[align=center]هلا مجنون أرسنال ..

تعليقات على تعليقاتك على تعليقاتي

إقتباس يحمدون ربهم إني ماني مديرهم لأني لو كنت مديرهم كان قفلت عليهم غرفة اللاعبين قبل المبارة وقلت ماعندنا حريم يلعبون كورة

ماصار مدير صار هيئة ( الله يعز الحكومة )

إقتباس والله ياني أكره هالفترة فترة أعياد الميلاد .. دايماً ينتكس فيها الأرسنال مادري وش فيهم ؟ بس هالمرة يمكن تكون غير لأنهم بادين منتكسين من أصلاً فيمكن يتعدلون فيها .

الموسم الماضي كانت انتكاسات في الاصابات لكن النتائج كانت جيدة نوعا ما ..

لكن الآن لدينا انتكاسات في الاصابات و المتسوى ..

زي ما قلت يمكن يتعدلون فيها ..

إقتباس إيه والله أخوي و بينتنر إنتظروه أتوقع راح يكون له مستقبل طول وسرعة ومهارة وقدم قوية . وروبينهو أتفق معك وأعتبر نفسي أبله إذا كنت أستغني عن أوين علشان روبينهو . بس ميسي صعبة شوي .. ترا اللاعب موب طبيعي

ياخي لاعب موهوب ما قلنا شيء ..

بس انا اكره شيء عندي لاعب ياخذ من الاعلام اكبر من حجمه ..

مثل ديوف في كاس العالم 2002 .. صجونا فيه وقالوا انه لاعب المستقبل في الاخير ما عندك احد ..

اسمع الكثير يسمون روبينهو و ميسي بالاسطورة ..

يلعن بليسكم ما امداهم يلعبون وما كملوا نصف موسم في الدوري الاسباني ..

مثل رونالدينهو عام 2004 ما لعب موسم كامل ..

و فشل في كاس اسبانيا وكاس الاتحاد وفي الاخير ياخذ الجائزة التي لا يتسحقها مع احترامي الشديد لعشاق رونالدينهو ..


عشان كذا اقولك لو يروح هنري للدوري الاسباني بياخذ افضل لاعب في العالم وهو مغمض ..

إقتباس والله وانا أخوك جوائز الفيفا رغم أني أختلفت أكثر من مرة في إسم الفائز فيها لكن تبي الصراحة .. الجائزة أكثر حيادية في العالم لأن اللي يختارون فيها مو صحفيين وجماهير مثل الجوائز الثانية ولكن يختارها أكبر المدربين في العالم وكباتنة المنتخبات الوطنية لمنتخبات العالم كلها يعني حتى سامي الجابر راح يصوت وأكثر لاعب في العالم راح ياخذ الأصوات هو اللي راح يتم إختياره يعني أتوقع مافيه حيادية أكثر من كذا حتى لو إختلفت أنا مع اللاعب الفائز .

تراني اعزك و اقدرك بس لا تخلينا نغلط على بعض

اي حيادية ..

الحيادية في الشمال الشرقي و الفيفا في الجنوب الغربي


كل مدرب له صوت واحد ..

يعني صوت اريكسون مثل صوت مدرب باكستان ..

وصوت ليبي مثل صوت مدرب اندونسيا ..

بينما كابيلو و فيرغسون ما يقدرون يصوتون ..

ياخي حتى مدربين الفرق المتأهلة لكاس العالم مثل اوكرانيا مثلا ..

هل تتوقع مدربهم متابع لجميع البطولات ...

قد يكون منشغل عن المتابعة الدقيقة لذلك صوته قد يذهب لمن لا يستحق ..

بعض المدربين ما تابعوا شيء خير شر ..

فيشوفون دعاية بيبسي و يصوتون ..تجنبا للاحراج فيختارون الاشهر اعلاميا ..

والا ما تفسير دخول بيكهام في القائمة وخلوها من توتي ..

وفي سنة سابقة فيسنتي اللي حقق ثلاث بطولات في موسم واحد مع فالنسيا لم يدخل القائمة ..


بس موضوع الجوائز ما صار يهمني اطلاقا ..

وحتى ان فاز هنري لن اهتم ..

وارى ان هنري لا يستحقها لذلك قد يفوز بها

إقتباس تحياتي لك ورمضان كريم

رمضان كريم

و كلها بضعة ايام ونقول عيد مبارك [/align]