هذا ماحصل بين المدرب دونيس وناصر الشمراني قبل بدأ مباراة الهلال والاتحاد في ملعب الجوهرة { فيديو يوتيوب }
 

لمشاهدة ما حصل بين المدرب دونيس والاعب ناصر الشمراني قبل بدأ مباراة الهلال والاتحاد :: إضغط هنا ::

:ba: تحياتي لكم وهاردلك للزعماء معوضين خير ان شاء الله ... :ba:

شكل الشمراني ماشي مع فتره الانتقالات الشتويه والله اعلم

افضل لاعب بأسيا جاي لمبارة الاتحاد بالثوب بدلا من ان يرتدي القميص الهلالي ..

هذا اللاعب دفعنا فيه 45 مليون لأجل ان المدرب يضعه في المدرجات ..

دونيس اجرمت بحق الهلال

الف شكر على هالموضوع المبهج على هالمقطع اللي الشك باليقين للمصتادين بالمياه العكره
ونتمى نشوفك ياناصر بسرعه وحشتنا ياوحش

وش تفرق ان جا بثوب ولا بلبس الهلال ومالنا حق ننتقده بتصرفاته برى الملعب يلبس اللي يبي دام لبسه محترم عجيب والله دفعنا فيه 45مليون يصير عبد عندنا يعني

ياخوفي نكون ندمنا على التفريط بسامي الجابر !!

ياخي كيف تفهم انت ؟؟

اقصد يكون بالقائمة الاساسيه او الاحتياطيه ما يكون بالمدرجات وبالثوب ..

لاعب غير مصاب وجاهز يتم ابعاده امام التعاون والاتحاد لاسباب فنيه كما يدعي دونيس لكن الارقام وسجله التهديفي يرد على ادعاء دونيس ..

اي اسف فهمت غلط وحقك علي لاتواخذني واكرر اسفي وعتبك عالمدرب في محله

ناصر الشمراني فنان ولكن انقطاعه من بعد مباراة كاس الملك بسبب العقوبة لفترة طويلة جعل اللاعب بعيد عن مستواه وتركيزه ولكن يظل لاعب له وزنه

دونيس اعتمد على الميدا فقط من خلال تجهيزه وقابل ذلك تجاهل لناصر الشمراني وهذا غلط كونك تلعب بمهاجم واحد فقط اكيد سوف يستهلك طاقته وتظطر عندها لاشراك لاعب مهاجم اخر او في حال التأخر بهدف فكان يفترض من المدرب ان يجهز ناصر
ويعتمد عليه

صحيح ناصر اصدرت بحقه عقوبات تضرر منها الهلال الذي احضره ب 45 مليون
ولكن ناصر واجهه اعلام وظلم نصراوي

اتمني من ادارة الفريق ان تقرب وجهات النظر بين المدرب وناصر

وجود ناصر مهم كون الهلال في حاجة له لان الميدا لن يكون قادر على ان يقود الهلال طول مواجهات الموسم من الدوري وولي العهد واسيا وكاس الملك

آسفك مقبول بس طبيت في بطني وقولتني مالم اقل :s2: لكن معذور واسفك مقبول والله يحفظك يالغالي .

ياخي لا تحاولون تقنعونا انهم حبايب
الامور واضحة .. دونيس ما يبغى اي شخص يكون له نجومية خاصة
في الفريق و يرى ان الفريق كله نجم
لكن ناصر الشمراني منضبط في التمارين ومع احترامي
ل يوسف السالم دخوله كعدمه .. أتمنى إرجاع ناصر
للفريق على الاقل فيه ناس في الدكة تعطي الفارق

دونيس هذا عجيب..
يعني فيه ايجابيات كثيره...لكن الزين مايكمل ..
مدرب انضباطي..يرى بان النجم هو الفريق ككل..وليس لاعب بعينه..زج بشباب واعدين كالبريك والكعبي..في عهده ارى ان الهلال يحصل على عشرات الفرص بكل مباراة عكس سيء الذكر ريجي مثلا الذي كان الفريق عقيم هجوميا..انتشل الفريق وحقق معه بطولتين كنا بامس الحاجه لهما لان الهلال كاد ان يدخل بنفق مظلم مع ريجي..كل هذه مميزات رائعه بهالمدرب
لكن بالمقابل..
انضباطي زياده عن اللزوم...صلب باراءه...متمسك بخطه 3/6/1 وهي جيده في حالة تواجد الثلاثي الصلب ديقاو وكواك وجحفلي معا ...عدم تواجد اي لاعب من هؤلاء الثلاثه يخل بالتشكيل تماما..
احترنا في دونيس...لكن براءيي الشخصي مع عودة ديقاو وشراحيلي وناصر الزلزال سيعود الهلال للضرب بقوة في شباك الخصوم باذن الله

والله الشمراني امه داعيتله والا الكوره فوادي وهو فوادي

العلاقة الجيدة موجودة الآن ولكن قد تنتهي مع استمرار الإبعاد