|
طرق استقطاب الجماهير للملاعب ... لا نختلف عن وجود شغف جماهيري كرويا في الملاعب الرياضية ولكن هناك تفاوت في الحضور وهنا اتكلم عن جماهير الزعيم ولكن كيف ممكن نستقطب ونجذب الجماهير للحضور ؟ من وجهة نظري هناك بعض النقاط التي ممكن تجذب المشجع للحضور :- 1- لابد من توفير خدمات في الملاعب عن طريق شركات تتفق معها ادارة النادي مقابل منح تلك الشركة امتيازات معينه بحيث توفر تلك الشركه او الشركات بعض الضروريات من اكل وشرب باسعار مخفضه . 2- على المركز الاعلامي وضع جوائز ك ( جوالات عدد 10 آيفون - جالكسي ) لانه لو نعلم اقل عدد حضور جماهيري للهلال تقريبا 8 الاف لو ضربنا (8000*20= 160 الف أي لو منحة 10 آيفون 6 بقيمة 30 الف مع ترتيبات معينه تسلم للفائزين بعد المباراة في اقرب تمرين يسلمه احد الاعبين لهم وهنا تضرب عصفورين بحجر من حيث الترابط بين الاعب وعشاقه. من لديه افكار فل يطرحها للجميع وشكرا مقدما على تفاعلكم |
الجمهور يحتاج خدمات مميزة عشان يحضر ويكون له نفس يشجع ويتحمس لكن مع الوضع الحالي مستحيييل تشوف فيه حضور إلا في حالات إستثنائية كـ الكلاسيكو والديربي فقط !! احضر من العصر ولا أرجع إلا آخر الليل والقهر صدق اذا خسر فريقي أو قدموا مستوى زفت !!!! يعني راح يومي عبث وبس جمهور الاتحاد والاهلي لسنوات ماكان يحضر ابداً ، لكن مع الجوهرة صاروا يحققون ارقام قياسية في الحضور وذلك لوجود خدمات مثل الناس مطاعم وبوفيهات ومياه بارده وأشياء تحمسك للحضور كل مباراة وومصلى ودورات مياه نظيفه تصلي وتعين من الله خير وانت مرتاح ماهو مثل الي صاير باستاد الملك فهد لكن فالرياض وش فيه يحفزني للحضور !! مياه حاررررره كانك تشرب موية رديتر وأكل بارد هذا ان وجد أصلاً آكل ولا مويه مثل الأزمه الي عشتها أيام مباراة السد في آسيا ،، هذا وهي مباراة في آسيا وخدماتها كذا فما بالك في مباراة مع هجر ولا نجران !! الجمهور مايبي جوائز عشان يحضر ، يبي خدمات مثل الناس مطاعم وكوفي ومياه بارده ودورات مياه وانتم بكرامه نظيفة ومصلى اما في هالوضع ماضنيت أحد بيحضر |
أتفق مع سعد الحسيني ، اذا كنت تستمتع بالخدمات والترفيه ، أما الإضطهاد والقهر فالأفضل أن أتابعها في بيتي معزز مكرم أو في كوفي أو استراحة . |
فريق ممتع يجيب الجمهور تخبطات وتمسك باشباه اللاعبين يسد النفس ويحبط الجمهور عن الحضور كم من هلالي رجعت له الروح وهو يشوف البريك والشهراني والكعبي يحترقون للشعار بالملعب؟ لذا لابد من الالتفات للوجوه الشابه التي تغنينا عن لاعبين الزمان عجز يعلم فيهم |
انا قضيت في الرياض سنتين وحضرت فيها جميع مباريات الهلال الا مبارتين او ثلاثه لظروف العمل وجهة نظري ان اللي يبي يحضر راح يحضر يعني جمهور الغربية شغوف بالذات الفترة هذه بينما جمهور الرياض الغالبية العظمى منهم جمهور مقاهي او اتكالية الخدمات متوفرة بالملز وملعب الملك فهد ما تفرق عن جوهرة جدة الفرق اللي يمنع المشجع عن الحضور بس الملاحظة هي مواقف ملعب الملز كبروا الارصفة وصغروا المواقف لو الملعب فيه خمسة آلاف ما تلقى موقف الا بآخر الدنيا ملعب الملك فهد في حواليه حفريات لكن مواقفه كثيرة الخلاصة مافي مبرر لعدم حضور جمهور الهلال |
لماذا لاتستبدل الجوالات بجائزة السيارة ويتفق الراعي فلكس ويقن مع ادارة الهلال كل مباراة سيارة لو حضر الجمهور 30 الف في 30 سعر التذكرة الناتج 900000 - 70 الف للسيارة تكون 899,930 فيه افكار كثيرة لكن وين اللي يطبق وأجزم بأن جمهور الهلال لاتهمه تلك الجوائز فقط يريدون لاعبين يحترقون من أجل الشعار |
كلام جميل بس يعني بصراحه اخر اهتماماتي.. لانه انا عندي قاعده ( الجمهور متى ماراد ان يحضر سيحضر) لاتقولي اجواء ولا مدارس ولا غيره صدقني الجمهور متى ماراد ان يحضر يحضر بدليل شف الحضور الجماهيري في مباريات اسيا ( يارجل عدد طااااااااااااغي) على اسيا كلها وتجي تشوف الحضور بالدوري المحلي ماش موب الحضور المتوقع بناءا على مباريات اسيا؟ ليش؟! لانه الجمهور يبي هالبطوووووووووله . فسيحضر والله لو اختبارات لو دوامات لو اجواء لو مافي مكان لو هو في برا المملكه بعد بيحضر... طبعا هذه وجهة نظري واحترم رايك واراء الناس اللي علقو |
اتفق مع بعض الاعضاء على ان من اراد الحضور سوف يحضر لكي يقوم بواجبه اتجاه ناديه اما عن فكرة الجوائز من باب التحفيز سوى جوالات او سيارات وفعلن الشريك الرسمي مع النادي فكس فوجن يستطيع المبادرة في هذا الشئ |
والله اللي بيحضر عشان اكل وشرب لايحضر وامما اللي بيحضر عشان يشد من ازر فريقه فبيجي لو يجلس على رمل وتراها ساعتين السالفه مو تخيييم وتروح هوا واتذكر زمان ماكان في كراسي وكنا نجلس عالصبات وكنا نجي قبل المباراه بساعات واتذكر في عز البرد ومن بدايه المباراه كان المطر يضرب وحنا نرجف من البرد رجف تخيل جالس تحت المطر فوق ساعه ونص ماجلسنا الا العشق واما اللي يقول الاكل والشرب مو تمام فشكله له 15سنه ماحضر ولايدري وش الجديد ففيه اكل تمام والمويه وضعها اوكيه وحتى لوصادق اكل قبل تجي الملعب من احسن مطعم وتعال وانت شبعان وبالاخير هذا دورنا كجمهور نخلي الملعب فل ونكون سند للفريق اما مساله نقصر في واجبنا ونجي هنا نلوم ولانشوف تقصيرنا فهذي ام المصايب |
اخ هلالي لا تحاتيني ,,,, اشكرك على التفاعل لكن لابد نؤمن بالتغيير واختلاف الزمان والمكان وحتى البشر من حيث التشجيع وحب الدعم لذا هذا الزمن يلزم عمل طرق جذب للجمهور وبتالي لن يدفع النادي ريال واحد بل سوف يجني اموال طائله فقط يبغالها فكر استراتيجي يجمع بين الجذب والدفع |
الملاعب هي من تجلب الجماهير الخدمات شيئ اساسي لايمكن الاستغناء عنه لكن ملاعب المظمار تمنع الجماهير من مشاهدة المباراة و الاستمتاع بها للأسف أنا من الاشخاص الي لا يحضرون بسبب هذه المشكلة يجب على الدولة بناء ملعب جديد بالرياض يتسع ل 70 الف متفرج ملعب فقط بدون أي أضافات مثل مشروع ملعب الملك عبدالله بنظام مدرجات الملاعب الانجليزية وهدم ملعب الملز و اعادة بناءه من جديد بسعه متوسطة و بأنظمة حديثة و طراز جذاب وقابل للتغطية الكاملة لتجنب التقلبات المناخية و خاصة بالرياض بهذه الطريقة راح تجلب شريحة أكبر من الجمهور |
إقتباس:
|
افكارك حلوه واشكرك على الاجتهاد انا عن نفسي صدقني احرص على الحضور وانا من سكان الخرج لكن يتعبنا استاد الملك فهد والرياض بالعموم بحفرياته وتحويلاته وغير كذا اضطرارنا للحضور مبكرا |
المشكله وين اللي يسمع هالكلام يكفي التذكره ب30 ومافي شيء يساعد للحضور غير هالتحفيز اللي قلته انت |
الفريق يسير بالشكل الصحيح نحو تحقيق اللقب ان شاء الله باقي فقط بعد توفيق الله دعمنا والحضور الكبير |
| الوقت المعتمد في المنتدى بتوقيت جرينتش +3.
الوقت الان » 02:39 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd