|
الطرف الذي لم ينتقد بعد السلام عليكم ورحمة الله وبركاته لقد تعودنا دائماً ان ننتقد كل مقصر يحمل اسم هذا الكيان العظيم مابقينا رئيس ولا اداري ولا مدرب ولا لاعب اجنبي او محلي ما طالته اسهم انتقاداتنا اليوم انا ابغى انتقد انفسنا احنا يا جماهير ليش احنا مانتقبل الخسارة لاننا اولاً واخراً نتابع كرة قدم تحتمل الفوز والخسارة ليش مانعترف بتفوق لفريق منافس ليش مع كل هزيمه لازم نقدم "كبش فداء" اما مدرب او لاعبين او اداريين او رؤساء في نادي الهلال اعضاء شرف يضرب بهم المثل بين الانديه في نادي الهلال انضباط شديد على الجميع لنادي الهلال منشأة جميلة ومتطورة لكن احنا يالجماهير يحتاج لنا شغل لازم نؤمن بأن الخسارة هي حقيقة ثابته وجزء من معادلة كرة القدم حيث لافوز بدون خسارة اطلاقاً والخسارة إما ان تكون بتقصير او بتفوق منافس او بظروف اخرى (وانا ما أحب التحجج بهذه الظروف) عندما نخسر علينا ان ننتقد المقصر بنية تطويره لا بنية الانتقام منه وعلينا ان نحدد المقصر فعلاً وان يكون مقصر واضح تقصيره وألا يكون مجتهد واخطأ في اجتهاده ثم بعد ذلك علينا ان نخفف شوي من تضايقنا اذا احد "طقطق" علينا لان والله وبالله وتالله انها بطوله لهم فخلوهم يفرحون مساكين والله ماتتصورون فرحتهم بأي انتكاسه لزعيمهم ومن المعيب والمخجل ان نمارس اعنف انواع الضغوطات على كل من يعمل في هذا الكيان عشاننا تضايقنا من هؤلاء النكرات في الختام .. تذكروا أننا العمله النادره والطرف القوي والمنافس الدائم في كل البطولات .. فلا يضايقكم اي مختل يريد ان يعكر عليكم تحياتي :rose::rose::rose: |
اسمح لي..مع احترامي لشخصك الكريم كلامك غير صحيح.. ثقافة الهزيمه وتقبلها بصدر رحب والطبطبه عليها غير موجوده بقاموس الهلال... الهلال ولد بطلا وسيضل بطلا ان شاء الله...الهلال يملك ثقافة الفوز والبطولات فقط.. اؤيدك بنقطه واحده فقط...وهي الانتقاد لاجل الرفع من المستوى فقط..لولا الله ثم سياسة الضرب بقوة جماهيريا واعلاميا عند خسارة اي بطوله لما استمر الفريق بتحقيق البطولات ووصل ل56 بطولة والقادم افضل ان شاء الله.. مسألة الطقطقه بالنسبه لي ماشميت لها خبر...لانني اعرف فريقي وقوته واعرف مدى حقد الاخرين عليه بسبب سطوته الفنيه عليهم.. الخروج من اسيا امام اهلي دبي لم يكن ليحدث لولا الله ثم بعض الاخطاء (البدائيه) من بعض اللاعبين بداية من خطاء ديقاو وايقاف مباراتين ثم الفرج والكروت المجانيه ثم تاخر شراحيلي عن التمرين باحلك الظروف ..الى هنالك من اخطاء فنيه بسيطه بالمباراة..فانت في اخر دقيقه والكره معاك يالزوري وبدلا من قتل الكره تسلمها بكل برود للاعبي الاهلي وهجمه سريعه وفاول لادعي له من العابد ينتهي بهدف قاتل وخروج!...لابد من تعلم الدروس والاخطاء...لابد من النقد...غير صحيح التقبل والطبطبه على الخساره...الهلال عملاق...وسيضل كذلك ان شاء الله بالنقد عند اي خطاء يحصل من اي لاعب.. |
لمن يكون الهلال مكتمل بإدارة ولاعبين ومدرب ذو مستوى عالي إذا انهزمنا بيسكت الجميع لان الواحد سوى الي عليه والباقي توفيق من الله اما انك تسجل لاعبين اشكال/ عنقري، نامي، الغنام، الزوري، فيصل الجمعان، يحيى كعبي، فواز فلاته، المسلم، البيشي، القرني....إلخ إنسى انك تاخذ بطوله آسيا فهؤلاء اللعيبه ينكبونك محلياً... فما بالك في آسيا؟ 7 مباريات بالموسم إبداع... و 34 مباراة الباقيه ينكب الفريق! باي حق يستمرون في الهلال؟! انا من ناحيتي سوف انتقد إلين يعطون فرصه لصغار الهلال في جميع المراكز لان حرام نضيع صغار النادي مستقبل الهلال ونخسر هالخانات على لاعبين دون مستوى الهلال وإذا في عضو شرف مصرّ على بقاء احدهم... اتمنى ياخذه معه يلعبه كوره في بيتهم... ويترك الهلال للي يعرفون قدره |
لم يكن هناك كبش فداء مع كل هذا التخبط و الخسائر ولا نطالب بكبش فداء ... انما نوضح الاخطاء على امل تصحيحها و تطالبنا ان لا ننتقد ... بل و نتقبل الخساره بفرح ... اتمنى ان تكون منطقي |
تركي 2007 كون الهلال بطل ولديه ثقافة البطولات هذا الامر لايجعل منه فريق لايخسر ابداً وعندما تقول ان الانتقاد (الذي يكون في اغلب الاحيان انتقام) هو سبب بطولات الهلال فانا اقول لاتضع الامور في غير محلها واما في كلامك عن مباراة الاهلي الاماراتي فانت سبحان الله طلعت الاهلي الاماراتي كأنه فريق حواري وانه لم يسوي شي فقط بأخطائنا خسرنا تحياتي لك وشاكر لك مرورك |
هلالي كندا انا نسيت آسيا من يوم قمت اشوف جمهور فريقي بعد كل خسارة ينتقمون (وليس ينتقدون) فريقهم نسيت آسيا من يوم شفت جمهور فريقي يضغطون اللاعبين لين ينزل اللاعب وهو منخرش ومنغط ومرتبك ماشفت الهلال يتعرض لإنتكاسات متتاليه بعد اي خروج من بطوله الا يوم شفت جمهور فريقي يجيه حالة سُعر على كل من في النادي هذي اللي نستني آسيا وتقبل تحياتي وشاكر لك مرورك |
المعلم 15 خسارتين حطيتها "خسائر" ! والحصول على بطولة والوصول الى نصف نهائي آسيا وتقول "تخبط" ! وتطالبني ان أكون منطقي وانت ليس في طرحك حبة منطقيه بسببكم انتم تهتز معنويات الجميع انتم اللي تسوون من الحبه قبه ومن النكسه كارثه ايه انتقد ووضح لكن خلوكم واقعيين .. مانبي اللي يسلك للفريق والادارة .. ولانبغى الظلامي اللي ينتقم عشان هزيمه وشاكر لك مرورك |
إقتباس:
الزوري بالاساس قلب دفاع ولحاجة الفريق لظهير لعب فيه وبالعكس الزوري يقود الهجمات بشكل رهيب لكن رجوعه بسرعه صعب لبنيته لاتساعده على العوده بسرعه نامي المسكين والله كان ساد الخانه لكن الظاهر شكله لم يروق للبعض وتكاثروه يلعب للزعيم |
إقتباس:
|
طرح رائع اتفق معك فيه تماما وانا لا أتذكر ولا اطرح في أي مشاركة مايمس شخص اي منتسب للهلال صحيح انقد ولكن بأمل إصلاح ضعف عناصري أو تنظيمي أو فني وفقا لما أرى لست عالما وايضا لست جاهلا |
اسمع وانا اخوك اذا الاداره عملت كل شي و وفرت كل شي ذيك الساعه الاكيد ماحد راح ينتقد الاداره اما المدرب لابد من ان ينتقد حتى يصحح اخطاءه ولا فيه شي فوق النقد بالذات لما يكون النقد لمصلحة الكيان |
أنا معك هي أزمة فكر :cc::cc::cc: |
والله ياحبيبي الاندية درجات وغير المقبول ان يلعب في الهلال اي شخص ضعيف فنيا... وبالذات إذا كان الخلل في مركزه الاصلي الزوري يصلح قلب دفاع وظهير بنادي الوحده او اي نادي يتقبل لاعب نكبه يبدع في كم مباراة بالموسم وينكبنا في اغلب المباريات مركزه ظهير ويلعب جناح ويترك الركض دفاعيا لغيره من اللاعبين محسب ان مستواه مثل ويلهامسون... وحتى ويلهامسون كان يساند الفريق دفاعيا ويركض طول المباراة للي مب مستوعب الزوري والمسلم والقرني والبيشي...إلخ ماخذين مراكز لاعبين في الفريق الاول حرام فيهم وظلم للهلال ومن مصلحه النادي انه يصعد لاعبين مستواهم افضل بكثير ولو ان صغار الهلال مستواهم ضعيف نسكت لكن صغارنا من افضل لاعبين المملكه نخسرهم.... ولصالح مين....! روحو شوفو الاندية المشاركه باسيا تجنس وتشتري افضل اللاعبين المحليين والاجانب وحنا مانقدر نجنس ولا نصرف مبالغ على الاجانب ومضيعين مراكز كان من الامكن اننا نستثمرها بصغارنا المميزين والنتيجه فريق ناقص كل سنه... وخروج آسيوي وعلى العموم هالتعاطف وهالحركات ماتوكل عيش بآسيا مثل مايقولون/ لو ماشخصت المرض... ما بتلقا العلاج... وعدم العتراف بمواقع الخلل عمره مايحل المشكله وماشفت ولا نادي قابلناه في آسيا عنده لاعبين ضعيفين فنيا بمستوى مثل بعض لاعبينا المسجلين بكشوفات آسيا كل سنه شي عجيب والله |
أقووووووووووووووووووووووووووووووول اللهم وفق الزعييم الاسيوي وادارته وجنب لاعبيه الاصابات اللهم امين |
والله ماأقول إلا ربي يوفق الزعيم الملكي وجميع محبيه فوق كل ارض وتحت كل سماء بكل زمان ومكان اللهم امين يارب العالمين |
| الوقت المعتمد في المنتدى بتوقيت جرينتش +3.
الوقت الان » 03:23 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd