هل سيتكرر سيناريو 2010؟ - نادي الهلال السعودي - شبكة الزعيم

FAY1 · #1 01/10/2015, 01:54 AM

بسم الله الرحمن الرحيم

اول ماخلصت مباراة الثلاثاء جت في بالي مباراتنا مع الاهلي الاماراتي 2010 اللي تعادلنا فـ ارضنا 1-1
وفزنا عليهم فـ ارضهم 3-2
طبعا اللي بيقول لاعبين الحين يختلفون عن لاعبين 2010 ومدري ايش
اقول حتى لو نلعب بلاعبين شباب الهلال ولعبوا بروح واحترام لشعار الهلال اللي عليهم بنفوز ان شاء الله

المباراه ماتحتاج الا التركيز ثم الروح والروح والروح

*الاهلي الاماراتي فريق كبير وخصم قوي لكن موب صعب عالهلال ان كانوا لاعبين الهلال فقمة تركيزهم وروحهم-

يارب إني استودعك كاس دوري ابطال اسيا 2015-2016 يارب ان مايتوج فيه الا الهلال فودائعك يارب لاتضيع

hsooon14 · #2 01/10/2015, 03:01 PM

اعذرني انا اضع اسوء الاحتمالات اتوقعها سلبيه وبكذا يتاهل الاهلي
يارب يكون توقعي خطا

زعيم القنص · #3 01/10/2015, 04:03 PM

أنا يئست من الوضع الي صاير ... كل سنة ندعم ونتعب وفي النهاية نخرج

الآن يوجد الأهلي صعب وغوانزوا الأصعب ... مستحيل نجيب آسيا هالسنة

حنا ضيعناها الفرصة أمام سيدني

الفرج إيقاف ديغاو إيقاف !! ... لاعبين الخبرة ناصر كريري شلهوب زوري درويش ... منعهم من اللعب!!

يعني تتوقع بنجيب بطولة ... بـ الاعبين الجدد الميدا وادواردو ... أو بالدفاع الأسطوري جحفلي وشراحيلي ... أو بالحارس المهاري شراحيلي ...

أو بالوسط الي يبكون للهلال أكثر من وليهامسون وأيام نيفيز ورادوي ... سالم عابد شهراني ... الي يحترقون للشعار لا جات آسيا

العناد على وضع لاعبين الخبرة شمراني زوري شلهوب كريري درويش ... والمكابرة والإصرار على اللعب بلاعبين شباب بدون خبرة بريك كعبي سالم عابد شهراني ... ولا ننسى معاهم الحارس المهاري شراحيلي ... هؤلاء الاعبين الشباب أعتقد ماراح نحقق معاهم آسيا بس أعتقد راح نحقق العالمية والله يعين برشلونة عليهم ... أعتقد برشلونة يتمنى أن الأهلي يفوز لأنه لو وصلوا له العابد وسالم والشهراني والبريك والفرج والعكبي ولا ننسى الحارس بوفون ... راح يحققون كل البطولات...

صعبت آسيا علينا وعلى الجيل الحالي ... جدا ... 10 سنوات وكل سنة نفس النهاية ... خلونا نقفل ملف غوانزوا والأهلي الإمراتي وغامبا أوساكا الياباني ... ونفتح ملف الفيصلي والنجمة وأحد وضمك وسدوس ... أهلي كوزمين صعب جدا على الشباب ... وعناد على إجلاس ناصر على الدكة وكريري والشلوب والزوري ... آسيا تأتي بالخبرة وليس بالشباب الذين يناقشون الحكام وينشبون لهم وإلا الي يتضاربون معهم ويضربونهم

آسيا صعبة علينا ... ما يدل طريقها وشعابها غير نيفيز وناصر بس

خلف نت · #4 02/10/2015, 02:11 PM

الله يعطيكم العافية وبالتوفيق للزعيم الملكي

نواف فالح · #5 02/10/2015, 02:51 PM

اولا ليش المباره بعد 3 اسابيع عذاب انتظار المفروض ننهيها ياتأهل يا لا

ثنيا بصراحة دفاع الاهلي قوي قوي قوي جدا وحماسي يلعبون بكل اخلاص

ثالثا جمهور دبي كبير جدا للاسف سيؤثر علينا

abubadr98 · #6 02/10/2015, 02:58 PM

الله يعطيك العافية
وبالتوفيق للزعيم الملكي

ابو عثمان خ · #7 02/10/2015, 05:13 PM

في لاعبين لايهمهم الجمهور ،،، وجمهور دبي مايجي ولا عشرة بالمئة من جمهور الزعيم
ولكن الاهلي لعب بقوة امام جمهور الزعيم لان الزعيم كان سيئ
ولكن بحول الله وقوتة ننتزع البطاقة المؤهلة للمباراة النهائية بعزيمة الرجال الذين عودونا ان يصعدوا
على منصات البطولات من أضيق الطرق حتى وان مرض الفريق

مين غيرك زعيم · #8 02/10/2015, 10:44 PM

إقتباس

الرسالة الأصلية كتبت بواسطة نواف فالح


	اولا ليش المباره بعد 3 اسابيع عذاب انتظار المفروض ننهيها ياتأهل يا لا ثنيا بصراحة دفاع الاهلي قوي قوي قوي جدا وحماسي يلعبون بكل اخلاص ثالثا جمهور دبي كبير جدا للاسف سيؤثر علينا

دفاعهم ماكان قوي بدرجة كبيرة كان مجرد خطأ في التكتيك من المدرب ولما لعب معهم دونيس بواقعية وضغطهم هجوميا كشف دفاعهم في خلال 15 دقيقة فقط سجلنا فيها واضعنا ضربة جزاء ووصلنا لمرماهم اكثر من مرة لولا عدم التركيز من اللاعبين في التعامل مع الفرص وبالنسبة للجماهير الهلال ماهي اول مرة يلعب بين جماهير كبيرة علشان يتأثر سبق ولعبنا في ملاعب اكبر وامام 100 الف مشجع وانتصرنا

وبصراحة اللي عنده ردود انهزامية يكرمنا بسكوته الفريق محتاج للدعم وكلنا خلف فريقنا والتأهل حليفنا بأذن الله

bjad10 · #9 02/10/2015, 10:57 PM

انا شفت مباراة قوانزو وقارنته بفريقنا حقيقه شي محبط

FAY1 · #10 03/10/2015, 04:06 AM

إقتباس

الرسالة الأصلية كتبت بواسطة bjad10


	انا شفت مباراة قوانزو وقارنته بفريقنا حقيقه شي محبط

لاحول ولا قوة الا بالله
الحين خلنا نعدي الاهلي الاماراتي اول ونتأهل للنهائي ان شاء الله بعدها تكلم عن غوانزو

تحبطون فالفريق واذا خسرنا قلتوا اللاعبين داخلين المباراه بخوف وتوتر كبير!

FAY1 · #11 03/10/2015, 04:21 AM

إقتباس

الرسالة الأصلية كتبت بواسطة زعيم القنص


	أنا يئست من الوضع الي صاير ... كل سنة ندعم ونتعب وفي النهاية نخرج الآن يوجد الأهلي صعب وغوانزوا الأصعب ... مستحيل نجيب آسيا هالسنة حنا ضيعناها الفرصة أمام سيدني سيدني كان مقفل اللعب صح هذا غير التحكيم الزفت وغير الضجه اللي قبل المباراه اللي افقدت اللاعبين تركيزهم الاهلي بإذن الله فملعبهم نسجل عليهم هدف وبيفتحون اللعب وبنسجل عليهم كذا هدف وبنفوز ان شاء الله وغوانزو موب من الفرق اللي تقفل ملعبها ولا احب اتكلم عنه لان مابعد ضمنا التأهل الفرج إيقاف ديغاو إيقاف !! ... لاعبين الخبرة ناصر كريري شلهوب زوري درويش ... منعهم من اللعب!! يعني تتوقع بنجيب بطولة ... بـ الاعبين الجدد الميدا وادواردو ... أو بالدفاع الأسطوري جحفلي وشراحيلي ... أو بالحارس المهاري شراحيلي ... الدفاع الاسطوري والحارس المهاري جابوا لك بطولتين فـ اخر 4 شهور أو بالوسط الي يبكون للهلال أكثر من وليهامسون وأيام نيفيز ورادوي ... سالم عابد شهراني ... الي يحترقون للشعار لا جات آسيا سالم والعابد ماينفع يكونون اساسيين معك حق بس لاتنكر جهود باقي لاعبين الوسط ادواردو درويش الشلهوب كريري الشهرااني انت الحين تنتقده ولا ؟ اذا تنتقده اسمح لي انت قالب التلفزيون وانت تشوف وماشاء الله نيفيز كان مره يحترق عالشعار ف اسيا وش سوى فالنهائي؟ عالاقل باقي اللاعبين حاولوا حسسوك انهم يبون الفوز نيفيز تحسه كأنه يلعب مغصوب العناد على وضع لاعبين الخبرة شمراني زوري شلهوب كريري درويش ... والمكابرة والإصرار على اللعب بلاعبين شباب بدون خبرة بريك كعبي سالم عابد شهراني ... ولا ننسى معاهم الحارس المهاري شراحيلي ... هؤلاء الاعبين الشباب أعتقد ماراح نحقق معاهم آسيا بس أعتقد راح نحقق العالمية والله يعين برشلونة عليهم ... أعتقد برشلونة يتمنى أن الأهلي يفوز لأنه لو وصلوا له العابد وسالم والشهراني والبريك والفرج والعكبي ولا ننسى الحارس بوفون ... راح يحققون كل البطولات... صعبت آسيا علينا وعلى الجيل الحالي ... جدا ... 10 سنوات وكل سنة نفس النهاية ... خلونا نقفل ملف غوانزوا والأهلي الإمراتي وغامبا أوساكا الياباني ... ونفتح ملف الفيصلي والنجمة وأحد وضمك وسدوس ... أهلي كوزمين صعب جدا على الشباب ... وعناد على إجلاس ناصر على الدكة وكريري والشلوب والزوري ... آسيا تأتي بالخبرة وليس بالشباب الذين يناقشون الحكام وينشبون لهم وإلا الي يتضاربون معهم ويضربونهم آسيا صعبة علينا ... ما يدل طريقها وشعابها غير نيفيز وناصر بس

ايه حققناها العام بفضل نيفيز وناصر
نيفيز وناصر فالنهائي كانوا اسوء اللاعبين
بس ناصر ان شاء الله عنده شي يقدمه فالاياب ويرجع مثل ناصر اللي نعرفه

النجوم الساطعه · #12 03/10/2015, 04:21 AM

لانفقد الأمل بالتأهل يااخوان وبأذن الله الزعيم قادر على العبور والوصل للنهائي الآسيوي

هلالي ملكي تبوك · #13 03/10/2015, 04:26 AM

تفائلوا بالخير إن شاء الله يتأهل الهلال ونحقق البطولة السابعة بإذن الله

abu hams · #14 03/10/2015, 06:43 AM

والله انا ماني متفائل أتوقع ماراح نتأهل للنهائي

bjad10 · #15 03/10/2015, 07:01 AM

إقتباس

الرسالة الأصلية كتبت بواسطة FAY1


	لاحول ولا قوة الا بالله الحين خلنا نعدي الاهلي الاماراتي اول ونتأهل للنهائي ان شاء الله بعدها تكلم عن غوانزو تحبطون فالفريق واذا خسرنا قلتوا اللاعبين داخلين المباراه بخوف وتوتر كبير!

بهذا المستوى لن تذهب بعيدا