السلام عليكم ورحمة الله وبركاته
انا لدي اقتراح حاولت الوصول إلى سمو رئيس النادي ولكن للأسف لم يحضر في وقت التمرين وانا حضرت من الشرقيه ولم استطع الانتظار لليوم التالي
الاقتراح هو استئجار مكان او اكثر على رصيف المواقف من البلديه وإعادة تأجيره على أحد المستثمرين بحيث يكون هناك بوفيه يستفيد منها النادي في تقديم المشروبات بمقابل أثناء التمارين ومباريات الفرق المقامة بالنادي وبالنهاية هي طريقة دخل للنادي
انا حضرت مباراة الفيصلي الوديه ودفعت 100 ريال للجلوس على (بلاط) بالمنصة ! حتى الكراسي لا يوجد والمشروبات لا يوجد
هذا ما أرى وللجميع كامل الاحترام

اقتراح ممتاز

ويعطيك العافيه

ليه النادي مافيه بوفيه ، ولا فيه باعه متجولين ، شي غريب اذا مافيه ، نادي بحجم الهلال ولا يوفر ذلك للحضور ، علامة استغراب صراحه، .

وانا اخوك الافكاار كثيره بس من اللي يسمع ويطبق فيه اقتراح المتجر الالكتروني وقناة الهلال واكثر من اقتراح يدخل للنادي ملاين

بس دام الانديه المفروض فيه لجنه خاصه بالاستثمار بالهلال تسمع مقترحات الجمهور وتاخذ رايهم لان الجمهور هو الدخل الاساسي للفريق بحضورهم

نادي الهلال وبوفيه

قل يجيبون بن او دكتور كيف او احد هاللي مالين الطرق صايرين تقل صرافات

انا مدري ليه هل هم حاولوا يتفاوضون معهم ورفضوا او فيه مشكلة رئيسيه او لازم خصخصه

يعني مشاكل الاندية السعودية واغلب القضايا في الاتحاد السعودي تغلق ضد مجهول

الله يسامحك بوفيه...بوفيه بزعيم اسيا

إقتباس الرسالة الأصلية كتبت بواسطة a.raqeeb69 ليه النادي مافيه بوفيه ، ولا فيه باعه متجولين ، شي غريب اذا مافيه ، نادي بحجم الهلال ولا يوفر ذلك للحضور ، علامة استغراب صراحه، .

يارجل مافيه كرسي تجلس عليه بل بلاط يكسر الظهر وبالذات مع البرد أما البوفيه فيوجد بوفيه قرب المسبح لكن لا تقدم إلا شاهي والعامل وحيد وكنا في حدود عشرين شخص جلسنا من نهاية الشوط الأول إلى منتصف الشوط الثاني وبالاخير قال مافيه (موية ساخنه) !
أقل منشأة تستطيع أن تقدم دبل ماتقدمه البوفيه ولو بالصالة يتم وضع عربة شاهي وكرتون فطائر لكن خلها على الله

إقتباس الرسالة الأصلية كتبت بواسطة منبع المجد نادي الهلال وبوفيه قل يجيبون بن او دكتور كيف او احد هاللي مالين الطرق صايرين تقل صرافات انا مدري ليه هل هم حاولوا يتفاوضون معهم ورفضوا او فيه مشكلة رئيسيه او لازم خصخصه يعني مشاكل الاندية السعودية واغلب القضايا في الاتحاد السعودي تغلق ضد مجهول الله يسامحك بوفيه...بوفيه بزعيم اسيا

ياصديقي انا كان معي ابني صغير بالسن وتعرف الأطفال وحاجتهم للأكل وانا كلمت نائب الرئيس وبعض أعضاء الإدارة وللأسف قالوا المنشأة ملك الرئاسة ولازم مخاطبات وقلت لهم الرصيف ملك البلديه وتأجر للجميع والأرض الجنوبيه الشرقيه ملك خاص للنادي هدية من الأمير فيصل بن سعود ولكن بصراحه الانديه مافيها ناس تستطيع استثمار المنشأة بالطرق النظامية