الف شكر لدونيس..الكيان اولا..والثقه مليون بالميه في السديري
 

للاسف الشديد خالد شراحيلي يسهر ويتغيب عن المران باليوم التالي وقبل مباراة مهمه باسيا..وعلى حسب -ماقرءنا وسمعنا-ان عذره لم يكن مقبول من المدرب..نختلف او نتفق بطريقة العقاب..ولكن دونيس براءيي الشخصي يؤسس فكر احترافي عالي بالهلال كان موجودا سابقا وهاهو بداء يعود باذن الله...مبداء ان الجميع ليسوا فوق الكيان...وان الكيان اولا..هذا سيعود بايجابيه كبيرة على الفريق ان استمر النهج ان شاء الله...وانا واثق باذن الله انه سيستمر مع فكر نواف بن سعد الاداري المحنك...
نعم الهلال امامه مباراة مهمه اسيوية...ولكن من يضمن ان مستوى شراحيلي سيكون ممتازا امام اهلي دبي؟
خصوصا انه مستواه في انخفاض...وكما نعلم ان الهلال تاهل لنهائي اسيا العام الماضي بدون شراحيلي...فالهلال لايقف على لاعب واحد...قد تكون خيره..وفرصه كبيرة للسديري لاثبات الوجود وبقوة باذن الله..
طالما ان دونيس قرر ابعاد شراحيلي وايده نائب الرئيس فكلنا يجب ان نقف مع القرار..وكلنا ثقه بكل اللاعبين..
لم يضيع الهلال شيء اكثر من (تدليل) اللاعبين..شراحيلي يستلم الملايين-الله يزيده- لكن للاسف لم يتعامل باحترافيه..هذا القرار ناقوس خطر لاي لاعب يتهاون او يفكر بالتهاون مستقبلا..
من يقول اننا امام مباراة مهمه وربما نخرج من البطولة لاسمح الله...انا اقول...فريق يخرج من بطولة بسبب تغيب لاعب واحد فقط لايستحق هذه البطولة..الفريق البطل لن يتاثر بغياب لاعب..واذا الله كتب لك التاهل فلو غاب اي لاعب فسيتاهل الفريق..
وحتى لو لعب شراحيلي وهي مو مكتوبه لك فلن تتاهل...
الثقه موجوده في السديري او الثنيان..وباذن الله تاهل هلالي للنهائي...نعم نختلف او نتفق بطريقة العقاب ولكن طالما انه تم القرار فيجب ان نؤيده الان ولا (نشوشر) ابدا على الفريق...
المطلوب الهدوء...ومساندة كل اللاعبين المنضبطين ودعم دونيس واللاعبين والادارة...وبالتوفيق للهلال بالتاهل باذن الله للنهائي الاسيوي للمرة الثانيه على التوالي..

الخوف كل الخوف يكون الثنيان البديل

السديري بديل جيد ، ومثل ما قلنا ، تخسر مباراة لاقدر الله ، ولا تخسر هيبة كيان ، واحترام لاعبين لمدربهم ، وان شاء الله يفوز الهلال على الاهلي الاماراتي ونتاهل للنهائي الاسيوي وناخذ الكاس ، يارب ، ونتاهل لكاس العالم الانديه وننافس هنا، ياكريم ، يامجيب الدعاء، ونتوفق في كل مبارياتنا والبطولات يارب.

(رب المشرق والمغرب لا اله الاه و فاتخذه وكيلا ).

قرار موفق

يدل على عقلية مدرب احترافية سترتقي بالهلال

بعد التحية والسلام

( الْحَمْدُ لِلَّهِ عَدَدَ مَا خَلَقَ، وَالْحَمْدُ لِلَّهِ مِلْءَ مَا خَلَقَ، وَالْحَمْدُ لِلَّهِ عَدَدَ مَا فِي السَّمَاوَاتِ وَمَا فِي الأَرْضِ، وَالْحَمْدُ لِلَّهِ عَدَدَ مَا أَحْصَى كِتَابُهُ، وَالْحَمْدُ لِلَّهِ مِلْءَ مَا أَحْصَى كِتَابُهُ، وَالْحَمْدُ لِلَّهِ عَدَدَ كُلِّ شَيْءٍ، وَالْحَمْدُ لِلَّهِ مِلْءَ كُلِّ شَيْءٍ، وَتُسَبِّحُ اللَّهَ مِثْلَهُنَّ”)،
ثُمَّ قَالَ:”تُعَلِّمُهُنَّ عَقِبَكَ مِنْ بَعْدَكَ”

ربي يوفق الزعيم الملكي وجميع محبيه فوق كل ارض وتحت كل سماء بكل زمان ومكان اللهم امين يارب العالمين
وارحم جميع المسلمين

الله يعطيك العافيه على الطرح
وبنتظار جديدك

دمتم بود
Kh2001k

قرار مميز و جرئ

من ايام خالد عزيز و احنا نعاني من الفكر القهاوي و الشيشة في ملاعبنا.

لاعب محترف تحترم نفسك و تنام كويس و تحظر في الموعد

تبي تسهر و تطق حنك للفجر ، الله يسهل لك شوف لك نادي ثاني غير الهلال يصلح لك

العنيد

هذا الفكر السليم

لاعب لا يحضر غير جاهز فنينا ونفسيا

كيف اجهز لاعب لا يحضر لتدريبات

كيف الوم المدرب على سوء جاهزية اللاعبين اذا اصلا اللاعبين ما يحضرون

قرار وموفق والكلام المنطقي فريق يتاثر بلاعب لا يستحق اللقب

والعدل اساس الحزم

من حق اللاعبين المنضبطين اخذ الفرصة بدال من لاعب متخاذل

لاعب لا يحترم الكيان ولا الادارة ولا المدرب ولا زملائه اللاعبين

راح زمن صاحب صاحبي الان زمن العدل والحزم

للأسف هذه النوعية من اللاعبين ينبغي التعامل معها بحزم الف شكر دونيس على هذا القرار ومليون شكر ادارة الزعيم على تأييد القرار

خالد شراحيلي اللي حاضر مباارة الذهاب قبل المباراه نازل لابس سماعات كبيره على اذنه المفروض ينسى كل شي وينزل مركز لكن مستهتر ويستاهل اللي صار له اهم شي الانضباط واحترام الكيان والجمهور

كلامك درر وموضوعك جميل جدا وفقك الله

مع القرار مهما كانت النتائج


دونيس صح ولو خرج الهلال من الآسيوية لا يهم

هذي رسالة واضحة للاعبين الهلال

لا مكان للمتخاذلين

راح ندعم اي حارس يشارك لسبب بسيط " لأنه التزم بالتمارين ولازال وفي للنادي "

الأهم وقبل كل شي

ان الهلال الان في الامارات من دون لاعبين متخاذلين

فالك النهائي يا أزرقنا .

اؤيدك تماما والحراس الباقين فيهم الخير والبركه والكيان فوق كل اعتبار

قرار موفق في ذاته

وقد حصل أن أوقف لاعبين كبار لأسباب انضباطية

وكمل الهلال المسيرة

أتمنى أنه يحفز اللاعبين على التعاضد والسعي للفوز بهذه المباراة