|
دونيس ابخص ضيعتنا ....!!!!! السلام عليكم ورحمة الله وبركاته سوء ادارة الادوات الموجوده لدى المدرب ادت الى التعادل المؤلم بطعم الخساره العبث الدائم بالتشكيله وعدم الاستقرار على تشكيله واحده شتت ذهن اللاعبين والجماهير ، وقاعدة الافضل يلعب بديت اشك فيها مومعقوله درويش يلعب المبارة الماضيه وبقاتل وهالمباراه تستبعده مو معقوله تستغني عن كريري الخبره صاحب التمريرات الطويله بالعمق والاستعانه بشراحيلي المهزوز ، فلسفة المدرب وعدم مناقشته ادت الى ما افضت اليه مباراة البارحة ، ولكن الله سلم تخيلو لو لعب الشهراني من البداية يمين والزوري يسار كم كورة مقشرة وصلت للبيرك وماعرف عرضها صح كم كورة وصلت لكعبي والتمرير خاطئ استهتار غير مبرر من جميع اللاعبين ادواردو امس كان نقطة ضعف واضحه للفريق وكان لابد من اخراجه ولكن المدرب حرق التبديلات لعدم استغلال الزوري والعابد وكريري من البداية كان لابد من الزج بلاعبي وسط الشلهوب والدوسري تخيلو ان ياسر لعب وعن ردة الفعل النفسيه الي كانت ستحصل بالمدرج هذا دور مدير الكره الي بلا شك احس انه اكبر من المفرج بكثر ، مباراة العوده بعد 3 اسابيع تقريبا اما العوده للطريق الصحيح او التحول الى طريق الضياع وهذا اللي الجميع متخوف منه بس ما احد يفصح ، نهايةً انتمى من الله كل التوفيق للأزرق في البطولة الاسيويه والي بالتأكيد ماهي آخر طموح ولكن نقطة نفسيه هائلة وبإذن الله الفريق قادر على تجاوزها والله الموفق |
|
حنا دايما نخسر بالثقة المفرطة وسنعود والخرابيط ذي ما تأكل عيش يجب العمل على تصحيح الأخطاء الأهلي فريق موسهل والمباراة صعبة ما نبي آخر المباراة نقول يا ليت ويا ليت هناك ناس متربصين بالهلال والله أن يشونكم سنه كامله طقطقه زي ما صار مع سيدني ولكن رغم ذلك انشاء الله السنه هذي يحققها الهلال وكثر الله خيره |
احنا اللي رجعنا للمباراة بهدف التعادل .. مو احنا اللي كنا متقدمين يعني التعادل كان أفضل من الخسارة وكان ممكن تستقبل شباكنا أكثر من هدف ووقتها الرجوع صعب جداً !! اللي بقوله ان مباراة امس ماكانت بهذا السوء .. الخطأ كان في تحفظ اللاعبين الزائد وفي دبي ان شاء الله بنشوف مستوى أحسن |
نعم ... دونيس ابخص ولا فيها جدال ... وتاثير ديقاو واضح وهو كان السبب الرئيسي للمستوى الباهت تعطلت الاظهره بسبب الضعف الواضح في قلوب الدفاع ... سالم والكعبي قل تقدمهم بسبب التخوف الدفاعي .. المباريات اللي لعب فيها ديقاو .. كان الفريق يبني الهمجمه من بداية ملعب الخصم والاغلب كان من قلوب الدفاع كانوا يتجاوزون خط المنتصف لاكثر فترات المباراة في حالة الهجوم .. غياب ديقاو اخر كثير من خروج الكرة من ملعب الهلال لملعب الخصم .. الكل كان يلعب وخوفه من هفوات الدفاع والهدف في مرماه .. اخيرا لعل ايقاف سلمان الفرج خيره في المباراة القادمة ... كريري سيعوض باذن الله وخروج الكرة من قدم كريري اسرع من سلمان ومميزاته الدفاعية اقوى ومن ثم تسليمها للاعبي الوسط ( الشلهوب - العابد ) كالمعتاد للبناء السريع والصحيح مع تامين منطقته بالرجوع المعتاد لسعود كريري . مع احترامي للاهلي الاماراتي لم يكن ند لنا الا باخطاءنا .... والمباراة القادمة ستكشف في حال عاد الزعيم لجل مستواه .. وجهة نظر اقبل منها ما تشاء ... |
الله يعطيكم العافية وبالتوفيق للزعيم الملكي |
بس ابغى افهم من صاحب الموضوع ان كلمة ((دونيس ابخص)) ضيعتنا!! يعني وش المطلوب نقوم نضرب المدرب يعني ولا ايش؟؟ احترافيا نعم المدرب ابخص...وهو المسؤول عن الامور الفنيه بلا جدال.. هنالك اخطاء من المدرب نعم..ولكنها لا تساوي 10% من اخطاء االلاعبين.. شخصيا وبعد ايقاف ديقاو كنت اتمنى اللعب بطريقة 4/4/2 وعدم اشراك احمد شراحلي كقلب دفاع بل يكون رباعي الدفاع : البيريك-كواك-جحفلي-الشهراني مع اشراك الميدا وناصر معا.. زلكن لا يجب ان ننسى ان اللاعبين اخطاءهم فادحه...بداء من سالم الدوسري واضاعته لكرات سهله..وادواردو واضاعته لضربة الجزاء مرورا باحتجاجات سلمان اللتي اخذ فيها كرت اصفر مجاني!! |
مين اللي وصلك لنصف نهائي بدون هجوم وبدون محاور وبدون جمهور كم عدد المباريات اللي لعبها الهلال مع دونيس وكم خسر وبكم خسر وياليت تذكر اسباب الخساره علشان تبين للجمهور الهلالي ان دونيس خبص |
خطاء المدرب بعدم للعب كريري فقط المفروض سلمان الفرج مكان سالم الدوسري يسار وارجاع سالم للجهة اليمنى التغيرات الي سواها المدرب حسنت وضع الهلال الزوري لازم يلعب اساسي لاننا محتاجين اختراقات الزوري افضل شي يبدا المدرب ناصر والميدا مباشرة واللعب بتوازن الشوط الاول اذا استمر التعادل هجوم كاسح مع المحور مع الحرص والحذر من المرتدات لان ماراح يبقى الا قلبين دفاع عسى ان يكتب لنا الله اهداف بالشوط الاول ننهي الاهلي ونحسمها من الشوط الاول |
كل المحللين بكل مكان قنوات او صحف اتفقوا ان دونيس ضيع الفريق وحاس الفريق حوس يارجل كل مباراة تشكيل كل مبارات لاعبين واخرتها جا يطبق خطه جديده بمباراة مهمه كذا من جد متهى اللامبالاة الا اذا هو ما يعرف حجم البطوله الي حنا فيها فهنا تصير المصيبه اعظم إقتباس:
|
متى ما كان سالم الدوسري خارج التشكيلة فالفوز قريب من الهلال لا اتحامل على اللاعب و هو لاعب يملك مهارات كبيرة ولكن طريقة لعب دونيس تهتم باللعب الجماعي و ليس الحواري و فتح كباري و تشويت و حركات سينمائية عند ضياع فرصة. هذا النوع من اللاعبين يقتل اللعب الجماعي مثله مثل نواف العابد، كلاهما للاسف يملكان مهارات كبيرة و لكن مع دونيس سنعاني منهما كثيرا العنيد |
نعم دونيس ابخص لو الله يفكنا من هذه المواضيع فحنا بخير |
شراحيلي قدم مستوى طيب في مباراه كبيرة كريري محور فليش اقارنه بشراحيلي البريك قدم مستوى طيب لاعب مقاتل شاهدوا الدقيقة 30 و 44 الزوري دائما محل نقد عند الجمهور وفجاه صار افضل من البريك ! ادواردوا مكلف بمهمتين الهجوم + صناعة اللعب لم يجد مسانده من سالم والكعبي اللي ضايقوا الشهراني والبريك على الاطراف فاصبح ادواردوا وحيدا في منتصف الملعب الجماهير ليست متفقه على راي واحد حتى نبالغ بجلد الذات كل واحد يبي يمشي رايه على الادارة وعلى دونيس وهذا غير ممكن كل شئ يتصلح ان شاء الله لا تضغطوا المدرب واللاعبين بكثرة المواضيع وكثرة الحديث عن المباراه وكثرة المطالبات المباراه صفحة وطويت والقادم اجمل ان شاء الله |
بالتوفيق في المباراة القادمه |
الهلال عندما تحرك للعب الهجومي سجل بفضل الله الهلال لم يقدم اي مستوى او هجمة منسقة الا بعد هدف الاهلي اي بعد الاحساس بخطورة الوضع لعب الهلال قبل هدف الاهلي كان يعتمد على اللعب بعرض الملعب والعودة لحارس المرمى لسحب الفريق الخصم الذي لم يستجب لمثل هذا اللعب القديم جداً بل اعتمد على المرتدات بعد الهدف شاهدنا كرات. طولية وتسديدات ولعب في العمق وبالتالي كثر الضغط على دفاع الخصم الهلال اذا اراد ان يسجل فعلى لاعبيه نقل الكرة للامام بسرعة والعرضيات المتقنة واللعب الطولي في المساحات والتمريرات في العمق فقد يقطعها الدفاع مرة ومرتين لكن الاخطاء ستحدث اما بخطأ خارج المنطقة او ضربة جزاء او فشل مصيدة تسلل او انفراد او الاستفادة من عرضية وهذا ماشاهدناه بعد هدف الاهلي وشاهدناه في مباراة لخويا الماضية في الرياض احساسي ان الهلال بإذن الله سيتأهل بشرط ان يبتعد عن اللعب الممل بتناقل الكرات بعرض الملعب واعادتها للخلف فهذه طريقة عقيمة قد تفيد في الدوري او بعد تسجيلك هدف لكنها لاتفيد في ادوار متقدمة وخروج المغلوب |
ما هو انتم طيرتوه وخليتوه داهية الحين قلبتو عليه !! |
احترافيا نعم المدرب ابخص...وهو المسؤول عن الامور الفنيه بلا جدال.. هو ابخص وانت موهوم ههههههههه |
المدرب ممتاز جدا ، لكن للاسف ما عندنا ثقه في لاعبينا بعد نهائي اسيا العام الماضي. الفريق كامل ماعدا حاجته الى لاعب وسط مثل التايب يضع المهاجمين ونت و ضميرك. الشلهوب عنده مثل هذا الحس و لكن ضعيف في افتكاك الكره. انا اؤيد دونيس في اشراك اللاعب الجاهز و عدم النظر الى الاسماء. نحن في حاجه الى كل لاعب يلعب بروح قتاليه و يحترم شعار الفريق اما اللاعبين الفلاشات امثال سالم و نواف و ياسر فهذولا مكانهم متى ما كان الهلال فايز بثلاثه اهداف ادخلهم للترويح و الاستعراض. نحتاج الى ثقه في لاعبينا و نترك التهويل في كوزمين و اهلي دبي و اللي بدا الاعلام يركز عليه حتى يخرج الهلال عن التركيز في الملعب. الوعد الملعب يا كوزمين و ان شاء الله بنفوز و نترك للاعلام الحقود ينتظرون النهائي بحسره و يترجمون تكفى لا يفوز الهلال بالصيني او الياباني. العنيد |
مع كامل احترامي وتقدير لاخوانى اصحاب بعض الردود اقول لو كان المدرب دونيس ابخص لم يلعب بالبريك وخالد كعبي مباراة لاتحتمل القسمة على اثنين والدليل تدارك الواضع اخر الوقت وكل الضغط ولجهه الى جاء منها الهدف من خانة البريك اسياء لاتحتمل تلعب وتجرب بل تلعب بالخبرة بلاعب متمرس ولديه درايه بكيفية التعامل مع مثل هذه المباريات والله يسهل وإذا لعب بداية المباراة بنفس تشكيلة الذهاب اقول لكم من الأن مبروك للأهلي الأماراتي التاهل لنهائي آسياء ودونيس يرجع يقلم اضافرة كرمك الله -- |
إقتباس:
|
وش ذنبي انا لما اعطي تكتيك وتقعد تسحب رجولك بالملعب ولا تأدي اللي طلبته منك الا بالشوط الثاني اخر 10 دقايق ؟ وش ذنبي علمن ؟ وش ذنبي اذا تفلسف سالم بكم هجمه ؟ وش ذنبي اذا التون ضيع هجمات ولا صار بيومه وش ذنبي اذا ادواردو صار سيء وش ذنبي اذا ديقاو توقف وورط دفاعي وانا ماعندي مدافع محلي في مستواه ؟ وش ذنبي اذا شراحيلي معطي نفسه ريبيري هفوات وتسحيب وش ذنبي لما اسوي تبديل واللي نزلته يتنرفز ؟ وش ذنبي لما الحكم اذا ناقشه كبتن الفريق عطاه اصفر ؟ وش ذنبي اذا ضيع فريقي بلنتي ؟ وش ذنبي لما الحكم مايحسب لي بلنتي مؤكد ؟ وش ذنبي انا تكتب لي موضوع زي وجهك |
تخيلو وتخيلو لعبنا بالاعب الفلاني والاعب العلاني ياخي انت ممكن تلعب بالتشكيل المناسب ولاتكون في يومك والاعب مايكون في يومه ضربة الجزاء الي في الدقيقة 9 لو انحسبت كان تغير مجرى المباراة كله نعم دونيس ابخص مني ومنك ومن كل الجماهير الهلاليه مايرضيكم العجب ولا الصيام في رجب مدرب جايب لك بطولتين في شهرين ومأهلك لنص نهائي اسيا ومتصدر الدوري وجايني هنا حضرتك سال سيفك بالنقد الحكي بعد اي مباراة سهل |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 10:23 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd