برد ما أدري هنا والا بموقع ثاني .. تكلمت عن هالموضوع خصوصاً ..
لو قطر مسوية السوبر في لندن .. أو الإمارات مسويته في مدريد .. أو حتى الأردن سوته في روما ..
كان تلقى الشعب اللي ينتقد الفكرة الآن جالس يجلد و يطحن في الكورة السعودية إنها كورة متخلفة ..
وتبي تسمع كلام مثل " شوفوا البلدان اللي جالسة تطوّر في كرتها " ..
صدقني لو اليابان مسوية السوبر في لندن كان تشوف نفس الأصوات ونفس الأشخاص يصفقون للخطوة اليابانية ..
السوبر في لندن نجح بالنسبة لي ..
هي مباراة وحدة فقط كانت خارج الديار .. سواءاً في لندن وإلا في الصين .. حتى لو بالرياض ..
كل هذا حماس من الشعب بيحضر
؟ .. سوبر مهب دوري ..
والمفروض الناس تحضر للدوري و تزعل لو نقلوا منه مباراة وحدة عن الرياض ..
أما بالنسبة لتسويقه .. فما كان بالأساس يحتاج تسويق ..
بالنسبة للشارع الرياضي السعودي لو يلعبون في أم الجماجم الكل بيشوف المباراة ..
بالنسبة للعرب .. من أول ما أعلنوا إن السوبر في لندن .. العرب بكل مواقع الرياضة صار كلامهم عن السوبر السعودي ..
الأجانب .. الكشافين و الناس المهمة جتهم دعوات و حضروا ..
تعليق أخير بس عن نقطة الكثير تكلم عنه .. وهو إن نقل السوبر للندن الغرض منه التغرير بالسعوديات
..
متى يفهم مجتمعنا إن السعودية مثلها مثل أي بلد في العالم .. فيها الصالح و الطالح ..
وهالبنات اللي كاشخات و رايحات الملعب .. هن بالأساس مايتحجبن برا السعودية .. بمباراة ولا بدونها ..
المهم عندي أنا إن داخل الدولة الشرع هو اللي يحكم ..
ماعلي من أي بنت برا .. ذنبها على جنبها .. الله اللي يحاسب الناس ..
خلونا نتفق إن السوبر اللندني له طعم خاص .. والهلال كسبه ..
وأجزم بأنه بيكون نقطة تاريخية الكل يتذكره ..
والهلال له أولوية بهالشيء ..