|
غوانزهو الصيني يفوز على بايرن ميونخ وديًّا بالأمس فاز غوانزهو الصيني على بايرن ميونخ وديًّا وبركات الترجيح بعد تعادله سلبيًا وطول المباراة غوانزهو ضاغط هذا هو الفريق اللي ناوي على آسيا تعاقدات نارية وعرف من يختار الفريق المناسب ليستعد للموسم الجديد آسيا مهرها غالي وإدارة غوانزهو تضخ المليارات وتجلب أفضل اللاعبين ، آسيا كل مالها تصعب على الهلال أكثر ، لو فرضنا أن الهلال تعدى لخويا القطري أو الأهلي الإماراتي أو نفط طهران وش بيسوي في النهائي قدام غوانرهو الصيني؟ بصراحة بعد مباراتهم أمس مع بايرن ميونخ جاني إحباط غير طبيعي يصرفون المليارات ويجلبون أفضل اللاعبين ، وحنا محور مو قادرين نتعاقد معه ونكاسر على الفهيد وكنّو وأكيد في الردود راح يرد واحد من لا يثق في الهلال لا يستحق تشجيعه ، يا جماعة اتركوا العبارات العاطفية حنا نتكلم عن واقع والله أنا مقهور من داخلي الله يعين بس |
صراحة قوانزهو فريق صعب لكن اذا الزعيم عنده نية لاسيا لابد يتأهب لكل الصعوبات اللي بتواجهه |
الهلال لا يقل عن غوانزو و البايرن و يستطيع الانتصار عليهما عندما يكون الهلال في يومه. |
الله يعطيكم العافية وبالتوفيق للزعيم الملكي |
صحيح غوانزهو فريق قوي وصعب ويملك لاعبين على مستوى عالٍ لكن المباريات الودية تختلف كلياً عن الرسمية 2011 على ما اضن الهلال فاز ع المان سيتي هل يعني انه افضل منه الزعيم بإذن الله قادر على تجاوز كل الصعوبات |
المباريات الودية تختلف وغوانزو كل عام يتعاقد مع لاعبين ومدربين عالميين ويطلع من البطولة لأن عناصره المحلية ليست بتلك القوه فالفريق يتكون من إحدى عشر لاعبا يجب أن يكونوا بمستوى متقارب وهذا ما نطالب به في الهلال فالهلال يحتاج التعاقد مع ظهير أيمن محليا برناوي الفيصلي مثلا مع البريك ويعود الشهراني لليسار وتصعيد محاور المنتخب الأولمبي حسين القحطاني وعبدالعزيز الشريد وسلطان الفرحان مع كريري وعطيف والقرني والأفضل يلعب عندها سيكون لدينا فريقا مكتملا وهذا ما نتمناه وشكرا |
الهلال عناصره المحليه أفضل عناصر على المستوى المحلي بلا أي منازع ولكن الهلال مشكلته بالأجانب ما هو قادر يجيب لاعبين ثلاثه ما راح أقول أربعه يصنعون الفارق الأجانب بالهلال طريقة اختيارهم الارخص واللي يمشي الحال .... بالله هذي إدارات تمسك أكبر نادي بآسيا ونادي القرن فيها !!!! ولصاحب الموضوع تطمن الهلال أيام قريتس الكل متفق بأن الهلال سيسحق من يقابله في آسيا وبالأخير تطلع من فريق مغمور إيراني وعلى ملعبك !! نفس الكلام العام الماضي الكل متفق بأن الهلال سيسحق سيدني بأقل شي رباعيه بالنهائي وبالاخير ما قدرت تسجل هدف واحد بس وأنت طيلة المباراتين تلعب على باب واحد ومباراة الإياب كانت على أرضك وبين جمهورك !!!! صحيح بان الكره تعطي من يعطيها ولكن هناك حالات استثنائية ... |
باذن الله النهائي بين الهلال ونادي من اليابان والاقرب غامبا اوساكا |
نعم جوانزو فريق قوي لكن ليس لدرجة اننا نخاف منه الاتحاد قبل كم سنة فايز عليه ذهاب واياب ,, كل اللي على الهلال التركيز والانضباط والجدية لا نحتاج لاعبين كل شيء متوفر فقط التركييييز |
الموسم الماضي لمى تأهلنا لنهائي كنّا نأكد كجمهور إنا نركز ع كل مرحله ومانشتت الاعبين ماكنا نفكر بفرق الشرق وتذركون خرج قوانزو من فريق كوري ومادرينا عنه كل شي بوقته احسن والا بنجد أنفسنا خارج البطوله من فرق الغرب ان شاءالله تكون اسيا من نصيب عملاق اسيا الزعيم. |
طيب الهلال قبل موسمين لعب مع مانشستر ستي وفاز عليه يعني الهلال اقوى من مانشستر المبارايات الوديه تختلف عن المبارايات الرسميه وشووف سدني اضعف فريق بـ اسيا واخذ البطووله اذا فيه حكام على مستوى عالي صدقني محد بيوقف بوجه الهلال |
الهلال كبير اسيا وملكها من يريد القمم لاينظر للخوف ابداً |
اتفق معك في كل ماذهبت إليه بصراحة الهلال - رغم انه عمل وثابر وغير - الا ان هناك لازال عمل لم يتم مهر آسيا غالي وللأسف لم ندفعه كاملاً. خانة المحور مثلا وهي خانة مهمة جداً ومن خانات العمود الفقري لأي فريق لايوجد فيها حالياً الا سعود كريري فقط الله يسلمه !!!!! عندك نقص في المحور لاتضرب فقط على وتر كنو، اذا ضاق الوقت وفريق كنو متعنت ، كلن من المفروض تسد العجز بأي محور آخر مسموح ما أحب التشأوم لكن هذا الواقع والحاصل. عموما الامل في الله كبير ثم في لاعبي الهلال باستشعارهم اهمية المرحلة والحفاظ على سمعة فريق يأبا الا أن يكون الفارس لكل نزال ولكل ميدان. |
اذا كان كلامك منطقي موب عاطفي ... معناته انه قوانزو افضل من بايرن !!؟ مصيبه للالمان ذي مانختلف انه اعدادهم مجنون ... وفيه عندهم ضخ مالي رهيب ... بس مو كل ضخ مالي في محله الاهلي الاماراتي ضخ بلاووووي السنوات الماضيه ... ومااذكر متى اخر مره فاز علينا العين ضخ بالهبل جيان وستوتش و كيمبو و و .... وفي الاخير فزنا عليه مع سامي اللي يعتبر متدرب في نظر الباقين لكل نادي مقام مهما دفعوا فيه ... المقام يبقى له هيبه ترا قد فزنا ع السيتي وتعادلنا مع انتر ميلان وفزنا على شختار ... هل كان اعداد الهلال قوي وقتها ؟؟ لا طبعا حقنا امها في الموسم اللي بعده |
والله ماأقول إلا ربي يوفق الزعيم الملكي وجميع محبيه فوق كل ارض وتحت كل سماء بكل زمان ومكان اللهم امين يارب العالمين |
غوانزهو فريق قوي ولكن احتمال ان يخرج من اسيا لان الفرق الي معه قويه يجب التركيز على مباراتنا مع لخويا حنا ما ندري هل اصلا راح نفوز عليه??? |
من الافضل انه فاز عليه علشان يعطي دافع للاعبين وبصراحة صدقني واقولها لك بصراحه ماعمري خفت على الزعيم الا من الزعيم واسال الله العلي القدير التوفيق للزعيم |
إقتباس:
|
تقارن مبارة ودية برسمية !! ومثل ماقالو الاخوان في مباريات وديه هزمنا المان يونايتد وهزمنا المان ستي ولكن مثل هذه المباريات ليست مقياس حقيقي فهي مبرايات تجريبيه واستعداديه لااقل ولااكثر |
ياحبيبي المحور حقك كريري والله ما اظن حتى الدوري نجيبه اذا مانت مقتنع تابع اي مباراة للاعب هذا اللي مادري ليش كابتن في الموسم الماضي راح تلقى الهلال يلعب تقريبا ناقص طول الموسم وبدون اي صناعة لعب من المحور للامام الهلال عنده مصيبة في بناء اللعب من الخلف والدفاع من الامام اسمها كريري بدون اي تحامل على اللاعب يعني لو انه فنان ليش الومه |
اشوف ان بعض الاعضاء مشغولين بفرق الشرق وحنا باقي ماتخطينا فرق الغرب يا اخوان ترى امامنا مباراة صعبة وصعبة جدا مع لخويا القطري المدجج بمحترفين سوبر ستار واللي سبق ان اخرجنا من بطولة اسيا قبل عامين اتمنى التركيز يكون منصب على الخطوة القادمة وبالنسبة لجوانزو اللي شاغل بال البعض فريقهم امامه فرق قوية من اليابان وكوريا لاتقل قوة وشراسة وبالنسبة لمباراتهم مع البايرن اكيد البايرن ماحيلعب في مباراة تسويقية بنفس الرتم اللي يلعب فيه في اوربا تماما مثل مباراة فريقنا الاولمبي معهم فازوا 4/1 وهي نتيجة يهزموا فيها اعتى الفرق الاوربية مستحيل بيلعبوا برتم عالي في جولات تسويقية للفريق بعكس مايقدموه من اداء سواء في الدوري الالماني او ابطال اوربا |
مو شرط الاقوى دائما يفوز هذا شي شي ثاني ماشاءالله عليك ضامن ان الهلال والفريق الصيني بيلعبون ع النهائي بعدين لا تقارن نفسك بفريق يعتبر اغنى فريق في اسيا احنا اندية الخليج ما نقدر نقارعهم بالضخ المالي بعدين هذا حنا فايزين على مانشستر باشواط اصلية مو بركلات ترجيح ركلات الحظ وش حققنا ساعتها اخيرا اذا بنطلب شي بنطلب التوفيق من الله فقط وان شاءالله ربي يوفق فريقنا لتحقيق كل ما يطمح له الجمهور يعطيك العافية |
ما أدري إذا أنت مقتنع إن قوانزو فاز على بايرن بضربات الترجيح بسبب قوته وإلا لأ .. ! بايرن لعب كذا مباراة ودية بنفس الأسبوع .. و غير كذا تواجده بالصين دعائي و مالي .. لو كانت مباراة رسمية كان ما دون الخمسة شيء .. الهلال فاز على مانشستر بكامل نجومه .. روني و كريستيانو .. وفاز على فالنسيا بكامل نجومه مع إيمار .. وفاز على مانشستر سيتي .. ونادي الإتحاد يتعادل مع ريال مدريد بوجود كريستيانو .. والمنتخب السعودي يتعادل مع أرجنتين ميسي صفر صفر .. ! مباريات ودية لا تقدّم ولا تأخر .. وقوانزو ماعنده إلا الأجانب .. والإتحاد الآسيوي مايسمح بغير 3 أجانب و آسيوي واحد لكل فريق .. يعني لا تخاف .. اللاعبين المحليين بنادي الهلال أفضل من محليي قوانزو .. هذا كله في حالة تأهل الهلال للنهائي لمقابلة الفريق الصيني .. خلنا نمشي حبة حبة .. وكل مباراة نلعبها كأنها نهائي .. وإذا جاء وقت النهائي .. نقابل اللي نقابله .. الهلال تسيّد مباراة سيدني ذهاب وإياب .. ولولا رعونة المهاجمين و التحكيم السيء كان حققناها .. لكل قدر الله ماشاء فعل .. مع العلم سيدني فاز على قوانزو على ما أظن .. |
اتفق معك كثير في ظل الطفرة المالية .. لا ترفع سقف طموحك كثيراً |
كل واحد يشتري على قد ميزانيته الهلال جلب لاعبين على امكانياته لماذا احمل النادي ديون واحمله فوق طاقته ويفلس النادي ويصبح بدل من ان يجلب اللاعبين يسدد الديون حتى وان تغلب غوانزو على الباير الهلال تغلب على المان ستي المان يونايتد مباريات وديه صح هذا هو الي حبيت اوصله لك فقط لاتجعل المباريات الودية مقياس فيه لاتعني للانديه الاروبيه اي شي وضربتلك كذا مثال وشكرا |
ترا جوانزو مثل اي فريق اسيوي 7 محليين +4 اجانب واحد منهم اسيوي لخويا اللي بتقابله هو الوحيد اللي 2 محليين +4 اجانب وواحد منهم اسيوي +5 مجنسين |
بالنسبه لاسيا انا مستبعدها كثير لكن الخوف كل الخوف ان تأثر على الفريق في مسابقة الدوري اسيا مهرها لاعبين افذاذ ماهو نظام رخيص وكويس خلوكم واقعين اقولكم الصدق الخروج من دور الاثمانية او الاربعة اهون بكثير من النهائي |
تراها بالركلات الترجيح فازو يعنى بصعوبه |
سيدني أضعف من الهلال بواجد ومع ذلك فاز بالبطوله وبغض النظر عن الكوارث اللي صارت اذا لاعبين الزعيم حاطين آسيا بروسهم بإذن الله يجيبونها |
متى ماكان الهلال في يومه ياكل اي فررريق قدامه بس اهم شي يركزون ع العرضيات |
واذا فاز غوانزهو الصيني على بايرن ميونخ !!!!! وش المشكلة كلها مبارات ودية وكل مبارات لها وضعة من ناحية الاهمية والمنافسة بعض المباريات الودية ليست مقياس والهلال فاز على مانشستر ستي. |
قوانزو الموسم الماضي كان المرشح الأقوى مع الهلال في حصد البطولة والكل كان متخوف من مقابلته نظرا لقوته لكن الغريب انه خرج من فريق ضعيف مثل سيدني ووندررز وسيدني وصل المباراة النهائية بمستوى باهت جدا وأيضا حصل البطولة بفضيحة تحكيمية <<<الله يعوضنا بالجايات لذلك مهما كانت قوة المباريات الودية او استعدادات الأندية يبقى العامل النفسي هو الأهم في مثل هذه المباريات..شفنا لاعبينا كيف في المباريات الحاسمة محليا وخارجيا يهبط مستواهم بشكل عجيب خصوصا نواف العابد وناصر والفرج وسالم الله يوفق الزعيم :ba: |
اللى اعرفه ومتاكد منه ، ان فرق اسيا هي من تخشى الهلال حتى وهي بافضل حالاتها بدليل لعبهم المرتدات امام الزعيم والمباريات الوديه ليست قياس ، امامنا دور نصف نهائي وبعدها لكل حادث حديث |
ادعوا ربكم بس اننا نتأهل للنهائي ونقابل فريق ياباني ولا ان تأهلنا وقابلنا جوانزو اللي متوقع انه يوصل النهائي انسوا البطوله اذا الفريق اللي اسهل منه سيدني ماقدرنا ناخذها منه بناخذها من جوانزو ؟ |
الله يعطيكم العافيه وبالتوفيق للهلال |
صباح الورد ،، معلش ي أخوان بس اللي فهمته ولاحظته من بعض ردود إن فيه مقارنة بين نادي خاضع تحت نظام الخصخصة وهو جوانزهو الصيني وبين نادي لا مركزي خاضع تحت سيطرة الحكومة ؟ اذا أردت أن تطاع ف اطلب المستطاع ، من يقارن ويطالب ب نجوم سوبر انتظر حتى يطبق الاتحاد السعودي الهش نظام الخصخصة على الأندية السعودية ومن ثم قم بتحديد أوجه التقصير والنقص ووجه أصابع الاتهام ،، بالوضع الحالي ؟ زعيم آسيا وضعه يعتبر جيد حيث أنه تمرس وأعتاد بعناصره الحالية على دوري الأبطال ، عن نفسي أرى بأنه بدءاً من هذا الموسم وحتى ذلك الموسم الذي س تطبق فيه الخصخصة ان لم يحالف الزعيم الحظ في تحقيق البطولة فهو ( معذور ) وهذا رأيي الشخصي .. تحياتي للجميع [emoji4] |
ترآ المباريات الودية بالنسبة للإندية الأوربية هو إعداد ومداورة اما ربعنا اهل آسيا متحمسين حبتين وزيادة على اللزوم ! والبايرن مستحيل انه لعب بكامل قوآه واشك ايضاً ان لعب بالأساسين تلقاه يجرب لاعبين ليس الا ! الهلال قد فاز على فالنسيا بطل اوربا والدوري الاسباني في اعتزال الثنيان هل معناها ان الهلال افضل ؟ الانديه الأوربيه لاتقارن لامادياً ولا عناصرياً في اندية آسيا ، بالنسبه لهم تسويق ومداورة بين اللاعبين فقط على عكسنا تماماً ، وهذا بكل تأكيد مايعني ان قوانزو فريق ضعيف لكن اقولك لاتغرك المباريات الوديه لإنها ليست مقياس وبالنسبه للهلال وتعاقداته انت تدري ان الهلال لو بغى لاعب وصلوو سعره اضعاف اضعاف !!! يعني لاعب سعره الطبيعي مثلاً مليون يدبلون السعر الى 10 او 20 مليون !!! انا اقترح إنشاء اكاديمية حديثة على أسس وانظمة متطورة او مدرسة مواهب للهلال نصير نعتمد عليها بدال طمع هالاندية الله لايوفقهم ، والهلال لاخوف عليه اعتقد اكثر اللاعبين الصغار يعشقون الهلال والهلال عزه ومستواه ماكان الا من ابناءه والقصد بالابناء يعني من فئة الناشئين النعيمة والثنينان وسامي فأتمنى من كل قلبي يهتمون كل الاهتمام بهاذي الفئات لانك في دولة الكل يكره الهلال عدى محبيه |
الوديات ليست مقياس عادة وشخصيا أخاف من الفريق التكتيكي أكثر من الهجومي ودعونا نفكر حبه حبه بخطوات الزعيم |
السلام عليكم .. انا اشوف ان المباريات الرسميه تختلف عن المباريات الودية و لنا في زعيمنا مثال عام 2011 بتوفيق و استمر يا الغالي |
تحكم على فريق في مباراة ودية ؟ وخلاص حكمت انه وصل للنهائي وتقول اتركوا عنكم العاطفة يا راااااااقل |
الهيبه تفرررق لاصيني ولاياباني الهلال عنده لاعبين مستواهم مقارب للاعبين الاجانب اءذا مو افضل وهذا المهم |
إقتباس:
الفريق الي يبغى اسيا يكف فلوس على لعيبة على اعلى مستوى حقيقه بن مساعد اول ما استلم الرئاسه كب فلوس بالهبل وجاب لعيبة اصبحو رموز للفريق ووقتها الفريق كانت عليه ديون وشكاوى من شركة stc تجاوزناها ولكن الله ما اراد اننا نحقق البطوله ولكن لازم نسعى وناخذ بالاسباب كلها بس شكل الجماعه الجداد مو ناويين على شي |
" " بالعربي , أسيا يبيلها رجال .. آنتهى " " |
يجب ان نفرق بين الوديه و الرسمية ... و انا لا أقلل من الفريق الصيني .. بل هو فريق قوي و الهلال ايضا ليس ضعيف .. بل هو فريق قوي و الله يوفق الزعيم في البطولات القادمه |
اذا كان الهلال بيومه وكان الحكم حكم بفعل وعدل ! بلغ سلامي للقاره كلها وقل استريحي لافريق صيني ولاكوري يطول الهلال . |
ااااش التحطيم هذا شدعوه تراها وديه |
يامدور الهين ترا الكايد احلى ï؟½ï؟½ï؟½ï؟½ï؟½ï؟½ï؟½ï؟½ ان تقابل الزعيم الملكي مع غوانزهو الصيني وهزمه سووف تكون لها طعم . غير لمن تقابل فريق مغمور مثل سدني مقفل ب11 لاعب كلهم دفاع . بس فريق كبير مثل غوانزهو لين يلعب دفاع سوف يهاجم . ويفتح اللعب والفرص متاحة للهلال بحول الله . الله يكتبها لزعيم ان شاء الله |
ذا الزعيم عنده نية لاسيا لابد يتأهب لكل الصعوبات اللي بتواجهه |
| الوقت المعتمد في المنتدى بتوقيت جرينتش +3.
الوقت الان » 12:55 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd