مبروك للزعماء ... وعيب والله على بعض المواضيع
 

سلامي لكل زعيم مخلص واعي منطقي
اولا ابارك للزعماء الفوز العريض المستحق بكل جداره
ثانيا اشكر المدرب واللاعبين على ماقدموه على ارض الملعب
مدرب ما شاء الله عليه توظيف اكثر من رائع لنفس اللاعبين الي كانوا مع ريجي
هذا دليل على دهائه
ثالثا عندي ملاحظه على بعض اعضاء المنتدى
مواضيع مالها داعي انتقاد سواء فائزين او منهزمين الانتقاد له اوقاته و و الخ
لاعب مثل الفرج اخطأ وما حصل تغيير في النتيجه ليش انتقده يعني مافي مدرب يشوف ؟؟
مدرب ماشي صح برضوا مو عاجبهم شي وفلسفه وكلهم مسويين مدربين ياخي شجع استمتع
اترك الناس تشووف شغلها انت في عملك وحياتك ما بتخطئ واذا احد جلس على راسك مع كل خطأ وكل هفوه ؟؟
ماترضها وتقفل معاك و و و الخ
ويجيك الثاني يخوفنا من الفريق الصيني ويتريق على مباراة سدني اشك في هلاليته اصلا موضوع المفروض يحذف
ولو منتخب الصين بمحترفين نقولهم مرحبا ان شاء الله ندقهم دق غصب عنهم وعن الي يخوفنا منهم
لنرتقي وندعم ونشجع ونعطي الخبز لخبازه
اسف على الاطاله
والله يوفق الزعيم ومبرووووك الفوز

بالعكس اخوي ، المدرب رغم جهوده وتطور الفريق الهائل معه الا انه اخطاء اليوم بعدم اللعب بكريري والشلهوب ، اما الفرج لا يلام .
اما مقولة ان الجمهور يخوف الفريق من قوانزوا اقول ، اولا خل نعدي الاياب من الاخويا ان شاء الله ، بعدها نشوف من بيجي العين او الفريق الايراني على ما اظن ، واتمنى دايم الجمهور يخوفنا من الفرق التي نقابلها وكذلك الاعلام حتى يصحو اللاعبين والادارة والجهاز الفني والكل يعمل بدون تراخي ، حتى لا نجد انفسنا مثل العام الماضي ، اني ارى كؤوسا قد اينعت قبل ذهاب النهائي الاسيوي ، مما جعل اللاعبون يعتبرون المباراتين مسالة وقت ويتوجون ابطال للقارة ، لذلك اتمنى استمرار الخوف الذي يولد الاحترام والجديه ، وصدقني كل مره يكون خصمنا قوي والكل يهددنا به او يخوفنا منه هذا يولد تحدي وحذر وجديه وقتاليه بين لاعبينا ، اما التخدير هو اللي بيضيعنا ، وانا متفائل بان الهلال باذن الله سيحقق اسيا هذا الموسم يارب .
(رب المشرق والمغرب لا اله الا هو فاتخذه وكيلا).

لا وفي شويه مندسين يحاولون يحبطون الفريق بالتخويف من قوانزهو الصيني

للمعلوميه.. ترى بشرق آسيا يشوفون انتصارات الهلال ويضربون له الف حساب... والكلام بهالامور ضد مصلحه الفريق