|
تكفى لا يفوز الهلال.... !! تحليل بسيط.... السلام عليكم: طبعا للي مايعرف الموضوع فيه شخص استقبل لاعبين منتخب الامارات اللي هم " احمدخليل" والحمادي .. لاعبين الاهلي الاماراتي اللي بيواجه الهلال وطلب منهم" بهذه العباره " تكفى لايفوز الهلال" طبعا الاعبين يفهمون قصده استغربو من كلامه " او بمعنى اخر استحقروه... وهذا ماظهر على وجيهم.. طبعا اللي مايعرفه هذا المسياري والمفاجئه احمد خليل يعشق الهلال من صغره... ويعجبه الهلال بنسبه لي وتعليقي على الموضوع اللي اخذ اكبر من حجمه في التويتر ... �� �� #تكفى_لا_يفوز_الهلال مانشرهه عليه هو ولكن اشره على الهلالي اللي يعطي هالاشكال هذي اهميه! ماراح يخلصون ابد. #تكفى_لا_يفوز_الهلال يعني حتى اخوي رغم انه اخوي يقول مابي الهلال يتاهل .. كل شخص وله ميول .. متى تستوعبون هالشي!!! #تكفى_لا_يفوز_الهلال بصراحه اعلامين الهلال وجمهوره، يكبرون المواضيع ، للاسف ، #تكفى_لا_يفوز_الهلال اغلاق كثير من الامور... السكوت عنها... حرية ميول .... لكن اعلام الهلال وبعض الجمهور عطى هالنكره شهره... واهميه |
بالعكس اخوي مهتم هذا تسجيل موقف وفضيحة لجماهير المسيار شوف البرامج الرياضية اليوم وكل يوم يدعون للوطنية ويطالبون بدعم الجماهير للمنتخب لأنه يمثل الوطن أما الهلال فمن حق جماهير الأندية المنافسة بأن لا تدعمه (حرية شخصية) يا سلاااام يعني الهلال ما يمثل الوطن ما دامها حرية شخصية والكورة ما فيها وطنية كما يقولون المنتخب أيضا لا يمثلني و أنا حر شفت كيف باريان وشلته كرهوننا في المنتخب |
إقتباس:
انا ضد هالاشكال وضد المجاهره ، هو ماسوى بنفسه خير انفضح وتم استحقاره من لاعبين الامارات وصار سخريه للجميع.. لكن مع هذا اقولك لن ينتهون هالاشكال وشي طبيعي في كرة القدم تجد مشجع برشلوني ، او مشجع مدريدي لا يتمنى فوز الاخر واهلاوي وزملكاوي اتحادي واهلاوي هلالي ونصراوي ياخي اقولك اخوي اتحادي يدعي على الهلال وهالشي بينه وبين نفسه لكن ماراح يجاهر ويفضح نفسه.. ويشتغل مسياري مثل بعض الواطين.. الحقيرين هي في النهايه كرة قدم اما دعم المنتخب شي اخر... |
لولا اننا وضعنا للنصراويين قيمة وردينا عليهم واصبحوا يتسابقون على الانتقاص من هلالنا للحصول على ردة فعل أقوى كان مادرى عنهم الا منافسيهم من اندية الوسط فقط. وكان احنا محققين آسيا منذ سنوات. لكن هم اذا نساهم الجهور دوروا اي شي عن الهلال وأظهرناهم في الصوره بردة فعلنا كجمهور او اعلام او مسئولين هلاليين.. لذلك هم موجودين على الساحة الى اليوم |
والله ماأقول إلا ربي يوفق الزعيم الملكي وجميع محبيه فوق كل ارض وتحت كل سماء بكل زمان ومكان اللهم امين يارب العالمين |
إقتباس:
اعلام الهلال وجمهوره هم من يرفع شان هالاشكال.. وزي ماقلت افضل حل التجاهل.. ولكن طبيعي ان تجد مثله وياكثرهم وماراح يخلصون.. انا ضد بعض كلامك يوم تقول تصرفات النصراوين ماتخلي الهلال يجيب اسيا لا ياحبيبي والله ثم والله محد يدري عنهم المسياريه الهلال بعد توفيق الله بيجيب اسيا وطرررق لكن اسيا مهرها غالي .. مهرها الروح ، والقتاليه من الاعبين في الملعب.. لكن انصح اي هلالي اذا مر عليه مقطع مثل هالمقطع دليت ، لان هالمسياري النصراوي او غيره لايسيي الا لنفسه الهلال مادرى عنه بيبقى شامخ مايهزه كلام هالنكره وامثاله... |
اذا وضعنا انفسنا في تنافس ضيق في مواضيع تكفى ما يفوز الهلال و تكفى لا يروح الهلال ، فاعلم اننا و هم سواء. لا ننظر لهؤلاء ابدا و نركز على هدفنا و هو بطولة اسيا، و حتى لو فزنا باسيا نبيها السنة الجاية ايضا و لن نهدأ حتى نتزعم اسيا بعشر بطولات و لن نقف فوق ذلك فنحن قوم ادمنا البطولات و اعالي القمم. العنيد |
إقتباس:
كلام كبير يا الازرق العنيد اقف لك احترمآ...... نعم الهلال باذن سيحقق السابعه وما بعدها ولن يتوقف ... |
يعيبون ع الناس ويتانسون أنفسهم وانت ايش سويت ياصاحب الموضوع هل تجاهلته؟! |
اللهم وفق الزعييم الاسيوي امين يارب |
التفسير واضح وبسيط فريق يتفاخر بعالميته " المزعومه " ومنها يجد نفسه انه مميز عن البقية وعن منافسه التقليدي فشي طبيعي لايتمنى وصول الهلال لها فلو وصل الهلال لها سقط هو الى الأبد ولن تقوم له قائمة هل أستوعبت الأن السبب في فرحهم لو خرج الهلال من بطولة أسيا ,,,,,, عزيزي عالمية الهلال بالنسبة لنصر يعني سقوطهم للأبد وعالمية الهلال بالنسبة للهلالين هي فقط " لتأكيد " إستحقاقهم لها |
والله العظيم إن نظرات الحمادي وخليل كلها إستحقار وإستنقاص لهذا الشخص لكن مايقدرون يقولون شيئا سوا الحمدلله على نعمة العقل فعلاً تخلف ومرض نفسي يخليهم يسوون أي شي وهذا نكره وفعلاً توقفوا عن جهل الحمقى مشاهير قرأتها ذات مره وأدركت حقاً انها مقولة تثبت صحتها مع مرور الايام لا نقول سوا اللهم لك الحمد على نعمة العقل و الهلال وعلى نعمة البطولات وعلى نعمة التفاخر بإنجازاتنا دون الاستعانة بفرق أخرى للتفاخر .. |
إقتباس:
نعم تجاهلته لكن يومين على التوالي اجد ان هذا الهشتاق موجود كتبت هذا الموضوع الامر ميول نعم هذا الشخص جاهر بمسيارتيه ووجد الاستحقار والسخريه لكن الموضوع اعطي اكبر من حجمه والشي هذا طبيعي البشر ماتفقو على اله واحد ولا على نبي واحد اذن لن يتفقون على وطن واحد ونادي واحد |
طبيعي استغراب احمد خليل " الا الحماقه اعيت من يداويها " اتركوا سفاسف الامور يا زعماء لاهنت اخوي يارب وفق الزعيم ~ |
بعد التحية والسلام ( الْحَمْدُ لِلَّهِ عَدَدَ مَا خَلَقَ، وَالْحَمْدُ لِلَّهِ مِلْءَ مَا خَلَقَ، وَالْحَمْدُ لِلَّهِ عَدَدَ مَا فِي السَّمَاوَاتِ وَمَا فِي الأَرْضِ، وَالْحَمْدُ لِلَّهِ عَدَدَ مَا أَحْصَى كِتَابُهُ، وَالْحَمْدُ لِلَّهِ مِلْءَ مَا أَحْصَى كِتَابُهُ، وَالْحَمْدُ لِلَّهِ عَدَدَ كُلِّ شَيْءٍ، وَالْحَمْدُ لِلَّهِ مِلْءَ كُلِّ شَيْءٍ، وَتُسَبِّحُ اللَّهَ مِثْلَهُنَّ”)، ثُمَّ قَالَ:”تُعَلِّمُهُنَّ عَقِبَكَ مِنْ بَعْدَكَ” ربي يوفق الزعيم الملكي وجميع محبيه فوق كل ارض وتحت كل سماء بكل زمان ومكان اللهم امين يارب العالمين وارحم جميع المسلمين الله يعطيكم العافيه دمتم بود Kh2001k |
| الوقت المعتمد في المنتدى بتوقيت جرينتش +3.
الوقت الان » 10:21 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd