|
رساله للرئيس نواف بن سعد.. قلت تسمع للجمهور طيب ممكن الان تسمعناا! نقاط مهمه! يجب ان تصل السلام عليكم ورحمة الله اسعدنا وجه السعد في اول تصاريحه لما قال اذا مانسمع من جمهور الهلال نسمع من مين!! وقال انه هو مشجع قبل ان يكون رئيس للهلال.. نقوله قول وفعل ياوجه السعد ولن تجد احرص من جمهور الهلال على مصلحة الفريق .. جبت لك مجموعة نقاط وهي مطالبات الجمهور الهلالي.. ممكن اختصرها بعدة نقاط النقطه رقم 1 الجمهور يبي منك تجلس مع دونيس نعم مدرب جيد لكن له اخطا.. من ابرز اخطا دونيس اهمال مركز المحور واللعب بمحور واحد وخاصه قدام الفرق الصعبه ! السؤال ليه!؟ الهلال مر عليه افضل محاور منهم واللي اتذكرهم ، خميس العويران،عمرالغامدي، خالدعزيز، رادوي، كاستيلو، بنتلي، وكانو شايلين الفريق.. الان موجود سعود كريري ، القرني، الفرج ، وبعض الاحيان درويش في غياب الفرج ! الاعتماد بيكون على كريري لكن هل دونيس بيتنازل عن قناعته وبيشرك محور ثاني جنب كريري!! درويش جاهز ... لاعب فنان بمعنى الكلمه يمد الهجوم ويساند الدفاع لتذكير: بنتلي في مباراة الهلال مع العين الذهاب قدم مجهود خرافي وتمريرات للامام .. قطع اي كره تشكل خطر هنا دورك ياسمو الرئيس.. لاقناع دونيس بضرورة دور المحور في الفريق.. في مباراة الهلال مع العين الذهاب كريري حط عموري نجم العين والاخطر على الاطلاق تحت ابطه ، يعني الغا وجوده تماما .. وديقاو الغا وجود جيان الخطير.. يعني بالله لاعب مثل ليما يسرح ويمرح في الملعب دون رقابه لصيقه ليه!! يجب توكيل مهام لكل لاعب يحط لاعب الخصم الاخطر تحت المراقبه.. وتطبيق الضغط على حامل الكره اللي اشوف دونيس اهملها..!! دونيس لايهتم ...بموضوع المراقبه .. هذا الهلال يعني مانلعب على البركه.. سنواجه فريق مطعم بمحترفين والمطلوب هدف واحد يهدي لنا التأهل والوقت يكفي يعني لا للمجازفه واهمال الدفاع.. التوازن مطلوب.. السؤال اللي لازم يتوجه للمدرب دونيس. ماهي منهجية اللعب اللي راح يطبقها امام الاهلي!! هل بيدافع! هل بيهاجم! هل بيسند مهام لكل لاعب يطبقها في الملعب! اثق في دونيس لكن مع هذا واجب الجلوس معه.. ايضا الجلوس مع الاعبين ومطالبتهم بتطبيق خطة المدرب ، ومطالبتهم بنسيان الحكم،، والتركيز على المباراة فقط.. وترك الانانيه اللي بصراحه طغت على بعض الاعبين اللعب الجماعي من مميزات فريق الهلال " أفة الانانيه " وحب الذات، وانا اللي بسجل.. مشكله دخيله... النقطه رقم 2 الجمهور مستاء من استهتار خالدشراحيلي .. وتقريبا في كل مباراة يحاول يتلاعب بعصاب الجمهور ، ليه!! جمهور الزعيم وقف مع خالدشراحيلي ودافع عنه.. نحتاج منه يحس شًوي.. ومثله الفرج مع المنتخب يامشاءالله يلعب من لمسه ويفك اللعب ومع الهلال يستهتر ويستعرض ! ليه!! النقطه رقم 3 قبل كل مباراة للهلال مهمه يطلع مليون اشاعه وكذبه على لاعبينا لكن مطلوب من سموك التنبيه على الاعبين ومطالبتهم بترك كل شي خلف ظهورهم النقطه رقم 4 اغلب الجمهور يطالب بضرورة وجود لاعبين الخبره في المباراة.. واللعب بناصر الشمراني اساسي من اول الدقائق.. مع الميدا.. رغم اني ضد فكرة اللعب بمهاجمين ليه الاستعجال.. لكن يكفي ناصر مهاجم اساسي ، والميدا يكون احتياط له.. ومعلومه: سالم الدوسري بجانب الشمراني يصحصح،ناصر ينبهه سالم ويطلب منه الكوره وافضل من يطبقون 1=2 هم ناصر وسالم، الاثنين قوه ضاربه في الهلال. و دونيس مابعد اكتشف هالقوه للاسف بسبب الايقاف المتكرر للاعبين. النقطه رقم5 الهلال متصدر الدوري الان: ومستقر ، يعني لو سمح الله الخروج من اسيا لايعني نسيان الدوري... ولكن يجب التمسك فيه الى النهايه... يعني قاتلوا الى اخر قطرة عرق على تحقيق لقب اسيا واذا ماتحقق اللقب نعود لدوري ونحققه.. بكتساح.. لوسمح الله ماتحقق التاهل لن تنسينا الخساره مجهوداتكم ياسمو الامير وعملك في النادي.. واحضار مدرب، ومحترفين، والاستقرار الاداري والمالي والفني.. اقسم بالله اسيا تفداكم لو ماتحققت هالسنه..، لان الجمهور راضي عن عملك.. خاصه انه اول موسم عمل لك كرئيس لنادي.. المهم استقرار الفريق هذا المهم عند كل مشجع عاقل ويحب الهلال ، بطل اسيا 6مرات وفي قمة البطولات افتخر اني هلالي ومن لايربطه في الهلال غير اسيا هذا لايمثلنا... لكن مع هذا اقول اسيا باذن لله للهلال هالسنه متفائل جدا.. لاعبين اهلي دبي منهارين نفسيا بعد خسارة منتخب بلدهم. والمعروف ان منتخب الامارات اغلبه لاعبين اهلي دبي.. باذن لله يتاهل الهلال وبنتيجه كبيره... هذا توقعي كتبت مجموعة نقاط لطرحها على سمو رئيس النادي واتمنى الجميع يكتب كل مايفكر فيه ويلاحظه ويرى ان الفريق بحاجته.. شكرا |
كفيت ووفيت . نقاط من ذهب |
دونيس ما ينلام في مساله المحور ولازم نقدر انه طلب من الادارة محور محلي ونظرا لان الوضع كان صعب بسبب الادارة السابقه سامحها الله الي ابقت على الغنام اسير العياده سنوات وفرطت في الغامدي قبل كذا وباعت عقد رادوي وجلبت اسؤ محترفين عرفهم التاريخ المعاصر والماضي للهلال من امثال جوستافو والبقيه وتزامن في تلك الحقبه ان رحل خالد عزيز لاسباب انضباطيه ولم تفكر في جلب محور الا بضغوط عاليه جدا من الجماهير ودعم شرفي كبير من احمد بن سلطان وفي الاخير حصلنا على محور الاتحاد كريري الذي يعيش اخر ايامه الكرويه معنا .. لا يلام ابدا الرئيس الحالي امام هذه الكوارث المساعديه السابقه في هذه الخانه تحديدا وتم تقيدنا بسبب وجود خمسين في الميه من الاجانب في الدفاع .. اذا ماهو الحل / الحل هو محاوله التعاقد مع كنو باي طريقه والبحث مستقبلاً عن لاعبين صغار وتبني موهبتهم في الاولمبي ورعايتهم حتى ياتو للاول وعدم اهمالهم كما كان يفعل ابن مساعد واعارتهم ببلاش ثانيا / اما حكايه اني اناقش مع دونيس الخطه ومن بيلعب هذي لا اتفق معك فيها اطلاقا .. اناقشه على اخطاءه في المبارة السابقه نعم وليه تضيع الفرص من اللاعبين وش سبب فرديه بعض اللاعبين وهل هو يوجههم ولا لا نعم لكن اتدخل في صميم عمل المدرب اجل ليه يتعاقدون معه ويجيبونه من اخر الدنيا ويدعطونه ذيك المبالغ كان وفرناها للنادي !! اما الباقي اغلبه اتفق معك خصوصا حكايه الثقه الزايده من شراحيلي لازم يكون عنده شويه حرص وتقدير لحجم المسؤليه |
اللهم ياحي ياقيوم يابديع السموات والارض توفق الزعييم الاسيوي وتجنب لاعبيه الاصابات والبطاقات الملونه امين يارب |
لعب دونيس امام الاهلي بمحور واحد او بدون محور أين هي خطورة الاهلي الاماراتي هات لي هجمه منظمه بس فتح مواضيع ودونيس وما ادراك ما دونيس |
من الممكن ان يكون الهلال بحاجة لمحور مكان كريري لكبر سنه بس اذا قصدك تطلب من المدرب اشراك محورين في هذه خطة فهذه مصيبة.. عندك 3 سناتر وراه المحور غير الاظهرة يعني نتكلم عن 6 لاعبين يدافعون عند منطقة الجزاء و هذا اكثر من كافي كعدد.. يا جماعة دونيس ما خسر الا مباراة وحدة منذ قدومه.. ادعموه و لا تسو فيها.. ليس وقت التغيير بل هوا وقت الثبات و التأكيد |
في حال عدم تواجد كريري او الشلهوب في التشكيلة فكوواك الكوري هو القائد الفعلي في الملعب ï؟¼ |
جبت الناهيه بالتوفيق للزعيم وفالنا بأذن الله الاسيويه |
كلامك ممتاز ووفرت علي كتابة الموضوع نفس النقاط للي ابي اطرها تماما وقريب من هالاسلوب اهم شي اللعب الجماعي وعدم الانانية وتغذية منطقة ال18 بالفرص |
بعد التحية والسلام ( الْحَمْدُ لِلَّهِ عَدَدَ مَا خَلَقَ، وَالْحَمْدُ لِلَّهِ مِلْءَ مَا خَلَقَ، وَالْحَمْدُ لِلَّهِ عَدَدَ مَا فِي السَّمَاوَاتِ وَمَا فِي الأَرْضِ، وَالْحَمْدُ لِلَّهِ عَدَدَ مَا أَحْصَى كِتَابُهُ، وَالْحَمْدُ لِلَّهِ مِلْءَ مَا أَحْصَى كِتَابُهُ، وَالْحَمْدُ لِلَّهِ عَدَدَ كُلِّ شَيْءٍ، وَالْحَمْدُ لِلَّهِ مِلْءَ كُلِّ شَيْءٍ، وَتُسَبِّحُ اللَّهَ مِثْلَهُنَّ”)، ثُمَّ قَالَ:”تُعَلِّمُهُنَّ عَقِبَكَ مِنْ بَعْدَكَ” ربي يوفق الزعيم الملكي وجميع محبيه فوق كل ارض وتحت كل سماء بكل زمان ومكان اللهم امين يارب العالمين وارحم جميع المسلمين الله يعطيكم العافيه جميعا دمتم بود Kh2001k |
اللي يقلل من دور لاعبين المحور اذكركم ، الهلال بوجود رادوي وعزيز، ماكانو قلوب دفاع الهلال تظهر نكباتهم وتذكرون من كانو قلوب دفاع، مرشدي ، واسامه، بعد ماضعف المحور في الهلال واختفى ظهرت كوارث قلوب الدفاع.. |
أخي الكريم اذا كنت تلعب بخمسة مدافعين مافائدة المحورين |
إقتباس:
اقولك وش فايدة المحورين قوة الخصم " في الوسط" اذا امتلكت الوسط في كرة القدم انت الافضل.. يعني اذا اقتربت الكره من مرمى فريقك بيكون فيه ارتباك من قلوب الدفاع يعني الافضل العمل الدفاعي يبدا من المحارور لامتلاك الوسط وتسير المباراة على مزاجهم.. اذا اهملت هالشي ابشر بهجمات على مرماك وماراح نخلص. يعني زي مانت تهاجم ، الفريق الاخر يبي يهاجم وعنده عناصر متمكنه.. |
النقاط اللي ذكرتها كلها مهمه .. يعطيك العافية</B> لكن ابغى اركز على النقطة 2 .. شراحيلي وخروجه عن النص !!</B> _____________________________</B> موضوع المحور .. اعتقد مع كريري منت محتاج محور اخر ليش ؟</B> كريري محور دفاعي " بحت " ماعنده ذيك النزعه الهجومية اللي عند سلمان يعني ماراح تحصل كريري متقدم سواء في مرتدة او في بناء هجمة ... هذا اللي عودنا عليه كريري </B> انا كنت أطالب محور ثاني مع سلمان وخلي سلمان محور متقدم لانه يبدع في المركز ذا ويبني الهجمه بحرفنه . |
معك ، لكن كريري " كبر في السن" ويحتاج محور ثاني يسانده.. يعني مثلا فيصل درويش ويطلب منه المسانده الدفاعيه والمساعده في الهجوم.. اتوقع باذن لله انه راح ينجح درويش في المهمه لو لعب.. |
| الوقت المعتمد في المنتدى بتوقيت جرينتش +3.
الوقت الان » 05:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd