حجزت لـ دبي علشان الهلال. كيف أحصل على تذكرة المباراة؟
 

السلام عليكم ورحمة الله وبركاته

حجزت اليوم على الخطوط السعودية (الرياض - دبي) وبتكون رحلتي يوم الاثنين 19 اكتوبر. عاد السؤال كيف أحصل على تذكرة المباراة؟

تكفووون الفزعة

وبالتوفيق للهلال وعقبال الوصول للنهائي

ي انك تكلم واحد هناك تعرفه او من النت شخص تثق فيه يشتريها لك ولا قدم الرحله وروح قبل لانك مستحيل تلقى قبل المباراة بيوم مو مستحيل لكن 99% م راح تحصل فالله ييسر لك امورك ان شاء الله

الحمدلله كل مباريات اللي أحضرها يفوز فيها الهلال (أحس أني فال خير عليهم :) )

المباريات الاخيرة للهلال ما حضرتها بسبب ابتعاثي خلال الخمس سنوات الماضية

من أهم المباريات اللي حضرتها 1- الهلال والاتحاد اللي فاز فيها الهلال 5 صفر وسجل فيها نيفيز ووليهامسون ايام جيرتس
2- الهلال وشميزو الياباني في كأس السوبر الاسيوي عام 2000 والتي تأهل فيها الهلال لكأس العالم التي لم تقام وكانت ايام الامير سعود بن تركي ونواف التمياط والكاتو وكانت المباراة في رمضان ومن الفطور للملعب
3- عدة مباريات بالدوري امام النصر والشباب بعضها بالملز والبعض في استاد الملك فهد انتهت بالتعادل او الفوز للهلال
وللاسف ما عمري حضرت مباريات للهلال خارج الرياض وهذه أول مرة وإن شاء الله اني احصل التذكرة