من يفتيني في الميدا
 

يا أخوان تحيه طيبه و عام نصر للمملكة و للزعيم حقيقة أنا السنه هذي ما تابعت مباريات الزعيم لإنشغالي و شاهدت مباراة الهلال و الفقر اللي فاز فيها الهلال 2/1 و ما اعجبوني حقيقة المحترفين ليسوا في طموح الهلال ادواردو كويس بس مهو حقيقه لاعب مباريات كبيره و الميدا المهاجم مستواه سئ و سمعت انه يضيع البلانتيات . سؤالي هل سيتم تغيير الميدا بمهاجم من طراز كبير لاننا مقبلين على الاسيوية و مهاجمين يخلصون لنا المباريات بامانه ماعندنا .

يا ناس افهموا ما فيه تغيير اجانب وقد أعلنت الادارة ذلك رسميا في وقت سابق والسبب عدم توفر المال والديون الكثيرة

أجل و الله الأسيوية صعبه حيل باللعيبه الحاليين

صدقت اخوي وما نستطيع القول الان الا ( إنَّا لله وانا اليه راجعون )

بجاوب على سؤالك

الميدا افضل مهاجم اجنبي بالملاعب السعودية من وجهة نظري له أسلوبه الخاص والمتميز ... انت لك وجهة نظر أخرى احترمها

ادواردو افضل لاعب في الدوري السعودي

الهلال مع دونيس بالفعل انساني جميع المدربين السابقين الذين ابدعوا مع الهلال

الهلال أسلوبه في اسيا غير من ناحيه الخطه وتنفيذها والأسلوب والتكنيك

أتوقع حصول الهلال هذا الموسم على بطولتين على الأقل


...................


اما بالنسبه لموضوعك انك ماتبعت الهلال وكان الميدا سئ رغم كلام الفنييين بان الميدا افضل مهاجم اجنبي ... وأيضا ادواردو اللي سجل في جميع الفرق الكبيره ليس بلاعب مباريات كبيره .. ( لاتعليق )

............


كنك فاتح موضوع يالله نقول أي شي بالهلال ونحطم الجمهور والإدارة رغم ان الهلال يلعب نهائي ولي العهد .. ومتصدر الدوري .. كلام غريب .... ؟؟

....


اسيا بطوله ويتنافس عليها 500 فريق في اسيا .. وجميعها تعمل لست وحدك ... والهلال باخر بطولتين 2 و 3 و 4 .. يعني من افضل فرق اسيا ... والفريق الوحيد .. في اسيا المتواجد في جميع بطولاته ... على مر الأعوام ...


انت تبي كاس .. وتشجع الهلال ... اجل خلك بالبيت .. لا فاز الهلال بالكاس تعال شجعه


... ............................. واتمني اخرا ان اقرا كلام معقول ........................

كيفت ووففيت ياعبد الرحمن بالرد ...

بالنسبة للميدا هذا اللاعب الذي لا يتفق عليه اثنين حتى انت نفسك تحبه وتكرهه في نفس المباراة

مثلا مباراة الاهلي الاماراتي سجل هدفين ذهاب واياب

فيه صفات غريبة
يسجل الصعب
يراوغ وانت تريده ان يمرر
يسدد وانت تريده ان يراوغ لابد ان يبقى حتى نفهمه

أخوي عبدالرحمن لاهنت على التوضيح لكن هذه وجهة نظر و الإختلاف في وجهات النظر لا يفسد لحب الزعيم قضية
تحياتي و حنا مع الزعيم في شر و الا في قدا

يشترون باخشوين الاهلي + تمبكتي الوحده

وسلمان الفرج يتفرغ لصناعه اللعب (جوكر)

وبعدها ابشر بآسيا

اخوي هلالي كندا
مع كامل الاحترام لجميع محاورنا المحليين لا يفرقون عن عطيف وكريري والقرني
هناك لاعب وحيد النخلي محور وليبرو بنفس الوقت أما يتم التعاقد معه أو العوده لرباعيدفاعي ومحورين

انت تابع الفريق اول بعدين اطرح مواضيع أناقشك ونفتيك اجل سمعت انه يضيع بلنتيات حتى باي مباريات ماتدري؟!!

مشكلة اللي يصدق شركة يقولون السوبر ادواردو افضل محترف غير سعودي في الدوري وانت تقول انه لاعب عادي هذا وهو في اول مباراة مع الزعيم جاب لك بطولة وسجل في كل المبارايات اللي لعب فيها ماعدا مباراة او مباراتين الميدا كويس ومو كويس في نفس الوقت لكن يجي منه تحركاته مزعجة واذا ماسجل لكنه يتسبب في تسجيل اهداف وشوف مباراة الهلال والنصر وتعرف اللاعبين اللي عندك وارجع لمبارايات الهلال كلها وشوف اللعب بعدين احكم

بعد أذن أخونا AzR8 HiLaLi

للي ما يعرف الميدا يرعص هنيا

وترى كل اللاعبين الكبار ضيعوا بلنتيات وهذا ما يعد ماخذ على لاعب يعد افضل راس حربه بالدوري هالسنه وخصوصا أن خطه الهلال التسجيل بلاعبي الوسط باللعب براس حربه واحد وخمسه أو سته وسط
المطلوب منه يكون ظهره للباب ويستقبل ويعد للقادمين من الخلف مثله مثل المعد بكوره الطائره وللأمانه الرجال مبدع ومأدي دوره بأمتياز وليتهم يجددونله

أما السوبر أدواردو فسلملي على الذيب الأمعط الي إختاره وسعى في مشتراه وسلامتكم

وللي ما يعرف السوبر أدواردو يرعص هنيا

هذا حب بدون متابعه شيء جميل

ولكن بالنسبة لادواردوا اذا استمر على ما يقدمه بتشوف ارقام تبي تتحطم بالدوري السعودي

اما بالنسبة لالميدا فهو افضل من القحطاني والشمراني

رغم امكانية الاستغناء عنه

مهاجم كثير الحركه مقلق لاي دفاع احتكاكاته قويه جدا

مقلق حتى للمدافع الصلب يضغط بشكل مستمر على الدفاع

يصنع فرص مع لزملائه

ضرباته الراسية قويه ودائما يسجل منها

عيبه اهدار الفرص السهله او التافهه التي لا تضيع

باعتقادي انه هو ضالة الهلال

فزلاتان ابراهيمفيتش لم ينجح مع برشلونه رغم انه افضل المهاجمين

وبرشلونه يملك افضل تمرير وصناعة فرص بالعالم

فاسلوب الهلال لا يحتاج الا راس حربه هداف قدر ما يكون راس حربه مقلق

فالفريق كله يسجل والفريق كله يصنع رغم انني اتمنى جلب صانع اللعاب او الاعتماد على السواط

امعاد ادواردو ماهو لاعب مباريات كبيره اجل وظهوره قدام الاتحاد والشباب والاهلي والنصر واللخويا والاهلي الاماراتي وش تسميه وبالنسبه لألميدا ماتقدر تقول عنه سيئ إلا إذ الكوره وصلته له بمنطقة الجزاء وضيعها هذاك الوقت معك حق اما يطلع من خارج الـ18 علشان يستلم كوره فطبيعي راح تقل خطورته وراح تنقطع منه الكور الميدا محتاج صانع لعب لأنه مهاري ضربات رأسيه واستغلال للفرص