ناصر لاعب خورافي يلعب لاجل الفريق كل مايلعب مستواه ممتاز وشفنا وش سوا في الاياب والذهاب الاهلي الاماراتي اما العباد والدوسري لازم نصفيهم اذا الهلال استبعد ناصر وخلا الاثنين ذولي فأن للاسف مدرب الهلال فاشل فقط يهتم بالنضباط ويترك العب زي مدرب ميلان !

ناصر الشمراني خلال موسم واحد كان له تاثير قوي واهداف كثيرة مع الهلال بعكس بعض اللاعبين له اكثر من 8 سنوات مع الهلال ولم يسجل ما سجله ناصر خلال موسم واحد فقط

كل ما يحاك لناصر
مدبر
انتبهوا ان تكونو اداة لعصابات الترشيحي
انتبهوا

اخوي الى الان محد يعرف وش مشكلة الشمراني مع الفريق..يمكن فيه ضعف لياقي او مشكلة فنية..بعدين هذا كيان فوق كل اللاعبين..اذا هو شايف نفسه ويبي يسوي مثل يوم كان مع الشباب
الله يستر عليه..اللي مايحترم الكيان ماراح يحترم جمهور الكيان..الهلال الباقي وغيره ماله الا الذكر فقط اما زين ولا شين...وقالها سامي اللي يخسر ليس الهلال بل اللاعب من يخسر الهلال

بالتأكيد ناصر نجم وبالتأكيد الهلال لا يقف على لاعب والاكيد أن لدينا إدارة فاهمه واي لاعب ممكن يخدم الفريق لا يمكن ان تفرط فيه الا اذا كان بقاءه يسبب مشاكل للفريق لذلك أنا مع الإدارة فيما تقرره فهي الأقرب والاعرف بما يفيد الفريق
صحيح حاليا هناك شح بالمهاجمين على مستوى المملكه ولكن لا يعني ذلك ترك الحبل على الغارب للنجوم للتحكم بالفريق واتمنى ان يكون ناصر مركزا بالمباريات ومجتهدا بالتدريب

اما ناصر مهما نقول لا نوفيه حقه وحبه لفريقنا ناصر لاعب ممتاز وهو منصدم فقط وطبيعي الي يسير معه

لاكن ابعاده غريب يمكن راحه له الوكاد ان طال غيابه كجمهور محب لناصر ومن حقه علينا الوقوف معه

ناصر لايختلف عليه إثنان لكنه في بعض الأحيان يتنرفز بل وأغلب الإحيان يعصب ولايستطيع السيطرة مشاعره داخل الملعب
وبالتالي يظهر غاضب ويفقد أعصابه بسرعة البرق
زد على هذا أن دونيس مدرب انضباطي من الدرجة الأولى
دونيس ضحى بخالد شراحيلي وحوله للاولمبي
ومن يخالفه من اللاعبين يرميه على الدكة كائن من كان
وبالتالي وصل الموضوع بينه وبين ناصر إلى طريق مسدود

في الحقيقة أعجبني اليوم الكابتن الكبير محمد الشلهوب
يقض سريع يصنع يمرر بدقة وسرعة يرفع راسة وهذا مانريده من العابد وسالم الدوسري
الكعبي بعد نزوله كان فعال وحاول أن يثبت نفسه

تبا لنواف العابد وسالم الدوسري بعد أداء النجم المتجدد محمد الشلهوب

ناصر نجم الهلال وسيبقى بالهلال .. هي مجرد اشاعات صفراء
الزلزال راح يرجع في اقرب وقت بدعم جمهوره واقوى من قبل
البومبر هلالي للابد

ناصر الشمراني لاعب ممتاز يحتاج الى التوجيه والاصدقاء الناصحين فقط .
اتمنى استمراره مع الهلال

ناصر خانه الايقاف اول الموسم فقط
وبعدها وجد صعوبة يرجع اساسي
اولا لاهمية المباريات كمباريات حسم.
ثانيا لتأقلم وانسجام الميدا مع الخطة والمجموعة واعتماد المدرب ع مهاجم واحد فقط.

لكن بشكل عام ناصر مهاجم هداف من الدرجة الاولى لا يختلف عليه اثنان.
يكفي انه من جيل القناص ياسر و مالك معاذ و سعد الذابح واعتقد عمره تجاوز الـ 30 وللان ما شا الله محافظ على مستواه و لياقته رغم استسلام البقية للتقدم في العمر او للاصابات المتكررة او للظروف والضغوط الجماهيرية.

اتمنى من الادارة والمدرب لو كان في نصيب ولعبنا النهائي ان يفتحوا صفحة بيضاء مع جميع اللاعبين بما فيه الكابتن خالد شراحيلي.

واستبعاد الزوري وسالم الدوسري والعابد من المشاركة لانخفاض مستواهم من بداية الموسم.

خفوا على ناصر
ناصر هداف ناااااااادر لكن يتعرض للتشويه من الصحافه الصفراء وعايش تحت ضغط اعلامي كبير
تاره توقيف وتاره بيعار وتاره بينتقل الخ

ناصر لاعب هداف واخطر من الميدا داخل منطقة الجزاء لاكن مشكلته انه محارب من الاعلام القذر اعلام المريسل وشلة الاستراحه وكل هذا خوف من اقترابه من رقم ماجد ايام الابيض ولاسود عندما كان ماجد يدفع بيده المدافع ويسجل هدف والخوف ان جماهير الهلال صدقة كذبة المشكله بين ناصر ومدرب الهلال

بالنسبة لناصر الشمراني ان شاء الله لن يرحل وهو اكثر لاعب منضبط بالتمارين ولاعب بمعنى الكلمة محترف ولا يخلوا انسان من عيوب ولكن المحاولة من تقليلها ان استطاع ...
اما كلاعب له وزنه في الملعب وتحفيز الفريق وارباك الفريق الخصم فهوا عندما يلعب فأن الفريق الخصم يحسب الف حساب للشمراني ...
تعلمون اين المشكلة ايصال الكرة من قبل لاعبين الوسط لناصر مع سامي كان الوسط سبب في جعل ناصر هداف الدوري ومع طيب الذكر ريجي اختفى ناصر لعدم التمرير المركز والجيد رغم أن ناصر افضل لاعب في التمركز وتوقع وصول الكرة له .....
لاتحاربوا نجومنا مهما كانت عيوبهم فهم من افرحونا مرات عديدة ولا نبخس حقهم في أحد الأخفاقات فأن كرة القدم مثل المزاج مرة لك ومرة عليك مهما كانت جاهزيتك وقتاليتك في ارض الملعب فأنها تغدر بصاحبها احيانا ....
لذا ارجوا عدم القسوة على ناصر او غير ناصر فكلهم ابناء الكتيبة الزرقاء التي احببناها في مرها قبل حلوها .....
لا تنجرفوا وراء الكارهين والحاقدين والحاسدين على نجومنا في كل مكان ...... كن مع زعيمك وزعيمك يكن معك ......

ودمتم ،،

الشمراني لاعب يملك روح عالية
لا يرضى بالخسارة
بس عنده مشكلة وهي
العصبية التي ترافق روحه العالية
يحتاج جلسة من الادارة بقلب مفتوح
حتى تصله الرسالة