جاري القراءة............. ........:alzaeem:

برأيي .. طريقة دونيس فكت لنا ازمة كبيره ضد الفرق الصغيره والمتوسطه اللي كنا نعاني امامها
مثل ماذكرت الطريقة فعاله هجومياً وتهاجم الخصم من كل الجهات .. الفرق الصغيره تقفل قدامك فما ينفع لها غير هالطريقة
والدليل ان طول الدور الاول لم نخسر غير 6 نقاط وكانت من فريقين الاتحاد و الاهلي ...

ويُحسب لدونيس انه طوّر من طريقة اللعب بحيث اضاف ميزة فقدناها لسنوات عديده اللي هي الاعتماد على العرضيات
الواضح انه شدد على اللاعبين من تطوير انفسهم من هالناحيه شفنا الشهراني بدا يتطور هجومياً
وجلب البريك المتميز بالمعرضيات وعندنا درويش والزوري .. الاطراف صارت نقطة قوه كبيره للهلال بعكس السابق
ولو نشوف عدد الاهداف الرأسيه بالدور الاول راح نشوف الفرق

اول كنّا نلعب ضد فريق يقفّل وكل اعتمادنا على الكرات الارضية والاختراق وهالأمر صعب اذا قدامك فريق قوي دفاعياً
لكن الان تغّير الوضع واخر مباراة مع الفريق الفلندي خير دليل ايضاً

عيب دونيس فقط انه احيانا او غالباً مايقرأ المباريات الكبيره صح.. طريقة 3-5-2 ممكن تفوّزك على الفرق الصغيره بالراحه
لكن امام الفرق القوية هجومياً لازم تغييرها

عموماً برأيي مهما كان دونيس عنده اخطاء لكن انه افضل من المدربين السابقين (سامي + ريجيكامب ) كنتائج ومستوى ايضاً

اخوي اتفق معاك في كل شي ،

الا التكلم عن افضليته عن سامي ، فسامي كان في مرحله بناء وتطهير الفريق من من هم دون المستوى، او لم يعد لديهم مايقدمونه، فسامي عكس دونيس ، قدم للفريق وبه المرشدي ، ونامي ، اساسيين ، فجلب نيفيز، ثم كواك، ثم ديقاو ، والشمراني ، وكريري ، وعطيف ، والحافظ ،واعطى الفرصه للدعيع ، ولم يكن معه خالد شراحيلي ، ومع ذلك اوصل الهلال لدور الثمانيه ، جاء رجي ولقى فريق جاهز ،احضر فقط بنتلي ، ووصل للنهائي واهدره ، ووصل لكاس ولي العهد واهدره ، واضاع المنافسه على لقب الدوري من بدري ،عكس سامي اللي استلم الفريق وهو يعج باللاعبين المنتهيه صلاحيتهم او العاديين ، وقام ببناء الفريق والمنافسه في نفس الوقت ، والدليل ان حتى دونيس الان ، لو نظرنا للاعبين الاساسين غير الحارس ، استفاد العام من 8لاعبين اساسين في عهد سامي ، والموسم هذا لازال يعتمد على سبعه منهم ، فقط اضاف الحارس ، وجحفلي ، والميدا وادواردو ، لذلك من الظلم مقارنه سامي بريجي ، او حتى دونيس .

يا اخي انا اذا قلت دونيس افضل من سامي وريجيكامب مايعني اني امحي اللي سووه
دونيس أفضل من سامي فنياً واللي يقول غير كذا اشك فاهم كورة ! ماحد ينكر الشغل اللي سواه سامي من تعاقدات واعادة نيفيز وجلب قلبين دفاع .. ولكن مع ذلك كان عنده أفضل فريق كأسماء من بداية الموسم ولم يحقق اي بطوله !
وأيضا ً هلال سامي كان من اسوأ المواسم اللي شفتها .. الفريق كان متذبذب جداً ويخسر النقاط متتاليه وامام فرق متواضعه
دونيس افضل من سامي في ادارة المباريات و تهيئ الفريق نفسياً وتعامله مع اللاعبين .. سامي واجه ضغوطات كبيره بسبب كارهيه بالوسط الرياضي لذلك انا كنت مع قرار تغييره .. لانه لو استمر ما اتوقع راح ينجح

ثانياً .. الكُل قسى على ريجيكامب والبعض وضعوه مدرب سيء وهو سبب خسارة الهلال لبطولتي آسيا وولي العهد !
وهالكلام غير صحيح .. لو تلاحظ من اتى ريجي كامب حتى نهائي آسيا كان الفريق يقدّم مستوى فني ممتاز .. حتى نهائي آسيا كنا حاشرين سيدني ذهاب واياب لكن رعونة بعض اللاعبين + الحظ والتحكيم هو اللي خسّرنا البطوله
ونهائي ولي العهد ماله داعي اجيب لك الملخص عشان تشوف العكّ الكروي اللي قدمه ناصر الشمراني طول المباراة وتسديدة نواف العابد المُضحكه لركلة الجزاء ..

زبدة كلامي النتائج غالباً هي اللي تقيّم العمل والأفضلية .. حتى الان دونيس لديه بطولتين وهو يقدم لنا هلال واقعي ومتصدر الدوري مع الاهلي .. وقاعد يقوم بتدوير ذكي للفريق اللي راح يفيدنا بنهاية الموسم وبنشوف حصاده

يعطيك العافية
أي خطة مهما كان شكلها ماراح تنجح الا اذا عندك لاعبين من طراز عالي

ونحن نمتلك اللاعبين اللي ينجحون أي خطة مهما كان شكلها ..

خطة دونيس الحالية تعتبر متوازنة الا شوية .. انت قلت انها مجازفة مع الفرق اللي تجاريك بوسط الملعب .. صح مجازفة ودفعنا ثمنها بخروجنا من اسيا وهزمتين من الاتحاد والأهلي

الحل ... التعاقد مع محور دفاااااعي وقتها راح تكون خطة دونيس متوازنة 100%
او اللعب بمحورين امام هذه الفرق

واذا تبغى تسجل في كل مباراة 5 و6 لأننا نوصل بالهبل لمرمى الخصم جيب مهاجم قناص بديل ل الميدا

اقسم بالله وقتها لنشوف تكتكه وهبل كروي واهداف بالكوم ومستويات من عالم ثاني

يانواف بن سعد انت بأمكانك ان تجعل الهلال فريق متكامل بضم لاعب محور الطلب الأهم
واذا تبغى تشوف هلال برشلونة مهاجم بديل ل الميدا ... فقط

بدون محور دفاعي هجمة مرتدة تخسرنا بطولة نحن احق بها او غلطة من لاعب انغصب يلعب محور دفاعي ...

وقتها ما نعرف الا انت ..

السلام عليكم

قسم بالله انك استطعت ان تشرح ماعجزت عن شرحه طوال مده طويله ، ولكن انت شرحت ماعجزت عنه وبكامل التفاصيل وبالصور يسهل علي اي شخص انه يفهمه


لله درك :)

قرائة رائعة. مثل هذا النقد او التحليل بالفعل محتاجينه كثير بعيد عن الأسفاف والأسقاط.
احسنت.

بالنسبة لي انا مقتنع بكل مايفعلة دونيس مع الفريق حتى اني اقتنعت بوجود عزوز الدوسري وقبلها انا على ثقة بالميدا.
تحياتي للجميع

اتفق معك تماماً بخصوص كواك واتمني استبداله بهذه الفترة بلاعب محور مثل اللاعب الاسترالي جنياك لاعب استون فيلا وهو متاح في الوقت الحالي

الله يعطيكم العافية
الطرح جيد وأسلوب دونيس يتغير حسب طريقة المنافس وقوة الفريق
بالتوفيق للزعيم

شرح جميل ومميز وبطريقه علمية
ولكن اضيف لميزات دونيس هو تطوير الفكر التكتيكي للاعبين
بحيث اصبح اللاعبون ينتقلون من خطة لاخرى بكل يسر وسهولة
وينعكس بشكل ملفت عالاداء وبتغيير واحد فقط هذه ميزة تضيع اكبر خصم مهما وضع من تكتيكات وبالنهاية المدرب يعتبر جزء من المباراة وليس كل المباراة
ولو عملنا جرد للنتائج مع المستوى اللياقي
وتجهيز البدلاء سنجد ان دونيس مدرب استثنائي
اجدد شكري للاخ خالد

من رأيي وفقت ف طرحك , لكن هل لدينا اداره تسمع للجمهور !
لا .

دونيس الله يسلمك يلعب بدون مهاجم حقيقي (الميدا كل خمس مباريات يسجل هدف )
ودفاعه لك عليه ومباراة الاهلي الاماراتي خير دليل مع كل هجمة للاهلي تحط يدك على قلبك وكانها بلنتي
قد يحقق الدوري خصوصا الاهلي احتمال يفرط في نقاط سهلة ولكن الاسيوية مستحيل ينجح فيها لقوة المنافسين
وسلااااااااااااامتك

بعد اذن خالد صاحب الموضوع


انت من أخطأت

cf

center forward


st

يسمونه

support striker

يعني مهاجم مساند او ماتعارفنا عليه هو المهاجم الثاني