|
أتمنى عدم إشراك الميدا امام (النجوم) .. السلام عليكم .. مباراة الهلال والنجوم صحيح انها محسومة لكن اتمنى اشراك ياسر او ناصر كأساسيين وعدم اشراك الميدا لقرب نهائي كاس ولي العهد ولازم تجهيز ياسر او ناصر للنهائي بما ان إلتون ممنوع من المشاركة.. وصحيح ان ناصر الاقرب للمشاركة بس ماش هاللاعب من تالي ضايع ولا ينشد به الظهر من توصلة كوره يا يحاول يشتتها سريع سريع ولا يقعد يتفلسف ويقتل الهجمه وياسر ما ظنتي مؤهل يلعب 90 دقيقة من سبة الشحوم الي به ..يعني ي لعبوهم ولا جيبوا السواط وخلوه مهاجم يسنعنا ولا شوفوا لنا حل .. |
اختلف معك فليس هناك شيء محسوم واحترام الخصم وقبله توفيق الله هي عامل الفوز المفترض ان الاحتياط نفس الاساسي والتدوير اللي مارسه المدرب من بداية الموسم قد اثمر لذلكفمشاركة كم لاعب من الاحتياط لاتعني انه استهتار بالخصم متى ماكان التكتيك مناسب واللاعبون يؤدون بجدية والتزام |
حلها بسيط مع ناصر الشمراني يقولون له مليونين واربع ميه الف ريال حد عقود لجنه الاحتراف حق مستواك الضعيف وتحمد ربك عليها بعد ولو تبي عقدك كامل العب مثل ماكنت تلعب اول ماجيت مع الهلال ماعندنا وقت نفسيات ومسلسلات تركية الهلال لعيبته تاكل الاخضر واليابس والي مب قد المسؤلية في مليون لاعب يتمنون الفرصه بداله |
الواجب احترام الخصم مهما كان مفاجآت الكؤوس كثيرة |
والله ماأقول إلا ربي يوفق الزعيم الملكي وجميع محبيه فوق كل ارض وتحت كل سماء بكل زمان ومكان اللهم امين يارب العالمين |
نهائي ولي العهد اعتبرها الفرصه الاخيره للزلزال بالنسبه لي,, اما بخصوص من يشرك امام النجوم فالمفروض اشراك ناصر حتى ياخذ على رتم المباريات .. ابوعزوز مايقدر يلعب حتى شوط كامل.. |
اتفق معك .. وناصر لا يقل عن الميدا .. ف بلاش الي يردون فوق حسسوني الميدا باتيستوتا زمانه يقنص كل هجمة قول وهداف الدوري بواقع 20 هدف .. ناصر لازم يلعب اساسي في المباريات الجاية وانا واثق فيه ان شاء الله يرجع |
يجب اشراك ناصر اساسيا بشرط يفهم ان كرة القدم مافيها نظام لعبوني والا بخرب فالهلال بحاجته في ظل غياب الميدا عن النهائي |
لمصلحة الهلال وثقتنا بأبناء الهلال و الاعبين المحلين اتمنى عدم اشراك الاعبين الاجانب مع اعطاء الفرصه للاعبين الاولمبي في المشاركه في هذه المباراه بلذات الجمهور الهلالي |
الجميع لاعبين محترفين ... ولا فيه محاباة لاعب على حساب النادي مهما كان ويجب التقييم على حسب العطاء لا انه كان في الماضي كذا وكذا واشوف ياسر عنده شيء ... |
ناصر تأثر بالجلوس على الدكة و بإذن الله أن مشاركته أساسي ستعيده للإبداع. النجوم فريق جيد وقادر على عمل مفاجأة و لا يمكن أن يوصف الفوز عليه بالأمر المحسوم .. لكن فيه مجال لمشاركة بعض الأسماء البعيدة عن التشكيلة الأساسية و منهم ناصر و السالم . |
مافي شي محسوم والاستهتار بالخصم يودي للهزيمه مثل مباراة النهضه استهترنا فيهم وكادنا ندفع ثمن هالاستهتار لازم نلعب بجديه وعدم اهدار الفرص الكثيره والله يوفق الزعيم ويفوز على النجوم وباقي مبارياته |
