|
دونيس ... هاه ارتحت الان!! السلام عليكم ماعتقد دونيس شاف مباريات الهلال السابقه مباريات الخمسات والاربعات في شباك الخصوم اذا لعبو الثنائي القوه الضاربه في فريق الهلال الشمراني، وسالم الدوسري دونيس من استلم تدريب الهلال حصلت ايقافات الاعبين ناصر ، وسالم وبعد انتهى العقوبات لم يلعب هذا الثنائي مباراة مع بعض ابد !!! حتى في مباراة الاهلي الاماراتي طلع سالم، ونزل الشمراني وترك العابد ! يعني اقنعوني ان هذا ماهو تخبيص! كيف نادي مثل الهلال يملك اهم لاعبين في الدوري ولا يلعبون! ومعهم حارس الهلال خالدشراحيلي ومازال دونيس يعاقب الهلال يعني ضيع علينا اسيا بعد يبي يضيع الدوري! والمصيبه عزوز والسالم يلعبون!! احد يقنعني ان دونيس مايخبص! لا احد يقولي انضباط الاعبين خلصو العقوبات كلها ويحضرون التمارين بنتظام وين المشكله والله احيان اشك ان النادي مخترق صحيح نؤمن بتطبيق الانضباط لكن عندك مهاجم بمثل قيمة ناصر الزلزال وتاخذ " السالم !!!!!!!!! عندك سالم الدوسري وتاخذ عزوزالدوسري!!!! بالله معقوله هالشي يدخل العقل هل المدرب هذا يبي يجلطنا والا ايش! المدرب نعم هو المسؤل لكن يادارة الهلال يااعضاء شرف الهلال ماهو كل شي المدرب الا اذا احد منكم مايبي هالاعبين وحاطين دونيس في وجه المدفع!!!! احد يفهمنا ناصر الشمراني ، وسالم، وخالدشراحيلي خذو عقوباتهم الى متى تستمر عقوبة النادي والجمهور! او الموضوع عناد! فهمونا على فكره عبدالله عطيف انهى علاجه من زمان وجاهز لياقيا افضل من كريري يعني محور شاب مثل عبدالله عطيف وجاهز مليون في الميه مفروض يلعب.. هاردلك لكم يازعماء.. اتمنى فوز الهلال في باقي المبايات |
هذا اقتباس لسطور كتبه احد الاخوان لا اجد اقرب منها لوصف حال هذا المدرب .، ï؟½ï؟½ دونيس اقل وصف له انه يعبث وللاسف هذي قدراته فهو لم يدرب ابدا فريق بحجم الهلال درب فرق مغموره وحتى معها خسر نص مباراته طوال السنوات الي درب فيها دونيس انقذه جحفلي وشراحيلي في نهائي كاس الملك وجاء السوبر بهدف يتيم بعدها وابداع الشلهوب والمحترفين الجدد وصدق نفسه انه مدرب عبقري بحياتي ماشفت مدرب مكابر ومصر على اخطاءه الفادحه مثله لازم يعني يقنعنا بخطته الخمسه دفاع انها ناجحه حتى ولو نقصت اهم ادواتها وهو ديقاو شراحيلي ظلمه وانهاه لما يلعبه في هالخطه الي تتطلب حضور ذهني وتفاهم عالي جدا بين ثلاثي متوسط الدفاع اخطا اكثر من مره ويرجع يطلع شراحيلي احيان من الشوط الاول عشان يصحح الخطا ويعود الفريق طيب ياغبي ليش تصر عالخطا وتكرره وكل مباراة تقول انا اعترف بخطاي وترجع تكرره يا ابله! اعطى الاداره لدونيس الحريه المطلقه في التخبيص بالتشكيله وفي محاربة بعض اللاعبين بشكل مبالغ فيه سيندم عليها الفريق فهو نسخه من مدرب الشباب برودوم الي طفش لاعبينهم واخرتها راح... |
هنا في منتدى الهلال ماتمشي الا مواضيع المندسين " مواضيع الفتنه " ومواضيع التطبيل" اللي مايهمهم الهلال يفوز او يخسر لكن مواضيع الانتقاد يجيك مشرف ابو بنات يحذفه !! الله يصبرنا وانا الظاهر بعد يمكن اكون سبب الهزيمه.. |
ستثبت الأيام فشل هذا المدرب دفاعيا وجود ديقاو سابقا غطي علي أخطاء المدرب ثمانية اهداف في ثلاث مباريات أعتقد تثبت قلة إمكانية هذا المدرب .. والبركة في البرازيليين اللي شايلين المدرب والفريق |
وش تبي المدرب يسوي اكثر من كذا، فرص مهدرة بالجملة و الوم المدرب على وجود مثل الفرج في تدريبات الهلال مع العابد و سالم و عزوز. لعيبتنا يبلهم تغيير بلاعبين لياقة عالية و يساعدون الخطة. اما من ناحية السديري ، فهذا الانسان من اربعة اولسان و ضعف ردة الفعل الى بلنتي النصر اللي تسبب فيه في اخر دقيقة و انا اقول انه يا انه لا يصلح بالهلال او ان في راسه اجندة خارجية. العنيد |
تصدق اخوي مهتم .. إني كتبت موضوع أنتقد فيه السديري .. وأحذفوه ! أنـا مُشجع هلالي ويحق لي أكتب وأنتقد بدون أي تعدي أو سب أو شتم ! ترانا نكتب في المنتديات من عام 2000 ؟ وصرنا مشرفين في منتديات كبيرة ومعروفة ومشهورة ( بدون غرور أو شوفة نفس ) ؟ .. بإختصار , نعرف نكتب وننتقد بدون أي إساءة شخصية لأي أحد ؟ بالنسبة لموضوعك .. والله انك بطل , وهات راسك ابوسه يالذيب :rose:s13s |
االوسط والهجوم ادوماعليهم والدفاع والحارس والمدرب سبب الاهداف الاربعه وخصوصا المدرب والحارس شفت الحارس السديري عرفت ان الهلال بأيدي غيرامينه الله يعين الجماهيرالهلاليه هم لاقينها من اداره لاتهش ولاتنش اومن منتداء يشرف عليه فقراويه تلعيب السديري وتغيب شراحيلي شئ يقهر مانقوا الا حسبنا الله ونعم الوكيل خرجنامن اسيا بسبب الحارس ومازالومصرين عليه |
شكررا للموضوع القيم واتفق معك بكل كلمة المدرب عاقب الهلال وجمهوره وريح الااعبين الغير منضبطين |
دونيس جالس يعاقب الهلال ومشجعيه متى ما وده يعاقب يعاقب براحته بس يكون عنده بديل بالمستوى |
نقد رائع وفعلا هذي خلاصة الامر وتسلم صراحة على الموضوع |
مدرب الهلال طفش اللاعبين وأبعدهم ووصل الحال انه ماتبقى في الإحتياط عنده إلا عزوزالدوسري ويوسف السالم ؟؟؟؟؟؟ هالإنضباط المبالغ فيه اللي تمشيه على اللاعبين راح يضرالهلال والبوادرظاهرة للعيان ودونيس ولاهمه شيء المهم غروره وغطرسته وش ينفعنا إنضباطك يادونيس إذا طلع الهلال من البطولات مثل ماطلع من الإسيوية قبل أيام مضت لازم إدارة الهلال تقرص إذنه وتقوله سدد وقارب ولاتصيرمثل اللي يبي يكحلها وأعماها ممكن الهلال ليس مهما لدونيس كثيرا ولكن يفترض أن يكون الكيان مهما جدا لدى الإدارة ومصلحة الهلال تتطلب تدخل سريع منها قبل فوات الأوان طالما أن الموسم في بداياته وقبل أن يتعسرالتصحيح |
لا اتفق معك ، سالم الدوسري لم يكن جاهز ، كان يعاني من نزلة برد، اما هجومك على العابد فليس بجديد، لانك سبق وهاجمت سالم الدوسري في احدى ردودك على موضع هجمة ضائعه مرتده ، امام الاهلي الاماراتي ، فكيف تناقض نفسك وتطالب به الان وانت من هاجمه بالسابق ، الان نواف العابد رغم نقدنا لمستواه الفني ، الا انه نزل مكان الشلهوب في موقع يحبه العابد ، ونظم اللعب واعاد الهلال للمباراة ، خطاء المدرب، انه لم يلعب كريري محور ، واحرق الفرج بالمحور الدفاعي ، اتوقع عودة قويه للهلال ، باذن الله ، وسنرى في المره القادمه من ستهاجم ، وبعدين ترجع تمدحه وتطالب فيه . ولن يخدم الفريق خصوصا هذا الوقت . |
تشكيلة 3-6-1 تحتاج الى محورين كي يتسنى للأظهره مساندة الخطوط الأماميه لكن ماحدث في مباراة الخويا الاولى والثانيه وما حدث امام الرائد والأهلي الإماراتي والأتحاد باللعب بمحور وحيد وغير مرتكز تسبب في أرتباك العمق الدفاعي. لن احمل الحارس والدفاع وبقية اللاعبين كل المسؤليه لان المدرب يتحمل 50%. |
دونيس مدرب ممتاز وبإستطاعته يصبح من اعظم المدربين اللي مروا على الهلال متى ما اقتنع بأخطائه ( الواضحة ) وعمل على تعديلها .. حتى مع غياب شراحيلي وديقاو وناصر وسالم كان بإمكانه الانتصار بسهولة لو احسن التعامل ( فنيا ) مع اللقاء منذ بدايته طريقة 3/6/1 اثبتت فشلها خصوصا مع غياب ديقاو وكريري .. الفرج لايملك مقومات المحور الدفاعي .. فكيف تزج به وحيدا في هذه الخانة الحساسة وانت تعلم انه ( راعي فلسفه وكعوب ) وأي خطأ منه سيكلف الكثير !! طريقة 3/6/1 تسببت بولوج مرمانا لـ4 اهداف امام الاهلي الاماراتي و4 هذا اليوم.. السؤال متى سيقتنع دونيس ان هذه الطريقة كوارثية دفاعيا ولا تناسب كل مباراة ؟ الله اعلم هذا فنيا .. اما انضباطيا فالجميع معه .. الانضباط طريق كله شوك للوصول للكنز في النهاية |
الهلال بدون ديقاو مشكله كواك وجحفلي يخوفون اذا الكوره معهم لايمكن التنبؤ بمايفعلون والغريب عبدالعزيز الدوسري لازم ينزل كل مباراه ومايقدم شي |
| الوقت المعتمد في المنتدى بتوقيت جرينتش +3.
الوقت الان » 04:13 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd