لماذا نشن الحملات على بعض اللاعبين ؟ ونساعد المنافسين لاحباطهم !
 

بسم الله الرحمن الرحيم

لست مبدعاً في الكتابه والسرد ولكن خير الكلام ما قل ودل :d

لاحظت في السنوات الاخيره شن حملات شرسه على بعض اللاعبين لمجرد هفوه او سوء اداء لمباراة او مباراتين وهذه الحملات بكل تأكيد تصل الى اذن وقلب كل لاعب من خلال برامج التواصل الاجتماعي بل وتعددى ذلك الى صيحات استهجان في الملاعب ! هل هذه الطريقه ستصلح من حال اللاعب ام تقتله s121s
ايضا تكون ككرة الثلج وما ذلك الا بسبب ان بعض من الناس ممن لا يفقه في كرة القدم الا اسمها يردد تلك الاسماء في المجالس وهو لم يشاهد مباراة من اكثر من شهر وربما سنه :s3s:

في السابق كنا ندعم اللاعبين حتى ( الكديش ) منهم لحفظ توازن الفريق :yes:

لماذا لا ندع الاداره والمدرب هم من يعاقب ويحاسب اللاعبين :naughty:

وتقبلوا تحياتي ،،

في لاعبين ندعمهم حتى لو اخفقو لأننا نعرف انهم كفو للدعم وانها كبوة جواد منهم لكن لاعبين امثال العابد وسالم انهم عاله ووجودهم في التشكيله دمار للفريق دعمناهم مره وثنتين وعشر وميه لكن خلاااااااااااص طفح الكيل منهم العابد اسميه لاعب ابتسامات ماهو لاعب كوره ياخي يذبحك من الوريد للوريد ويبتسم واي مباراه يلعب فيها لازم يامشكله ياكرت والا انه يجيب فيك العيد وينحسب علينا لاعب تكلمة عدد اما سالم فهو صحيح يلعب من قلب لكن لنفسه ولحاله اناني يحب يضهر نفسه يعني اني انا اللي اسحب واسجل لحالي وكأن كورة القدم لعبه فرديه ماهي جماعيه واكثر من موضوع تكلم عن سلبيات هاللاعبين غير ان الزعيم يأدي لعب ممتع وجماعي اذا كانو بره التشكيله وغير احصائيات اللاعبين تضهر انهم مافادو الفريق بشي غير التسحيب والابتسامات والمصايب اللي تجي من وراهم اتمنى احد من الأعضاء يكتب موضوع اننا ياجماهير الزعيم مستعدين ندعم الاداره ونجيب لاعب له سمعته واسمه صانع العاب ماركة انت وضميرك مستعدين نتساعد مع الاداره واعضاء الشرف نجيب لاعب قيمته فيه بدل هالإثنين اللي صبرنا عليهم الين ماعاد لنا اي حجه ياعالم تعبنا من هالنكبتيييييييين

اذا كان الاعب يكرر نفس الاخطاء ولا يتعلم يعني سالم الدوسري لا عب اناني ويضيع مجهود زملائه بالفريق

ونواف العابد مكانك سر يا ماهو منضبط بالفريق مباراه مره فوق ومرهـ تحت وغير كذا قصات الشعور لازم الادااراهـ تكون قوويه مع الاعبين
ومتفال بدونيس ومبدأ الانضباط اولا

ايوه يا لعيبه الهلال اخذو راحتكم وضيعو البطولات على الهلال وتسدحو وضيعو مجهودات اللعيبه وكثرو عدم مبالاه وزيدو من برودكم وراح نجي نفتح مواضيع بندافع عنكم ونواجه اللي ينتقدكم بكل قوه وبنوصفه انه يشن حملات عليكم واهم شي انتم ماتنجرح مشاعركم اما ضياع البطولات على الهلال عادي ماتهمنا ويابعد قلبي انتم يالعيبهه الهلال وه بس

فيه بعضهم سيء ومغرور وتحس مايهتم للفريق يعني ماعنده احساس
لكن الانتقاد القاسي والمطالبة المستمرة بإبعاده عن الفريق أو إعارته
فعلاً سيفتح الباب للآخرين لزيادة الانتقاد والمطالبة بإبعاده

مالك شغل فيه يااخي في السبعينات والثمانينات كان اغلب اللاعبين يضعون شوش وقلايد وكانوا نجوم القاره

زمن الطيبين ذهب معهم واخشي ان لايعود
الهلال الان فقط الاعبين الاجانب والشلهوب والباقين مجموعه من البغال همها الملايين
وزمن الطيبين ابراهيم اليوسف والنعيمه وفهودي والمصيبيح والثنيان همهم الشعاروالرقي
بناديهم الي البطولات

اللي يتكلم في لبس اللبعض بقلايد واسوار...انا مالى دخل بهالشيء..انا يهمني فقط هل يؤدي بالملعب؟
حقيقه نواف وسالم حكايتهم حكايه...نواف تحس انه مطنش ويلعب بمزاجيه...سالم للاسف لعب فردي تماما ونهاية سيئة امام المرمى لم يتعلم منها نهائيا..
لست مع اعارتهم...امنتى فقط عدم الاعتماد عليهم ووضعهم بالاحتياط ومحاولة جلب لاعبين يؤدون افضل منهم او تصعيد لاعبين بمراكزهم يلعبون بحماس وانتاجيه للفريق..

النقد مطلوب لكن الشخصنه والسباب وبعض الألفاظ غير مقبولة
هناك أشخاص ينقدون أخطأ اللاعبين بشكل رائع وفعلا نقدهم بمكانه وهناك أشخاص يعارضون اي شي والعالم مشارب مختلفه
فعلا الهلال يملك نجوم في بعض المراكز ويحتاج دعم للبعض الآخر واتمنى التصعيد إذا لم يكن هناك متاح مميز ظهير ايمن مع البريك مثلا البقعاوي ومحور دفاعي حسين القحطاني وعبدالعزيز الشريد وسلطان الفرحان ورأس حربة المنيع والبقعاوي ومنح فرصة المشاركة لصناع اللعب المصعدين كروم والسواط
ولكن هناك أشخاص لا يفرقون بين مهام ومراكز اللاعبين
مثلا أكثر من اتحدث معه يقول كم صنع سالم والعابد اقول هؤلاء ليس صانعي العاب يقول أجل ليش يلعبون اقول أمورهم مساندة الظهير والتقدم وتسليم الكرة للاعب الأقرب وفعل مايستطيعون من مراوغة وصناعة والمهام اللتي يطلبها المدرب يقول أجل مانحتاجهم. طيب وشلون تتفاهم مع مثل هؤلاء
وشكرا

جمهور النصر يعتبر ظاهره في دعم اللاعبين الفاشلين. ونحن نحارب الناجحين.

رداً على العنوان لاننا نتدخل في عمل الاداره ونحاول نفشل عملهم (ومن الحب ماقتل ) هذا ينطبق علينا للاسف

منح الفرصه لصانعي اللعب كروم والسواط يعني شيلو الشلهوب مايصلح ودفاع عن سالم والعابد كالعاده مع انهم سبب ضياع الهلال وتطالب بابعاد كواك وشان هجوم عنيف عليه وتطالب بتغيير ادواردو ياسلام والله شغل عدل وهذي المره الرابعه اواجهك بهالكلام وماكنت ترد تعمل نفسك ميت تدري وش يدل عليك كلامك يدل انك تبي سالم والعابد يستمورن ببرودهم عشان يستمر ضياع الهلال وتبي كواك يروح عشان يضعف دفاع الهلال وتبي الشلهوب يعتزل عشان مايشعلل الوسط بنصاعته اللعب اللي تساهم بنتصارات الهلال المميزه وماتبي ادواردو لانه يساهم بحسم مباريات كثيره واعجبتني ادوار سالم والعابد يساندون الاضهره اجل هههههههه عشان محد يقولهم شي هههههه انت مصدق انك بتلعب على جمهور الهلال ان سالم والعابد يساندون الاضهره بس ومالهم دور هجومي هههههه يعني ان لعبو ببرود وعدم مبالاه وانانيه مانقولهم شي لان دورهم يساندون الاضهره بس هههههههههه يعني هجمه مرتده وقدامهم اربعه من الهلال واثنين من الفريق المنافس عادي يلعبون باناييه لان دورهم مسانده الاضهره هههههههه طيب طيب مسانده الاضهره مسانده الاضهره ولايهمك ههههههههه
هنا موضوع يتكلم عن ناصر وتارك الموضوع وقاعد تدافع عن سالم والعابد وتقول لصاحب الموضوع انه يدس السم بالعسل وذا هو يدس السم بالعسل انت وش تدس
http://vb.alhilal.com/t1203225.html

والله عاد اللي صاير في الهلال ان الاعبين المحليين الموجودين حاليا هذا اقوى مالديهم من مستوى ولايقدرون يجيبون اسيا لانها فوق مستواهم وادري هذا يزعل الجمهور بس هذي حقيقه ترى اغلبيتهم جاي يبغى العقود الكبيره فقط لو يتفقون الانديه المحليه كلها وتكون عقود الاعبين السعوديين ماتتعدى خمسين الف راح تشوفون كثير من الاعبين بيتركون الكوره وراح نفتك من لاعبين الواسطه وترى للعلم فيه لاعبين في الدرجه الاولى افضل من لاعبين الدرجه الممتازه بس ماعندهم واسطات ومتاكدين ان فيه كثير من لاعبين الهلال في الاولمبي مالعبو للهلال الا بالواسطه علشان يكمل للفريق الاول وياخذ العقد ويمدد رجليه بعدها ومانقول الا الله يوفق الهلال وين ما كان