كثرة المديح تقتل اللاعبين - نادي الهلال السعودي - شبكة الزعيم

سعيد الحمادي · #1 10/02/2016, 08:19 AM

يسعد أوقاتكم

الاحظ أن معظم الجمهور الهلالي يكثر المديح للاعبين حتى لو لم يشارك اللاعب إلا في مباراة واحدة

اللاعب شي طبيعي بياخذ مقلب في نفسه اذا مدحه جمهور عظيم وعريض مثل جمهور الزعيم

النتيجة تعالي اللاعب على الكرة واعتقاده أنه أصبح نجم لايشق له غبار وبالتالي ينتهي اللاعب وهو في قمة مجده

بسبب الغرور اللي عشعش في روؤسهم والسبب الجمهور الهلالي

اللاعب ياجماعة الخير موظف في النادي ويستلم راتب عالي وحوافز رهيبة

اذا أثبت وجوده أعطوه المديح اللي يستحقه بدون مبالغة

وان أخفق وجّهوه ، إنتقدوه بشكل هادئ حتى يرجع لمستواه

وهذا اللي صار لسالم الدوسري ، عزوز ، نواف , كعبي ، سلمان .

لذلك من أسعدنا وضعناه فوق رؤوسنا ، ومن قهرنا وجهناه باللتي هي أحسن

اذا عاد فالحمد لله ، واذا لم يستطيع فالدكة تربي وتعلم والخانة لمن يتعب من أجلها.

خلف نت · #2 10/02/2016, 09:00 AM

الله يعطيك العافية وبالتوفيق للهلال

ثائرالهميجان · #3 10/02/2016, 09:33 AM

المدح مطلب والنقد أو التوجيه أيضا مطلب لكن كلها باللتي هي أحسن بالذات النقد توضيح الخطأ وطرح الحل مهم جدا سوى للناقد أو للمنتقد بضم الميم
كلنا لو نعلم ان بعض ما نعمله خطأ لما عملناه ولكن يكون اجتهاد يصيب أحيانا ويخطئ أحيانا والكمال لله

سعد الحسيني · #4 10/02/2016, 09:42 AM

وكذلك كثرة النقد تحطمه وعلى قولتهم تكسر مجاديفه
وتقتل عنده الطموح والرغبه ، قليل هم اللاعبين اللي النقد
يزيدهم ويخليهم يخرجون اللي عندهم ،،،

النقد مطلوب في حال قل العطاء ، والمدح والثناء مطلوب في حال قدم المستوى
المأمول منه

وأزيد على كلامك ، اللاعب مثله مثل الموظف يحتاج المدح إذا قدم المستوى
والمردود المأمول منه وكذلك يحق لنا نقده في حال أخفق

طبعاً قلنا نقد مو تشكيك في النوايا مو سب وشتم واستحقار واستنقاص
فيه فرق كبير بينهم

يعيطك العافية موضوع بطل

( فواز ) · #5 10/02/2016, 10:38 AM

المستحق للمدح هو من يثبت جدارته داخل الملعب وعلى المستوى الشخصي نقول أن شاء الله الكل يستحق المدح

سعيد الحمادي · #6 11/02/2016, 06:11 PM

الله يعطيكم العافية على المرور الجميل

ان شاء الله كل لاعبي الزعيم فيهم الخير والبركة ويشعرون بالمسئولية

وبقلوب الجماهير اللي تحترق من أجل الكيان.