الهلال Vs الرائد ( نقل كتابي ، روابط ، متابعات ، تعليقات ، كل مايخص المباراة هنا ) الدره تنتظركم والزعيم بحاجتكم يالشقرديه.. - صفحة رقم 4 - نادي الهلال السعودي - شبكة الزعيم

ابو فهد 1400 · #46 20/09/2015, 07:25 PM

الف مبرووووووووووووووووووووك

saaker · #47 20/09/2015, 07:26 PM

يا ليت العابد برا مستواه صفر

abdou chinwi · #48 20/09/2015, 07:26 PM

النقل المباشر الهلال 1امام الرائد 0 النقل المباشر - الهلال الرائد | DZ-INFO

هواها هلالي-HILAL · #49 20/09/2015, 07:27 PM

اخيراااا جاء الهدف

تأخر كثيررر ,
لكن واضح جدا تأثير غياب كواك و ياسر الشهراني ,

::

saaker · #50 20/09/2015, 07:27 PM

الحكم ما نقول الا حسبي الله ونعم الوكيل

دمي أزرق ! · #51 20/09/2015, 07:28 PM

الحمد لله على التقدم من كرة ثابته
وأقدر أسمي هاللاعب منقذ ( دونيس ) !
....
لابد من تغيير العابد واشراك الشلهوب
وتفعيل الأجنحة لتفكيك التكتل الرائدي
واللعب بهدوء والتصويب من خارج المنطقة

صاروخ ريفالينو · #52 20/09/2015, 07:29 PM

افتقدنا الفرج أتمنى إذا رجع بعون الله

يكون في وسط الفريق ويترك المحور لكريري!!!

هلالي رقم 70.000 · #53 20/09/2015, 07:29 PM

العابد يحتاج انه يجلس بالدكـة .. اليوم متنرفز مرة .. حتى اللاعبين صاروا مثله .. لازم يهدا خاصة انه لاعب كبير
دايمن الخصم يلعب دفاع ضد الهلال وتصير المباراة مملة .. اتمناها خماسية ان شاء الله .

HAKEEM2 · #54 20/09/2015, 07:31 PM

الشوط الثاني فرصه لترتيب الاوراق
خروج العابد و خالد الكعبي ودخول الشلهوب والسالم لازم تعزيز الهدف بهدف اخر

بن جبله المطيري · #55 20/09/2015, 07:32 PM

طيب ياشباب هالحين الهدف هذا يطلق عليه جحفله ولا نص جحفله ولا وش وضعه بالضبط؟!

واحشني الموج الازرق · #56 20/09/2015, 07:33 PM

الحمد لله على الهدف جاء في وقته

نواف العابد الكل شافه مستواه تعبان وهذا اثر على وسط الهلال وتشكيلة الهلال

تشكيلة الهلال الحالية تحتاج ياسر الشهراني والبريك لان لهم دور كبير في نجاح طريقة دونيس

الزوري وفيصل درويش كانوا سبب في اظهار طريقة دونيس وشكل الهلال بالشكل الغير مناسب مع العابد

كنت اتمنى اللعب ب 4-4-2 او 4 -1-4-1

ان شاء الله التوفيق حليف الزعيم والفوز

شــاهــيــن · #57 20/09/2015, 07:34 PM

الظاهر إن نواف على خطى خالد عزيز ... يمتلكون الموهبة لكن مخ مافيه

يعني صار في حسابك اربعه خمسه مليون طار عقلك ... ميسي وكرستيانو يستلمون هالمبالغ بالشهر ويحرثون الملعب حرث

عقلية مدري وش تبي صراحة ...

ــــــــــــــــــــــــ

أما الحكم سالفه ثانية .... الحنفوش ماهو مضبوط ... يعني يعاند خطأ على القوس يعطي إتاحة فرصه وهجمه مرتده يوقف اللعب .. كروت للهلال ببلاش والرائد أقل شيء ستة كروت عليهم

ــــــ

بالنهاية .. مع احترامي للكل .. تكرمون هذا دوري خياس ... من رمضان تونا نلعب المباراة الثالثة !!! وراح نوقف الآن شهر قدام ... من جد دوري طقها والحقها

...

عاشق النمـــ 15 ـــر · #58 20/09/2015, 07:42 PM

الشوط الثاني ياليت ما أشوف العابد مستواه الليلة صفررررر
لا تسليم صح ولا تمالك أعصاب وولخ

أتمنى اشراك الشلهوب أو الشمراني اذا كان جاهز

هنا الازرق · #59 20/09/2015, 07:42 PM

والله من زمان وانا اقول ان العابد مستواه سيئ !!!!!

يازعماء الحكم مافيه شي وقراراته سليمه , تجنبوا في هذه الايام الفضيله السب واللعن لو سمحتوا .

المفروض ننصف الحكم ونقول الحق , نواف العابد منرفز وجالس يخبص ويخرب رتم اللعب وجالس يضرب ويشوش على اللاعبين !!!!!!!

لازم ينزل الشلهوب او عزوز بداله حتى لو مو بمستواهم الا انهم افضل من هالعابد اللي بيدمر الفريق !!

الله اكبر الله اكبر الله اكبر لا اله الا الله

الله اكبر الله اكبر الله اكبر ولله الحمد

شــاهــيــن · #60 20/09/2015, 07:43 PM

سؤال ... ناصر الشمراني وينه مو على الدكة ؟

وش سالفة الإصابات معنا ... البريك كواك الشهراني الشمراني الفرج وياسر وعطيف للحين ما جهزوا وديقاو يشتكي من الشوط الأول

....

خرج خالد كعبي ودخل الشلهوب ... كنت أتمنى خروج العابد