سالم الدوسري نجم النجوم والهلال وجمهوره سيقفون معه
 

السلام عليكم ورحمة الله وبركاته
اسمع كثير من الجماهير الهلالية التي للأسف انجرفت خلف اماني واحلام اعداء وكارهين الزعيم وذالك بشن الحرب على الزعيم ونجومه واكثر نجم تعرض للضغط والمحاربة في الفترة الاخيرة من جمهور فريقة ومن جماهير الاندية الاخرى هو سالم الدوسري .. اما جماهير الاندية الاخرى فهذا ديدنهم وطريقتهم من قديم الزمان مع نجوم الهلال وخاصة النجوم المتمزين واكبر مثال ماشفنا حرب على لاعبين الهلال الفاشلين بل على المميزين ولكن المشكلة الان ليست في جماهير الاندية ومحاربتهم لنجومنا بل تطور الامر وانجرف بعض جماهير فريقنا خلفهم والاكثر ضغط على النجم ان يحارب من جمهور نادية ويتجلى ذالك في المثل القائل .. وظلم ذوي القربى اشد مضاضة .. سالم من افضل اللاعبين في السعودية وانا ضد هذه الحرب المعلنه على هذا النجم وخاصة انه لايزال صغير في السن وامامه مستقبل كبير بالعكس اتمنى الوقوف معه وباذن الله سيثبت انه نجم كبير اتمنى منكم كجمهور ومحبين للزعيم ومن المعروف انه جمهور الزعيم هم ارقى جمهور في السعودية ان تكونوا عونا لنجومنا لا ان تكونوا اداة في يد كارهين الزعيم وتحققون مرادهم ادعموا نجومنا حتى لو حصل انخفاض في مستوى اللاعب فهذا شي طبيعي لكن الغير طبيعي ان نرى حرب كبيرة على بعض نجومنا وهذا التصرف خلفه الف علامة استفهام .. صحيح بعض اللاعبين اثبتوا فشلهم واخذوا فرصتهم كامله ولم يفعلوا مايشفع لهم ولكن ليس كل اللاعبين الملاحظ انهم ينتقدون بشدة من قبل جمهورنا وخاصة سالم الذي نال النصيب الاكبر من النقد والحرب ضده ادعموا سالم وباذن الله سيرجع ذالك النجم المرعب للخصوم
سالم نحن معك كجمهور محب وعاشق للزعيم وكل نجومه ولكن لابد من مراجعة حساباتك والعودة بقوة بحول الله وقوته .
وتقبلوا تحياتي .. أبو وريف

سالم الدوسري وعبدالله الزوري التفريط فيهم غباء مابعده غباء

فيه جماهير الله يهديهم اسلوبهم تحطيم وليس دعم

سالم الدوسري نجم وجميع اللاعبين يمرون بفترات انخفاض في المستوى ولاكن نحن كجمهور واعي ومحب لسالم والعابد وعبد العزيز الدوسري لابد ان ندعمهم ونشجعهم ونقف معهم تحياتي لجميع الشقرديه

للاسف لا استطيع ان الرد على موضوع مثل هذا

خوفاً على العضوية الاغلى منك وشكالك

مشكور على ردك الأكثر من رائع .. وجمهور بمثل عقليتك الكيان الازرق في غنى عنهم

عبدالعزيزلا تقترب من منطقة الثمانية عشر وادي دورك كوسط مهاجم وحاول ان تتفاهم مع المدرب لان وجودك قريب من منطقة الثمانية عشر فيه احراج لك وخاصة انك لا تجيد الأدوار الدفاعية

اسف بس اوقف معاه لوحدك ...
كم لنا واحنا نوقف معاهم وساندناهم بس ايش كان الرد ...
ولا شي بس رفع ضغط وحرق اعصاب ...
مانطالب ف تنسيق اي لاعب بس خليه دكه يتعلم من اخطائه ...
وكل مره بنوقف معاه عمره مايعتدل ولا يحسن من مستواه ...

اذا كان سالم نجم النجوم فماذا يكون الشلهوب ... لاعجب ان يصرح سالم انه لاعب كبير مادام انه لا يجد النفد والتوجيه بل من يكيل له المديح وفي الواقع سالم هو من ارانا النجوم بعز الظهر للاسف انانيه واحتفاظ بالكره زايد تسديد عشوائي وكروت ملونه .. افضل اداء للهلال كان بوجود الكعبي ودرويش والشهراني هؤلاء من يستحقون الدعم واترك عنك المديح الزايد فانت مثل الدبه التي قتلت صاحبها .. اذا استمر سالم يظن بنفسه انه من افضل اللاعبين واستمريت انت ومن هم على شاكلتك بالمدح لن يغير من طريقته وسينعدم عنده الاحساس بالتقصير وسيظطر النادي الي اعارته في النهايه او مخالصته اسؤة بالفريدي ومن سبقوه ..

شكرا على رأيك ومرورك الرائع فعلا لا للتفريط في نجوم الفريق وعلى فكرة النصر مارجع للبطولات الا بعد ما اشترى نجوم الفرق الاخرى

كلامك دردد اي لاعب مهما كان نجم يمر في مرحلة هبوط مستوى واذا لم يجد من يقف بجانبه ويسانده حتما سيسقط وهذا دورنا كجمهور محب للفريق والا نكون مالنا لزمة ولا وجود

بالعكس كلامي مايخرب لكن كلام بعض الجمهور هداهم الله تحطيم في تحطيم اكيد راح يتأثر اللاعب مهما كان هو بشر وراح يتأثر في هذه الاشياء اللي تدور حوله ولا تنسى انه لايزال صغير في السن ويتعلم من اخطائه بشرط ان نقف معه وايضا الادارة تقف معه ولكن ايضا تحاسبه وتنصحه ولابد ان يراجع حساباته ولكن بالتقويم المهني وليس التحطيم والمحاربة

شكرا لك على ردك وصحيح انا مثلك غاضب من سالم ومن افعالة لانها صدرت تصرفات منه في الآونه الاخيرة لا تليق بنجم من نجوم الهلال وايضا مع هبوط في المستوى داخل الملعب ومع ذالك أنا مع الوقوف معه ومحاسبته وجعله يراجع حساباته وهذا دور الادارة اما انا دوري كمشجع ليس محاربة اللاعب او تحطيمة بالعكس اقف معه وباذن الله انه يرجع لمستواه وتراه من افضل النجوم في المملكة ولا تنسى انه لايزال امامه مستقبل كبير .. فلو كان كبير بالسن وهكذا تصرفاته خارج الملعب مع سوء اداء داخل الملعب انا سأكون من اول المؤيدين بابعادة لكن باذن الله انني متأمل بهذا اللاعب خيرا ولايحتاج الا وقفتكم كجمهور محب للكيان وكل ماهو في مصلحة الكيان

شكرا على هذا المرور الجميل والكلام الاكثر من رائع فعلا بعض جمهورنا عاطفي فقط وبيعد عن العقلانية والا كيف تنقلب ضد لاعبينك مع اول نكسة لابد من المساندة والصبر عليهم فهم ابناء النادي واذا جمهور ناديهم ماوقف معهم لا تنتظر من احد ان ينصفهم خاصة هناك جماهير الاندية الاخرى تبحث عن الزلة على اي نجم من نجومنا وتألب الجميع ضده ارجع واقولك مشكور يارائع واسعدني مرورك وكلامك الجميل