السلام عليكم

صلوا ع النبي !

الهلال الموسم الماضي خسر اسيا فـ ضاع بقية الموسم ! ~

هل بيتكرر سيناريو الموسم الماضي مع كاس السوبر ؟
لو خسر الهلال كاس السوبر " لا سمح الله " هل بيأثر على مستوى اللعيبه ؟ في آسيا وبقية البطولات !؟

الاجابه في يد الاداره !

لازم يكون في بال اللاعب ، الكوره فوز وخساره

ان خسر الفريق بطولة السوبر باقي قدامك 4 بطولات افضل من السوبر

آسيا ، دوري ، ولي العهد ، ملك ~

اتمنى مايتكرر ماحدث الموسم الماضي ~ بسبب بطوله من مباراه وحده ، ان جات يامرحبا ان ماجات باقي بطولات بالمليان الموسم ، خسرت بطوله في بعدها وفي بعدها ،، اللي عليك هو المحافظه على مستواك ..

والسلام عليكم

ابراهيم

إن شاء الله يفوز الزعيم الملكي وإذا ما فاز لاسمح الله انا اعتبرها دفاعة بلى لكن زعيم آسيا عودنا على دق خشوم الفقراويه يارب يكون الحكام على مستوى الحدث . والى الامام يا هلال

ما اقول الا الله يوفق الزعيييم ان شاء الله

فال الله ولا فالك...
بالله في آدمي باقي على مباراة نادية فتره قصيره ويكتب موضوع احباطي زي كذا؟
بدل ما تحمس الفريق وتشد من ازره...
الله يعطيك على قد نيتك بس...

إقتباس الرسالة الأصلية كتبت بواسطة hilalicanada فال الله ولا فالك... بالله في آدمي باقي على مباراة نادية فتره قصيره ويكتب موضوع احباطي زي كذا؟ بدل ما تحمس الفريق وتشد من ازره... الله يعطيك على قد نيتك بس...

أخوي ، محتوى موضوعي مجرد رساله تحفيزيه للاعبين ورساله للاداره ، وليس احباط ~ انت فاهم الاحباط غلط

وبعدين انا كتبت لاسمح الله ،، كلنا نبي الفوز للزعيم

الله يعطيك على قد عقلك بس ..

وعليكم السلام ورحمة الله وبركاته ،،
أنت ياخي الكريم جاوبت على سؤالك وقلتها بنفسك بطولة السوبر ليست أفضل من باقي بطولات الموسم جميعها ، إن كُتبت لنا وهذا ما نتمناه وأنا شخصياً متفائل بتحقيقها، فالحمد والشكر لله ، وهي بالتأكيد تعطي الفريق دافعاُ معنوياً قوياً ، ولكن إن لم تُكتب لنا ما نقول إلا خيرها بغيرها وقدر الله وما شاء فعل ؛ فـ إن شاء الله إنها لن تؤثر بالشكل الكبير على مستوى الفريق ، لأن هناك بطولة اسيوية هي شغلنا الشاغل ، والتفكير أولاً وأخيرأً مُنصب عليها ،،
تقبل مروري ، وأسف على الإطالة ،،
بالتوفيق لزعيمنا ،،
دمتم بخير ..

المشكله ماهي في بطولة السوبر المشكلة فلفقراويه ودك تدق خشومهم دق حتى لأتقوم لهم قائمة

شوف يالغلا وخذها مني وحاسبني عليها...... مباراة السوبر بالنسبه للاعبين والإداره مطلب ملح وحقيقي وكلهم حريصين عليها والجمهور كذلك وأكثر خصوصا انها خارجيه وامام النصر.
المدرب هو كلمة السر في المباراة فهو لاشك يتمنى الفوز بكل الطرق الممكنه الا انه يعمل لمابعدها ويعتبرها غير انتحاريه مثل نهائي الكأس لحرصه على سلامة اللاعبين وما أقصده ان اللاعب الغير جاهز تماما لن يشركه ولو كان متأكد انه بيجيب البطوله.


جوابا على سؤالك هل ستؤثر الخسارة ان ارادها الله للهلال على باقي البطولات... اقول لك نعم ولا
نعم ستؤثر اذا كبرها الجمهور واندفع خلف عناوين الاعلام وقام يعيب لاعبيه ويعتبر انهم مقصرين ولايوجد محور واللعيبه باردين والمدرب سباك ونواف ليس كفيصل بن تركي ومن هذا الكلام المستهلك.. فحتما ستكون مؤثره سلبا على مباراة الاخويا والدوري وحجم التأثير يتناسب طرديا مع حجم ردة فعل الجمهور.

ولا.. اذا تحمل الجمهور تبعات الخساره بروح عاليه واستمر في دعمه للاداره واللاعبين والمدرب وبالذات الاجانب الجدد واستقبلوهم في المطار مثلا وهذا التصرف سيؤثر ايجابا ويجعل اللاعب اليوم الثاني في اول الحضور للتمرين ويتمنى ان يعوض الجمهور في اقرب مباراة

أنا شخصيا سأقف مع الاداره واللاعبين مهما كانت نتيجة السوبر لأني لازلت أثق بهلالي و استمتع بفنون نجومه.

أتمنى اكون جاوبت سؤالك. وباذن الله نبارك لبعض بعد المباراه

إقتباس الرسالة الأصلية كتبت بواسطة ابومشاري الهلالي شوف يالغلا وخذها مني وحاسبني عليها...... مباراة السوبر بالنسبه للاعبين والإداره مطلب ملح وحقيقي وكلهم حريصين عليها والجمهور كذلك وأكثر خصوصا انها خارجيه وامام النصر. المدرب هو كلمة السر في المباراة فهو لاشك يتمنى الفوز بكل الطرق الممكنه الا انه يعمل لمابعدها ويعتبرها غير انتحاريه مثل نهائي الكأس لحرصه على سلامة اللاعبين وما أقصده ان اللاعب الغير جاهز تماما لن يشركه ولو كان متأكد انه بيجيب البطوله. جوابا على سؤالك هل ستؤثر الخسارة ان ارادها الله للهلال على باقي البطولات... اقول لك نعم ولا نعم ستؤثر اذا كبرها الجمهور واندفع خلف عناوين الاعلام وقام يعيب لاعبيه ويعتبر انهم مقصرين ولايوجد محور واللعيبه باردين والمدرب سباك ونواف ليس كفيصل بن تركي ومن هذا الكلام المستهلك.. فحتما ستكون مؤثره سلبا على مباراة الاخويا والدوري وحجم التأثير يتناسب طرديا مع حجم ردة فعل الجمهور. ولا.. اذا تحمل الجمهور تبعات الخساره بروح عاليه واستمر في دعمه للاداره واللاعبين والمدرب وبالذات الاجانب الجدد واستقبلوهم في المطار مثلا وهذا التصرف سيؤثر ايجابا ويجعل اللاعب اليوم الثاني في اول الحضور للتمرين ويتمنى ان يعوض الجمهور في اقرب مباراة أنا شخصيا سأقف مع الاداره واللاعبين مهما كانت نتيجة السوبر لأني لازلت أثق بهلالي و استمتع بفنون نجومه. أتمنى اكون جاوبت سؤالك. وباذن الله نبارك لبعض بعد المباراه

تأكيدا لكلامي اعلاه هذا تصريح مدرب الهلال في المؤتمر الصحفي الذي يسبق مباراة السوبر من سبق:

"وختم حديثه بالقول: "هذه المباراة كما ذكرت من الأهداف ولكن ليست من الأهداف المهمة جدا، وستكون على رتم عالٍ، وهذه ستكون خير إعداد لمباراة لخويا".

شف اذا على اللاعبين ماعليهم خوف .. المشكلة من جمهورنا
ترا كل المشاكل اللي صارت بعد خروج الهلال من اسيا بسبب الجمهور !
غالبية الجمهور بيقلب على المدرب او الاجانب مع انها اول مباراة
ياشيخ لدرجة ان فيه ناس حكموا على ادواردو بالفشل من المباريات الوديه اللي لعبناها! مادري متى جمهورنا يتطور

كاس السوبر نهائي من مباراة واحده .. حتى لو حققها الفريق انا ماشوفها ذيك القيمه كبطوله .. لانها ما تبين المستوى الحقيقي للفريق

انا متنازل عن كاس السوبر للفقراويه
عندنا الاهم مباراه الاخويا

اتمنى استمتع بمستوى الهلال .... اما التوفيق بيد الرحمن الرحيم
الله يسرها لنا او اكتب لنا فيها دفعه بلا

سؤال مهم
جمهور الهلال يعاني من التعب المبالغ فيها من الخسارة
اتفائل
أننا سنفوز
ولو حدث العكس لاقدر الله
فأتوقع أن الجمهور سيكون ردة فعله الأقل ضرر عن المرات السابقة
كون الإدارة جديدة
والفريق هزم المنافس قبل شهرين
وتفكير الجماهير آسيا