سالم الدوسري مهاراته مثل نيما ر لكن نيمار يستفيد من مهارات في خدمة الفريق عكس ساالم الدوسري
وكذلك يلعب لعب جماعي مع الفريق وتصويب لديه في تركيز عكس سالم لو تم تطوير مستواه كان يكون نيمار العرب وشكراً

مساء الخير اخوي ابو فهد وان شاء الله تكون بتمام الصحة والعافية

جمهور الهلال ليسوا بلهاء لدرجة ان يغير نظرتهم كل من هب ودب

ثم نقد جمهور الهلال لسالم الدوسري ليس كراهية له بل لو الأمر أماني لتمنينا ان يكون افضل لاعب في العالم ، سالم وغيره ( مجرد لاعب ) إن كان في حضوره خدمة (((((( للهلال ))))) سيدعمه الجمهور ويقف خلفه وان كان في حضوره خذلان للهلال سينتقده الجمهور لعله يصلح مالديه من اخطاء وان استمر بتكرار الاخطاء سيكون الجمهور ضده وهو الخسران والله ان وقف الجمهور ضده


وحسب اطلاعي ان الجمهور لم يقفوا ضده لدرجة انهم يطالبون برحيله من الهلال ولكنهم ينتقدونه ليصلح من اخطاءه وإن اردت رأيي الشخصي ( عندي أمل ان صبة الخرسان تفهم أكثر من أملي في فهم سالم )

لاعب مكانك سر منذ سنتين
نفس الاخطاء في كل مباراة ، نفس الرتم ! نفس الاسلوب
احتفاظ بالكرة ومراوغة لافائد منها ، تمريرات بالهبل كلها مقطوعة
ارتكاب فاولات ما لأمها داعي ، تسديدات لاتمت لكرة القدم بصلة فهي للسماء أقرب منها للمرمى
تسديدات بالكوم ترتطم باللاعب الذي امامه


يارجل ان لم يصلح اخطاءه التي يكررها فوالله ان بقاءه في الهلال من منغصات للجمهور

بلا شك سالم والعابد وعبدالعزيز والفرج والشهراني والزوري والبريك وجحفلي وشراحيلي وعطيف وياسر وكعبي والحارس شراحيلي نجوم يستحقون الوقوف معهم والهجوم عليهم غير مبرر
وجميع جماهير الأندية الأخرى تتمنى نصف مستوياتهم

.............................................................................. لاحولى ولاقوة الابالله ..............................................................................

سلم تمك ياشيخ !!
بس من يفهم ... لاعب انتهى وكل يوم جايب طعة ولاننسى رقصية القطة قبل ايام !!
لاعب محترف وفي فريق كبير اسيا وفي الاخير يرقص !! ابو يوماً جابك للفريق يالفاشل ؟؟

ولا بريال ..تنسيق ...او اهداء لاحد الفرق درجه ثانيه

سالم الدوسري
 

سالم الدوسري لاعب مستهتر ومستواه سئ جدا ودائما يختفي في المباريات الحاسمة وعدم وجوده في التشكيلة أفضل من وجوده والدليل ان الهلال حقق بطولة كاس الملك في غياب سالم وكذلك بطولة السوبر وكلها امام النصر بينما خسر الهلال كل المباريات الهامة بوجود سالم مثل مباراة الأهلي الإماراتي والاتحاد والأهلي السعودي ومباريات النصر الموسم السابق ، فأي سالم تتحدثون عنه ، اتركوا العاطفة وكونوا قليلا مع الواقع

اخوي اسمح اقول انك عفست الامور
جمهورنا يحب من يقدر الشعار ويخدمه
ياخوي سالم حاسنا حوس متاكد انت سالم
مضيع هوية الفريق بالعربي مالنا خلق نشوف اسمه لو بالاحتياط
وانت تقول بالموضوع نجم النجوم ياخوي موضوعك فيه استفزاز
ولا احترام لعقولنا

بلا روح
 

يامسلمين الاعب هذا بدوووووووون رووووووح ولا يقاتل على او من اجل الشعار ويلعب بلا مبالاة وغير مهتم بامر الفريق وحتى الجماهير وفي المباراة الواحدة يقتل اكثر من 10 هجمات او فرصة هجمة واعدة يقعد يسحب ويراوغ وانا سوبر مان

باختصار يلعب لنفسه وكل كلامي هذا قلته قبل اكثر من سنتين ونصف وتم ايقاف عضويتي في المنتدى

نحن فعلاً يهمنا الزعيم ولاعبين الزعيم لكن للاسف الشديد سالم في الهلال جسد بلا رووووووح


حتى المباريات المهمة الي نسقط فيها اتحداكم تجيبون مقطع له وهو حزين للهزيمة او خروج الهلال
واقرب مثال خسارة سدني حتى الي يبيعون مويه قي الملعب حزنوا لخروج الهلال اما سالم عادي عنده مجرد يوم آخر يمضي
واقولها من اعماق قلبي حس ياسالم
وياليت ادواردو يعطيه ربع ربع الروح الي عنده كان بيتحسن الوضع كثير


انا لست مندس او من يعارض صاحب الموضوع ولكن يجمعنا حب الهلال ومصلحته اهم من كل لاعب

كيف ندعمه نصفق له ونقول له هيه هيه احلغŒ سحبت بفريق كامل

او نصفق له عشانه ماعنده احساس بالجمهور

ادعم الحقيقي نقدمه لمحمد الشلهوب وياسر الشهراني بسم الله عليه

مهوب لسالم اللي ماعنده احساس ولا شي

مشكور ماقصرت على ردك موضوع فاشل ماله داعي تتعب نفسك وتدخله وترد اما من ناحية عدم قناعتك بسالم انا ما ادافع عن اخطائه الاكيد عنده اخطاء كثير وانا من ضمن جمهور الزعيم الكبير اللي نعصب عليه في بعض المواقف بس اللاعب توه صغير واكيد بيكون عنده اخطاء ولكن مع وقفة الجمهور والادارة والتوجية الصحيح والصقل من المدرب راح يكون من المع نجوم السعودية ومن ناحية المشجع اللي يصايح على اللاعب هذا ليته فك الهلال من شره ومن تشجيعه هذا عاله على الهلال اللي استفدناه منه تشفي من جماهير الفرق الثانيه وطقطقه ومن حق سالم يضحك عليه ويقول بعد الحمدلله والشكر على نعمة العقل لان هذا موب اسلوب جماهير الزعيم الوفية والراقية ونرجع لسالم فيه اكثر من نجم خسرهم الهلال بسبب الجماهير وراحوا وابدعوا مع فرق ثانية واقرب مثال لك الفريدي انا وقتها كنت من اشد المعارضين للتخلي عنه وانا الان اقولك سالم لو يتخلى عنه الهلال ابصم لك بالمليون انه كل الجمهور سيعضون عليه اصابع الندم وسلمان المؤشر الان اغلب جمهور الزعيم نادمين على التفريط به لكن انك تشن الحرب على اللاعب وتحطيم وصراخ وخرابيط احسن لك لا تشجع الفريق لانك بتصرفك ذا تضره ولا تهمك مصلحة الفريق وشكرا

أنا أكثر واحد ضد سالم الدوسري ...

سالم مريض فنياً ويحتاج الى العلاج وعلاجه سهل جداً الدكة ..!؟

سالم عند مشاكل فنية كثير ومن اسبابها عدم التأسس في نادي منذ الصغر ومأثرة على عقليتة الفنية في ارض الملعب لو ترجعون لمباريات الهلال المهمه تجد سالم صفر على الشمال ..!؟

والاسباب ترجع للاعب ما راح يطور من مستواه مشتغل على نفس كثير ذهب الى قصات الشعر والاستعراض في المباريات والركض بدون فايدهـ


سالم اذا جلس في الدكة خمس او سبع مباريات راح يتعلم ويستفيد من الكثير واتمنى له وللهلال التوفيق

ودمتم في حفظ الله

شكرا على هذا الموضوع الهام فسالم الدوسري لاعب موهوب و من أفضل اللاعبين في آسيا ولكن يحتاج الى انقاص وزنه ويحتاج الى بعض التوجيه في مباراة الاهلي صنع الهدف بذكاء للادواردو وفي مباراة نجران صنع الهدف لادوردو ومع ذلك يتعرض لنقد قاسي من بعض الاعلاميين والجمهور يحتاج منا الى الوقوف معه والمسانده ضد هذا الهجوم الظالم