بااختصار كوزمين تفوق على دونيس في الذهاب والاياب
 

الجمهور الهلالي الكبير
السلام عليكم ورحمة الله وبركاته
هاردلك النتيجه كانت متوقعه من البداية والسبب بوجة نظري سوء التشكيله كان من المفروض الشلهوب اساسي الهلال يحتاج صانع لعب الميدا ماتوصل له ولاكوره ابدا الاهلي صراحة فريق قوي ومدربه كوزمين عرف يعطل الاظهره في الهلال دونيس بعد الهدفين لاهو اللي هاجم صح ولادافع صح رجع وراء والاهلي ماعنده شي يخسره ضغط وسجل هدف التاهل ولو لاحظتوا هدف الاهلي نفس هدفهم في الذهاب نفس المكان سوء التغطيه الهلال بدون ديقاو صفر جحفلي وكواك يرتبكون واي كوره توقع يجيبون العيد السديري ماقصر لكن سوء التغطيه الدفاعيه ضيعت المجهود كله اهداف الهلال مجهود شخصي الفريق الهلالي ماكان في يومه ومالعب صح وكوزمين فرض شخصيته العابد وسالم راجعوا حساباتكم والجاي احلى وشكرا

الحمد لله حمدا يليق بجلاله والخيره في ما اختاره الله وقدر الله وما شاء فعل وسوف نقف مع الزعييم الاسيوي على الحلوه والمره ولن يزيدنا ذلك الا اصرار ولن نعطي بعض كارهين الزعييم الفرصه بل نقف يدا واحده مع الاداره والاعبين ونشد من ازرهم لان الخساره وارده في كرة القدم والجايات افضل ان شاء الله ولكم تحيه

مع احترامي لك..
لاتفوق ولا شيء..
دونيس لم يقل لسالم الدوسري ان تضيع الكرة الكرتده بمباراة الذهاب ومعك4 لاعبين هلاليين..ولم يقل لادواردو ان تضيع ضربة الجزاء..دونيس لم يقل لديقاو اضرب لاعب لخويا بدون كره وخذ لك ايقاف! ولم يقل للفرج الصق بالحكم وخذلك كرت مجاني..ولم يقل لشراحيلي ان تسهر وتتاخر عن التدريب!
حتى اخر دقيقه دونيس كان متفوقا وهو المتاهل للنهائي...ولكن...قدر الله وماشاء فعل..

الاهلي مكتمل وعنده اجانب على مستوى عالي والاتحاد الاماراتي هيؤ لهم كل شي عكس اتحاد عيد المصفر صحيح ان كوزمن ذكي ولكن عنده خيارات عناصريه جاهزه عكس دونيس نقص واضح ولا يوجد خيارات وثقافة الدقايق الاخيره عندنا مشكله فيها

كلامك سليم شبح 15 ..
جحفلي مصيبه من المصائب مستواه جيد سرعته جيده لكن فيه شيء خطر كبير على الفريق ككل ...يرتبك ....واللاعب اللي يرتبك ويتخوف ..يأثر على زملائه ...الهدف الاول الاماراتي شوف المسافه اللي واقف فيها بينه وبين اللي لعب الاوفر ...قاعد يتفرج عليه خايف يخش عليه ...ياناس والله العظيم اللاعب الخواف ماينفع يطق كوره ابدا الا مع فرق مالها جماهير ...وغير كذا ترى اللاعبين اللي حوله يشعرون باحاسيس بعض اثناء اللعب ويتأثرون مثله فيصبح الهلال مجمع زلايب .. اي كوره عليهم يبدئون يرتبكون كلهم ...لهذا دائما نوعية هذه اللاعبين تخلص منهم بسرعه ...حتى والله لو كان موهوب ...لان ضرره على الفريق كبير جدا لانه يأثر على نفسيات اللاعبين ككل ...
وبالتالي تبدأ تتناقص شخصية البطل في الفريق الهلالي شيئا فشيئا ولايعرفون السبب ....(((شخصية اللاعب ياجماعه لها دور عظيم جدا لايستهان به تأثر على الفريق البطل تأثير كبير)))) .

دونيس تفوق على كوزمين حتى اللحظات الأخيرة الكورة للأسف غدارة سوء التغطية والحمد لله على كل حال