|
أمثالك هم سبب ضياع البطولات من الهلال بتشجيعه للأعبين عديمي الفائدة لأنه وجد من يقف معه حتى وإن لم يقدم شيء نحن لا نريد تنسيقهم وهذا خطأ إلا إذا الاعب أثبت بما لا مجال للشك بأنه فااااااشل ولا يستطيع التقديم شيء للعرين الأزرق أي لاعب هبط مستواه وهنا أقصد سالم الدوسري عليك بمعاقبته عقاب فني وهو حبسه في دكة البدلاء حتى يستفيق من وعيه أما مستواه صفر على الشمال وتقولون ( خلوه .. خلوه ) لا أحد يكلمه ولا أحد ينتقده كيف تبيه يرجع مستواه وأمثالك يطبلون له ؟؟ بالعكس الجمهور يجب أن ينتقده نقد بناء غير جارح واذا رجع مستواه تجد الكل في صفه وأقرب مثال جحفلي الكل انتقده وأنا أولهم وبعد مستواه المبهر في كأس الملك وحقق نجوميته في تلك المباراة الكل أشاد به وارجع لموضوعي تجاهه وأني مدحته وأثنيت عليه أيضلا سالم وعزوز وألميدا اذا أبدعوا وغيروا من نهج لعبهم فالكل يمدحه بكل تأكيد |
ههههههه خوفي سلومي ينتقل لبرشلونه ولا الريال اقسم بالله لاعب غبي كرويا ما يدري متى يشوت ولا متى يفر ولا متى يمرر لاعب يخذلك في اصعب الظروف اذكر لي مباراة انتشل فيها الزعيم صحيح لاعب مهاري لكنه ترسانة غباء كروي الشنيف يقول يركض بدون فائدة ع لاعب يعتقد انه وصل للنجومية اسحب سيفون عليه الله يذكر الشلهوب والشمراني وكريري بخير اجل هالمتخاذل صار نجم النجوم ههههه حتى عزوزي تراه نجم فذ لا يشق له غبار بس يا رب يرزقه بنادي يبلش فيه غير الزعيم . |
يا اخوان عبدالعزيز الدوسري يستحق منا فرصة عبدالعزيز راجع من اصابة وحتى يرجع لوضعه الطبيعي يحتاج لاكثر من مباراه انا لاحظت ان رتمه ارتفع في آخر 3 مباريات انا اقول اصبروا عليه شوي انا سمعت تصريحه الاخير هو اعطى وعد انه راح يبذل كل ما عنده وشكرا |
لاعبين هلاليين اعتزلوا ورافعين كؤوس آسيوية ما قالوا حنا لعيبه كبار يجي هذا يقول انا لاعب كبير اوقف معه انت انتو اصلا اللي دهور اللاعبين تشجعون لعيبه فاشلين انا عن نفسي لن ارفع في وجه كل فاشل في الهلال سواء لاعب او اداري او مدرب الا الحذاء وغير هالحتسي ما عندي ملينا من المجاملة والطبطبة |
السديري والقرني ويوسف السالم وسالم الدوسري وعبدالعزيز الدوسري مكانهم خارج الهلال واذا استمروا لن يحقق الهلال اي انجاز والجمهور ماراح يحملهم المسؤولية الجمهور سيحمل الادارة رأس الهرم المسؤولية لذلك على الادارة ايجاد حال سريع بتنسيق هالعاهات واعطاء فرصة للمبدعين من الاولمبي |
سالم فعلا لاعب "حواري" ومهاري سلبياته أكثر من ايجابياته وش ابي لاعب بس مهاري ولا يخدمني واغلب لعبه وراسه بالارض تمريراته خاطئه 90% ودقة التمرير ضعيفه جدآ عنده صناعه اللعب 0 بالشمال وتضبط معه صناعه وحده بعد 10 مرات حسه التهديفي وانهاء الهجمه ضعيف ولنا اقرب دليل في مباراته مع الشباب الباب قدلمه ويشوت عشوائا وبقوة بعد.. اللاعب هذا تأسيسه غلط ويحتاج له مدرب خاص حتى يعلمه ويستخرج المهاره والسرعه الي يمتلكها للنادي نواف العابد عندي هو احسن من سالم بمراحل كثيره ولو انهم الاثنين من طينه وحده .. يمتلك المهاره ولو بدرجه اقل من سالم.. يقدر يصنع لك لعبه بذكاء يقدر ينهي الهجمه ودقه التسديد جميله عنده ولنا في بعض اهدافه خارج منطقه الجزاء .. عيبه انه شخص مزاجي يعطيك مباراه ويغيب 5 مباريات وش السبب العلم عند الله.. عبدالعزيز الدوسري اعطى فرص لين قلنا امين ولا حياه لمن تنادي وجوده في الهلال ومشاركته في المباريات اعتبر انك ناقص لاعب دفاعيا وهجوميآ سالم تستفيد منه في المباريات الصغيره واللي دفاعها متكتل وتستفيد منه في المباريات الكبيره يدخل في منتصف الشوط الثاني ويرهق الدفاعات بسرعته وتستفيد منه بالهجمه المرتده سلمان الفرج تبيه يبدع خله محور متقدم او لاعب وسط يسار تخليه يادونيس محور دفاعي انت كذا تقتل موهبته وتخسره بصناعه اللعب الفرج بارد مثل الفريدي وغالبا يلعب بهدووء وهذا تستفيد منه خارج ال 18 من رأيي افضل تشكيله يلعب فيها الهلال بالوسط كريري .. الفرج العابد .. ادواردو .. الشلهوب بهالطريقه عندك ثلاث لاعبين صناع لعب من جميع الاطراف والبريك خله يمتر الملعب رايح جاي والشلهوب يصنع له او لادواردو غير هالتشكيله ماينفع من وجهه نظري .. تحياتي |
غرضك من الموضوع الفاشل مع احترامي لك هو غير مصلحه الهلال اي نجم نجوم وخرابييييييط نجمك الفاشل يقول انا لاعب كبير وكل ما سمع مقطع المشجع الهلال الي يبيكي بحرقه بعد الخروج الاسيوي يقول اضحك حسبي الله ونعم الوكيل عطني مباراه كبيره وحده احتجنا فيه نجمك الفاشل ولقيناه اقسم بالله انت و مؤيديك هم السبب في ان الهلال لن يصل اسيا ولو بعد 10 سنوات روح شوف الروح في الاهلي و قبلها في الاتحاد و دورها عند نجومك الفاشلين اذا جاء وقت الجد ما تلقى رجال اقول لا تنسى تتابع نجمك المفضل في السناب لانه يلقى محاضرات دعويه بالرقص ؟! |
سالم الدوسري والزوري والعابد نجوم ولو كانو في فريق اخر تحلم تجيبهم عبدالعزيز الدوسري أتوقع لو يلعبه خلال المباريات الوسط حتى يسترد كامل مستواه المعروف عنه هو صانع لعب وهداف |
صبرنا عليهما بمافيه الكفاية .... حس ياسااااالم لم تجدي معه ... بل ضحك وامال فمه بكل استهتار وذهب والنتائج مثل مانت شايف ... عك كروي ،، فسلسفة زايدة تخاذل .... الروح المتقدة المعروفة عن لعيبة الزعيم ليست موجودة فيه بالصريح لاعب فاشل ولاننسى طيب الذكر عزوز النشبة |
أخي هلالي من حقك ان تبدي رأيك وتقول وجهة نظرك وهي محترمة جداً ياعزيزي أتدري أين المشكلة ؟ المشكلة ليست في سالم هل هو نجم أم لا ؟ المشكلة هل سالم يعرف ماذا يريد أم لا ؟ سالم يمتلك التالي : 1 : لاعب مهاري بامتياز 2 : بنيته الجسدية قوية ( ماشاء الله ) 3 : سريع 4 : لياقته كبيرة 5 : سنه صغير مواصفات لاتجتمع الا في لاعب يستطيع ان يكون نجماً في أي فريق نرى ذلك في سالم ونرى فيه اشياء أخرى هي بمثابة الهدم الكامل لكل ماذكر سالم يهدم سالم فإن كان الخسران سالم فهذا شأنه ولكن لن نقبل ولن نرضى ان يهدم الهلال او يساهم في خسائر الهلال سالم كما انه يمتلك اشياء تؤهله ليكون نجماً يمتلك اشياء مضادة تهدم كل شيء ولاتجعله يرتقي للحواري الأشياء المضادة 1 : عدم التركيز 2 : الاستعجال الغير مبرر تمريراته غالبيتها خائطة 3 : لايدري متى يمرر ومتى يحتفظ بالكرة 4 : لايدري متى يسدد ومتى لا يسدد 5 : كثرة الاحتفاظ بالكرة والمراوغة بكثرة والاسهام بتعطيل هجمات الهلال بالمختصر لاعب يلعب بقدمه ولا يلعب بعقله نهائياً نحن لانكره سالم وليس بيننا وبينه عداء بل والله اننا نتمنى ان يعالج اخطاءه ويتلافى السلبيات التي فيه ، يغيضنا ويرفع ضغطنا ويتلف اعصابنا أنه ( يكرر نفس الأخطاء في كل مباراة ) كل مرة يكرر الأخطاء كل مباراة نسخة من التي قبلها نفس الاخطاء نفس الحركات نفس الأسلوب ياعزيزي اللاعب بشر يصيب ويخطئ ولكن قمة القهر ان تجد مثل سالم هو هو نفسه لايتغير ابداً ولايفكر بالنقد ولايتعظ ولايعرف اين الخلل فيه فيعالجه ان استمر على نفس هذا الرتم صدقني والله ان الألومبي عليه كثير فما بالك بالفريق الأول زعيم اسيا انظر للذهب محمد الشلهوب :smilie47::smilie47: ماشاء الله تبارك الله لو سألت كل النقاد وكل المحلليين وكل المشجعين عن الشلهوب وعن سالم لقالوا الشلهوب افضل بألف مرة ، لاحظ ان سالم يتفوق على الشلهوب بالبنية والسرعة واللياقة فما الذي يميز الشلهوب ؟؟ يميزه انه لاعب هادئ يلعب بعقله أكثر من قدمه فيعرف متى يمرر ويعرف متى يراوغ ويحاور ويعرف متى يسدد ومتى لايسدد هذا الفرق الذي لم يعرفه سالم للان سرعة وقوة وبنية جسدية ولياقة بدون تركيز وعقل كروي = عداء ماراثون حينما يصلح سالم من طريقته ونجد منه فائدة للفريق سنقف جميعاً ونصفق له وسنكون اوفياء معه حتى بعد اعتزاله |
سجل عندك ، واحد واقف ، انا اضم صوتي لصوتك ، واقف مع سالم الدوسري ، وغيره من نجوم الزعيم، وكلي امل وثقه انهم لن يخذلونا بحول الله وقوته . |
ياهلالين ... ثقوا ان سالم وان كان يفتقد الى التركيز في الامام وتمريراته غالبا مقطوعه ..لكن يجب ان نعرف انه يملك ميزات قد تكون مهمه للفريق الهلالي ..منها ان سالم من طبيعته انه لايستريح ابدا حتى يقطع الكره بمهاره وقوه من وسط الخصم المهاجم ..ثم يبدأ بنزعه هجومية مرتده ...هو يحب هذه الطريقة وويتأثر اللاعبين الهلاليين ايضا من حوله ..بسبب طريقته تلك ..لاحظوا كل المباريات التي سجلنا اهداف فيها كثيره على فرق كبيره كان سالم عنصر مهم فيها ..بسبب تلك الطريقة التي ذكرته ..وتلك النزعه التي يحبها سالم كثيرا وهي من طبائعه ..حيث انه لايهاب ابدا الخصم .. مهما كان ..وفيه نزعة العناد ضد الخصم ...هذه لو علمتم لها تأثير ايجابي عظيم على الفريق ككل ...لان اللاعبين يتأثرون من بعضهم وبطرق بعضهم ...لو تتذكرون مباريات مثل مباراة النصر 3- 4 وكيف كان سالم سبب عظيم بسبب اصراره العنيد على قطع الكره ثم الانطلاق باسرع مايمكن لمرمى الخصم ... عملية تقييم اللعبين يااخوان معقده ...وسالم رغم كثرة تمريراته الخاطئه ..الا انه تخفى علينا جوانب مهمه جدا في طباع وخصائص ه كلاعب ..قد تفيد الفريق ككل اعظم فائده ... |
هههههههههههههههههههههه موضوع بااااااايخ جداً ،، والدوسريان لا مكان لهم بالهلال... ماعندهم الا الانانية والبحث عن الفلاشات |
هذا اللاعب أعطي الفرص الكثيرة ، وأصبح حضوره عالة على الفريق ، يضيع مجهود الفريق بأنانيته ولعبه الغير مفيد ، وغيابه دائما يعني فوز الفريق. |
تسلم يديك وطرحك العقلاني سالم لاعب موهوب وعمره لم يتجاوز 23 سنه الملاحظ علب بعض جماهير الهلال سمحو للمندسين بتغير وجهة نظرهم في نجومهم من اكثر من ثلاث اسنين خط ة المندسين نجحت في احمد الفريدي ولم تجدد معه الاداره وقد عرضت عليه خمس ملايين في السنه ومع ضغط بعض الجماهير غادر النادي وهو يعد بعد الشلهوب من افضل صناع اللعب في المملكه وبصراحه خسرنا خدماته ولانريد نخسر سلوم ولاناصر ولانواف المطلوب لاتخلون الدخلاء يغيرون وجهه نظركم في نجومكم اللي اعرفه ان سالم باقي في عقده سنه وشرط راح تنهل عليه العروض داخل وخارج المملكه لانريد احد يغادر الكتيبه الزرقاء |
| الوقت المعتمد في المنتدى بتوقيت جرينتش +3.
الوقت الان » 04:48 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd