دع التدريب لدونيس وتمتع
 

بسم الله الرحمن الرحيم

اخواني الهلاليين دع التدريب لدونيس وتمتع حتى نهاية الموسم ليس كل هزيمه او تعادل نضعها على المدرب بنسبه كبيره ولا تجعل اخفاق لاعب او لاعبين او اخطاء حكم او عدم التوفيق من الله يكون السبب المدرب .
دونيس مجتهد في عمله التدريبي فقط وعلى الفريق يجتهد في الملعب ويطبق تعلميات المدرب ويسجل الاهداف فقط
دونيس جلب لنا بطولاتين والان المركز الاول وفوق كل هذا سيلعب في كاس ولي العهد وكاس الملك وابطال اسيا يعني ضغط على دونيس وعلى كل مدرب والله يكون بعون الفريق ودونيس .
اخواني الزعماء لا تضغطون المدرب والفريق ولا تسمعون الحاقدين على الهلال من اعلام او مندسين في التواصل الاجتماعي او اي مكان كان الهلال بطل واحسن من كل الانديه وعندنا مدرب افضل من كل المدربين بس دع التدريب لدونيس وتمتع . ولله الموفق

غريب امركم اذا فاز مدحتوه واذا تعادل او انهزم طالبتو برحيله ظ انتظرو الين المباراة القادمة راح تكون مع ( الحالمي ) وبعدها نقيم او نحكم

احترم وجهة نظرك لكن استمرار المدرب يعني ترقب نتائج كوارثيه والله يستر

لازم مناقشه المدرب 86 دقيقه بدون هدف وتغيرات وتشكليه غلط في غلط وفلسفه تغير المراكز وعدم الزج بالعبدكريم القحطاني والسواط والاحتفاض بلاعبين منتهين في المستوى امثال الدواسر سالم وعزوز والميدا ....

خطة المدرب عجن وعك في وسط الملعب بدون فكر وخلاص جميع الفرق تشربت طريقته والدور الثاني اتوقع راح يكون حافل بالتعادلات اذا ماتم اقناعه بتغيير قناعاته

دونيس مدرب ممتاز إذا كان تحت إشراف الادارة لتحد من بعض قراراته الغريبة

جمهور مايرضيه العجب وابصراحة الاله الاعلاميه الصفراء هي من تاجج ضد المدرب

كل هذا عشان خسرنا مبارتين كنا فيها الافضل


عموما دونيس صاحب فكر عظيم لكن هذا لايمنع ان لديه بعض الاخطاء الي اشوفها كثرت في الاونه الاخيره

المدرب غريب في قناعاته اللي مافيه احد يقدر يقنعه ان سالم والكعبي ماينفعون تلعبهم في العمق تذكرون لما سامي كان مدرب الهلال كان سالم يلعب باحسن ماعنده بس مع دونيس اختفى ليش لانه مافيه امل يخلي سالم جناح وهو مركزه الاصلي طريقته غريبه في اللعب مثل مباراة امس ومباراة الاهلي يلعب 3-5-2 الخمسه اللي في الوسط من ضمنهم الجناحين الشهراني والبريك وفي العمق سالم وعزوز والفرج وطبعا خانة المحور عندنا ماخذه قيلوله بسبب نهج تكتيكي غريب الخلاصه مدربنا ماله سيفي قوي بسبب قناعاته اللي مايغيرها واذكركم راح يطرد في الوقت الحاسم وبتشوفون كلامي

المدرب ليسى سئ لكن نحن للاسف صرنا نعشق تغير المدربين والمفروض نتعض بالاتحاد والنصر لكن للاسف الفكر واحد صياح وانتقادات بدون فعاليه

يا صاحب الموضوع غالبيه الجمهور على وعي بمراكز الخلل بالفريق. نحن لم ننتقد المدرب على قلة امكانياته ولكن نقدنا في وضع اللاعبين في غير مراكزهم واللعب بتشكيلة 3-6-1 بالاعتماد على الفرج وحيدا في محور الدفاع واعطاء الحريه المطلقه للاظهره.
ايضا الاعتماد على سالم وعبدالعزيز الدوسري معا في ظل انخفاض مستواهم .

طريقة دونيس 3-6-1 تناسب اللعب مع الفرق المتوسطه والصغيره ولكنها تفشل فشل ذريع مع الفرق المنافسه التي تبادلك الهجوم وعندما يغير طريقته الى 4-4-2 يستطيع قلب النتيجه او تغييرها ومع ذلك يرجع لنفس طريقته في المباراه القادمه مع الفرق المنافسه والامثله كثيره
الاهلي الاماراتي مبارتين ذهاب واياب وبعدها مباراة الاتحاد واخيرا وليس اخرا مع الاهلي

انا اضع الف علامة استفهام على الاداره لماذا لاتناقشه وتقنعه بتغيير طريقته مع الفرق المنافسه