|
رغم النتيجه (الغير ايجابيه) لازلت ارى ان الهلال سيتاهل ان شاء الله بعد توفيق الله...بشرط مهم...للاسف هذا الشرط لم يحدث اليوم وان شاء الله يحدث بمباراة الاياب..الشرط هو استغلال انصاف الفرص..نواف العابد بوجهة نظري اضاع كرة لاتضيع بالشوط الثاني..ضربة جزاء ادواردو ايضا.. نظريا..مجرد تسجيل هدف وحيد بالذهاب سيصعب الكثير على الاهلي فسيكون مطالبا بهدفين..او الاحتكام للاشواط الاضافيه...اما اذا حدث تعادل ايجابي باكثر من هدف فالتاهل هلالي بمشيئة الله.. للاسف لازال سلمان الفرج ياخذ كروت صفراء مجانيه.. اتمنى اللعب بالميدا وناصر معا في مباراة الاياب فليس لدينا مانخسره...فليسجل الاهلي هدفا او حتى هدفين...المهم ان تكون لنا قوة هجوميه ونسجل ايضا هفا او هدفين... سبق وان حذرت من عدم اشراك ناصر...فالزلزال هداف خطير...يجب ان نستفيد منه او على االاقل ان يحرر الميدا كما حدث عندما نزل ناصر واتت ضربة جزاء وهدف الميدا... وباذن الله...التوفيق يحالف لاعبي الهلال بمباراة الاياب..ويتاهلون من هناك للنهائي...الاهم...عدم اضاعة الفرص...والتركيز....ومحاولة تسجيل اكبر عدد اهداف..بمشاركة الثنائي الخطير ناصر والميدا معا.. |
ان شالله يار بيكون التاهل من دبي يارب |
شف عاد من النهاية مدرب يعتمد على لاعب فاشل ( إللي هو النكبة الدوسري ) من أول دقيقة لآخر دقيقة .. هذا مدرب فاشل ومليون مرة أقولها سواء مع دونيس أو أي مدرب ثاني .... مشكلة دونيس أنه مغرور وصاحب خطة واحدة مايغيرها وغير هالمصيبة قناعاته ببعض اللاعبين الغير مفيدين وغسل إيدك تتأهل للنهائي |
لاتمنى نفسك ياغالى إذا لعب بنفس بداية تشكيلة اليوم لاتفرح بالنهائي لكن حط تحتها مليون خط إذا لعب بعناصر الخبرة من بداية المباراة وتغييراته يكون الشلهوب والدوسري وكريري اقولك إن شاء الله بشرط الكعبي ولكلتش مادرى البريك خارج التشكيلة كاملة خاصة وقت أسياء واضح طال عمرك -- |
اخواني.. دم ازرق...كاتب بلا صحيفه اذا لعب الهلال بنفس مستوى ورتم وطريقة اليوم...نعم الهلال للاسف قد يخرج كتبت بالموضوع بشرط مهم جدا يتاهل الهلال باذن الله...اقتناص الفرص...مشاركة الثنائي ناصر والميدا من بداية المباراة..اللعب بشكل هجومي قوي في مباراة الاياب...والتوفيق من عند الله |
سلمان الفرج و كرت اصفر مثل كرت ياسر السنة الماضية. و سالم الدوسري ييتضاحك مع كل فرصة ضائعة. و نواف العابد لازم يحترف في برشلونة لانهم محتاجينه بعد اصابة ميسي. سلمان مدحناك ونت تستاهل لكن نتوقع منك ونت الكابتن ان تكون قائد للفريق و مثال يحتذى به. الهلال الان لازم يسجل هدف في مباراة دبي او يخرج من البطولة. و كوزمين بيلعب عل المضمون ، هجمات مرتدة مثل اليوم. العنيد |
كلامك كذا سليم 100% أخي تركي 2007 -- وجزاك الله خير على الرد الراقى -- |
بصراحه مافقع مرارتي الا سالم الدوسري عليه عدم مبالاه واستهتار عجيب ويسحب على اوم الفريق ويلعب لحاله واقسم بالله اني فرحت بتوقيفه 6مباريات وان قلت اني فرحت باصابته ماكذبت لانه من اهم اسباب ضياع الهلال بالسنوات الاخيره يضيع مجهود اللعيبه بكل برود لكن الشرهه عالاداره والمدرب اللي تاركينه يستمر بتدمير الفريق ومايصلحله الا عبدالله بن سعد رحمه الله لانه نسق خالد التيماوي يوم كان نفس حركاته ورجع بالواسطه وتعهد ان يكون حريص ومن عقبها وخالد نجم لايشق له غبار يعني بالعربي سالم يبيله الدكه لين يعرف قيمه الخانه ولاترى الوضع سايب بالهلال |
درويش وشلهوب بدل الثنائي العابد وسالم ... هذي آسيا ... ما يعرف قيمتها إلا الثنائي القديم أيام ناصر ونيفيز وبس الزج "بالوحش" ناصر مع الميدا من بداية المباراة "مطلب" ... دخل وحرك اللعب وسجل الميدا هدف إذا دخل الوحش الفريق يشعلل ... لاعب حماسي مرة ... لبسه الكابتنية ويحرك لك الفريق ... تشوف سالم والعابد والشهراني والزوري ينظبطون صح ... ناصر يعرف كيف يشعللهم صح الفريق ... يحتاج الزج بورقة "أفضل لاعب في قارة آسيا" منذ البداية ... المسألة ما فيها واضحة 1 + 1 = 2 الزج بناصر + شارة الكابتنية ... المرحلة جد |
درويش أولى من سالم والعابد والفرج سيتم تضييع موهبته بوضعه في خانة ليست خانته مثل ما فعل كالديرون وضعه ظهير أيسر قبل سنوات وكاد ينتهي تحت النقد الجماهيري والأخطاء الفرج مكانه وسط يسار خطر بتحركه لما يكون في ملعب الخصم أم تمتره طول الملعب كمحور فهذا تخبط !!! كريري أولى بمركزه وتجهز خلفه لاعب أولمبي مثل الشريد أو دوريش وبلاش فلسفة المهم ركن سالم والعابد ركض وتخبط اسلوبهم لم يتغير نفس حركاته لم تتغير وأخطائهم ويا ليت أيضا الكعبي فدرويش أولى منه فيه خيارات عدة لكن المدرب لا أدري ماذا يعجبه بسالم والعابد |
الهلال هو من هزم نفسه بهذه الطريقة المملة في اللعب .. يارب نعوضها في الاياب ..؟ |
فيه امل للتأهل لكن اشوفها صعبه جداً غيابات مؤثره بالاياب ومشكلة البعض انه منخدع بهجوم الاهلي اليوم ترا كوزمين مقفل بالذهاب وبيهاجم بملعبه ووقتها بتشوف المعاناة اللي ضيع علينا مباراة اليوم هو قلة التركيز اخطاء كثيره وارتباك غريب واتوقع انه بسبب الجمهور لا نلعب على انفسنا اخر 10 سنين ما اذكر مباراة كان فيها الملعب فل وفاز فيها الهلال ! خاصه في اسيا اللاعبين يقولون احضروا احضروا لكن هالحضور يسبب ضغط عليهم ويشتتهم مايستغلونه كعامل ايجابي وايضاً من اسباب الخساره كالعاده سالم الدوسري هالنوعيه من اللاعبين نادر تشوفهم بالمباريات الكبيره الشوط الاول هجمتين مرتده محققه ضاعت بسبب غباء لاعب ! لكن وش نسوي الله يصبرنا |
^^^^^^ الأخ تياجو نيفيز مع سامي كنا نفوز بهذا الجمهور وقبله جريتس ليست مشكلة اللاعبين نفسية بشرط تضع خطة تظهر قوة اللاعبين وتترك شغل الفلسفة لما لعب الفرج كمحور من اول الموسم كان هناك نقد لكن خففها الفوز ببطولة السوبر!!!!! فيه لاعبين أولى بالمشاركة في دكة البدلاء من لاعبين مثل العابد وسالم وتقدر تقول كعبي !!! غير كذا دخلت مرحلة الحسم وتحتاج ترفع مستوى الفريق بوضع عناصر مميزة وإبعاد أنصاف المستوى أو من ينفع بالبطولات المحلية !!!! وتغير خانات بعض اللاعبين لتستفيد منهم بخانات أخرى والله يوفق الهلال ويحقق بطولة آسيا هذه السنة |
يا زعماء لم يهدد اﻷهلي الاماراتي الهلال الا في 3 فرص احدها سجلت هدف ومن ضربة ثابتة! ورغم ذلك من وجهة نظري أخطأ المدرب في عدم اشراك الزوري والعابد منذ البداية. المباراة لاتزال في ايدينا واﻷهلي من وجهة نظري فريق دفاعي ولو استطاع الزعيم التسجيل أولاً في مباراة الاياب فالفوز سيكون بنتيجه كبيرة للهلال. تقبلوا مروري. تحية للمشرفين الاعزاء اللذين يحجبون المواضيع التي اريد المشاركة بها. والى الامام ايها المشرفون فأنتم تدفعوننا الى المشاركة الدائمة في المنتدى. وفقك الله يازعيمنا والفال المباراة النهائية. |
المباراة انتهت مع الأخطاء تداركها وان شاء الله التأهل من الامارات |
| الوقت المعتمد في المنتدى بتوقيت جرينتش +3.
الوقت الان » 01:09 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd