|
ايعقل يازعيم !!؟ بسـمه تعـالى السلام عليكم اخواني واخواتي عشاق الزعيم الهلالي .. بكل امانة راح اتكلم رغم اني ما اعتقد بالنقد وانا متنرفز ولكن طفح الكيل .. انا مع بقاء دونيس وعدم تغيرع من اجل وفقط الاستقرار حتى نهاية الموسم ولكن .. مايحدث في الهلال غير طبيعي .. تعبت وانا اجامل دونيس هو مايشوف !! لمن يدخل الشلهوب وياسر اللعب يصبح متسلسل ومريح!! ليه مايلعبهم من البداية !! دخل الشلهوب تسبب بهدف الفوز تغير اللعب المشكلة مو بس هالمبارة دايما و على ذلك يصر على وجوده احتياطي!! .. ديقاو ياناس ديقاو افضل مدافع في السعودية الموسم الماضي يختفي عن التالق وصار يجيب العيد !! الميدا تحسن مقارنة بالمباريات السابقة اصبح يتحرك ويمرر وصنع هدف رغم اضاعته للانفرادية بهمجية ولكن فيه تطور يعطيني شوية تفاؤل . نقاط : 1- سالم الدوسري بكل امانة اصبح كما اعتدنا عليه وتحسن في اللمسة الاخيرة والتحرك الايجابي ويرفع راسه ويصنع انشاءالله النقد نفع ويستمر. 2- سلمان الفرج كان احد اسوأ اللاعبين كور مقطوعة عدم تمركز وسرحان!! 3- القرني مع المشاركات راح يتطور ويكون بدديل كريري لو لا قدر الله اعتزل. 4- ناصر الشمراني والله اذا مالعب اساسي او شوط كامل يصير عزوز رقم 2 اتمنى من دونيس اذا بيلعب مهاجم اخر ربع ساعة يدخل ابو عزوز لان هو يقلب ياسر 2007 في الوقت القصير. 5- كواك اتحدا كل من شاف المبارة ما قال كواك له قيمة فنية ومهم جدا وخروجه في نصف الموسم راح يدمر الفريق لان العظيم دونيس بيخلي كريري بداله!! لـ اول مرة منذ خروج ريجي اشعر ان دفاع الهلال شوراع وان الهلال ضايع حتى دخل الشلهوب وتغير الوضع ! دونيس اما انه يستهبل ويبي يلعب باعصابنا شوط ويريحنا ويعمل التكتيك المضبوط الشوط الثاني .. او انه ناوي يحفر اسمه في تاريخ الهلال كـ مدرب مهندس وخرج سباك:s5s:! اخواني واخواتي دعمكم للهلال في الفترة القادمة مهم جدا .. كلنا نثق بوجه السعد ونجعل له الامور الادارية والفنية ونحن علينا التشجيع والمؤازرة في الضراء قبل السراء .. ويجب علينا من اجل الهلال وليس اللاعبين ان نتحمل ونقف مع كل لاعب سئ حتى يمكن ولعل وعسا يسوي شي نسلك له فيه ولا يضبط مع سالم الدوسري والله كان النجم مع ادواردو اليوم. اتمنى عجبكم موضوعي وافادتكم وجهة نظري اخوكم love shalhob |
ياحسرتي عليك ياهلال مستوى كوارثي البركة في دونيس |
الحمد الله على الفوز و الثلاث نقاط كان فيه ارتباك واضح من الاعبين و دونيس وحده لا يتحمل المستوى السيء اليوم لكن في النهاية الاهم هي الثلاث نقاط مبرووك يا زعماء |
مبروك للزعيم الفوز والثلاث النقاط اوافقك الراي بكل ما قلته المستوى كان جدا سيئ بكل ما تحمله من معنى ديقاو كان حيتسبب في خسارتنا بعصبيته الزايده واخطائه الكثيره الشهراني كل تمريراته خاطئه القرني قدم مباراه طيبه بصراحه هذا اللاعب لازم يلعب باستمرار عشان يتطور اكثر او يتم اعارته زي البريك العام الماضي الميدا ماهو طموحنا اتمنى تغييره واكثر شخص عليه اللوم هو المدرب دونيس واستمراره على قناعاته باللعب بثلاثه دفاع وانا ارى لو ما راح يغيير قناعاته يتم تغييره بسامي او جريتس لو متوفر |
إقتباس:
|
إقتباس:
شكرا عل المرور:ba1: |
كلام في الصميم باصاحب الموضوع الا الميدا لازم ينقلع .... هلالي جداوي انا اوافقك بكل كلمه كتبتها واضيف عليه المدرب لازم يتراجع عن فلسفته وقناعاته الي مالها داعي المفرج اطالب بتغييره |
إقتباس:
|
أولا الحمدلله على الفوز الثمين الذي أبقانا تطارد الأهلي ثانيا كل الجمهور والمحللين أكدوا على أن الميدا ليس بالمهام الذي ينشده طموح الأمة الهلالية ولازال دونيس يراهن عليه حتى بعد نهاية مباراة اليوم صحيح أنه اليوم مرر كرة الهدف الثاني إلا أنه مهاجم (اعمى ) لايرى المرمى وينظر للأرض باستمرار وصحيح انه مشاكس إلا أن الكرات التي يفقدها لازالت كثيرة وبالجملة ديقاو لابأس به إلا أنه اليوم ظهر متنرفز بعض الشيء ولكن يبقى ديقاو مهاجم صلب والحديث عن بديل له لايزال بعيد جدا اذا كان لابد من رحيل أجانب فالأفضل رحيل كواك وجلب صانع لعب حقيقي وبإمتياز من طينة عموري العين والا فلا سيما وأن الشلهوب أصبح غير قادر على لعب مباراة كاملة ورأينا اليوم كيف لعب في الوسط وبداء بتنظيم فريقه وبداء يصنع تمريرات طولية نحو الأمام وبتوفيق الله ثم الشلهوب جاء الفوز اليوم ثم أنني أفضل رحيل الميدا وجلب مهاجم قناص يسجل من أنصاف الفرص هذا مااحببت أن اوضحه في تعقيبي على هذا الموضوع وشكرا لكاتب الموضوع |
| الوقت المعتمد في المنتدى بتوقيت جرينتش +3.
الوقت الان » 04:45 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd