بسم الله الرحمن الرحيم

هارد لكم جميعا خسارة المباراه الغريبة اللي ما اعرف كيف بدأت و كيف انتهت بهذي النتيجة الغير متوقعة من اكثر المتشائمين ..

كلنا شاهدنا في الفترة الاخيرة كثرة الكلام و الهاشتاقات بخصوص عقوبات الانضباط على اللاعبين سواء من لجنة الانضباط او من قائمة انضباط النادي ..

لو تلاحظون ان اغلب اللاعبين غير مبالين بالعقوبات سواء كانت ب الايقاف او الغرامات و كلها في مصلحة اللاعب .. كيف ؟

1 - العقوبات بالايقاف هي فرصة اللاعب للراحة و البعد عن شحن و ضغط المباريات القوية من غير مبالاة ب الكيان او الجمهور اللي يحترق خلف النادي ..

2 - العقوبات المالية تعتبر جدا تافهة بالمقارنة مع الملايين اللي يتقاضونها و مبسوطين فيها .. 10 الاف عند اللاعب مثل الريال عندنا و ال 100 الف مثل الالف عندنا ..

يعني في كلتا الحالتين اللاعب مرتاح و مبسوط ..

اقتراحاتي لعقوبات الانضباط الجديدة في النادي :

1 - الكروت الملونه بدون اي سبب عقوبتها خصم 30% من المرتب الشهري اذا لم يكن هناك ايقاف قبل مباراة مهمة ..

2 - اذا تم ايقاف اللاعب بسبب كثرة الكروت الغير مبررة قبل مباراة مهمة يتم خصم 50% من المرتب الشهري مع تحويله لتمارين مكثفة صباحا و مساءا ..

3 - اذا تصرف اللاعب تصرف ارعن كما فعل ديقاو و تسبب في ايقافه محليا و خارجيا و خسارة الهلال لمباريات مهمة يتم خصم 50% من المرتب الشهري و تحويله لتمارين مكثفة صباحا و مساءا ..

4 - عدم الانضباط في الحضور للتمارين بدون سبب مقنع خصم 50 % لمدة شهرين و حرمانه من الاجازات الممنوحة للاعبين ..

..................

صدقوني اللاعبين يعشقون المادة اكثر من الكيان و اذا تم حرمانهم منها راح ينضبطون و يحترمون النادي و الجماهير اللي تحترق وراه

ادري ان كلامي مجرد امنيات لكن في الفترة الاخيرة كثرت مشاكل اللاعبين و هالشي تسبب في خسارة الفريق اسيويا و محليا

..................

السديري يا ناس والله للمرة 1000 اقولها ما ينفع يكون خارس نادي بحجم نادي الهلال

احمد شراحيلي ينطبق عليه نفس الكلام و يوسف السالم و عبدالعزيز الدوسري و محمد القرني كذلك .. ليش ما يتم مقايضتهم بلاعبين يحتاجهم الفريق اكثر في خانة المحور الدفاعي و قلب الدفاع

..................

نقطة اخيرة >> شاهدتو ياسين حمزة مدافع الاتحاد ؟

ماشاءالله تبارك الله اتوقع له مستقبل كبير جدا ف اللاعب حماسي و مقاتل و بنية جسدية رهيبة تبارك الله عليه اتمنى مشاهدته قريبا في صفوف نادينا مهما بلغ حجم العرض المقدم له .. هذا اللاعب اللي يحترق من اجل الشعار بعكس بعض الاصنام الموجودة في النادي

اللهم وفق الهلال في كل زمان و مكان ..