الحمدلله على كل حال
اسيا ضيعناها علينا فالشوط الاول من تشكيلة من لاعبين من روح انهزاميه لكن الحمدلله رجعنا الشوط الثاني وعدلنا
ولكن الحظ عاندنا فالدقايق الاخيره ورجوع اللاعبين الزايد

اسيا انتهت بخيرها وشرها ماجت هالسنه تجي السنه الجايه ان شاء الله واللي بعدها واللي بعدها

لكن بعيد عن اسيا العابد وسالم وش قدموا للفريق ؟
العابد اخر مباراه قدمها بمستوى زين ذهاب العين 2014 !
والدوسري والله ماأذكر
ححرام هاللاعبين للحين يلعبون للهلال
الشعله كبير عليهم كيف عاد الهلال
خلاص طفشنا من سالفة اذا ماتعدلوا ذا الاثنين
العابد وسالم ماتحس حتى ان ودهم يفوزون
العابد بعد تسديدته امس وكنا خسرانين جالس يضحك! وسالم فالذهاب ضيع فرصه محققه وجالس يضحك!
لاعبين استعراضيين ماينفعون للهلال مخالصه ونفتك منهم
على الاقل حتى لو مايطلعون لايلعبون هالموسم كله
حسبي الله ونعم الوكيل فيهم
مايقدرون الجمهور اللي جالس يحترق عشان الهلال

الحمد لله الحمد لله الحمد لله وقدر الله وما شاء فعل ونحن نقف مع الادارة في السراء والضراء يدواحده والجايات افضل ان شاء الله لزعييم الاسيوي

وجود هذان اللاعبان في الفريق يضيع مجهود الفريق ، و وجدهما مثل العدم ليس لهم اي فائدة بل ضرر على الفريق في قتل الفرص وارتكاب الأخطاء الفادحة التي تكلف الفريق الكثير.
وقد أعطوا فرص كثيرة اثبتت فشلهم وأنهم عالة على الفريق.
والبقاء دائماً للأفضل.

الحمد لله حمدا يليق بجلاله والخيره في ما اختاره الله وقدر الله وما شاء فعل وسوف نقف مع الزعييم الاسيوي على الحلوه والمره ولن يزيدنا ذلك الا اصرار ولن نعطي بعض كارهين الزعييم الفرصه بل نقف يدا واحده مع الاداره والاعبين ونشد من ازرهم لان الخساره وارده في كرة القدم والجايات افضل ان شاء الله ولكم تحيه

محتاجين درويش والفرج على الاطراف
تلومون سالم والعابد ولا تلومون اللي ملعبهم
ومعير الحمد للرائد هههه

الحين اقتنعتوا اخيرا انهم لاعبين منتهين وسبب في دهورة الفريق ويبون البزوطه ويحاربون المدرب والا بالله شف شلون العابد مع منتخبنا كيف كان يلعب ليه مع الهلال يتحول الي لاعب مستهتر ونكبه .. لانه يبي الفله ولا يبي من يضبطه ويبي المدرب يطير .. بيجيني واحد لا يا شيخ اترك عنك فكر المؤامره .. انا ما تكلم من فراغ والي يعرفني زين يدري اني اتكلم من ادله وقرائن

لاجدل ان الاثنين يحتاجان كرت انذارنهائي بالاخص العابد
لكن كما توقعت المسكوت عنه من كان نايم كل المباراة وتسبب بالهدف الثاني للاهلي بكسر التسلل
ثم
بعد ان اقترب الهلال من التاهل صحي من رقاده وقرر يهاجم وفتح ثغرة خلفة وهو يشوف زميله العابد اللي يسانده بالجهة لياقته انتهت
الظهير العصري يرفعك سماء مباراة وينام عشر مباريات

اما السديري فلا تحلمون ببطولة دامه بالملعب وسلامتكم

السالم والعابد والفرج يحتاجون توجيه فعقليتهم ليست احترافيه ومن المؤكد انهم لايطبقون الاحتراف الحقيقي كرياضي منظبط سهر وغذاء وعادات اجتماعية وتدخين الخ ( ربما ) بعضها موجود فيهم او امور اخرى
على العموم مربط الفرس متأكيدن ان السديري حارس مرمى ؟!!!!!!

كل ما تتحدثون عنه صحيح لكن المشكلة ليست في العابد ولا في سالم الدوسري المشكلة في الإدارة لأنها لم تهتم لموضوع تدوير المراكز بين اللاعبين يعني لو حس العابد أو الدوسري أو أي لاعب أن المركز ماهو مسجل بإسمه أكيد بيتسنع لعبه أو بيقعد إحتياط لين ما يشوف له حل مع نفسه.. على العموم هاردلك ولا تحملون اللعبيه فوق طاقتهم اللوم كل اللوم على المدرب والإدارة...

السالم والعابد وعبدالعزيز الدوسري وسالم الدوسري بيع لاي فريق باغلى سعر يقدم للكيان ويستفيد بالمواهب من الالومبي خالد الكعبي السواط والقطامي والشامخ

بخصوص اللي يقولون السديري هو السبب ومدري ايش

السديري طوّل مالعب مباريات وفجأه فمباراه مهمه زي هذي يلعب اساسي
وصد كم كوره خطيره انا اشكره صراحه بعد
الغلط على دونيس مدري ليش كان طول الوقت مخلي السديري احتياط مفروض يبدل بين السديري وشراحيلي والثنيان عشان محد يضمن مكانه نفس ماصار مع شراحيلي

العابد بعد تسديدته امس وكنا خسرانين جالس يضحك! وسالم فالذهاب ضيع فرصه محققه وجالس يضحك!
فعلا قهرني هالخسيس

المشكله ماهي في السديري المشكله في التشكيله نفس الذهاب تقريبا كنت اتمتى الشلهوب وناصر اساسيين الهلال كان يحتاج صانع لعب وبالنسبه سالم والعايد عليهم ملاحظات مستواهم هبط ودفاع الهلال بدون ديقاو يخوف الكوري وجحفلي لااثق فيهم يرتبكون على طول

مهما كان تاريخ العابد لابد من التخلص منه لانه مفسد لبقية اللاعبين