الارسنـال فريق منطقي .. يهاجم بالمباراة الاولى ويلزخك .. وبعدها تبطي تجيب فيه هدف ..

بإنضبـاط تكتيكي ممتـاز مهوب قوة عنـاصريه كثر ماهو انضبـاط تكتيكي ..

ما ادري وشهو الهجوم اللي يملكه بلجريني يومه يدافع في مباراة الهايبري ..

ضد الارسنـال لازم تستغل الفرصـه .. لأنها ماتجيك الا مرة وحده .. بس في المباراة الاولى .. ;)

بالنسبة للحكم الحقيـر .. .. توي ادري ان خليل جلال حكم ممتـاز وكبير .. يوم شفتك تحسب هالبلنتي ..
مالي بالتحكيم .. بس ماقد شفت حكم يحسب بلنتي بهالشكل .. !!

لكن كـ العـاده الكبيـر كبيـر يا ليمـان ..

طبعا البعض وده يستنقصمن انجـاز الارسنال بطريقه غريبه .. جل حظ ..

اذا جتك ضربة جزاء خياليـه وضاعت .. يصير حظ ,, ولا أن العداله اخذت مجراهـا .. ؟

وما ادري وش الاسبـاب اللي تخلي الارسنـال يهاجم .. والنتيجـه تخدمـه .. !!

فرصـة بلجريني كـانت مباراة الهـايبري .. لكنه رضى بالهزيمـة .. وبدرجـه اصح رضى بالخروج ..

ما ادري وين هـ المستنقصين من انجـاز الارسنال .. في مباراة الهـايبري .. !!
يوم مابقى الا بلجريني يصف دفـاع معهم ..

الارسنـال احـق فريـق بالتأهل للنهـائي .. عمـر التأهل ما صـار باللي يهـاجم اكثـر ..
وما اعتقـد ان الارسنـال مهـزوم ولا متعـادل حتى تلومونـه بالدفـاع .. !

اعجبني " جلبرتو " .. لازم يكـون في تشكيلة الشامبينـز هالجولة .. قدم اداء استثنـائي كعـادته في الشامبينز ..

سيسك و توريـه .. ما قصـروا واحد شال الدفـاع .. والثاني شايل الوسط النـايم ..

من طـرف الفيا .. سينـا اثبت انه بطل بقوة .. ولايهونون فرانكـو و سوريـن ..

والحمد لله اولا ً واخيـراً ع التأهل لـ بـاريس وعقبـال البطولة يا ابطـال ..