|
يا ابو سعد الهلال اكبر من الدوري يابوسعد الهلال أكبر من الدوري السعودي . ليس مبالغه و لا كِبر هي إنصاف للهلال . جماهير الهلال يؤمنون بالارقام و التاريخ كدليل . لنراجع تفاصيل مسابقات و بطولات الرياضه السعوديه سنجد أنفراد"الزعيم" في كل شئ . عدد بطولاته ضعف أقرب منافس محلي له ، حصوله على بطولة كل المسابقات ، تواجده الدائم بنقطة الضوء ، كل الارقام القياسيه له ، المدرج الأكبر من الجماهير و تتزايد ، نجوم حقيقيين كُثر تتابع في الهلال ، رؤساء يؤُثرون الزعيم على انفسهم ، و خلف كل ما سبق المصنع الحقيقي للزعيم "مجلس اعضاء الشرف" . الهلال كبير على الدوري اي فريق يبي ينتحر ياخذ بطوله من الهلال تلقاه عقب هالبطوله من كثر ماهو شادً حيله و عاضاً ثوبه و مركز و جهد خرافي ينتهي و يتقطع و مفاصله ما تشيله ويضيع بجدول الدوري . و ين الاتحاد و الفتح و النصر ...الخ لقد وصل حال منافسي الزعيم الى تخفيض سقف طموحهم من الطموح بالبطوله الى هزيمة الزعيم في المباراة و يعيشون على هالفوز و يقلبونه علينا بكل وقت بالمجالس و القنوات مع شوية كذب و ان الهلال مدعوم و هرطقه من هنا و هنا . هذا يعطي دلاله على ان الفرق السعوديه ما فيها بطل حقيقي و دخلت مرحلة العجز و حالياً ما شالهم الى جماهيرهم و جماهيرهم لو يحكمون عقولهم عرفوا حقيقة انديتهم . القائد ابو سعد و الساده اعضاء الشرف الوضع يحتاج الى ترتيب الإداره والإيراده لنقل الزعيم من مرحله الى مرحله أكبر و طموح رحب و مفتوح يستحقة الزعيم و الزعماء . و بطولة الدوري و خلافه نستطيع المحافظه عليها و نستطيع ان نرفع طموح الزعماء و نحن نملك ادوات و اساسات ذلك فريق لا يغيب عن البطولات و سمعه و نجوم كبار و جماهير هائله و اداره و اعضاء شرف على خلق لا يتركون الهلال ينكسر و يعملون بالجهد و المال لرقي هذا الزعيم . سأكتب في موضوع مستقل من وجة نظري ما تحتاجه الاداره بما يعزز الزعيم . و دمتم زعماء و دمتم بخير ... |
عنوان الموضوع يحوي بعد أهمية الدوري الدوري مهم ونريد تحقيقه والرجوع إليه بعد غياب 4 مواسم إعداد فريق يحقق الدوري يعني أن الإنسجام الفني في تصاعد وتحقيق ذلك هو مؤشر قوي !!!!! لذلك بطولة الدوري مهمة |
والله ماأقول إلا ربي يوفق الزعيم الملكي وجميع محبيه فوق كل ارض وتحت كل سماء بكل زمان ومكان اللهم امين يارب العالمين |
اتفق مع كلامك وان الهلال كبير وغير كـــــل الفِرق بكــل شي !! ومثل ماقلت لدرجة ان لو انهزم الهلال يحفظون الفِرق اللي هزمتنا ويعايرونا فيها بينما هم عادي هزائمهم وتمر مرور الكرام !! وكذلك انتحار الفِرق من امام الهلال ولعبهم الجنوني لما تقابلنا .. يسس كل هالكلام سليم ولكن نتمنى كــل هالاشياء انها تعطي زعيمنا دافع وهمه كبيره على إنا ان شاءالله قااادرين على بطولة الدوري وعلى كل بطوله ندخل فيها .. وبإذن الله بطولة الدوري للهـــلال لاتنسون الحضور الليله والتشجيع |
إقتباس:
و عنوان الموضوع تأكيد قوة الهلال . الفْرق هي التي تنافس الزعيم ، لأن الزعيم هو المرشح من بداية اي مسابقه . من أجل كذا و جهة الموضوع للقائد ابو سعد . و أبداء الرآي حق لكل الزعماء . |
الله يعطيكم العافية وبالتوفيق للزعيم |
الفريق البطل لايكل ولا يمل من البطولات إطلاقاً ولسنا كالغير حققو (دوريين مشبوهه) وقالوا إكتفينا !! ليس الهلال من يشبع وليس الهلال من يكتفي من حصد البطولات أنــت قلتهآ بنفسك الهلال تاريخه لايُقارن بأي نادي فالدوري مع كامل الإحتـرآم .. لذلك يجب أن نعّي ان الوصل للقمه صعب ولكن المُحافظه عليها أصعب !! نطمح أن نحقق الدوري 20 مره بل 30 متحمسين لكسر الأرقام وتحطيمهآ لن نشبع لإن هذا هو نادي الهلال ، نطمح نعم لبقية المُنافسات كـ آسيا وكأس ملكنا سلمآن والسوبـر برضوا مانشبع من الدوري البآيـرن حقق دوريهم 30 مره ولازال متعطّش والهلال كحآل البايرن يجب ألا يشبع خوفاً من إعطاء المنافسين فرصة نريد آسيا نريد الدوري نريد كاااافة البطولات اياً كانت بإختصار لإننا هِلاليين أتمنى اننا مانتخدر بمثل هاذي الأقاول (الهلال كبير على الدوي - الهلال كبير على آسيا ) يعطيك العافية |
عنوان به تخدير للاعبين والجماهير والادارة فريقنا يحتاج الكثير نحتاج محور دفاعي ونحتاج تصعيد والاعتماد على قلوب دفاعنا الصغار ونحتاج استبدال كواك بلاعب افضل منه وبمركز آخر حسب حاجه المدرب ونحتاج التوقيع مع عقود رعايه اضخم من المتوفر حاليا |
الدوري مهم ، والدخول في دوامه الهلال اكبر من الدوري هي من تجرك للضياع ، لانها تولد الغرور والتعالي على الكره ، للتذكير ، اخر اربع مواسم في الدوري ، هزم الهلال من الرائد في موسم الرائد انهى الموسم بترتيب الثاني عشر يعني نجى من الهبوط ، وهزم الهلال من العروبه وفي نهاية الموسم هبط العروبه ، وتعادل الهلال مع الفيصلي ، وخسر من الفتح ذهابا وايابا ، وتعادل مع فرق مثل الفيصلي والتعاون ، لذلك يجب ان نبعد عن هذه الاسطوانه ، الهلال فريق كبير وعظيم، ولكن لا للتعالي لا للغرور ، فريق حتى الان مبتعد عن تحقيق الدوري اربعة مواسم او اكثر ، ومن عام 2002 لم يحقق بطولة اسيويه ، لذلك نتمنى عدم التغني بمثل هذا الكلام الا بعد تحقيق الهلال لمنجز ، ويسرد على سبيل التذكير التاريخي فقط ببطولات الزعيم . |
أكبر من الدوري يعني = رفع الطموح الى ادوري ابطال آسيا ثم رفعه مرة اخرى واعداد الفريق لينافس في كأس العالم أصبت كبد الحقيقه |
هاذا الكلام يجيب التراخي ولا يحقق بطولات لاحقين عليه في الصيف |
يابن سلمان طلبانك قل تم اختصر اسمك ياخوي مايصير صفحة المنتدى متغيرة وشاطحة مع كامل احترامي لفاخمة اسمكم الكريم |
إقتباس:
أبشر بس عطني اليوم أقلب وشلون اختصره . |
إقتباس:
ما شاء الله عليك لديك ملكة القراءة الصحيحه . و الاجمل توضيحك للزعماء منصة الموضوع "بالخط الاحمر " . |
في كل العالم بطولة الدوري تعتبر اهم واقوى بطوله لو هالكلام قبل 4 سنين ممكن نقول الهلال اكبر من الدوري لكن معليش الحين الدوري هو المطلب لانك ان غبت عنه هالسنه راح تغيب لمدة 10 سنوات !!! انسوا آسيا الحين الفريق خرج منها الان تفكيرنا لازم ينصب على الدوري عندنا منافس شرس اللي هو الاهلي واذا حقق الدوري بعد غياب 30 سنه ومنافسه الهلال فهذا عار على فريقنا صراحه بطولة اسيا نبدا نفكر فيها بنهاية الموسم اذا وصلنا دور الـ 16 .. انتم جننكم جمهور الجار لدرجة انكم بعد كل مباراة محليه تجيبون طاري آسيا .. ياخي انسوها شوي نبغى الدوري !! |
| الوقت المعتمد في المنتدى بتوقيت جرينتش +3.
الوقت الان » 12:00 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd