مدرب ممتاز رائع انضباطى فاهم ماذا يعمل والى اين يصل ويريد ويفوز!!!!!!!!!!!
لكن أستهتار اللاعبين وأولهم الفرج!!!!!!!!!!
هذا يحتاج الدكة وقرصة الاذن!!!!!!!!!!!!!!!!
مشكلة دونيس الاعتماد على لاعبين لا.. يملكون أساسيات وفنون وأبجاديات الكرة واولهم الفرج!!!!!!!!
أم من شّبه المسعد خالد بالفرج!!!!!!!!! اين الثريا من الثرى!!!!!!!!
ياجماعة لا... تاخذوا مقلب بلاعب لا.. يملك مقومات وحرفنة الكرة!!!
لاعب يجيب لك حركة من لا.. بدعة وينكب فريق باكملة من قلة دبره!!!!!!!!!!!

ياجماعة فكرة الهلال يلعب بمحور واحد فكرة خاطئة
أي فريق بالعالم إذا يلعب بمحور واحد حتى لو كان المحور أفضل لاعب بالعالم يخطي

فلذالك المشكلة خطأ المدرب مو اللاعب
ياتلعب بمحورين أو تلعب بمحور واحد من غير الفرج

ما ازيد ع كلامك ياخوي

بس والله تعبنا وحنا نقول سلمان ما يصلح محور دفاعي او محور لحاله

لانه لاعب مهاري واسلوبه الاحتفاظ بالكوره والتسحيب

ولاعب صاحب نزعه هجوميه

وبمركزه الحالي حنا خسرانين ع المستوى الدفاعي وحتى ع المستوى الهجومي

ويالله صلاح الحال



لاهنت اخوي






يارب وفق الزعيم ~

عزيز يخطي وقبله خميس له اخطاء وعمر الغامدي كذلك وياما انتقدو ولكن لأنهم استمرو في خانة المحور
سنين وانطباعنا عنهم انهم لاعبي محور وقناعتنا ارتفع مستواهم وزادت خبرتهم ودعمناهم اكثر ( وللعلم لمن
ذاكرته جيده عزيز لم يكن محور اول ما جاء الهلال بل كان ضهير وكان محل نقد عندما تم توضيفه في المحور
وكثير خصوصا في التمرير وارتكاب الأخطاء وبعد ذلك ابدع وكذلك عمر الغامدي لم يكن محور بل وسط أيمن
وخلف المهاجمين وبلامكان العوده لتصريح عمر بعد الاعتزال عند بدايته مع الهلال)
ولان لدينا سلمان وعطيف ولو تناسينا انهم ليسو محور وركزنا ع أعطاءهم الثقه وعدم التوقف عند كل خطاء
بأذن الله سيبدعون ويسدون خانة المحور ويتاقلمون معاه فقط يحتاجون الوقت والدعم وعدم التركيز
ع كل خطاء العب بستمرار واكتساب الخبره في خانة المحور مهم والاكيد بالنسبه لي واستند ع اخر تصريح
لعبدالله عطيف انه أمضى مع المدرب شهرين لتعوديه وتجهيزه لمهام خانة المحور ومع المباريات يتم تصحيح
اي خطاء والامر ينطبق ع سلمان الاكيد ان المدرب يرى لديهم إمكانيات ويمكن توضيفهم في خانة المحور
وهل لدى المدرب خيارات متعدده ومحور ع مستوى عالي ولم يشركه كريري في الوقت الراهن لا يمكن
ان يلعب في هذه الخانه ويعطي تسعين دقيقه وسيكون تغيير لا بد منه في كل مباراه فهو الان بديل
في الشوط الثاني عندما يريد المدرب المحافضه ع النتيجه بلاضافه الى ان كريري ضعيف في التمرير
ولا يوجد الكور الطوليه في الأطراف والعمق والواضح ان المدرب من خياراته مهم لديه الكنترول والتمرير
السليم والسرعه في التمرير والتمركز ويعمل ع تطوير افتكاك الكره ونواحي الدفاعيه فضغط ع الخصم
كل الفريق الان تقريباً يجيدها بقي افتكاك الكره بدون ارتكاب خطاء ياسر الشهراني اصبح افضل كما
الاحظ من وجهة نضري انها مسالة وقت وصبر ودعم منا اكثر سيساعد ويختصر لان هذه المهارات تحتاج وقت لانها من الأساسيات المفقوده .

جوكر مهاري ووووووووو في كذا ميزة

ماراح نلومه على خطا .. وننسى كم افرحنا

هو بس على قولة المثل .. غلطة الشاطر بعشر

سلمان من اللاعبين أصحاب المستويات لثابته ..

انا ضد تغيير مراكز اللاعبين واجد العذر للاعب إذا لعب في غير مركزة واخطا. لكن ما يفعله الفرج ليس خطأ بل استهتار أو لامبالاه . الفرج ركب علينا ستة أهداف بنفس الشكل والأسلوب يستلم الكره ويعك ويتفلسف وتقطع الكوره منه ويركب علينا هدف ويعود يكررها مرتين وثلاث وأربع وخمس وست ! هنا يجب أن يحاسب حتى وإن كان نجم . يجب ان يقوم المدرب ومدير الفريق بالحديث معه وافهامه أن هذا استهتار وغير مقبول سوى منه أو من أي لاعب الهلال اكبر من الجميع

سلمان لاعب كبير واتمنى له التوفيق ووضعه بالمكان المناسب فكم افرحنا ارجو عدم القسوه عليه





اللهم اشفي مرضى المسلمين والمسلمات واشف اللهم حبيبي وأميري الوليد بن خالد بن طلال