|
مشوار الهلال في هالنسخه اصعب من اللي قبلها بكثير لخويا ماهو مثل السد .. للمعلوميه للي يقولون انتم معطين لخويا اكبر من حجمه ترا لخويا اخرجك من اسيا في 2013 وماقدرت تفوز عليه ! فوق كذا هالفريق تطوّر بشكل كبير في السنتين الاخيره وفاز على النصر بعزه وهو بطل الدوري .. كيف ماتبونا نخاف ونعطيه حقه ؟ وما ابالغ اذا قلت هو افضل فنياً من الهلال صحيح شفنا مستوى جيد من فريقنا لكن كلها قدام النصر المنتهي و الوحده العائد من دوري الدرجه الاولى غير صعوبة المباراة بنلعب بدون جمهور ! وهذا بيخلي لاعبين لخويا يلعبون بكل تركيز وبدون رهبه !!! ما اقول الا الله يعدي هالمباراة على خير .. |
شف البطوله الاسيويه ذي اذا يبي الهلال يحصل عليها وهنا اتكلم عن اللاعبين وربك يجيبها ويوصل للنهائي بالراحه بشرط عدم الظلم مثل ماحصل العام من نيشيموراء بمعنى اخر صدقني متى ماكان الهلال بيومه ماحد بيقدر يوقفه باذن آللــْـّہ ولااقلل من شأن لخويا بس الهلال عودناء متى مايحط الشي براسه يوصله |
الله يعطيكم العافية وبالتوفيق للزعيم الملكي |
على اللاعبين ان يعرفوا ان النصر فريق عادي والبطوله اماهم لاتساوي شي لو الحكم كان عادل وهجر كان موفق كان فاز 3 ع النصر والوحده فريق صاعد ولايملك لاعبين اجانب الاختبار الحقيقي امام لخويا وكلنا ثقه بنجوم الزعيم بتجاوز لخويا باذن الله |
الهلاب بطل الاهم اللي يجب ان لانغفل عنه عدم تسجيلهم اي هدف بالذهاب ولابد ان نلعب نحن على المرتدات وان نطلع بأذن فائزين لخويا فريق متكامل بحميع الخطوط ةمرعب ولكن الهلال فريق منظم ونجومنا قد الثقة بالتوفيق للزعيم |
خذوها مني اسيا السنه للهلال باذن اللي ماتنام عينه وتابعوا احد تغريداتي في تويتر @dno20010 وحطو التغريده بالمفضله |
نادي لخويا منظم ومتطور ويقدم كرة قدم ممتعة بصرآحة وأجانبهم دائماً خطيرين وصفقاتهم مُحكمة ، نحترم لخويا ونقدره لكننا لا نهابه ، والهلال لم يصل لمرحلة الكمال ايضاً لايزال الهلال في مرحلة تصاعدية ومستوى جميل الى حد الآن . رغم قلقي من كثرة إهدار الفرص كالمعتاد في اللقاءات الماضية سواء أمام النصر أو الوحدة . وأتمنى من الجمهور ان يتذكر ان خير الأمور اوسطها دائماً وألا نبالغ في الثقة ولا نبالغ في الخوف ! وبالنسبة للحضور الجماهيري مادري ليش هالمره متفائل بالفوز رغم منع الحضور الجمهور احياناً يكون عامل ضغط بدلاً من أن يكون قوة للفريق والدلائل كثيرة على ذَلك ولا يحتاج نقول أتمنى نشوفهم يقدمون مباراة حلوه ولكن ماتمنيت أن الجمهور رددو آسيا آسيا في نهاية لقاء الوحدة الضغط هو من أخرج الهلال طوال تلك السنين وبات عامل سلبي جداً على الفريق ! وللاسف لم نتعلم بعد من الدروس في كل سنة اللهم وفق الهلال وأجعل التأهل من نصيبه اللهم آمين . |
| الوقت المعتمد في المنتدى بتوقيت جرينتش +3.
الوقت الان » 11:17 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd