السلام عليكم ورحمة الله وبركاته
صباحكم أزرق يازعماء وألف ألف مبروك البطوله 56 و92
بدايةً موضوعي مهم جداً لكل هلالي .. !

مباراة السوبر ولله الحمد شرفنا فيها الزعيم بلعبه ولو انه بربع مستواه بس بلاعبين اجانب جدد واثنين مصعدينهم من الاولومبي واعُطيت الفرصه لهم امام الغريم التقليدي .. ومثل ماتعرفون الغيابات المؤثره واللي اغلبهم اساسيين
والفقر غياباتهم بس الشايب حسينوه ولاعبينهم الاجانب مستقرين .. خُلاصة مباراة امس !!

-ادواردو خاطف قلوب الجماهير اضاع على نفسه الهاتريك !
-الميدا المهاري اللي سحب في دفاع النصر وفحط فيهم تفحيط اضاع على نفسه فرصة الاهداف في عاصمة الضباب !
-ياسر الشهراني وكما قلنا من قبل ولا زلنا نقول نجوميته في الجهة اليُسرى وبشهادة جميع المحللين والنقاد انه افضل لاعب في المباراة .
-سلمان الفرج نجم بكل وقت
-الكعبي والبريك اول ماشفناهم بالتشكيله قلنا خسرانين ! بس اثبتوا العكس وانهم نجوم وان مستقبل الزعيم لاخوف عليه .
-جحفلي ديقاو كواك من ابداع لإبداع .
-الذهب الشلهوب طبعاً ماراح اقول الا مبروك تختيم البطولات مع الهلال .
-خالد شراحيلي اثبت انه خليفة الاخطبوط وانه متفوق على جميع حُراس المملكه .

كما شفتوا وشفنا مُباراة الفرص الضائعه مُباراة استحوذ عليها الهلال مُباراة اصبح النصر يُدافع بـ 9 لاعبين وواحد يراقب جحفلي والآخر يدور بلنتي ، مباراة فاز فيها الداهية دونيس الذي اقل ما اقول عنه انه رجع لي الثقه في معنى كلمة مُدرب .
جميعنا شهدنا رجالات الهلال على قلب واحد ، اللاعبون روح واحده والسوبر نجوم الهلال .

المهم من الموضوع ادواردو ماراح ينسينا نيفيز بكل تأكيد !
ولكن والله اني استودعه ربي من عيون الفقراويه اللي بس يتكلمون عنه غسلوا يديهم من كريستيانو هزازي وبدوا يلتفون للاعبنا !!

خلاصة الموضوع شاهدنا جميعنا الروح القتاليه للاعبين وكل مامسكوا لاعب بعد المباراة قالوا نهدي الفوز لجمهورنا وجمهورنا وجمهورنا !! حنا مقبلين على موسم وعلى اهم البطولات اللي هي الآسيويه ، طيب والجمهور !!
كل مابغيت اقوله نبي بكل مباراة ولامقعد فاضي ، الهلال بدا يرجع بدا يستعيد عافيته بدا يجلد انا ما ادري دونيس بينسينا عهد جريتس ولا لا بس اللي واثقه منه وخلاني اثق زياده ماتى ماغاب المهاجمين اصبح المدافعين هدافين .

تكفون يا افضل جمهور بآسيا تكفون يازعماء تكفون يا أكثر جمهور ختمتوا البطولات الحظور والحظور والحظور ! وش تبون اكثر من كذا قولوا ! الاربعاء الجاي عندنا مباراة دوري مانبي ولا مقعد فاضي كلنا عارفين ان اللي بعدها مباراة لخويا محرومين الجماهير لازم نشجع اللاعبين لازم ندعمهم انتم زعماء مايصير كذا والله

انا هاليومين قاعده اقرا للاتحاديين والنصراويين متخوفين كثير من رجعة الهلال والله !

احضرو
احضرو
احضرو

وختامها :
التوفيق كل التوفيق لهلالنا .

شكرا لك على طرحك اتفق معك مكاسب الهلال من السوبر كثيرة ولكن نتمنى أما أن يتم التعاقد مع ظهير ايمن أو تصعيد البقعاوي مع البريك ليكتمل الهلال

إقتباس الرسالة الأصلية كتبت بواسطة ثائرالهميجان شكرا لك على طرحك اتفق معك مكاسب الهلال من السوبر كثيرة ولكن نتمنى أما أن يتم التعاقد مع ظهير ايمن أو تصعيد البقعاوي مع البريك ليكتمل الهلال

الاظهره موجوده بكل الانديه بس لاعبينا لهم الأولويه وخصوصاً بعد الزياده وطلب الدبل بأسعار لاعبينهم عشانه الهلال .. وانا مع المؤيدين بقوه مع تصعيد البقعاوي واعطائه فرصه .

الله ييسر لزعيم كل حاجه صعبه ولك الشكر اخي تحياتي

على جماهير الهلال ان تقدم اكبر هدية هذا الموسم للهلال وادارته ومدربه ولاعبيه الحضور الكبير للمدرجات فجماهير الهلال

تذهب للملعب ومعها 56 بطولة فلتحضر للمتعة ......... دونيس مدرب الهلال قال لا اريد ضغوط على اللاعبين وهو يقصد

احضروا للمتعة الكروية الكبرى التي سيقدمها نجوم الهلال .........................

اولا اشكرك على الطرح ومااقول إلا ربي يوفق الزعيم الملكي وجميع محبيه فوق كل ارض وتحت كل سماء بكل زمان ومكان اللهم امين يارب العالمين. وتقبل مروري

انا ماقهرني الا تصريح محمد بن فيصل يوم يقول على الجماهير ان لا تفكر في اسيا حاليا لان التشكيلة تحتاج الى وقت للإنسجام
صحيح ان فرق غرب اسيا قوية ولن يكونون سدني اخر ولكن مثل هالتصاريح تقتل طموح اللاعب فأنا استغربها منه وماذا يريد بها ؟

إقتباس الرسالة الأصلية كتبت بواسطة الفكرة انا ماقهرني الا تصريح محمد بن فيصل يوم يقول على الجماهير ان لا تفكر في اسيا حاليا لان التشكيلة تحتاج الى وقت للإنسجام صحيح ان فرق غرب اسيا قوية ولن يكونون سدني اخر ولكن مثل هالتصاريح تقتل طموح اللاعب فأنا استغربها منه وماذا يريد بها ؟

معروف ان نادي الهلال اول اهدافه آسيا وانا معك انقهرت وبشكل كبير على التصريح !! لكن اللي خلاني اقتنع واسكت تصريح الداهيه دونيس : وعما اذا كانت بطولة دوري ابطال اسيا الحالية هي اكبر الاهداف، اضافة الى الدوري قال: "لا أفكر بهذه الطريقة ابدا، هي مطلب وهدف نسعى لتحقيقه ولكننا دائما نركز على كل مباراة بشكل مستقل وبمثابة نهائي يجب الفوز فيه سواء في الدوري او بطولة اسيا، ومتى ما عملنا خطوة بخطوة ستتحقق الاهداف التي لا نعد بتحقيقها ولكن بالعمل من اجل ذلك بكل قوة، وتفكيرنا في البطولة الآسيوية حاليا سيكون منصباً على مباراتي لخويا القطري فقط وفي حال تجاوزها سيتم التفكير في الخطوة التي تليها، ثم سيكون تركيزنا في بطولة الدوري وعلى كل مباراة تلو الأخرى، وأن لا نضغط اللاعبين من البداية بالمطالبة بهذه الالقاب".

وكان قبل دونيس كثير يصرح ان آسيا اول اهدافه لاكن يبي يبعد الضغط عن اللاعبين ويبدا خطوه بخطوه .. وهذي من الايجابيات اللي تنحسب له انه حتى لو خسرنا اسيا لاسمح الله مايكون فيه ضغط وينافسون في باقي البطولات بشكل مميز .

بإذن الله جمهور الهلال الملكي الأوفياء لن يخذلوا فريقهم وسيبقون خلفه في السراء والضراء وكما تعودنا منهم وإن شاء الله الأمور عال العال ويارب موسم فوق العادة للزعيم الملكي.
الف شكر على طرح الموضوع

بكل تأكيد جمهور الهلال سوف يحضر لجميع المباريات طالما يشاهدون إبداعات وفن وتميز اللاعبين داخل الملعب بالإضافة إلى الروح والانسجام والتكتيك الجيد من قبل المدرب .
ان شاء الله القادم أجمل وأفضل للهلال .
كل التقدير لك .

صراحه المباراه الافتتاحيه يبي له حضور كبير من جماهير الهلال ولا احد يتكل على احد


لان الاعبين قدموا مستوى مشرف بالسوبر

وحرام يضيع مجهودهم بعدم حضور المباراه الافتتاحيه خصوصا انه قدام الوحده وكثره الحضور ممكن يخلي الاعبين يتحمسون ويخلونه تاريخيه بشباك الوحده

كلام جميل يفترض ان تنتبه ادارة الهلال الحالية من المؤامرات كما كانت وقت الرئيس السابق
الآن بعد رجعة دب الاتحاد راح تشوفون
كيف الاصفرين اندية الخدم يتعاونان جميعا
ضد سيدهم .

اعترف اني لم احضر لريجي اي مباراة ولكن من عودة دونيس ولله الحمد لم تفتني اي مباراة في الرياض


وفعلا لا عذر لاخواننا اهل الرياض وماجاورها من الحضور

يستحق هذا الفريق وهذا المدرب وهذه الادارة الدعم وكل الدعم