(هل دونيس يشاهد مايفعله سالم الدوسري والعابد ام لا )
 

(هل دونيس يشاهد مايفعله سالم الدوسري والعابد ام لا )

للأسف الهلال مقبل على مباراة قادمة ولانريد مهاجمة اللاعبين وشحنهم لكن نحب ان نلحق قبل ان يقع الفأس في الرأس.
الهلال مقبل على مباراة مصيرية لاتتحمل ضياع اي فرصة ولاتحتمل الانانية والبرود والاستهتار والاستعراض بالكعوب

الهلال حقق بطولتين بدون سالم الدوسري ونواف العابد
وعاد هذان اللاعبان وعادت النكسة لهلالنا
آسيا لاتحتاج مهارات .
آسيا تحتاج روح قتالية ولعب جماعي والتحام بدني وانضباط تكتيكي
الهلال اضاع لسنوات مع سالم الدوسري والعابد آسيا بسبب دلعهم واستعراضهم
يادونيس انت ابعدت ناصر الشمراني لقولك انا احتاج قتالية وانضباط في التمارين.

هل تشاهد انانية سالم الدوسري وبرود نواف العابد في المباريات

المباراة القادمة تحتاج لخبرة الشلهوب وانضباط دروش وسرعة الشمراني

يجب ابعاد العابد نهائيا ووضع سالم الدوسري في الاحتياط ونزوله وقت تقدم الفريق حتى يضيع وقت المباراة

المباراة القادمة تحتاج لخبرة الشلهوب وانضباط دروش وسرعة الشمراني
كلام قمه العقل واثني على كلامك اذا كابر دونيس واشرك العابد وسالم انسو ان نسجل ..

دونيس ليس غبيا في انه لا يشاهد اخطاء هذين اللاعبين...ولكن ربما له نظره تختلف عنا..يعني ممكن سالم يساند الضهير..ولياقه عاليه وهكذا..لامشكله...المشكله بنظري ليس تواجد سالم لان له بعض المزايا..المشكله في عدم توجيهه حتى الان لسلبياته ومعالجتها...

لا ما يشوف ولابس نظارة شمسية ....

العابد وسالم هبط مستواهم وكعبي لحقهم

هذا الهجوم علي نجوم الفريق معول هدم يجب علي الزعماء الانتبهاء مو كل لاعب ماهضمته تهاجمه

اليوم يلمعون ياسر القحطاني ليلعب امام الفيصلي عشان يرجع، و يكتمل ثلاثي الفلاشات ياسر نواف سالم .

العنيد

والله ياجماعه لست متفأل بالمباراه ابدا ليش الله اعلم احسها صعبه

سالم ، والعابد

للاسف مايعرفون قيمة انفسهم


ذبحتهم الانانيه وحب الذات . وبسجل يعني بسجل...

قسم بالله درويش احسن منهم ، لعب جماعي، عرضيات ، اسست ولااحسن للمهاجمين،.

المره الوحيده اللي شفت سالم ماهو اناني ، يوم سحب لاعب لخويا ومرر لشهراني وجا هدف ثالث...

يعني لاعبين يتخلصون من الانانيه يصيرون ولااحسن...

هذان اللاعبين لا يخدمون الفريق بل يضيعون مجهود الفريق برعونة شديدة والدلائل عديدة للاعبهما السيئ الذي لا يرتقي لمستوى نادي الهلال وطموح جماهيره الكبيره.

العارفين ببواطن الأمور يعلمون جيدا أن هذا أفضل وقت للتشكيك والتباكي على استمرار مستوى الهلال الرائع وختم الموسم الماضي بالفوز بالكاس من أمامهم وبداية الموسم بكأس الأبطال من أمامهم أيضا.
البعض سيكتب انا هلالي ويتكلم بما يكتبه إعلام الأصفر الكذاب والبعض حتى وإن كان هلالي سيوافق الطرح المشكك ونظرية المؤامرة لقرائته وجهة نظر منطقية يطرحها صاحب الموضوع لتمرير موضوعه وبالذات سب نجم من نجوم الهلال ومدح آخر ويفترض أن يكون الجميع يدا واحده بالوقوف مع فريقهم خاصة أننا ولمدة سبع مواسم لم يقدم فريقنا مستويات ونتائج مثل نهاية الموسم الماضي وبداية الحالي على الأقل حتى الآن .
ونعلم أن مستويات الهلال الحالية وبالذات بطولتين أمام النصر كفيلة بتجييش القطيع وقيادته للتأثير في الرأي العام الهلالي بالتشكيك في مدرب ولاعبي الفريق وحتى إدارته ومحاولة التأثير عليه خوفا من تحقيق بطولة آسيا.
ويمكرون ويمكر الله والله خير الماكرين
اللهم اجعل بطولة كأس آسيا من نصيب الهلال ليختفي بعض المعرفات اللتي لاتعترف إلا بهذه البطولة ومحاولة جعلها مستحيلة حتى صدق البعض ذلك وتم مصادرة افراحه بالبطولات كل عام بخبث الإعلام الناعق

معك حق فلابد للاعب الجاهزوالمنضبط ان يلعب ونترك المجاملات

والله ياسالم ابرك من العابد العابد لايغطي ولا يستفاد منه شي على الأقل سالم لياقه ويرجع ويساند

والله ماأقول إلا ربي يوفق الزعيم الملكي وجميع محبيه فوق كل ارض وتحت كل سماء بكل زمان ومكان اللهم امين يارب العالمين.

أصبت كبد الحقيقه .. للأسف هؤلاء اللاعبين لايعول عليهم لتحقيق بطولة كأس نيدو
برود وعدم قتاليه وأنانيه وعقلية حواري والنتيجه صفر مكعب ..

اللهم ياكريم وفق الزعييم الاسيوي وجنب لاعبيه الاصابات والكروت الملونه امين يارب العالمين

العابد بسبب مشاركته اضاع بطولتين كاس ولي العهد بسبب حماقته سبب بلنتي امام النصر واضاع مثلها امام الاهلي لاعب بصراحه بلا فائدة ولاروح ولا قتالية وسالم بعدم مشاركته حققنا بطولتين في شهرين صار فيه جماعيه في اللعب وروح مو جايبن عشان يستعرضون ويسحبون ويفرفرون على حساب هذى النادي والكيان الهلالي وياخذون معهم فلوس الدنيا يجب ثم يجب ان نستثمر الاموال اللي ياخذونها بجلب لاعبين فيهم من الروح والقتالية ما يشفي غليلنا كجماهير لا نرضى الا بالفوز والبطولات والانجازات التي يفخر بها كل هلالي :alzaeem::alzaeem::alzaeem:

سالم تفاءلنا خير بعودته امام لخويا وبدأ يتلافى سلبياته في اللعب الفردي لكن سرعان ماعاد لعاداته وللاسف متى في المراحل الحساسة من البطولة

سبحان الله كأن كلامكم هذا بيصلح كل شيء اللاعب بينك وبينه عقد احترافي حربك تلك تخسر النادي كثير من الاموال حتى الان الجمهور ليس محترف في تعاطيه مع اللاعبين دعمك لفريقك وتشجيعك له هو من يدفع بالفريق الى العطاء وبذل المجهود

المدرب ماهو بهالغباء انه يشرك لاعب غير مؤثر
واللاعب لن يتقصد اللامبالاة ومناه ان يبدع ويكون لاعب مؤثر

والله يوفق الجميع

الهلال مقبل على مباراة مهمه اتمنى من القلب له التوفيق والوصول للنهائي :naughty: اتركوا المدرب يعمل مو وقته الان وادعو للفريق

مع احترامي لك يالغالي
قريت موضوعك ..وفيه امرين
اما انك لاتعرف كورة او ان لك هدف اخر
..معقوله مثل هالكلام في لاعبين يعتبرون عمود فقري
لو قلت انهم يحتاجون قليل من التركيز وتوجيهات كان قلت محب
وتهمك مصلحة الفريق ..لكن ابعاد هذا شي محير ..
الله يوفق الزعيم وباذن الله مايقصرون الشقرديه

يا سلام عليك يا سلام عليك : نحن أمام مجموعة لاعبين لا يستحقون شعار الهلال الأصلح مغادرتهم و هم : المحور القرني و عبدالعزيز الدوسري و الشامخ و أما العابد فتكفي مستوياته خلال السنوات الثلاث الأخيره و الإستثناءات القليله لا حكم لها : فهو ليس لاعب بارد بل مضر للفريق و ينال الفرص على حساب الأصلح للفريق حيث هناك رؤوس حربه من طراز عالي و الشلهوب في صناعة اللعب : فالأفضل رأس حربه أحسن من صانع لعب مضر بالفريق :و لو حصل إعارته لنادي القادسيه يكون أفضل : أو يركن في الإحتياط حتى يعطى فرصه يسيره في المستقبل ليثبت تبدل أحواله الهاويه .
أما من يقول لماذا ننتقد اللاعبين فليس الأمر قائم على هفوة مباراة أو مباراتين بل هي مراحل زمنيه متتابعه ينال فيها الفرص من لا يستحقها في بعض الحالات في هلالنا الحبيب
نشكرك بإمتنان يا صاحب الموضوع و لقد كتبت و أكثرت حول هذا الأمر في موضوع : نحو تعديل المسارات مما يتوافق مع كلامك يا أخينا الكريم .

مباراة الاياب تحتاج الى الشلهوب خصوصا فريقك ما عنده صانع الاعب

العابد انا معاك
لاعب منتهي وكل همه الفله
اما سالم يمكن نجد له العذر بحكم الايقاف اللي صاير .. يحتاج وقت ليعود

جبتها في الصميم

اشكرك اخي الكريم على طرحك


عيوب هذولا اللاعبين ترفع الضغط وتنحر اصواتنا كل مرة

يجب عدم الزج بهم نهائيا

انا معك في تكبر هذين الاعبين ولكن الشلهوب بكل صراحه خلاص راح وقته وبلا فائده

والمصيبه لو نزل ياسر القحطاني معهم راح يكتمل المسلسل..

العابد شارك مع الهلال في النهائي ضد النصر ، انت شكلك من النوع اللي ينتقد بدون ما يتابع ، ويا كثرهم.

كلام رائع:

الهلال مقبل على مباراة مصيرية لاتتحمل ضياع اي فرصة ولاتحتمل الانانية والبرود والاستهتار والاستعراض بالكعوب
الهلال حقق بطولتين بدون سالم الدوسري ونواف العابد
وعاد هذان اللاعبان وعادت النكسة لهلالنا

#نطالب_بإبعاد_العابد_وسالم_الدوسري_من_الهلال

انانيه لاتوووووووووووصفـ

صحيح ، واضف اليها ، سبب تعادل الهلال وهزيمته امام الفتح مع كومباريه ، في الدوري وطار الدوري على الهلال ، المباراة الاولى ذهابا سجل الهلال التعادل وكان مسيطر واخطاء في تمريره ، وخطفها لاعب الفتح الظهير حق الاتحاد سابقا المولد وسجل ، وخسر الهلال نقطتين ، والثالنيه ايابا عندما تسبب بركلة جزاء على الهلال ،لكن لنكن منصفين ، فمثلاياسر القحطاني اهدر ركلة جزاء اسيويا امام الوحده ، وهدف محقق امام سدني ،وكذلك ناصر الشمراني اهدر في الذهاب امام سدني انفراده ، واخيرا وليس اخرا في كرة القدم ، اهدر ادواردو ضربة جزاء ، وكان باقي حوالي 24 دقيقة على نهاية مباراة الاهلي الاماراتي ، لذلك لا تقاس هذه الامور بهده الطريقه ، نواف العابد هداه الله لاعب فذ كرويا موهبه افضل عموري ، واخالفك الرأي هو لاعب يلعب بروح عاليه ، وقتاليه ، لكن مشكلته الاساسيه هي عدم الانضباط في مواعيد النوم ، والتغذيه ، وخارج الملعب ، لذلك تحسه تايه فالملعب ، ولا يستيع يجاري زملائه باللعب الجماعي ، لان عنده عدم توافق عضلي فكري ، مما يجعله يظهر بهذا السوء ، اما سالم الدوسري ، فلا بديل له ، وحرام ظلمه بسبب هجمه او هجمتين فهو الذي ابدع في كثير من المباريات منها مباراة الاخويا ، وغيرها الكثير ، لكن اتفق معاك بان تواجدهم بنفس التشكيله مضر للهلال ، لان لعب سالم ونواف فردي ، ووجود لاعبين فرديين يمين ويسار ، يعطل اللعب الجماعي ، لذلك الاكتفاء باحدهم اساسيا يصب بمصلحة الفريق .
نسال الله التوفيق للهلال في مباراة الاياب والتاهل للنهائي والحصول على كاس اسيا ،والذهاب للعب والمنافسه في كاس العالم هذه السنه ، والتوفيق بجميع البطولات يارب ،

( رب المشرق والمغرب لا اله الا هو فاتخذه وكيلا).

المباراة القادمة تتطلب لاعبين دكتيكيين وليس لاعبين مهاريين وانانيين
فالشلهوب ودرويش من المفترض يكونوا من بداية المباراة
ملاحظة( عندما ننقد سالم ونواف فليس معناه أننا مندسين) بل ننقد لمصلحة الفريق ولادلة موجودة
وعندما غاب واحد منهم حققنا بطولتين ، قد يكون حظهم سئ وهذا الحظ يصل الى الفريق بأكمله إذا كانوا موجوديين
فنطالب بجلوسهم في الدكة حتى يخلص الهلال المباراة بأكثر من هدفين وبعدها يدخلهم المدرب لاستغلال المساحات لان الفريق الخسران سيفتح ملعبه

فيه مواضيع في هذا المنتدى ممتازة ومطورة للاعبيين وكشف سلبيات كل لاعب لكي يتلاشاها ويعالجها ، بس هل ادارة النادي أو من ينوب عنهم أو الاعبيين مطلعين على هذا المنتدى لكي يصل رسالة الجمهور للاعب ويطور نفسه

إلى صاحب الموضوع أنا أقدّر لك غيرتك على الهلال .. ولكن ما هكذا تورد الإبل

سالم لو كان في نادي آخر غير الهلال لكنت أول المطالبين بضمه مهما كان السعر ..

سالم يمتلك الروح القتالية والحماس وفوق هذا شخصياً اعتبره أفضل لاعب مهاري بالخليج

بعد عموري وفي آسيا أيضاً ... مشكلة سالم في أمرين الأول الانفراد بالمرمى 70% تضيع

الامر الثاني المبالغة بالاحتفاظ بالكره ولو كان سالم يلعب من لمسة وحده كان شفنا الهوايل ..

سالم لم يجد المدرب اللي يركز على هالنقطتين ... سالم خامة كروية محتاجه صقل فقط ..

واختلف مع من يقول بان سالم انخفض مستواه بالعكس سالم مستواه ثابت حتى بعد الزواج

أما العابد فهو من يضع على نفسه أكثر من علامة استفهام !!! تدني مستوى بشكل وااااضح

ولا أحد يعلم السبب ؟!!... سبق وإن اقترحت بأن تتم مقايضة وإعارة بين الهلال والعين

نأخذ عموري ونعطيهم العابد على الأقل إعارة لمدة عام كامل والهدف منها تقليل قيمة إعارة عموري

وتغيير الجو على العابد لعل وعسى أن يعود أكثر قوة وحيوية ...

زبدة الكلام يظل سالم قوة ضاربة بالفريق ويحسب له ألف حساب من قبل الأندية الأخرى

ويجب أن يكون أساسياً بعكس العابد اللي مستواه حالياً لا يفرض أن يكون أساسياً بل احتياطياً

حتى يكون ورقة رابحة بيد المدرب ..

اللهم وفق الهلال فوق كل ارض وتحت كل سماء ....

لايوجد ومافي وماراح تلقى مشجع يدافع عن لاعب لايخدم الفريق واضاع عالفريق الكثير من المباريات واخرها المباراه الاخيره له ويطالب باستمراره اساسي فاسباب الدفاع عن الاعب واضحه يبونه يستمر في ضياع الفريق واما عن مساله مهاره اللاعب فماانكرنا فسالم مهاري من الدرجه الاولى لكن يبيله عين حمرا من الاداراه مثل الادارات السابقه كيف كانو مايتهاونون بمثل هالحالات واما لو كان سالم بنادي ثاني بنطالب فيه لاوالله دامه كذا محد يبيه من النادي العاقل اللي يجيب لاعب يضيع مجهود الفريق ويكفي ان الجمهور الهلالي متضايق منه الحين ومثله ترى مثل الجيزاوي لين نسقوه الاهلي ونسقه النصر والحين مع الاتحاد محد درى عنه مع انه مايقل مهاره عن سالم لكن عقليه مافيه بس انه لقى اداره صاحيه ماتحب المهازل وبالنهايه سالم هلالي يهمنا امره ونقدنا هذا من مصلحته حتى يصحصح ويترك عنه البرود وعدم المبالاه ويلعب لعب جماعي وعندها ابصم بالعشره انه بيكون اللاعب الاول بالهلال وبنشيله بعيونا وماراح نبخصه حقه واما انه بيستمر على وضعه فمصيره مصير الجيزاوي وبيكون عاله عالفريق

عموري ماقدر يسوي شي ، قدام هوساوي ، والخيبري ، تبيه يسوي شي للهلال امام مدافعين بمستوى ديقاو وكواك ، وسعود كريري ، استريح الله يعافيك .

شارك وكأن الهلال ناقص لاعب وليس 11 ضد 11 انت شفت لعبه الخايس

للمعلومية
نواف العابد كان أحد نجوم مباراة منتخبنا أمام الإمارات وبنزوله مالت الكفة بشكل أكبر للأخضر

الي متى اخي ثامر ونحن نتعلم ونستفيد منك .
بارك اللله فيك وبطرحك .




صاحب الموضوع وصلت لك رساله الاخ الجهيمان ..... شوية ثقل ومنطقية .

ليس من المنطق ان يعاد نشر الموضوع
في هذا التوقيت.
النقد مطلوب شريطة اختيار الوقت المناسب لطرحه