|
لأول مرة يهزم الهلال ولا أتضايق وأحذروا المساس بالإنظباط مباراة تتعوض نعم انا اعلم كم هم المحتقنين ضد المدرب بسبب صرامته وشخصيته حتى لو خسر الهلال فخسارة مباراة قد تكون بداية للتميز ولكن صدقوني لو تم الضغط على المدرب ليلعب في غير المنضبط من أجل النتائج فستكون بداية النهاية اليوم الهلال كان مبدع ولكن سوء السديري وصمود حارس الإتحاد اضاع المباراة التي لو وفق الهلال لخرج بنتيجة تاريخية على الإتحاد الهلالات يزال يعاني بسبب الإيقافات والإصابات إضافة الى ان اللاعبين الصغار مقتل البريك والمعيب يحتاجون لمزيد من التجارب الرجاء دعم المدرب ولتحذر من خفافيش الظلام ومن يحاول آن يصطاد بالماء العكر وقل بعض الخلايا النائمة والتي تتحين الفرص للنيل من تماسك وأستقرار الزعيم ليثيروا الجماهير المتحمسة او جماهير اللاعبين المستهترين ضد المدرب والإدارة بإذن الله ستكون هذه النتيجة بداية للإنطلاقة فإدعموا المدرب |
ياخي في اخطاء كبيره الاتحاد خسر من الفيصلي وتعب من الخليج ويجي يسجل 4 بالهلال خلاص غاب ديقاو الدفاع يكون شوربه اتركوا التطبيل في لعيبه لاتنفع الهلال ابدااااا |
اتفق معك وابادلك الشعور وبالتوفيق في قادم الايام |
شكله بينهزم كثير وبرضوا ماراح نتضايق !! لأنه وقتها بنكون تعودنا |
إقتباس:
للأسف جماهير بعض النجوم يريدون مدرب عديم الشخصية ليلعبوا على مزاجهم ومتى ما أرادوا |
المشكله مو بالغيابات ولا العقوبات المشكله بفكر المدرب يعني الموجودين بامكانهم تقديم مستوى ممتاز ونتيجه كبيره لوكان المدرب لعبها صح خل نقول دفاع الهلال لوكان صح اليوم ماجت علينا اربع اهداف من ست وسبع هجمات بس هذا مؤشر خطير يعني نقول تقفيل دفاعنا صح وماجت هالاهداف السهله وجبنا ثلاث اهداف يعني النتيجه 3صفر ونفس الشي في مباراه اهلي دبي ها عرفت ليه حنا متضايقين من المدرب |
ذبحنا من الوريد الى الوريد الى متى وهو يبدل ويطرد ويجرب بالتشكيلة |
المبارة انتهت بخيرها وشرها وباقي علي الدروي الكثير المهم ان لا نخسر من الفرق الصغيرة ونضيع النقاط. وبتوفيق للزعيم |
ياخي ماضيعنا الا الجماهير اللي مسوية نفسها مثالية بالعربي .. يسمع كلام ويجي يقوله ومايطلع لك الا هالاوقات نقطنا بسكاتك مع احترامي لك ترا ماعاد فيها خلاص متنرفزين وتجي تنرفزنا زيادة .. الله يرحم والديك وفر مثاليتك ، انتا تحتاج كل نجوم الفريق عشان تحقق بطولات .. شوف لما غير الخطة الشوارعية الى خطة زي الناس كيف انقلبت النتيجة .. وبدل ما تتعب نفسك وتكتب كلمتين فكر لو مدربك السباك لعب بخطة الشوط الثاني بداية المباراة وكيف راح تكون النتيجة ارحموا عقولنا الله يرحم والديكم كفاية تخبطات ! فريق الشوارع هذا يفوز عليك ب 4 ؟!!!!!!!!!!!!!!!!!×1000 الخليج كان بيفوز عليه وخسر 2-1 تجي انت وتخسر ب 4 ولسع تقلي انضباط وماني عارف ايش ؟ ياعمي اطلع من مخييييييي |
يعني يخبص ويخبص ويضيع المباراة ويصلح شوي الشوط الثاني ونصفق له ؟! شر البلية مايضحك |
انا معك بمسألة الانضباط وهذه المسأله لاتقبل المزايده ابداً لكن كيف يقنعني دونيس بأن الفرج يجيد اللعب محور مدافع !!!!! نسي دونيس فشل الفرج بهذا المركز امام الاخويا ؟؟؟ بهذه القناعه دونيس قتل سلمان الفرج خسرناه كمحور مهاجم من طراز عالي نزول عبدالعزيز الدوسري خطأ فادح يتحمله دونيس فقط الأجدى والأفضل عندما أخرج شراحيلي ان يزج بسعود كريري ويتقدم الفرج ويرى كيف يقلب الزعيم النتيجه ولكن قدر الله وماشاء فعل وأتمنى من دونيس ان تكون تبديلاته مدروسه وأن يعي جيداً بأنه يدرب زعيم آسيا وأن الترقيع في المراكز لن نجني منه سوى المزيد من اللخبطه بالتوفيق للزعيم |
اعطيني مدرب واحد نجح بالانضباط في السعودية روح تابعلك دوري اوربي ازين لكن اذكرها بعد ما يطير نجوم الهلال بيشيل شنطته دونيس ويروح ويبقى الهلال كحال الاتحاد و الشباب |
موضوع وكأنك مبسوط من الهزيمه ووضع الزعيم حنا لاقينها من لجان عيد اولجان الاتحاد الفاسيوي وانا اقصد الفاسيوي ثم يأتي مدرب كي ينهي احسن لاعب في اسيا واحسن حارس في السعوديه والاداره الغبيه تتفرج |
وفي الليله الظلماء يفتقد البدر اه ياسامي يااغلاالاسامي |
أنا معاك ...تمام غير كده إنهم رجعوا و سجلوا و ما استسلموا يا جماعة عناصريا الأسماء اللي عندنا مش قليلة لكن ليش ما بتلعب مش قادرين نفهم ليش ما بتعطي كل ما عندها ... الله أعلم أنا أحس دونيس فاهم هالنقطة كويس و حاطط يده عليها لكن كيف راح يعالجها خلونا نشوف و بالنسبة للإتحاد و الفيصلي و الخليج الفرق أمام الهلال ليس هي نفسها أمام غيره و كلنا نعرف هالشيء التحفيز و المكأفئات و الرواتب و نفس حركة الإتحاد كل مره قبل أي مباراة مع الهلال أتمنى إنه الجمهور يهدأ و كأنها مبارة كأس مباراة اليوم !!! لا تستبقوا الأحداث و إن شاء الله خير شكرا ع الموضوع لا إله إلا الله محمد رسول الله |
| الوقت المعتمد في المنتدى بتوقيت جرينتش +3.
الوقت الان » 01:47 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd