مساء/صباح الخير،


1000 مبروك الفوز العريض على لخويا وتكمل بإذن الله في الدوحة برباعية أخرى.


يمكن الكل لاحظ كم موضوع في المنتدى وكم مغرد في تويتر يتخوفون من قوانزو الصيني وأنه بعبع وأن حظوظ الهلال منخفضة جدا أمامه


بإحتصار، يهدف المندسون من مثل هذا الكلام إلى شيئين:


الأول: تخدير لاعبي وجمهور الهلال وإيهامهم بأن الهلال وصل للنهائي رغم أن الفريق لا يزال أمامه 3 مباريات صعبد جداً. لخويا فريق لا يستهان به أبداً وأيضاً تابعت جزء من مباراة الأهلي الإماراتي ونفط طهران وأياً كان المتأهل فالفريقين قدموا مستويات كبيرة ولازم يحسب لهم ألف حساب.


الثاني: زرع الخوف في نفوس الجماهير واللاعبين وأكيد تصوير قوانزو بهذا الشكل سيشكل هاجس للجميع. والحقيقة أنهم ينقلون خوفهم من تحقيق الهلال للآسيوية.


لا أريد التقليل من قوانزو، فريق كبير جداً ولكن ليس بالصورة اللي الناس تتناقلها الجماهير ومسألة أنهم ضموا روبينهو تراه في السنوات الأخيرة ما كمل موسمين في فريق واحد. واللي يتكلم عن مدربهم سكولاري، ترى أكل 6 من ألمانيا



ختاماً، الهلال فريق كبير وكبير جداً ويقدم مستويات خرافية.. ما شاء الله

وإذا ما أنت واثق في الهلال رغم كل ما يقدمه، فأنت لا تستحق تشجيعه



الله يوفق الهلال

هو فعلا في مبالغه وان كان لهم هيبه ترى الهلال هيبته واصلة لاقصى اسيا

فريق مثل الهلال وبنجومه مفروض هو اللي تهابه الفرق مو و اللي يهابها

نحترم قوه الفرق نعم بس ماتصل لمرحله تقزيم زعيمنا


بالنسبه لقوانزو متاكد اكثر اللي يتكلمون عنه ويمجدونه ماتبعوا له مبارايات مجرد كلام يتناقلونه لدرجة اصبح المدح بقوانزو كالموضه لا اكثر

قوانزو انهزم من الاتحاد اربعه قوانزو خرج من سيدني كما الهلال لا اقلل منه ولكن مثله مثل اي فريق اسيوي قوي

بالنسبه لمباراته الاخيره اللي فاز فيها خارج ارضه بثلاثه اولا مانقدر نحكم عالنتيجه الا ا عرفنا قوة الخصم

ثانيا تابعت جزء من المباراه والاهداف

الهدف الاول بالدقيقه الخامسه لجوانزو من خطأ جانبي مدافع الخصم سجلها بمرماه الهدف الثاني كره ثابته من نص الملعب سددها محترفهم والحارس يتفرج الهدف الثالث من ركله ركنيه

اذا اهدافهم من ركلات ثابته الهدف الاول هديه من المدافع والثاني من الحارس الذي اكتفى بالتفرج

وإذا ما أنت واثق في الهلال رغم كل ما يقدمه، فأنت لا تستحق تشجيعه كلامك اخي صحيح وفقك الله ولك الشكر

عموماً كعب الهلال عالي على المدرب سكولاري فهذا المدرب عندما كان يدرب بونيودكور الأوزبكي في أوج عطاؤه وكان لديه محترفين كبار مثل رونالدينهو وروبيرتو كارلوس اكلناهم ثلاثه صفر وبإذن الله إذا تأهل الهلال للنهائي راح نفوز بمشيئة الله تعالى ولكن خلونا خطوه خطوه ولكل حادث حديث

اكل العنب حبه حبه ..................... عندما نصل للنهائي ان شاء الله لا يهم من نقابل ......................؟

التركيز على الحديث على المباراة النهائية هو اكبر خطأ

الفريق تبقاله ثلاث مباريات

الشوط الثاني في الدوحة والدور النصف النهائي سواء كان نفط طهران او الاهلي الامراتي فالفريق لا يستهان به إطلاقا

اما بالنسبة لقوانزو وغيره ,, صحيح ان قوانزو انتصر بثلاثية خارج ارضه ,, لكن مالا يعلمه البعض او الاغلبية ان الفريق الياباني هو صاحب المركز الثامن في دوريه ,, ومتوقع بشكل كبير انتصار قوانزو .

الأهم وقبل كل شي تخطي المرحلة الثانية امام لخويا وبعدها يصير خير .

اتركو جوانز و للمعلومية اذا للصنين هيبه فالهلال له هيبه
وراح يخافون من مباراة الرياض ولكن قبل كل شي
توفيق الله ثم التكاتف من جمهور ولاعبيين حول نادينا

غوانزوا في فترة توقف البطولة كان مسؤليه يطاردون الزعيم
الهلال دخل عالم فيه سياسة جديده الهدوء وتقديم العنصر الجاهز على غيره

قلت نفس كلامك اخوي واتفق معك مندسون او مجانين مايفهموا شي

اصلاً لا الهلال ولا جوانزوا تأهلوا فليش اصلاً نناقش هالموضوع !!!
بإذن الله الزعيم يتأهل ويفوز بغض النظر عن الخصم
واذا على التهويل فيه ناس حسستنا ان خروجنا من لخويا مسألة وقت وبالأخير طلع الرائد افضل منهم !!!

صحيح ماوصلنا النهائي وممكن مانوصله
لكن انا من متابعتي لاغلب مباريات جوانزو في اسيا هو المرشح الاول للبطوله وبعده الهلال!
بس هذا مايعني انه هو اللي بحقق الكاس لا .. سيدني العام ماكان مرشح وبالاخير فاز فيه

وصدقني كل الكلام اللي ينقال عنه مو مبالغه هو فعلاً فريق يخوف
لا يطلع لي واحد غبي الحين ويقولي اللذي ينتمي للهلال لا يخاااف وانت لا تمثل الهلاليين والخ

لازم نعطي كل فريق حقه استسهلنا سيدني وبالاخير لقط منا الكاس وقبلها اولسان قلنا فريق سهل واكلناها

لكن الله يوفق الهلال ويكتب اسيا له هذي السنه يارب

إقتباس الرسالة الأصلية كتبت بواسطة ناسا ناسا عموماً كعب الهلال عالي على المدرب سكولاري فهذا المدرب عندما كان يدرب بونيودكور الأوزبكي في أوج عطاؤه وكان لديه محترفين كبار مثل رونالدينهو وروبيرتو كارلوس اكلناهم ثلاثه صفر وبإذن الله إذا تأهل الهلال للنهائي راح نفوز بمشيئة الله تعالى ولكن خلونا خطوه خطوه ولكل حادث حديث

رونالدينهو وكارلوس مين يارجل ههههههههههههههه كان معه ريفالدو وشايب وحالته حاله والاندية الاوزبكيه ماتاكل عيش مع الهلال

طبعا قبل غوانزو وهل خرب وامكن ينكرش من نص النهائي خلنا نفكر بالاياب وثم نص النهائي ثم النهائي اذا وصلنا وقابلنا غوانزو نقفل على محترفينهم ما ابغى احلف ولكن لعيبتهم المحليين ماحولك احد كل اعتمادهم على الرباعي الاجنبي وحارس قوانزو يتبر نقطة ضعف شوت عليه لين تخزقه بالاهداف اما اذا وصلنا النهائي مع فريق كوري او ياباني نقول باذن الله البطوله لنا بس ما نبغى نستعجل زي سيدني واكلناها اكل العنب حبه حبه

ان قوانزو فريقٌُ قوي ولا شك بذلك .... و لكن ان نصوره على انه من سابع المستحيلات الانتصار عليه ... فهي والله الكارثه

متى سيتخلص البعض من الروح الانهزاميه التي زرعت في غير محلها ... زرعت في الهلال وهو الفريق الذي لا يهاب احداً ... ولا يرضى الى بالمجد و الذهب

و بعد كل تلك الامجاد اصبحوا يروعوننا بفريق صيني و نحن لم نواجهه بعد ... مالذي سيفعلونه ان واجهناه ياترى

بارك الله فيك