نرجوا عدم الاستهتار بالخصم ياجماعة الخير مباريات خروج مغلوب معروفها تجيك بدون مستوى اتمنى من مدربنا التدوير ولكن بمعقول بوعزوز مايقدر يلعب مباراه كامله وان شاء الله البقيه فيهم الخير والبركه |
الله يوفق الزعيم وينصره ياااارب العالمين اللهم اشفي مرضى المسلمين والمسلمات واشف اللهم حبيبي وأميري الوليد بن خالد بن طلال |
لا أعلم عن مشاركة الميدا من عدمه بالنهائي لكن حتى لو غاب المباراة النهائية عادي يلعب أمام النجوم هو يستلم راتب ويجب ان يلعب إلا إذا كان موقوف عن المباراة لأنه يمكن نبعد عن المباراة الحالية وننهزم ونجلس نلوم المدرب وإذا احتاج المدرب إشراك لاعب آخر فيلعب ناصر مثلا شوط وياسر شوط لكن الاستهتار بالخصم لا النجوم 11 لاعب يقابلون 11 لاعب ويمكن يحققون المفاجأة ويفوزون على الهلال ولو كنا نعلم قوة الهلال فالمفاجات بالكؤوس وارده |
اولا مافي شي محسوم في كرة القدم ، والدليل النهضه كاد يخرج الهلال ، لو لا لطف الله ، ثانيا / ناصر الشمراني نجم مخلص للشعار ، لم يفعل مثل هزازي ، ويغيب عن التمارين بسبب عدم اشراكه ، وعندما احتاجه دونيس ، لم يخذله ، سجل في اهم مباراة مباراة القادسيه ، وجلب النقاط الثلاث ، ثالثا / ياسر القحطاني ، روح الهلال ، التزم بالتديبات انتظر الفرصه ، لم يتكبر على الفريق ويعمل مشاكل مثل غيره بالفرق الاخرى ،بل احترم الشعار اللي لابسه ، وجلس احتياط واحيانا بالمدرج ، وعندما احتاجه مدربه وفريقه ، نزل بمباراة الفيصلي وسجل هدف وجلب 3 نقاط مهمه ايضا . يعني باختصار ، ساهم ناصر الشمراني وياسر القحطاني بجلب 6 نقاط للفريق ، ولا لو قدر الله ولم يلعبوا بكل جد واحترقوا ، لكن الاهلي الان الاول بفرق نقطتين عن الهلال ، لخسارة الهلالاربع نقاط بالتعادل مع القادسيه والفيصلي ، يعني وجودهم بالدكه ليس فقط مجامله ، بل كانوا نجوم مؤثرين وقت الحاجه ، وهذا اللي نبيه ، واتوقع بحول الله وقوته ان يبدع ناصر الشمراني وياسر القحطاني بالنهائي ويحسم الهلال اللقب باذن الله ، وايضا اتوقع لهم اضافة مميزه مع الفريق بالدوري واسيا وكاس الملك ، فقط ضعوا ثقتكم في نجومنا ، ولا ترددو ما يردده من يكره الهلال ، وتذكروا ما كان يقال عن ان محمد الشلهوب انتهى ومجامل ، ووووو، ولكن صبر وظفر ، واصبح علامه فارقه متى ما احتاجه الهلال وجده ، . |
احسن لاعب في اسيا يوضع في دكة الاحتياط كرمال حقد مدرب و تأهيل لاعب مجهول قادم من دوري غير معترف فيه اوروبيا. وضع الزلزال في دكة الاحتياط و المضحك ان البعض يطالبه باكثر مما يطالب اللاعب الفلتة الميدا. لاعبي المنتخب تدهور مستواهم بسبب ما يحدث لهم من قبل المدربين. و ادارات النوادي لايهمها كثيرا اللاعب السعودي بقدر اهتمامها بتحقيق الالقاب. خسرنا اسيا بسبب المدربين اكثر من اللاعبين ، جيريتس تعامل مع الهلال بحقارة و خرجنا من التاهل و ريجي و ما ادراك ما ريجي و ياتي الان ادونيس بتمثيلية الانظباط مع شراحيلي و قبلها ناصر الشمراني. مدربين اتوا ليملؤا جيوبهم اولا و يستفيدوا من عقود اللاعبين على حساب الهلال. اللاعب السعودي هو اساس الفوز بالبطولات قبل المدرب و اللاعبين الاجانب. للاسف الان حطمنا لاعبينا بعقدة الاجنبي و الدليل المباراة الاخيرة ، مهزومين بدون اجانب حتى ادخلهم ادونيس و فزنا بالقوة. مع فريق يصارع الهبوط في دوري الدرجة الاولى. قبل ثلاث سنوات حقق الهلال بطولة ولي العهد بدون اجانب و بقيادة مدرب مغمور و مساعده سامي الجابر. الخلاصة ، لن نرتقي اسيويا سواء بالمنتخب او الهلال حتى نعتمد على لاعبينا المحليين اكثر من الاجانب و عقدة الاجنبي المهاجم نمحيها للابد. اخرجت المملكة افضل المهاجمين الاسيويين امثال ماجد ، العويران ، سامي ، الثنيان ، المهلل ، و القائمة تطول. و لازلنا نامل في الفلتة الميدا خيرا العنيد |
ناصر الله يسامحه ، هو اللي خرب على نفسه بالنرفزة الزائدة مثل ماحصل أمام سيدني في النهائي ، وكذلك ماحدث في المنصة ، وكذلك مشكلته هو وأخوه عند المستشفى في مكه والعثيم في الرياض ، لازم يعرف إنه لاعب محترف وهذا مصدر رزقه ف لابد أن يتحمل ويضحي ويضبط أعصابه قدر الإمكان ، بسبب اللي ذكرته سابقاً تعاقد الهلال مع الميدا وصار يشارك وناصر إحتياط ، وأنحرمنا من إبداعاته وخطورته وأهدافه وحلاوته كرأس حربة ، أتمنى يشارك أساسي المباريات الجاية أمام النجوم ، الفتح ، الرائد ، الأهلي ع النهائي وبإذن الله يعود الزلزال أفضل من أول ، بس يحتاج للتشجيع والرفع من معنوياته ، يحتاج أن الجمهور يدلعه ويغني له . |
احترام الخصم امر مهم حتى تحصد الانتصار والنهضة خير دليل اتوقع ان تكون تشكيلة اليوم فهد الثنيان محمد البريك احمد شراحيلي سعود كريري محمد جحفلي فيصل درويش سلمان الفرج عبدالعزيز الدوسري خالد كعبي ياسر القحطاني ناصر الشمراني ممكن يلعب كواك ويتحول كريري للمحور لكن اتوقع التشكيلة كذا بشكل اكبر |
اتفق معك يجب اشراك ناصر وذلك للاعتماد عليه بالنهائي بعد الله |
معاك انا في وجهة النظر لابد نجرب راس حربة سعودي اتمنى مشاركة القناص في بداية المباراة بجانب الزلزال وفي الشوط الثاني لا صارت النتيجة ان شاء الله من صالحنا يقوم في شوط المدربين ينوع اللاعبين مثل كروم القحطاني وغيره من النجوم الشباب كل الشكر والتقدير لك |
اذكروا الله وما يكتب في المنتدى من اراء ينم عن رغبات وليس بعين الحقيقة |
احترام الخصم مهما كان الفلريق الذي امامك لوكان فريق حواري. |
ياسر وناصر الي يقدمونه ما يكفي وخصوصاً ناصر اغلى اللاعبين السعوديين في الهلال ومن يلمس الكورة ي يشتتها طيارة ولا يستهبل وتنقطع منه .. نبي نصعيد مهاجمين الاولومبي او التعاقد مع عبدالرحمن الغامدي اتوقع انه موهبه ولا احد داري عنه .. |
| الوقت المعتمد في المنتدى بتوقيت جرينتش +3.
الوقت الان » 05:30 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd