|
إلغاء قرار إلزام الأنديـة بالمحترف الأسيوي .. هل سيجعل الهلال يلغي عقد كواك ؟ أغلبكم قرأ أو سمع عـن خبر إلغاء قرار إلزام الأنديــة باللاعب الأجنبي ( الأسيوي ) عـن المسابقات المحليــة , بمعنـى .. يحق لكل نادي في دوري عبداللطيف جميل جلب أربعـة مُحترفين لايُشترط أن يكـون من بينهم لاعب أسيوي . بينما يبقى نظام الإتحاد الأسيوي باللعب بثلاثـة مُحترفين + رابع أسيوي . أعتقد أن أغلب الفرق الغير مشاركـة في دوري أبطال آسيا ستتخلص من المُحترف الأسيوي الذي لايُشكل عادة ً أي إضافـة فنيـة للفريق إلا ماندر .. مثل ( السومـة , جهاد الحسين ) وغيرهم . هل سيتخلص الهلال مـن كواك الكوري في الفترة الشتويــة ؟ ولو حدثَ هذا القرار .. هل أنتَ معـه ! أعتقد من وجهـة نظري المتواضعـة .. فريق الهلال يحتاج أن يستبدل كواك بمُحترف رابـع ( مميز ) يكون مركزه على حسب حاجـة الفريق , فإذا رأى دونيس أنهُ بحاجـة إلى مُدافع آخر أجنبي .. فهذا الأمر سيشكل قوة ضاربـة في الخلف بجانب ديقاو . أمـا إذا كان يرغب بلاعب في خانـة المحور , فمن رأيي أن يتم السير في الإتجاه المحلي والتفاوض على جلب عبدالملك الخيبري أو باجندوح ! يمكنـك تخصيص لاعب للمشاركات المحليـة , خاصة وأنكَ ربما تخوض مايُقارب الــ 35 مباراة محلياً .. وتكتفي بالمحترفين الثلاثـة أسيوياً معَ دعـم الفريق بصفقات جيدة في الفترة الشتوية , وتصعيد الموهوبين وإعطاؤهم فرصـة .. مثل السواط , وعبدالكريم القحطاني .. بالإضافـة إلى إعارة بعض اللاعبين الذينَ لايستفادُ منهـم ولايُرتجـى من وجودهم أي دعم فني للفريق . إلا إذا كانَ للفريق موارد ماليـة جيدة تستطيع من خلالها ضم الأسيوي كمحترف خامس بجانب الأربعـة الآخرين , فهذا أمر آخر .. أو بمعنـى أدق شيء إيجابي ورائع للفريق . ولكـن السؤال هُنـا : هل يُفرغ الأسيوي للبطولة الأسيويـة فقط ! أم يحق لهُ المشاركـة في البطولات المحليـة أيضاً .. هل يُجيزُ لهُ النظام ذلك ؟ |
والله ماأقول إلا ربي يوفق الزعيم الملكي وجميع محبيه فوق كل ارض وتحت كل سماء بكل زمان ومكان اللهم امين يارب العالمين |
هم وانزاح اللاعب الآسيوي كان عاله على الفرق الكبيرة ما عدا بعض اللاعبين كما اشرت الغاء عقد كواك تأكد بنسبة 100% من وجهه نظري جلب محترف اجنبي مميز كمحور دفاعي والبحث عن سنتر محلي مميز البحث عن سنتر محلي مميز سيكون اسهل من البحث عن محور دفاعي او اعطاء الفرصة لعبدالله الحافظ s13ss13ss13s |
صباح الخير لو الهلال يقدر يسجل خمس أجآنب في الفريق يكون الخامس محور اجنبي برازيلي والإبقاء على كواك في البطولة الأسيوية |
الموضوع سهل .. 1 - الغاء عقد كواك وتحويل ديقاو للاعب آسيوي ( فلسطيني ) . 2 - التعاقد مع صانع العاب مثل التايب وكوماتشو ..... إلخ . 3 - الغاء عقد الميدا وجلب مهاجم برازيلي بتوصية من ( نيفيز أو ديقاو ) . 4 - التعاقد مع الخيبري وكنو في المحور . 5 - إذا كان المدرب يبي مدافع اجنبي فأنا أرشح أمينو بوبا مدافع نادي الخليج طويل القامة ويلعب بالقدم اليسرى ومدافع صلب وضارب رأس ممتاز وإذا يبي مهاجم او جناح فأنا أرشح ( روجيرو ) اللي كان يلعب في الشباب خصوصاً بعد ايقاف الانشطة الرياضية في الكويت واللاعب شبه عاطل وناخذه قبل ما ياخذه النصر او الاتحاد 6 - التعاقد مع محمد أمان لاعب الاهلي مدافع صلب ويلغب محور ويملك قدم قوية يعني يكون عندنا 5 محترفين اللي هم ( ادواردو - مهاجم برازيلي - امينو بوبا - صانع العاب برازيلي ) والخامس آسيوي ( ديقاو ) ويلعب في بطولة آسيا .. او الغاء عقد كواك وجلب صانع العاب برازيلي . وتجربة الحافظ في الدفاع واستعادة سلطان الدعيع والتعاقد مع محمد أمان ، مع ضرورة التعاقد مع محورين الخيبري وكنو او باجندوح وكنو |
اظن النظام يجيز اللعب داخلي باربعة أجانب من اللاعبين السته المسجلين على النادي تحياتي للجميع |
الهلال مشارك باسيا يعني ما يحقله انه يلعب باربع اجانب ما يكون منهم اسيوي هذا النظام فقط للي يلعبون بالدوري وغير مشاركين اسيويا وهذا النظام فيه ظلم كبير على الاندية المشاركة باسيا وعدم كفائة المنافسه بس عندي استفسار الحين الاتحاد مشارك باسيا عن طريق الملحق اوكي وعندهم محترف اسيوي طيب اذا طلعو من الملحق يعني كذا ما عندهم مشاركة اسيوية كذا رح يضلو ناشبين بالمحترف اسيوي لين الصيف ويشوفون وضعهم بالدوري اذا هم تاهلو لاسيا مباشرة او ملحق والله حوسه لجان المسابقات عندنا حقيقه مافي تطور وخطط داجين باي قرار المفروض بدل عك المحترفين يشوفون القاعده السنية للبلد يشوفون جيل نشا يدربوه باروبا مدة 15 سنةعلى الاقل يطلعلنا جيل بدل العاهات الي كل واحد منهم شايف نفسه ما تدري على ايش والمصيبة ماعنده ولا انجاز دولي |
إذا الهلال سجل 4 اجانب فقط بدون لاعب آسيوي بيشارك في آسيا ب 3 لاعبين اجانب فقط |
إقتباس:
خذ هذا الرابط ولا عاد تالف الله يصلحك البرقان :تسجيل أربعة أجانب ولايشترط الآسيوي » صحيفة الاندية سبورت |
للعلم وهذي لازم كل مشجع يعرف هالنقطه متى كان عندك محوردفاعي متميز ( انسى قلوب الدفاع) حط لاعبين صاعدين وهذي نتاج متابعتي للفرق من سنين طويله فهو سيكون ساتر للدفاع وينظم العاب الفريق من الخلف ( نحتاج محور اجنبي الى جانب كريري وعطيف) والقلوب ديقاو يلعب مغه الحافظ ويصعد لاعب شاب يلعب فترات بسيطه حتى نضمن اثنان مميزان لان ديقاو لايمكن يستمر فتره طويله ويجب استغلال وجوده الان ويلعب بجانبه لاعبين شباب |
صباح الخير اخي كريد الابيض الشيء الاكيد وحسب التجربه الاعب الاسيوي افضل بكثير من الاتيني وبدرجه اقل الافريقي يعني بالترتيب اسيوي افريقي لاتيني اروبي>> وهذا خيار المنطق والعقل والاسباب كثيره اهمها اجتماعي ومادي وطموح الاعب نفسه الاعبين الى ذكرت اثنين( السومه وجهاد حسين) لو تحطهم في كفه وكل محترفين الدوري في كفه تربح كفتهم (يكفيك السومه فقط) نقول الزواهره شايل دفاع الخليج وفدائي وفارق كثير معهم والدردور هداف الاردن مميز شادي ابو هشهش اخذ الدوري مع الفتح وهو اهم اسباب فوز الفتح بالدوري عماد خليلي الفلسطيني لاعب رهيب حضر مع الشباب وسجل هدف لاينسى وكثير لاعبين وطيب الذكر الحشان مع الشباب لاعب مبدع الله يشفيه طموح كبير عندهم للبروز وقتاليين وحماسيين الاعب الاتيني يجيك بدون طموح بس يبي يحصل فلوس يعني يهبر هبره زينه ثم تبلش فيه والاروبي اسوء شي ولانا في ساماراس عبره جا عندنا يهبش دراهم نجي مادياً >>لاحظ الفرق بين سعر الاعب الاسيوي والاتيني عزيزي افرض انك رئيس نادي الخليج ومعك 5 مليون تجيب اربعه اسيويين جيدين ولا تجيب لاتيني واحد بنفس القيمه وشختك بختك اجتماعياً الاسيوي ما يحتاح وقت يتأقلم وكلام فارغ خصوصاً من الدول العربيه واندية الوسط يستحيل تفرط في لاعبينها الاسيويين على حساب انها تجيب لاعب لاتيني او افريقي بسعر 4 لاعبين والنتيجه لاعب منتهي الصلاحيه وجاي يتقاعد عندهم الاستثناء في الاسيويين هم فقط الكوريين نادر يظبط منهم لاعب والاسباب اجتماعيه ودينيه بالدرجه الاولى طبعا فرق الوسط ماتجيب كوريين غالين عليهم حدهم الاردن وسوريا ولبنان وفلسطين عمان البحرين الكويت وبصراحه فارقين معهم وعاملين اضافه |
اذا الغيت عقد كواك تلعب بثلاثه اجانب فقط في الابطال انت كذا تضعف فريقك ولا تضيف له الا في حال الغاء عقد كواك وجلب اسيوي بديل لان ببساطه النظام الجديد يخدم الفرق الغير مساركه اسيويا ليش اللفه ذي كلها لا يوجد اسيوي عليه القيمه الا في الدوري الالماني ومع ذلك يأتي لدورينا ويفشل خلك مع كواك |
نجيب عموري بدل هالعك في الوسط ، بيع عقد سالم و نواف و عزوز للاتفاق و جلب كنوو ، اما من يفرط في كواك فما حنا ناقصين شراحيلي و نكباته ثاني العنيد |
الحل مطالبه الاتحاد الاسيوي بفتح عدد اللاعبين الاجانب الى 6 اجانب كذلك في الاتحاد السعودي ياخي مو معقوله قربنا لـ 2016 واحنا بالفكر ذا ندور الاحتكاك فقط نجيب كم لاعب عشان لاعبينا يكسوبو الخبرات اش التخلف ذا الحين عصر احتراف انديه بتدفع فلوس تبغا تستثمر مو معقوله ادفع مثلا في عبدالملك الخيبري او جمال باجندوح مبلغ يناهز 6 مليون سنوياً وهوا لاعب عادي بمجرد ان هذا اللي بالسوق وبعدين يقولون ليش اللاعب السعودي مايحترف برا لو انا مكانه بلقى هالملاييين والله ولا افكر برا دايماً نطالع في اوروبا ونقول شوف كيف الفكر عندهم طيب. انتو يا اتحادات طبقو اللي عندهم اتمنى لو يفتحو عدد اللاعبين الاجانب بدل ما اقعد ادفع بلاعب سعودي او اسيوي مبلغ فوق 30 مليون وادور لاعب لاتيني ولا اوروبي يسناده ويشيله شف نيفيز جا بكم وشوف اش قدم للكره الاسيويه عموماً شف ويلهامسون بكم جا وعقده اقل من هزازي النصر وشوف ذاك وش قدم خلال سنتين وهذاك اش قدم خلال مسيرته الكرويه لو اللاعب السعودي ما يلقى هالعقود ويشوفو النادي بيتاعقد مع اجانب بعقود راح يحرث الملعب حرث عشان يلقى عقد مثل الاجنبي ويحاول يمسك خانه بالفريق ولا احد يقول بيضر المنتخب صدقوني اللاعب اللي يقدر يجلس اجنبي ع الدكه هذا اللي يستحق الخانه وبس تبي تحتك احتك بشكل كامل مو بكم لاعب ادري اني شطحت عن الموضوع لكن حرتي من الغباء |
اتوقع الخلل بالنظام الداخلي لأنه يسمح لك بأربعة محترفين فقط والاتحاد الآسيوي يطلب مشاركة محترف آسيوي ضمن المحترفين الاربعه ولو تم السماح محليا بالتعاقد مع خمسة محترفين منهم واحد اسيوي تستطيع اللعب بهم جميعا اتمنى ان يكون هناك تعاقد مع لاعب آسيوي جيد يكون رابع المحترفين ويشارك المحترفين معنا محليا واسيويا أما لاعب للمشاركات الخارجيه انا ضده محليا لا نحتاج اي لاعب مع احترامي للجميع سوى تصعيد بعض لاعبي الاولمبي نحتاج بديل عن كواك مثلا الكويتي فهد الأنصاري أو يوسف ناصر ويوجد كثير من اللاعبين يستطيعون إفادة الفريق |
| الوقت المعتمد في المنتدى بتوقيت جرينتش +3.
الوقت الان » 11:51 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd