|
إقتباس:
كيف يرجع 2007 ؟ هذي بالاحلام مافيه لاعب يكبر بالسن ومايتغير مستواه ياسر ب 2007 كان عمره 26 الحين عمره 31 .. اوك ياسر قاعد يقدم مستويات جيده يكفي انه يمرر صح وذكي داخل الملعب والهلال يحتاجه هذا الموسم كأحتياطي على الاقل .. لكن لا تقولون متى يرجع ياسر 2007 لانه ماراح يرجع |
ههه 31 كبير يالله ان تخلف ابو 31 يادوب معرس والا ع وشك الزواج يعني بعزشبابه لانك صغير ورور ترى من يكبرك بسنوات كبيرر قبلل كم شهر صاك النصر وهو اقوى فريق يالدوري هدفين ....وفي تاريخ الهلال كله لاالصغار ولا الكبار سجلوا في النصرهدفين ...........ايش تبغى ازود من كذا حتى الاجانب يجدون صعوبه يكرروا تسجيل هدفين بالنصر في مباراه توي اعرف ان لهلال فيه جماهير للاسف مستواهم اقل من الهلال ع مستوى فرق حواري واندية درجه ثالثه ياليت يكرمونا بسكوتهم حتى يتعلموا ويكتسبوا خبرات مع السنين |
ياسر بيرد على نقاده في الملعب وسيلجم الافواه الناعقه ان شاء الله |
الشرهه ماهي عليك الشرهه على إدارة المنتدى للسماح مثل هاالمواضيع الساذجه الهابطه وعندي شك بأنك فقراوي حقير فقير علميا وهابط فكريا |
يا خيال وكل هذا الموضوع الطويل والتحليل لياسر طيب على الاقل كان صبرت لين يلعب وبعدين احكم ياحبكم للعجله اصبر الله يهديك اصبر |
ياسر الثنيان ابوثنين كلامك في الصميم صح لسانك يابعدي |
جعل عمره مالعب ، جعله دايم احتياطي ياخي هذا ياسسسسر تعرف مين ياسر ؟؟ يارجال هذا لو بعكاز ارعب الفريق المقابل يارجال هذا وجوده فالدكة يلخبط الخصم كيف لو كان بكامل عافيته !! ياسر لاعب خبره وجوده مهم اكثر من اي وقت ساااابق ياسر كافي روحه وحماسه وعطاءه فما بالك لو كان في يومه !! يرجال اتحداك اذا فيه مهاجم سعودي بربع مهارة وذكاء ياسر |
^^^^^^^^^^^^^^^ الله يحفظكم ويسعدكم اصحاب الردود السابقه هدف تسلل، ابن حافي، واوماسي، سعد الحسيني وينكم تفزعون على هاللي يشخبطون بهالمنتدى لاحسيب ولارقيب ...دائما خلوكم قريبين |
كلامك عين الصواب يا صاحب الموضوع ولكن اشوف واحد رد على موضوعك ب 100 رد لاجل ياسر ليه ياسر منزه عن البشر ؟ والا الظاهر انك انت ياسر القحطاني والله اني صاحب الموضوع صادق بكل كلمه قالها ولكن ناس ماتبغا تسمع الا رأي المطبل عموما زائد كلامك هناك سؤال/ هل الشلهوب يستحق ان يكون مكان حمد الحمد بالمعسكر الهلالي او ان السبب هو نفس سبب ياسر ؟ اتمنى يجاوب اللي مسمي نفسه ياسر والثنيان وابو اثنين و بكره يقول انه صالح النعيمه بالرغم اني اشك انك انت ياسر شــكرا ياصاحب الموضوع على الشجاعه |
^^^^^^^^^^^^^^^^^^^^^^^^ ع العموم من يرد له كذا معرف يرد ليشعر المشاهد ان الجماهير كلها ضد ياسر انا كم مره باحلف انني لم ادخل نادي الهلال الا مره في حياتي في عهد ابن مساعد ومعي احد ابنائي فلاوالله لاني ياسر ولااني قحطاني انا من قبيلة عنزه ولكن انتمي لمنطقة القصيم وابن من العوائل المعروفه ....ياسر يستحق ان يدافع عنه كل هلالي وكل رياضي لاعب لم ولن تجود الملاعب بلاعب بمواصفاته العالميه ..لاعب يمتلك من الموهبه والفكر والدهاء مالا يمتلكه اي لاعب في ملاعبنا انا عاصرت الهلال من جيل السبعينات جيل بشير الغول وابن نصيب وبداح القحطاني وسميربن سلطان وبداية النعيمه والمصيبيح زي هاللاعب ماشاء الله لم ترى عيني ربي يحميه من كل شر وكل حاسد ( اين المستوى السئ وهو قبل شهور صك لك الفقرهدفين ....كل سنه تقولون منتهي عام 2011 كان متصدر الهدافين ولم يكمل باخر ثلاث مباريات للاصابه ...2012 راح للعين وساعدهم للحصول ع البطوله رجع للهلال وكان يقود الهجوم افضل من الاجنبي ويسلي و2014 ركنه سامي بالدكه وجاب الشمراني ومعه صانع لعب عالمي نيفيز ( ياسر منذ رحيل التايب وهو محروم من صانع لعب ومع ذلك يسجل ويحسم مباريات مهمه ) 2014 صكنا الفقر مبارتين بالدوري وولي العهد بمباركة المدرب سامي وفي المباراه الثالثه اشرك ياسر وبدقائق عطاهم هدفين ( لاعب يفرق) ( ياسر يخافون منه النصراويه اكثر من اي لاعب مثل الهلال وارتبطت النتائج الكبيره للهلال مع النصر 5/3 و 4/3 بياسر وكان له النصيب الاكبر هدفين في كل مباراه ) وايضا لاننسى ان اقارب ذلك اللاعب القديم دائما يحاربون كل نجم في الهلال لدرجة انهم كانوا يسيئون حتى لاسطورة الزعيم الاوحد يوسف الثنيان ( فنحن مادمنا نرى من يسئ للثنيان لانستغرب الاساءه لياسر ) (فهناك من ينظرللهلال نظرة ضيقه بافضلية فلان ع فلان والاساءه لياسر حتى لايسجل انجازات له مع الهلال ....بينما نظرتنا هي من مصلحة الهلال تشجيع ياسر وزملاؤه فيه مصلحه هلاليه ) ( عندما يعتزل ورونا ماعندكم لكن الان نجم بحجمه لا والف لا لاندعكم تكسرون مجاديف وقائد الكتيبه ) ( صراحة منتدى لاتعرف من يكتب فيه (لكن فيه فئه نذرت نفسها لمحاربة الهلال واساطيره) |
لاحظوا حتى بعد ماينتهي هالموضوع نجد عضو ينزل موضوع يمدح ياسر ومقصده حتى يسئ له هو بعرفاته الاخرى ومن معه ( كنكم معروووفين وبالقائمه الشينه عندي) |
عملاق اسيا طموحه بطولات وليس صاك الفقر بهدفين هناك بعض العقليات ابتلي بها المنتدى ياصبر الارض .نعيد ونكرر الهلال اولآ من يخدم ويقدم المستوى سندعهم ونشجعه من اجل الزعيم ومن يحاول مصادرة ارآنا سنعطيه ع راسه لعله يتعض وانا راينا فيه حماقه وعاد فلن نجادله ليس لانه على صواب بل حتى لا يعتقد الناس ان كلانا حمقى. نقطه من اخر السطر ويارب وفق ياسر ورفاقه لتقديم المستوى المأمول وتحقيق طموح الزعماء البطولات . |
^^^^^^^^^^^^^^^^^^^^^^^^^^ ياخوي عنكم مراوغه عجيبه وغريبه (ايه صاك الفقرهدفين ) من يستطيع يسجل فيهم ع مدى تاريخ الهلال ( لاقلنا لكم هداف اسيا ...تقولون لانبيه هداف الدوري ...والان اقول لك صاكهم هدفين تقولا نبي بالاسيويه ) |
حال ياسروالشلهوب حالة واحدة والتجديد لهم هوموسم واحد أوموسمين هوبمثابة التكريم لعطاءاتهم السابقة وإلافنحن نعرف جميعا أن السن لها أحكام لاأعتقد أن ياسرسيقدم مايتطلع إليه بعض الجماهير ولكن ياسرلاعب حماسي ومخلص وموهبة وأرى الإستفادة منه شوط واحد أوالثلاثين دقيقة الأخيرة من عمرالمباراة ونفس الكلام ينطبق على الشلهوب فهم لايستطعيون لعب مباراة كاملة وقد سبق أن إ قترحت أن يجرب ياسردورصانع ألعاب (وسط متقدم) خصوصا أن هذا المركزيتطلب التحرك في نص الملعب (ملعب الخصم فقط) |
إقتباس:
ياسر لاعب كبير وهذا مايختلف عليه اثنين بس حنا نتكلم عن السنتين الماضيه ياسر لم يقدم اي شي يذكر للهلال اذا تشووف من انجازات ياسر انه سجل على النصر هدفين فهذي مصيبه |
| الوقت المعتمد في المنتدى بتوقيت جرينتش +3.
الوقت الان » 01:55 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd