|
حسن العتيبي وخساره أفضل حارس سعودي خالد شراحيلي - كمبواريه و دونيس http://media.alhilal.com/2011/tv/bsm.png http://files.alhilal.com/images/5553...1900687565.png بدون مقدمات تكرار حكايه كمبواريه وحسن العتيبي اعتقد ان الاغلبيه يذكرون صرامه كمبواريه وكيف ان الادراه حينها مع سماحها له بالتصرف كيفما يريد كيف تسبب ذلك الارعن السيء الذكر ( كمبواريه ) مع الخلوق حسن العتيبي أفضل حارس سعودي في ذلك الوقت وكان السبب في خساره موهبه كبيره ( 34 سنه ) عمر حسن حينها يعني كان ممكن يستمر مع الهلال على الاقل 4-5 سنوات ولمن للاسف خسرنا حسن العتيبي وبعدها طار سيء الذكر كمبواريه اتمنى من الاداره الاهلاليه ممثله في وجه السعد بالتدخل السريع لانقاذ الهلال وحتى لا نخسر المزيد من النجوم مثل خالد شراحيلي و ناصر الشمراني نعم للحساب والعقاب ولكن ليس على حساب مصلحة الفريق العقاب المادي هو الانسب والافضل للاعب المحترف والمعذره على الاطاله |
كلام صحيح ولا تنسى جيريتس ومحاربته للدعيع للاسف الهلال دايم يتعاقد مع مدربين يحاربون الحراس المميزين في الهلال |
ولا تنسى ان جريتس انهى الاسطورة محمد الدعيع عندما اخبره انه سيعتمد على حسن العتيبي في الموسم الرياضي - في حينه - ثم قرر الدعيع الاعتزال ، واعقبه ذهاب جريتس للمغرب بعد ماخسرنا الاسطورة. الانضباط الصارم غير مطلوب ، بل الوسطية هي المطلوبة |
دونيس قاعد يعلم بعض اللاعبين أدبيات نسيوها منها الانضباط وإنك أنت تلعب للفريق لأنه هذا واجب و حق عليك إنك تقدم كل ما لديك يعني مو منه منك و لا كرم أخلاق مزاجية عالية استهتار لو يقدمون كل ما عندهم و كان أدائهم المبذول و اللي شفناه هو أقصى ما لديهم كان العين ما بكت دمووع لكن بعضهم بربع عطائهم و مهارتهم .. نبغى شراحيلي يكون نجم حراسة الهلال لسنوات مو لبطولة أو مبارة و حتى يتحقق هالشيء لازم يعرف إنه مهما قدم و أعطى ما فيه يتعالى ع الفريق مباراة اليوم أنا النتيجة عندي مرضية الحمد لله اللي جت ع كذا و الاهم فيها خلي دونيس و الإدارة يشوفون و يفهمون إنه ما حولهم أحد زعيم و نادي مثل الهلال يأثر فيه غياب نجمين أو ثلاثة عن المباراة و تقولون يا آسيا طيب و إذا جبنا آسيا فكرو لا رحنا على كأس العالم بنجوم مثل كذا بتجرنا لفضيحة تخلينا نقول يا ريتما فزنا بأسيا بعض اللاعبين اتوقع إذا نتقلوا لانديا ثانية راح تطلع مستوياتهم طيب ليش ؟ ليش كل هالاستهتار والتعالي لذلك أنا مع انضباطية دونيس و إذا على الفريق لا تشيلون هم راح يضبط خطوطه و هو قال ما يقلتني في الهلال ضياع الفرص و على طاري ضياع الفرص من أيام سامي كانوا يضيعون بالهبل لدرجة إنه نيفيز ما عاد صنع وصار يسجل بنفسه و هذا اللي تسبب في تراجع مستواه إنه ما عنده استعداد يصنع ع الفاضي في الوقت اللي قدر يصنع و يسجل في مباراة الإتفاق و لاحضوا نيفيز ما تغير إلا بعدها .. مباراة اليوم إيجابية بإنها تقول لدونيس بصريح العبارة أنخل الفريق ترى ما حولك أحد لا إله إلا الله محمد رسول الله |
كلامك صحيح .. الافضل العقوبه الماديه .. يعني حسم مبلغ كبير من الراتب كفيل بتخويف اللاعب .. بس العقاب على حساب الفريق يضر اكثر مما يفيد .. شراحيلي اثر بشكل كبير .. افتقدنا ديقاو كثير كويس خلص ايقافه .. اتمى يضبط نفسه ويخلي مني هاللقطات الغبيه .. احمد شراحيلي ان لم يتعدل الافضل اعارته لكسب خبره او بيعه .. |
إقتباس:
مو مشكلة يعلم اللاعبين على كيفه لكن مو على حساب الهلال يعني هل يعقل انك راضي بالمهزلة الي صارت اليوم الاتحاد في اسوأ مستوياته وظروفه يسجل فينا اربع اجل لو بنقابل النصر وايش بيسوي السديري |
يا اخي عاقبته بمبارتين واحدهم مهمه خلاص اظن انه تعلم يعني ابغى افهم الى متى معاقب شراحيلي قالها المثل ما يحك جلدك مثل ظفرك هذا مدرب وقت ما طقت براسه خبصلك بالتشكيل عشان تقيله الاداراة وهذا الي واضح بالضبط مثل مدرب الفقر خربها عليها واخذ فلوسه وطار يجب الاعتماد على المدرب الوطني والصبر عليه مثل الصبر على العيون الخضراء والزرقاء لاجل جنسيته ما يحدث بكرتنا ظلم بمعنى الكلمه |
للتذكير فقط انظرو فرق اليابان وكوريا حتى بعض فرق الصين واوزبكستان وايران واستراليا كيف يعتمدون على مدربين محللين حتى مع منتخباتهم لانهم وثقو فيهم لابعد حد واعطوهم صلاحيات معقولهم فبنو اجيال للمستقبل وهو ضامنين الاستمرار لان الشغل صح من البداية |
دونيس مدرب دااااهية لكن مشكلته ما يعرف اطباع الاعبين في الخليج هذا الي خلاه يكون صارم ويحرمهم من اللعب والنتيجة!! بيدمر موهبة شراحيلي والشمراني بدون أي فائدة سواء للنادي أو للاعبين الحل هو في الخصم من رواتبهم واذا تكررت منهم الاخطاء يعيرونهم لأنديه ثانيه أو مخالصه ،، اهم شي روح الهلال العنيدة .. كلمة بخصوص السديري حرام يلعبونه لانه بكل بساطه مستهتر ومتهور ومغرور وفوق هذا كله فاشل في الحراسه ،، عبد العزيز الدوسري + يوسف السالم مالكم أي تأثير في النادي مكانكم مو في الهلال ،، سلمان الفرج ارجع لحجمك الطبيعي تراك منت الثنيان او التمياط او سامي فلاتشوف نفسك اليوم أخطائك كثيره وبعضها جاء بسببها هدف انتبه لنفسك او اقضب الباب |
الدعيع و قريتس و العتيبي و كومباريه حالات مختلفة كان الحارس فيها منتظم و المدرب غير مقتنع فيه .. لكن حالة شراحيلي و دونيس غير .. حارس يخذل فريقه و يتلاعب في وقت حرج جدا و المدرب كان معتمد عليه أساسي. حتى بعد العقوبة لم يعتذر شراحيلي بل وازاد على ذلك بصورة في حسابه بالانستجرام فيها نوع من الاستهتار . شراحيلي ماشي على درب خالد عزيز أن لم يعدل من أوضاعه و علاجه بيد إدارة النادى و ليس المدرب فقط .. واتمنى وقفة جادة من الإدارة معه ومعرفة أسباب عدم انضباطه في الفترة الأخيرة فمن خذلنا مرة لا نستبعد أن يخذلنا في مباريات أهم مستقبلا. |
حسن العتيبي ومحمد الدعيع كانو منضبطين وكان مستواهم ممتاز والاداره هي اللي سمحت ليقيرتس وكومباريه بابعادهم بحجه ان الخانه ماتحتكر وتموت الحراسه الهلاليه بعد اعتزالهم وهذا فكر قاصر كيف عندك مثل الدعيع وحسن وتفرط فيهم وخاصه طريقه التفريط بحسن ماكانت لائقه بلاعب خدم الهلال سنين طويله بكل اخلاص وتفاني لكن ربك بالمرصاد بعد ابعادهم عانى الهلال من الحراسه واما شراحيلي مع دونيس فشراحيلي لم يكن منضبط فانا اقول لو كان الععقاب الحصم من مقدم العقد 30 بالميه يعني بالموسم نقول 5مليون ونخصم 30بالميه يعني حدود مليون ونص اح اح عورني قلبي فكيف بقلب خالد شراحيلي قسم بالله لينام عند النادي |
عقوبة اللاعب بابعاده عن المباريات ليست عقوبة بالعكس هي عقوبة للفريق وراحة للاعب انت تخيل انك موظف غير منضبط ويجي مديرك ويقول احنا بنبعدك عن العمل وتجلس في بيتكم وراتبك ماشي راح تفرح وتنبسط وراح يكون التعب على بقية الموظفين في العمل لكن لو مديرك قال راح تجلس في العمل تعمل ومخصوم من راتبك راح تكون عقوبة مؤثرة بالفعل |
لا خسارة ولا شيء هناك البديل الجهاز ...هو الثنيان ... لكن وش تقول ... إصرار الإدارة على السديري بشكل جنوني !؟! إلى متى تستمر هذه المهازل الكروية الكارثية لهذا الحارس " السديري " .!.!؟ يا أخي يروح لأقرب نادي بالرياض ...لا نريدهــــــــــــــــ ..... |
بسم الله الرحمن الرحيـم احياناً تقـرأ بعض التعليقات والمواضيـع تستغــرب .. وهذا لا يعنـي التقليل من صاحـب الموضوع الي اوجه له التحيه والله يعطيـه العافيــه نعـم اتفهـم الغضــب لدى البعض بسبب بعض الامــور التي تحـدث للهلال .. ولكن اذا سمح لي صاحـب الموضوع ومعـه بعض التعليقــات .. الشاطر حسن .. كان لديه بعض الاخطاء والهفوات إلي وقتها حقق الفتح الدوري حسن لم يشارك في الفريق ألا اخـر سنواتـه وهذا سبب اعتزالـه لان ظل حبيس الاحتياط لوجود الاخطبوط محمد الدعيــع .. ومن ثـم اوقـف لمـدة سنـه لتوقيعـه عقديـن مع الهلال والنصـــــــر ثم اعيــر إلى نادي القادسيــه ورجــع [ كيف غادر ] ليس لأنه لم يلعـب عزيزي بـل بسبب توجيهات المدرب لـه في المباريات بخصوص التمريرات الطويله والقصيره . .. محمد الدعيع اعتزاله بسبب تطبيق نظام الاحتراف الاوروبي في الانضباط بالحضور بشكل مستمر وبـــدري وكذلك تطبيق نظام اشراك اللاعب او اختيار بطوله معينه يشارك فيها مما ازعـج محمـــــد الدعيــع لانـه يريـد المشاركه في جميع البطولات .. مما ادى إلى اعتزالــــــه اخيـــراً اذا اللاعـب اوقــف لمـدة سنتيــن وتـم تجديد عـقــده وهو في فترة العقوبــه ويحضر التماريـن ويعطـى مكافآت الفـــوز لــه والإدارة والمدرب مقدرين موهبته ومحترمينـه داخل وخارج النادي .. ثم شارك بشكل سريــع بعــد انتهــــــــــاء العقوبـــه .. لــ يكافئء الحارس شرحيلي الإدارة والمدرب والجمهور بالغيابات في أهـم المباريات .. ولا تريـدون اقصى العقوبات لــه .. مع احترامـي لك اخي العقوبـه الماديه وحدها لا تكفــي .. ما دام المرتب الشهري بمبلغ وقـدره غيــــر مكافآأت تحقيق البطولات .. اجـل لا نلوم أيت لاعــب يغيب في اهـم المباريات ما دام العقوبه ماليـه فـقـط لانه ما راح يخسـر شيء معوضه في عقـده الآخـر اما في التجديد او الانتقال .. |
إقتباس:
اللي لازم يكون ضمن حسابات الجمهور هو الهلال و بس الهلال فوق أي نجم لازم يفهمون بعض اللعيبة إنه إذا هتفنا بأسمائهم لانهم قدموا مباراة كبيرة أو سجلوا هدف أو غيره ترى كل هالشيء لأجل الهلال عملكم صار عظيم لأنك سوتوا للهلال مو العكس الهلال لازم يعد فريق قوي ما يتأثر بالغياب و هذا واحد من إيجابيات الخسارة و الفوز و الخسارة قسمة ونصيب و لازم يكون فيه رضا بما كتبه الله نفس ما تلعب مباراة زينة و تروح نتيجتها منك في مباريات تكون سيئ فيها و نتيجتها تصير لك و هذي مباراة دوري و الدوري ما انتهى ما فيه داعي نقلب الكيان و نقوم ع المدرب علشان 3 نقاط في مباراة نحنا بعد عناصر كثيرة عندنا ما كانت جيده و المدرب اعترف و قال راح اشتغل يمكن مع هالمبارة نقدر نتخلص من اسماء المحسوبية هي اللي مخليتهم قاعدين في الهلال وقت تشوف الإدارة وضع الفريق يعني لمتى 4 أو 5 لاعبين هم اللي يشيلون الفريق و بمجرد ما واحد يغيب إيدينا على قلوبنا خلي الإدارة تشوف إنه في فعلا أسماء لازم تمشي سبحان الله و بحمده عدد خلقه و رضا نفسه وزنة عرشه و مداد كلماته |
| الوقت المعتمد في المنتدى بتوقيت جرينتش +3.
الوقت الان » 01:11 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd