رابطة عشاق المدفعجية -الارسنال- - صفحة رقم 210 - نادي الهلال السعودي - شبكة الزعيم

ابو الريش · #1 26/05/2006, 09:13 PM

8
8
8
8
مجهود جبار اخوي .. شايل الرابطه ..

تحياتي لك يالغالي

Soccer Maker · #2 27/05/2006, 12:40 AM

إقتباس


	Go Gunners

شايل الرابطة يالغالي و لا يهمك ريح شوي شكلك تعبت في الترجمة و الحق علينا ما ساعدناك

RoSSoNaiRo · #3 27/05/2006, 12:43 AM

أذا تبون مساعده ترى أعين وأعاون

Gunner4Ever · #4 27/05/2006, 06:34 AM

Go Gunners

شعلة من النشاط تحترق من أجل الآخرين

عاداته .. يشيل الرابطة في غيابنا المتواصل ..

ولا سمعنا منه أي شكوة ..

سلمت يمناك و اعذرنا على القصور يالغالي ..

ميلاني برشلوني

إقتباس


	أذا تبون مساعده ترى أعين وأعاون

نبي راحتك يالغالي ..

ما تقصر وهذي عاداتك ..

عضو راقي

..

تشرفنا طلتك ..

و اعذرونا وتراني أدري بأني مقصررر :sad: ..

وبدون عذر بعد ( وجه مستحي )

أما غياب مجنون أرسنال مدري إذا كان عنده عذر << اللقافة تمشي في العروق

مجنون أرسنال ... تكرهني

..؟

تراني امزح .. مجنون أرسنال هو ملح الرابطة

<<< مدري وش دخل ذي الابتسامة ..؟

سلااام

مجنون أرسنال · #5 30/05/2006, 08:39 PM

إقتباس

الرسالة الأصلية كتبت بواسطة Gunner4Ever


	أما غياب مجنون أرسنال مدري إذا كان عنده عذر << اللقافة تمشي في العروق

عندي عذر قوي ... وراه سالفه لو أقولك إياها ماراح تصدق

<<< وش رايك في اسلوب التشويق

خصوصاً للي لقافتهم تمشي في العروق

إقتباس


	مجنون أرسنال ... تكرهني ..؟

إيه

إقتباس


	تراني امزح .. مجنون أرسنال هو ملح الرابطة

خلاص مجنون ارسنال معد هوب جاي للرابطة ...

مجنون ارسنال بيغير اسمه لـ مجنون فياريال

<<< أتحدى احد يعرف ليش ؟

وابصير ( ملح ) رابطة فياريال <<< واثق من نفسه جداً

Soccer Maker · #6 27/05/2006, 06:34 PM

^^

من يوم جانا روزيسكي و انت صاير كله ابتسامة

الله يدومك عليها بس ..

yehabil · #7 30/05/2006, 12:55 PM

أنا معكم

Soccer Maker · #8 30/05/2006, 11:53 PM

إقتباس


	مجنون ارسنال بيغير اسمه لـ مجنون فياريال <<< أتحدى احد يعرف ليش ؟

عشان بيريز انتقل لهم

مافي جائزة ؟

مجنون أرسنال · #9 31/05/2006, 03:43 PM

إقتباس

الرسالة الأصلية كتبت بواسطة Soccer Maker


	عشان بيريز انتقل لهم مافي جائزة ؟

إلا فيه .... تفضل :

..........................................

وعلى طاري بيريس تراني ماعلقت إلى الحين على انتقاله لأني حاقد على فينجر و على الخبيث دين اللي مستقعطين يعطونه سنتين و لارسون البرشا عمره 36 و يطرونه يجلس معهم مع إن ماله سنتين في الفريق , وحده منها راحت و هو مصاب ما يلعب ..

والله الفرق في المعاملة

ماودي أكمل لأني أحس أني لو تكلمت باكب عشا عرس و باقلب الرابطة فوق تحت و يمكن أنطرد منها بتهمة الخيانة العظمى

بالتوفيق لبيريس و ان شاء الله يطلع الأرسنال من الدور الأول في التشامبيونز السنة الجاية علشان يلعب في كاس الإتحاد الأوروبي و يقابل فياريال و ان شاء الله يجيب بيريس هاتريك في ليهمان

و ان شاء الله بعد ....... و الا اقول خلني ساكت أحسن لي

دين ياحقيييييييير

.... وش سويت فيني ؟

و شلون ابشوف الجنرز بدون بيريس

Arsenal.FC · #10 02/06/2006, 11:32 AM

إقتباس

الرسالة الأصلية كتبت بواسطة مجنون أرسنال


	إلا فيه .... تفضل : .......................................... وعلى طاري بيريس تراني ماعلقت إلى الحين على انتقاله لأني حاقد على فينجر و على الخبيث دين اللي مستقعطين يعطونه سنتين و لارسون البرشا عمره 36 و يطرونه يجلس معهم مع إن ماله سنتين في الفريق , وحده منها راحت و هو مصاب ما يلعب .. والله الفرق في المعاملة ماودي أكمل لأني أحس أني لو تكلمت باكب عشا عرس و باقلب الرابطة فوق تحت و يمكن أنطرد منها بتهمة الخيانة العظمى بالتوفيق لبيريس و ان شاء الله يطلع الأرسنال من الدور الأول في التشامبيونز السنة الجاية علشان يلعب في كاس الإتحاد الأوروبي و يقابل فياريال و ان شاء الله يجيب بيريس هاتريك في ليهمان و ان شاء الله بعد ....... و الا اقول خلني ساكت أحسن لي دين ياحقيييييييير .... وش سويت فيني ؟ و شلون ابشوف الجنرز بدون بيريس

كيف حالك مجنون ارسنال حبيت اعلق على كلامك
صراحه انا من الناس اللي يحب الفريق لأجل الفريق وليس للاعب معين ولولا قدر الله ونزل الأرسنال للدرجه الثانيه والا العاشره سيكون هو النادي الذي احبه

حبيت اقول لك بإجاز بيريز خلاص عمره32 سنه يعني شايب مع انه مستواه ممتاز لاكننا عارفين طريقة فينجر انه ما يجدد مع الكبار في السن ولا يشتري الا لاعبين صغار

وبالتوفيق للأرسنال وبيريز في فياريال

Soccer Maker · #11 01/06/2006, 05:20 AM

^^

الله الله الله .. وش فيك قلبت عالأرسنال ؟ .. ترا انا بعد مثلك مقهور من طلعة بيريز ..

والله ياني حاقد على دين القعيطي

و فينغر بعد قهرني

يوم يقول خروج بيريز خسارة كبيرة << اجل ليه تبيعه ؟

لكن لا يروح بالك بعيد .. خروج بيريز لا يعني نهاية الأرسنال

مع انه لاعب خبير و له مكانته في الفريق لكن ... وش نسوي ؟

فينغر راسه يابس للأسف و يبيع النجوم عشان البزران :sad:

والله حاس فيك و باين انك تحب بيريز بجنون

و انا بعد

مثلك من يوم سمعت انه انتقل و انا مصدوم .. ماني مصدق اني

بشوف الأرسنال بدونه لكن لا تتحطم و تترك الفريق لهالسبب ..

ان شاء الله بتفرح الموسم الجاي بس انت اصبر ..

تحياتي لك

عسم الزعيم · #12 01/06/2006, 06:29 PM

ممكن جدا تشوفون الشلهوب مكان بيريز الموسم الجاي وترى فنغر مغامر ويسويها

go gunners · #13 01/06/2006, 07:53 PM

ليمان : الانجليز يدعموننا ويعشقون ادائنا

تحدث يانس ليمان عن منتخب بلاده قائلاً :

" الانجليز يعرفوننا ويعشقوننا لاننا قادرون على المنافسة على البطولات دوما يعرفون باننا قادرين على ان نفعل اي شيء حتى عندما لا يتوقع احد مننا اي شيء ".

وتحدث ليمان عن المباريات الودية التي خاضتها المانيا قائلاً :

" كانت لدينا بعض من الاخطاء سنحاول اصلاحها قبل ابتداء البطولة من الافضل ان نخطيء الان لكن المهم ان لا نخطيء امام كوستا ريكا ".

المصدر

عسم الزعيم · #14 02/06/2006, 02:30 AM

إقتباس

الرسالة الأصلية كتبت بواسطة Go Gunners


	ليمان : الانجليز يدعموننا ويعشقون ادائنا تحدث يانس ليمان عن منتخب بلاده قائلاً : وتحدث ليمان عن المباريات الودية التي خاضتها المانيا قائلاً : " كانت لدينا بعض من الاخطاء سنحاول اصلاحها قبل ابتداء البطولة من الافضل ان نخطيء الان لكن المهم ان لا نخطيء امام كوستا ريكا ". المصدر

لو تلاحظون نفس كلام سامي!!!!

go gunners · #15 01/06/2006, 07:54 PM

فينغر : الموسم المقبل سنكون اقوى وافضل من المواسم السابقه

تحدث ارسين فينغر عن طموحات فريق الارسنال للموسم المقبل وعن عزمهم على تحقيق البطولات يقول ارسين فينغر :

" انا لا استطيع الانتظار لبداية الموسم المقبل اريد العودة وتحقيق البطولات نريد ان نكون اقوى اعتقد ان ماحدث هذا الموسم من خبرة واحتكاك وتجربة ستكون عكسية بشكل ايجابي الموسم المقبل على الفريق الفريق مر بظروف صعبة كنا نتعرض للهزائم ولكن في النهايه كنا متواجدين في النهائي الامر الذي جعل لدينا اصرار كبير لاثبات نفسنا الموسم المقبل ".

المصدر